Mananda Huaso Ni Debata

Jamita tu Minggu XXI Dung Trinitatis, Minggu 25 Oktober 2015. Huaso Ni Tuhan Jesus Paluahon Na Porsea (Markus 10: 46 – 52). Pamuhai. Hatiha dohot saleleng di tano on dope Tuhan Jesus, ringgas do Ibana mandalani angka huta dohot luat laho mambaritahon Barita Nauli, patupahon tanda halongangan dohot pamalumhon angka na marsahit. Tarbarita do Tuhan Jesus marhite angka pangulaon dohot pambahenanNa i tu angka huta dhot luat na di humaliangna. Hombar tu angka ulaon na pinatupa ni Tuhan Jesus i, sar do baritana jala torop halak naeng pajumpang dohot Tuhan Jesus di bagasan angka ragam ni kepentingan. Dung sar jala tarbarita pangulaon ni Tuhan Jesus na mansai luar biasa i, gabe torop ma halak na mangihiuthon Ibana. Asing ni angka siseanNa, adong ma sian na torop i ro mandapothon jala mangihiuthon Tuhan Jesus, siala: 1.  Naeng mangida tanda halongangan na naeng sipatupaon ni Tuhan Jesus (penonton), 2. Nunga butongan mangan. Idaida na butongan, jorajora na male, 3. Sogo rohana mangi

Jamita Epistel: Minggu, 25 Oktober 2015. Jeremia 3: 11 - 18 Patujolo. Tinallik bulung sihupi, pinarsaung bulung sihala. Unang sumolsol di pudi, ndada sipaingot na so ada. Ima umpasa ni angka natuatua na pinatupa ni ompunta sijolojolo tubu. Tanggung jawab ni natuatua do laho mangajari, paingothon, mamodai dohot maminsang angka ianakkonna. Tujuanna, asa anggiat anak na hasea saluhut angka ianakkonna i. Sasintongna, sahalak natuatua (orangtua) ndada bertanggung jawab holan tu angka ianakkonna sandiri (tubuna), alai dohot do nang tu angka ianakkon ni halak manang ianakkon ni angka donganna na adong di humaliangna. Lapatanna, sundut na tumua ingkon bertanggung jawab laho mamodai dohot patureturehon angka sundut na umposo asa lam tu majuna. Turpuk jamita on, hata sipaingot manang sosososo tu bangso Israel laho paubahon roha asa tung anggiat marpangulahi roha ni Debata mida pangalahonasida. Hatorangan. Mardongan roha muruk dipaingot Debata Jahowa do bangsoNa marhite panurirang

3. Seat ma... buat mudarna da... Nunga tung mansai leleng diparsinta si Ultop naeng mangallang jagal manuk na piniarona (peliharannya). Alai ndang barani si Ultop mandok tu omakna. Di borngin ni ari topet andorang so modom dope, dibaranihon si Ultop ma manghatahon sangkap ni rohana i tu omakna. Dibagasan roha na taroktohon dibaranihon si Ultop on ma mandok tu omakna: “Oma... nunga mansai sihol rohangku mangallang jagal manuk, taseat ma sada manukta i ate omak”. Di dok omakna i ma mangalusi: “Hubege naeng ro do tulangmu tu son, pas tingki ro ma tulangmu taseat manuk i da Ultop”. “Tulang na bandal i do omak, na leleng tamat sian kuliahna i ?”, ninna si Ultop.“I do.., ho sai sude do dohononmu. Mungkin naeng tammat nama ra tulangmi sian sikolana umbahen mandok ro tu son”, ninna omakna i tu si Ultop mangalusi. Hira tolu ari dung manghatai si Ultop dohot omakna, ro ma tulang ni si Ultop i. Dituktuhi tulangna i ma jabu. “Ito... ito... di jabu do hamu?”, ninna tulangna i. Di buka si Ul