PARTORDING  NI  ACARA  MINGGU

      Pesta  puncak  tahun  remaja-Pemuda

hkbp distrik iv toba  

 DI  HKBP  PANGOMBUSAN

                                      

                                          

          Thema:

         HKBP Mempersiapkan Generasi Muda Menghadapi Tantangan Zaman

                (Kolosse 4: 2 – 6).

             Sub Thema:

Mari Memelihara Lingkungan Hidup Dan Hentikan Penebangan Pohon Secara Liar.

   Minggu tanggal, 14 september 2014.

   Masuk pukul 10.00 WIB.

TERTIB ACARA MINGGU

PESTA PUNCAK TAHUN REMAJA-PEMUDA

HKBP DISTRIK IV TOBA

 

I.     Peresmian Rumah Dinas Praeses HKBP Distrik IV Toba

(Di Komplek HKBP Ulubius – Porsea: Acara Tersendiri).

II.   Prosesi   (Sian Perumahan Pendeta HKBP Ressort Pangombusan).

III.   Pengalungan Bunga (Diatur oleh Panitia).

IV.   Parmingguon.

       (P=Paragenda,  H=Huria,  A=Ama,  I=Ina,  RN=Remaja/Naposo).

1.    Joujou tu parmingguon.

(Paragenda: Praeses HKBP Distrik IV Toba, Pdt. Robert Silaban, STh).

P: Tama do hita mandok mauliate dohot pasahathon pujipujian ni rohanta tu Amanta Debata Pardenggan Basa i, siala saluhut pambahenanNa di bagasan ngolunta ganup marsadasada. Nunga tapatupa kegiatan parheheon Remaja/Naposobulung di angka Ressort dohot di Regional sahat tu antar Regional di HKBP Distrik IV Toba on. Sadari on ma tutu Pesta Puncak Tahun Remaja/Naposobulung di Distrik on. Tapuji ma Debata, marende ma hita:

2. Marende Sian B.E No. 6: 1 - 3       PUJI JAHOWA NA SANGAP            BL. 56

1.  Puji Jahowa na sangap huhut marmulia,

     Hamu sude na parroha na ringgas na ria;

     Marpungu be, marolopolop sude, hamu sude manisia.

2.  Puji Jahowa sigomgom sude parluhutan,

     Na manogihon ho songon niiring ni tangan

     Dohot hosam songon hombar tu roham sai diramoti Ibana.

(Musik..../Ay. 3 jongjong)

3.  Puji Jahowa naung tipak manompa dagingmu,

     Jala na tongtong manumpak hisar pamatangmu;

     Jotjot do ro pangurupina tu ho, uju na ro hagogotan.

3. Votum/Introitus.

    P: Marhitehite Goar ni Debata Ama dohot Goar ni AnakNa, Tuhan Jesus Kristus   dohot Goar ni Tondi Parbadia, na tumompalangit dohot tano on. 

    H: Amen.

    P: Disuru Debata do AnakNa gabe pardengganan taringot tu dosanta. Hamu ale angka dongan, molo songoni dihaholongi Debata hita, ingkon dohot do hita masihaholongan sama hita. Haleluya.

H:  (Mangendehon) Haleluya… Haleluya… Haleluya…

 P: Martangiang ma hita. Ale Tuhan Debata, Pargogo na so hatudosan, Amanami na di banua ginjang! Mauliate ma rohanami tu Ho, ala dilehon Ho AnakMu na sasada i tu hami jala dipalua Ho hami sian gomgoman ni sibolis. Hupangido hami tu Ho: Sai ramoti hami di bagasan hataM, asa margogo hami, jumpa masa hasusaan dohot hagogotan. Sai sesa ma dosanami dohot pangalaosionnami di hataM na badia i. Sai parbadia ma rohanami marhitehite TondiM, jala pamasuk hami tu hangoluan sogot, asa pujionnami Ho di si ro di saleleng ni lelengna, marhitehite Tuhan Jesus Kristus, Tuhannami.

H:  Amen.                                                                                                (Hundul).

4. Marende Sian B.E No. 30: 1        JESUS LEHON HATORANGAN     BL.135

1.    Jesus lehon hatorangan, hapistaran, mangantusi hataMi

       Lehon mata na marnida,  dohot roha na umboto dalanMi

       Asa tongtong maradophon, bohiMi mardalan hami

       Asa digomgomi TondiMi ma hami.

5. Patik           :  IX dohot lapatanna

 P: Tatangihon ma patik ni Debata di bagasan minggunta sadari on, ima sian patik pasiahon dohot lapatanna: “Unang ho olo manghatindanghon hata na so tutu maralohon dongan jolma”.

