HKBP BONGBONGAN:
PARTORDING NI PARMINGGUON
DI MINGGU IX DUNG
TRINITATIS
(Pelantikan Fungsionaris HKBP Nagur Usang –
Ressort Bongbongan)
Ev: Kolosse
3: 22 - 25 Ep: Poda 6: 6 – 11
TOPIK:
HURIA KRISTEN BATAK PROTESTAN
Minggu, 09 Agustus 2020.
01. PAMUHAI : (U = Uluan, R = Ruas, S = Sude).
U : Huria ni Tuhanta, na marpungu do hita nuaeng di Minggu IX dung Trinitatis. Manongtong
ma hita mamuji Tuhanta Debata Ama na manompa langit dohot tano on, dohot Jesus pe AnakNa na manobus hita
sian haholomon tu hatiuron, nang dohot Tondi Parbadia na sai manogunogu hita di
pardalanan ni ngolunta di portibi on. Marhobas ma hita di Tuhanta.
R : Pinuji ma Debata Sitolusada, na manongtong marmudumudu hita di parngoluonta.
U : Topik
ni minggunta sadari on
manogihon hita asa MARHOBAS DI TUHAN
I. Unang ma pangoloi di mata songon na mambuat roha ni jolma, marbulus ni roha
ma, sian biar ni roha mida Tuhan i. Antong
tapasada ma rohanta mamuji Tuhanta
marhite parmingguonta sadari on. Marende ma hita:
02. Marende BE No. 569: 1, 2 “O DEBATA TUNG LONGANG….”
v O Debata tung longang do
rohangku, molo hubereng na tinompaMi,
Saluhut bintang, hilap dohot
ronggur,manghatindanghon hasangaponMi,
Marende au Tuhan mamuji Ho,
O Debata, sangap do Ho.
Marende au Tuhan mamuji Ho,
O Debata, sangap do Ho. (Ay. 2 Jongjong)
v
Di ladang di adaran dohot tombak, marende pidong tung
mansai sonang
Punsu ni
dolok, sunge dohot rura, mamaritahon sangapMi Tuhan.
Marende au ………
03. VOTUM
– introitus – tangiang:
U : Marhitehite
Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit
dohot tano on. Amen. Mangasahon
Debata sai hamonangan do ulahononta. Ngot ma ho, ale parhinaloan! Tarsunggul ma
ahu di buha siang ari. Pujionku ma Ho di tongatonga ni angka bangso, ale Tuhan,
endehononku ma Ho di tongatonga ni angka marga. Haleluya.
R : (Mangendehon):
Haleluya, Haleluya, Haleluya!
U : Martangiang ma hita : Ale Tuhan
Debata, Amanami, Pardengganbasa na sumurung! Na marpungu do hami dison, mangido
tu Ho sian nasa rohanami: Sai tambai ma haporseaonnami jala pargogoi hami, asa
tarulahon hami parange na denggan, songon na pinangido ni rohaM sian hami. Sai
ramoti hami ro di hasusuda ni bohalnami, ala ni AnakMu, Tuhan Jesus Kristus
Tuhannami. Amen. (Hundul)
04. Marende BE No. 113: 1, 2 ALE TUHAN AMANAMI
v Debata
Sitolusada Ama, Anak, Tondi i
Nunga montok nasa bada na paholang tondingki
Sian hangoluan i na rade di Surgo i
Ai naung sesa do dosangku sian asi ni rohaMu
v Sai ingani ma rohangku sai parbadiai ma au,
Asa tong tutu hatangku unang be
margabus au
Sasude na roa pe tanggal sian au
muse;
Ho dipuji o Tuhanku Hata dohot pambaenanku.
05. Patik: IV doho lapatanna
U : Tangihon hamu ma Patik ni Debata di hita di Minggu IX
dung TRINITATIS sadari on, i ma IV dohot lapatanna. Patik Paopathon: Ingot
hamu ma pabadiahon ari minggu i! Di na onom ari ma ula hamu nasa siulaonmu,
alai anggo ari papituhon i, ari paradianan ni Jahowa Debatam do i. Ndang jadi
ho mangula anggo di sadari i, manang anakmu pe manang borum, manang naposom
lahilahi, manang naposom boruboru, ro di pinahanmu ro di pangisi ni huta ni
halak pe na mangebati hutam. Ai di na onom ari do ditompa Debata langit dohot
tano dohot laut dohot nasa isina; dung i maradian do Ibana di ari papituhon i.
Dibahen i do umbahen na dipasupasu Debata Jahowa ari paradianan i jala
diparbadiai.
R: Lapatanna: Ingkon dihabiari
rohanta Debata jala ingkon holong rohanta di Ibana, asa unang tois rohanta di
ajar na sian Hata ni Debata, ingkon badia do Hata ni Debata di rohanta jala
ingkon ringgas rohanta tumangihon dohot mangguruhon.
