Mananda Huaso Ni Debata

12. Tangiang Mangido Sipatu Sahalak dakdanak na metmet, di sada tingki manisio di emper ni sada Toko Sipatu ala haroro ni rimbus (gerimis). Ngali do di hilala dakdanak i ala sanga hona rimbus ibana saotik (satongkin). Alai molo ditorushon ibana mulak tu jabuna olo ma lam tu ngalina dihilala ibana jala lam matonu. Ai mangholom do ari, hira na naeng ro udan na doras. Huhut paimahon maradian rimbus i, sai dipanotnoti dakdanak i ma tu arah toko sipatu i. Dibereng ibana ma angka sipatu dohot kaus kaki mansai uli, na dipajang di toko i. Ndada holan ibana na songoni, na manghalomohon angka sipatu na di toko i, alai saluhut angka na ro mangida sipatu tu toko i, sir do rohana mamereng. Sian kalangan ni keluarga na hurang mampu do dakdanak on. Jala diboto ibana do na so tolap ni natuatuana laho manuhor sipatu i, ai tarbarita do toko i, toko sigodang arga, ala memang angka sipatu na bagak jala na jago do dijual di toko i. Kwalitasna na pe mansai denggan, boi dohonon tahan sampe sega (sud...

11. Ummarga do Dongantubu, Sian Amang Pandita. Hirahira tolu (3) bulan andorang so marhasohotan si Dodit Anjasmara Mulianto, nunga disangkapi keluarga angka naeng sipatupaon dohot angka ise si gokkonon tu pesta i jala di dia patupaon ulaon i. Tubu jala magodang di huta do nian si Dodit Anjasmara Mulianto, alai tingki marsikola apalagi dung karejo tinggal di kota madya ma ibana rap bapatuana. Keadaan ekonomi ni natoras ni si Dodit Anjasmara Mulianto, sae sae allangon do alias paspasan. Bapatuana i do pasikolahon ibana sahat tu na tamat sian perguruan tinggi. Laho sumangkapi pamasumasuonna ndada holan nasida na saripe. Dohot do bapatuana i, lumobi ma omaktuana i, i do na lumoja mamingkiri hatutulus ni ulaon i. Laos bapatuana i do mananggung saluhut biaya pesta i. Gariada transport ni angka sisolhot na sian huta dohot parhalado ditanggung bapatuana i do. Angka keluarga sian huta na mandohoti ulaon i, omaktua ni si Dodit Anjasmara Mulianto on do mangatur. Ala ni i, gabe tubu do...

10. Nunga Dipabalik be... Oma... Somalna angka ina na tinggal di Topi Tao mansai malo do mambahen ikan jahir na tinombur, na mansai tabo panganon. Adong ma sada ina na mabalu, anakna holan sada do tadingtadingan ni amanta naung jumolo marujung ngolu i. Laho pamurahon hita panjaha, binahen ma goar ni dakdanak i, si Dasif. Ba... inanta i Nai Dasif (Selanjutnya: N. Dasif). Si Dasif on nunga marumur 9 taon jala nunga marsikola di kalas opat SD. Nang pe kalas opat SD dope alai nunga diboto ibana mambuat dengke, mardoton tu tao. Di sada tingki sahat ma barita manang tona na naeng ro tulang ni si Dasif manopot halak si Dasif on. Tulang ni si Dasif naeng ro, i ma isi ni tona on. “Di tingki na jonok pasti ro nama ibotoki. Jala nunga masihol iba muse tu ibana ai nunga leleng na so hea be pajumpang hami. Ala ni i, husuru ma anakku si Dasif lao mangalului dengke. Molo pas do nasib ni ibotoki pasti do adong annon dapot ni anakku si Dasif on”, ima disangkapi inanta i. Hormat do inanta N...