 H: Lapatanna: Ingkon dihabiari rohanta Debata jala ingkon holong rohanta di Ibana, asa unang hita olo manggapgapi dongan jolma manang manjehehon manang pahatahatahon, paoruhon sangap nasida.

 P: Ingkon ni ampinan do dongan jolma anggo so tangkas dope binoto salana. Holan uhum na denggan i do paboaboaon. Ido sahatna. Antong rap mangido gogo ma hita tu Tuhan Debata.

P+H:  Ale Tuhan Debata sai pargogoi ma hami mangulahon na hombar tu patikMi.  Amen.

6.   Koor: Koor Remaja/Naposobulung HKBP Distrik IV Toba

(Niuluhon Ni: Lintong Hutahaean).

       

7. Marende B.E No. 719: 1 – 2   HUBEGE SOARAM O JESUS

1.      Hubege soaraM O Jesus, hubege soaraM O Jesus

Hubege soaraM O Jesus, na manjouhon “ihuthon ma au”

Togu au Jesus Tuhanku, iringiring ma langkangku

Patuduhon ma dalanMu, asa unang unang lilu au.                (Ay. 2 jongjong)

2.      Hupasahat ma diringku, hupasahat ma diringku,

Hupasahat ma diringku, mangihuthon Jesus Tuhanki.

Togu au ………

8.      Manopoti Dosa

P: Tatopoti ma dosanta tu adopan ni Debata, martangiang ma hita. Ale Tuhan Debata, Pargogo na so hatudosan jala Ama Parasiroha! Ndang lomo rohaM mida hamatean ni pardosa; mulak ma nian parjahat i tumadingkon dalanna, asa mangolu ibana, i do dipangido rohaM.

A: Songon malim hami ditongatonga ni rumatangganami, jotjot ndang hupodahon hami hataM na badia i tu tongatonga ni rumatangganami. Lumobi tu  angka ianakkonnami. Ale Tuhan asi ma rohaM, marpamuati ma rohaM jala tompa ma roha na ias jala na denggan di hami asa muba hami, gabe olo jala rade hami mamodai angka ianakkonnami dohot sundut na umposo.  

I:  Sian Ho do ale Debata soripada na pantas marroha, hape jotjot di ngolu ni rumatangganami ndang hupatuduhon hami roha na pantas na sian Ho i tu keluarganami, ala holan sai manarihon ngolu ni pardagingon. Ale Tuhan, asi ma rohaM, urupi jala pargogoi hami laho mangharingkothon ngolu ni partondion di ruma tangganami, lumobi ma tu angka ianakkonnami.

R/N:  Sipata, ndang hutanda hami dalan na sintong, gabe hutuntun hami lomo ni rohanami, hape gabe tartuktuk do hami. Ale Tuhan, asi ma rohaM di hami, togutogu jala patuduhon ma tu hami dalan na naeng sibolusonnami, asa unang lilu hami ala panosak hamajuon ni zaman on. Ramoti jala pargogoi angka pangula ni huriaM, pasupasu nang angka natuatuanami, asa unang marnaloja nasida patubegehon hataMi tu hami angka ianakkonna.

H: Ala ni i umbahen hupangido hami; sai sundati ma torutoruM asa unang mangonai be tu hami.

P: Sai sesa sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus Tuhannami. Amen.

P+H:  (Setengah Suara: Mangendehon B.E. 681: 1 Ale amang asi rohaM).

1.        Ale Amang asi rohaM di au pardosa on,

   Unduk do rohangkon nuaeng marsomba di joloM.

   Unang jujur unang jujur angka dosangki.

   Sai salpuhon sai salpuhon sian rohaMi.

P:  Bagabaga ni Debata taringot tu hasesaan ni dosanta. Songon on do hata ni Tuhan Jahowa: Unang ho mabiar, ai Ahu do Siluluhon ho; nunga pola hujou goarmu, Ahu nampuna ho.  Hasangapon ma di Debata na di ginjang.

H: Amen.                                                                                                   (Hundul).

9.      Marende B.E No. 230: 1+3   HO TONGTONG IHUTHONONKU BL. 182

1.  Na malungun do rohangku, mida Jesus Tuhanki

Ai disesa do dosangku, diurasi rohangki

Dibagasan parsahitan, marsigantung au tu Ho

Olo do au mangihuthon, panoguonMi tu Ho.