U : I do sahatna. Antong rap mangido gogo
ma hita sian Tuhan Debata.
S: Ale Tuhan Debata, sai pargogoi ma hami
mangulahon na hombar tu PatikMi. Amen.
06. Marende BE No. 683 : 1 – 2 DI ADOPANMU JESUS
v Di adopanMu Jesus lea tutu do diringkon,
Dibaen godang ni
dosangkon di adopanMu Jesus. (Jongjong)
v Di adopanMu Jesus marsomba au huhut tungki,
Lao manopoti dosangki diadopanMu Jesus.
07. MANOPOTI
DOSA:
U : Ale
Amanami jala Debatanami, na di Banua Ginjang, Pargogo na so hatudosan!
Pardengganbasa do Ho, jala ro di salelenglelengna do asi ni rohaM. Sai
marpamuati ma rohaM di hajahatonnami, jala sai unang be ingot angka dosanami;
ai jotjot do hami mardosa maradophon Ho, jala jotjot do husungguli hami rimasMu
marhite sian pangalaosionnami, di hataM, sai unang paingotingot
pangalaosionnami, unang alang asi ni rohaM, sai urupi ma hami, Ho ale Tuhan
Debata hatuaonnami, palua hami, jala sesa dosanami, ala ni AnakMu, Tuhan Jesus
Kristus, Tuhannami. Amen.
R : (Mangendehon): 182 : 4
TU JOLOM O DEBATANGKU
v
Ala ni i tungki rohangku jongjong di adopanMi
Sai asi rohaM Tuhanhu, sesa nasa dosangki
U : Bagabaga ni Debata taringot tu hasesaan ni dosanta: Songon sintongna mangolu Ahu, ninna
Tuhan Jahowa, tung na so lomo do rohangKu mida hamatean ni parjahat, na lomo do
rohangKu mida hamumulak ni parjahat i, tumadingkon dalanna, asa mangolu ibana.
Hasangapon ma di Debata na di ginjang.
R : Amen. (Hundul)
08. Marende BE No. 127: 1 + 4
LAM GOGO
v
Lam gogo, lam gogo, lam gogo mardalan ho
Sion tu banua ginjang nang
satongkin unang so
Palitom baen marsinondang, di na tiur
i mardalan ho
Lam gogo, lam gogo
v
Uji ma, uji ma, Sion uji tondi i, angka na pajujujuju
Ho mambahen dosa i sai ihuthon ma Tuhanmu
Nang na tigor, nang na geduk i. Uji i, uji i.
09. E p i s t e l :
U : Hata ni Debata turpuk Epistel di Minggu IX dung Trinitatis sadarion, tarsurat di Poda 6 : 6 – 11 “Laho ma
ho, ale sigurbak ulu marsiajar tu porhis, parateatehon ma angka dalanna, asa
marbisuk ho!
R : Nang so adong di
ibana induk manang partogi manang pangarajai.
U : Sai dipadiri do bohalna di partaonan logo ni ari,
dipapungupungu do sipanganonna di hamamasa ni gotilon.
R : Sadia leleng on
modommodom ho, ale sigurbak ulu? Sadihari pe ho hehe sian podomanmon?
U : Otiknari modom, otiknari mondokondok, otiknari
mangunsimpu tangan, laos peak modom, nimmu.
R : Jadi ro ma
hapogosonmu songon halak panamun, jala haraparonmu songon halak parlombulombu
U : I
do sahatna. Martua do angka na tumangihon Hata ni Debata jala
na umpeopsa.
S: Amen.
10. Marende BE No. 701 : 1 + 3 TU HO DO AU MARPADAN
v Tu Ho do au marpadan o Jesus
Tuhanhi,
Asa burju haposan au di
adopanMi
Sai Ho ma mandongani, au di
ulaonhi
Ajari pargogo i ma au di
dalanhi (Jongjong)
v
PadanMu ale Jesus tu angka
ruasMi
Luhut do toguonMu tu
hasangaponMi
Padanhu pe, o Jesus satia au
tu Ho
Sai pargogoi ma au lao mangihuthon Ho
11. MANGHATINDANGHON HAPORSEAON:
U : Tahatindangkon ma haporseaonta i, songon na hinatindangkon ni
donganta sahaporseaon di sandok portibi on. Rap ma hita mandok:
R : Ahu Porsea….. (Hundul)
12. TINGTING + TANGIANG PANGONDIANON
13. Marende BE No. 471 : 1, 2
HUPILLIT JESUS DONGANHI (Pelean Ia, Ib)
v
Hupilit Jesus donganki lao mangoloi Ibana.