9. Unang Didadang Ari, Ditinggang Udan Na so pamotoan ni sahalak ina, hea do dipodai amantana ianakkonasida. Holan dua do anaknasida, baoa duansa jala nunga karejo duansa. Siangkangan karejo di usaha sandiri (Koperasi) jala sianggian karejo di pasar (pajak) marjualan. Di hamu anakku na dua, holan dua do hamu songon pat ni manuk. Ala ni i, unang ma adong tubu di hamu parbolatbolatan na manghorhon hancit ni roha, marsianjuanjuan ma hamu jala marsiurupan sahat tu na marruma tangga haduan ro di tu angka pinomparmuna. Molo ahu nunga dipasupasu Tuhan i, marhite ulaonku dohot ngoluku siganup ari suang songoni nang marhite keluarga ala nunga dipalumehon Tuhan Debata anak tu ahu, ima hamu na dua. Asa gabe jolma na hasea hamu boi denggan ngolumuna dohot parngoluanmuna, ingkon tangihononmuna jala radotanmuna do podangkon. Ala ni i, on ma na mansai ringkot sidohonku tu hamu anakku: Na parjolo: “Unang hamu martunggu tu manang ise pe”. Paduahon: “Unang hamu olo didadang ari jala diti...

8. Seat Ma... Buat Mudarna Da... Nunga tung mansai leleng diparsinta si Ultop naeng mangallang jagal manuk, sian ma nuk na piniarona i (peliharannya). Alai ndang barani si Ultop mandok tu omakna. Di borngin ni ari topet andorang so modom dope, dibaranihon si Ultop ma manghatahon sangkap ni rohana i tu omakna. Di bagasan roha na taroktohon dibaranihon si Ultop ma mandok tu omakna: “Oma... nunga mansai sihol rohangku mangallang jagal manuk, taseat ma sada manukta i ate omak”. Di dok omakna i ma mangalusi: “Hubege naeng ro do tulangmu tu son, pas tingki ro ma tulangmu taseat manuk i da Ultop”. “I do oma. Mauliate da oma ala dioloi ho pangidoanki”, ninna si Ultop magalusi omakna i di bagasan las ni roha. Dungi diuduti si Ultop ma muse manghatai: “Naeng ro tulang omak.. Tulang na bandal i do omak, na leleng tamat sian kuliahna i?”. “I do.., ai ho... sai sude do dohononmu. Mungkin naeng tammat nama ra tulangmi sian sikolana umbahen mandok ro tu son”, ninna omakna i mangalusi...

7. Mulak Tu Bona Pasogit. Di sada tingki, adong ma sahalak na mora mamboan ianakkonna na marumur 10 taon laho mardalani tu sada huta jala tinggal di huta i saleleng 5 (lima) ari. Anak na binoan ni amanta i anak siangkanganna jala margoar si Molen. Di habatakon gabe Ama Ni Molen ma manta i. Huta i, ima huta hatubuan ni Am. Molen manang bonapasogitnasida. Di huta i do Am. Molen sorang jala magodang jala boi dohonon di huta hatubuanna i do Am. Molen gumodang marmeam sian na metmet jala marsiajar taringot tu parngoluan on sahat tu na marujung ngolu natorasna duansa. Dung marujung ngolu natorasna, uju bajar dope ibana diihuthon ibana ma ibotona tu kota na balga inganan pangarantoan ni ibotona i. Di kota i, di mulai ibana ma marsiajar karejo di bidang bisnis. Lam leleng, lam tarida ma parbue ni parsitutuonna i. Jala sian i do ibana mamora, gabe sahalak pengusaha. Tingki mangoli pe ibana biaya sandiri do sian hasil ni na niomona. Huta hatubuan ni Am. Molen i, mansai tandi parasing...

6. Ala Ruma Makan Islam, Ndang Martangiang. Adong sada ruma makan di samping ni bengkel mobil di sada kota madya. Parjongjong ni ruma makan on ala adong di si bengkel jala sai rame do halak ganup ari marbengkel mobilna ro tu si. Boi dohonon angka na mangan na ro tu ruma makan i angka parkarejo ni bengkel i do dohot angka halak na ro marbengkel tu si. Metmet do ruma makan i, ai mejana pe holan dua do. Di sada tingki, topet jam mangan sekitar 12.30 masuk ma sahalak ama tu ruma makan i jala hundul ma amanta i tu bangku parujung (Amanta on sahalak parhalado). Disiamunna adong dibereng sagalas kopi itam. Mintor tubu tu pikiran ni amanta parhalado i, berarti ndang mulak dope nampunasa kopi on ai so adong dope nanggo satonga diinum nampunasa i, kopi i. Ra na lao do ibana mangida mobilna na sedang dipature parbengkel i. Dijalo parhalado on ma indahanna. Dung ditaruhon parkode i indahan i, dungi martangiang ma amanta parhalado i jala mangan ma ibana. Ndang sadia leleng ro ma dua halak...