Nang muruk pe torop disi labangku do Ibana.
Di Ho ngolungku ro diajalhu Jesus di Ho au, mate, mangolu.
Di Ho ngolungku ro diajalhu Jesus di Ho au, mate, mangolu.
v
Arga ditobus tondingki, na mate do Ibana,
Ngolungku hubaen upa nii, lao mangoloi hataNa
Di Ho ngolungku ro diajalhu Jesus di Ho au, mate, mangolu.
Di Ho ngolungku ro
diajalhu Jesus di Ho au, mate, mangolu.
14. JAMITA: Kolose 3: 22 – 25
15. Marende BE No. 720 : 1, 2 NAENG MARSINONDANG (Pelean II)
v Naeng marsinondang ngolungku di igil Jesus i,
Manang didia pe ahu tongtong
huingot i.
Tiur marsinondang ido ni igil
ni Jesus
Tongtong marsinondang
panondang do au tutu.
v Ingkon hobas mangurupi, angka na gale i,
Jala burju manghobasi songon
Tuhanta i.
Tiur marsinondang ido ni igil
ni Jesus
Tongtong marsinondang panondang do au tutu.
16. Acara Pelantikan Fungsionaris HKBP Nagur
Usang Ressort Bongbongan Periode 2020 s/d 2024.
1.
Marende No. 121: 1 Jesus Raja Ni Huria BL.
97
v
Jesus, Raja ni huria. na porsea, na badia pasupasu ma au on
Sai sungguli ma
rohangku, mangihuthon Ho, Rajangku
Pargogoi ma au tongtong,
pargogoi ma au tongtong.
2. Manjaha SK Fungsionaris Periode 2020 - 2024
(Jongjong ma di jolo angka
fungsionaris).
3. Pelantikan.
17. Acara Paborhathon mandalani masa pensiun St.
Tianus Marbun.
1. Marende No. 121: 1 Jesus Raja Ni Huria BL.
97
v
Jesus, Raja ni huria. na porsea, na badia pasupasu ma au on
Sai sungguli ma
rohangku, mangihuthon Ho, Rajangku
Pargogoi ma au tongtong,
pargogoi ma au tongtong.
(Ro ma tu jolo na naeng pension)
2. Manjaha SK Pensiun
3. Paborhathon.
4. Mandok Hata:
1. Sian Na
Pensiun
2. Ruas dohot
3. Parhalado
4. Parhalado Ressort
5. Pasahat Cendramata
18. Marende No. 672: 1 Tung
Godang Situtu
v Tung godang situtu ulaonmu
antong, dipasahat
Tuhanta tu ho
Ndang adong be tingkim marnalemba tahe, ngolumi bahen
tiruan tongtong
Sai patupa ma i ala ni Tuhan
i, so mangkirim balosna tu ho.
Debata do marnida na niulami, manang na adong parbue ni i.
19.
PANGUJUNGI: (Jongjong)
U : Tapuji ma Tuhanta i naung mangalehon
HataNa di hita di Minggu sadari on, asa tung tangkas hita marhobas di Tuhan i,
marpangoloion na bulus jala sian biar ni
roha mida Tuhan i. Sian Tuhan i do
jaloonta siteanon na gabe upa ni pangoloionta di Kristus i.
R : Mauliate ma di Ho Ale Tuhannami. Paborhat ma hami manghobasi ulaonMu di
tongatonga ni ngolunami si ganup ari.
U : Ulahon
hamu ma parsuruon ni Tuhan. Tahobasi ma nasa angka ulaon na pinasahat ni Tuhan
i tu hita songon na marhobas di Tuhan i. Marhobas ma sian
nasa roha, patupahon nasa ulaon na denggan na hombar tu lomo
ni roha ni Tuhan i, ndada tu jolma. Didok hata ni Tuhanta: “Sian rohamuna ma ula hamu nasa sibahenonmuna; songon na tu Tuhan i, ndada
tu jolma! Ingot hamu ma: Sian
Tuhan i do jaloonmuna siteanon i, balos ni i Tuhan Kristus i ma oloi hamu!.
Antong Borhat ma hamu tu tongatonga ni portibion, marhobas
di Tuhan i.
R : (Mangendehon) BE
No. 238: 7 IHUTHON AU SUDE HAMU
v Antong
girgir ma hita be lao mangihuthon Jesus
Dagingta nang tondinta pe talehon ma tu Jesus
Ai
na manjua Tuhan i, ndang dapot hasonangan i.
20. Tangiang
Pelean + Tangiang Ale Amanami + Pasupasu
Selamat Hari
Minggu
Tuhan Memberkati.
Pdt. A. Tambun, S.Th-HKBP Rest.
Bongbongan.
Komentar
Posting Komentar