3.  Sangkap nang pangidoanta, dohot na tahirim  pe

Ro di angka pingkiranta, di Tuhanta ma sude

Tapararat ma hataNa, tu na so porsea i

Atik saut dope mardame, angka na manjua i.

10.  Manjaha Epistel:  1 Musa 50: 15 – 2  

 P: Turpuk Epistel na gabe patujolo ni jamita na naeng sitangihononta di minggunta sadari on, ima na tarsurat di 1 Musa 50: 15 – 21. Songon on ma hata ni Debata di si: Alai mabiar do angka hahaanggi ni si Josep, dung mate amanasida i, angka ninna nasida ma: Atik tung beha dihosom si Josep hita maon, gabe dipasudol tu hita sude na roa, na itabahen i tu ibana.

H: Jadi martona ma nasida tu si Josep, ninna: Hata ni amanta tu hami, tagan so mate dope ibana:

P: Songon on ma dok hamu tu si Josep: Sai marpamuati ma roham di hajahaton ni hahaanggim dohot di dosanasida i, ai tung na roa do na binahennasida i tu ho; on pe, sai marpamuati ma roham di hajahaton ni angka naposo ni Debata ni amanta i! Alai tangis do anggo si Josep, dung didok nasida songon i tu ibana.

A: Dung i laho dohot angka hahaanggina i, marsinggang ma nasida tu jolona, angka ninna ma: Ida ma hami on, naposom ma hami.

I: Dung i ninna si Josep ma mandok nasida: Unang hamu mabiar, ai nda guru di Debata do nang ahu?

RN: Na jat do nian tutu tahi ni rohamuna dompak ahu, alai na denggan do  hapatean ni dibahen Debata, patupahon songon na niidamuna sadari on, laho pangoluhon bangso na bolon.

P: On pe, unang mabiar hamu, ahu ma marmuduhon hamu dohot anakkon-muna i. Dung i diapul ma nasida pasabamhon rohanasida. I do sahatna. Martua do angka na tumangihon hata ni Debata jala na umpeopsa.

H:  Amen.

11.  Koor     :  Ama HKBP Distrik IV Toba (Niuluhon ni St. K. Sinaga)

12.  Marende Sian B.E No. 510: 1 – 2    SILU SOSOI MA DONGANMU BL. 350

1.       Silu sosoi ma donganmu jolma, ni lilianan ni portibi on

Angkupi, boan ma lan tu Tuhanta angka na lilu dibaen tano on

Ho naung tardarat do lao padarathon,

Tanda naung Jesus do hinalomom.                                        (Ay. 2 jongjong).

2.       Nang na jumahat i di nasailon, asal ma muba tu joloan on.

Dijangkon Jesus do, ai naung ditaon, godang na bernit manesa dosam.

Sulingkit rohami, manang na piga, naung niarahonmi tu Debata

   

13.  Manghatindanghon Haporseaon:

P: Tahatindanghon ma haporseaonta i, songon na hinatindangkon ni donganta sahaporseaon di sandok portibi on. Rap ma hita manghatindangkon:

14.  Tingting                                         :

15.  Tangiang Pangondianon             : Pdt. Hotman Nababan, STh

16.  Marende B.E No. 760: 1...           (JESUS DO ALEALENGKU/P. Pelean)

1.    Jesus do alealengku soada tudos ni,

     Aleale na sumurung i di au,

    Hasoloan ni rohangku Tuhan haposanki,

   Sipalua na mamorsan dosangki

   Na mangapuli au di sitaononki,

    Mangurupi au di hagogotan i.

    Jesus do alealengku soada tudosMi,

    Aleale na sumurung i di au.

– o r g a n –

           2.  Tuhan Jesus do mamorsan sude na dosangki

Napalua au sian pangago i,

Hutanggali ma luhutna, jolma na buruk i

Hupelehon ngolungki tu Tuhan i

Molo pajumpang sogot au dohot Tuhan i

Idaonku ma hamuliaon na i.

Jesus do ………

– o r g a n / m u s i k –

3.  Tung na so tadingkononNa di hapunjungan au

Jesus do haposanki di ngolungki

Nang ro api habahaba, manahop ngolungki

RamotanNa ndang marmara au di si

Nang pe di pangunjunan, punjung sasada au

Tuhan Jesus do na margogoihon au

Jesus do ………

17.  Jamita     :  Rom 14: 1 – 12 (Sekjend HKBP: Pdt. Mori A. P.  Sihombing, MTh).

18.  Marende Sian B.E No. 730: 1 …     (SAI PATAU MA AU TUHAN/P.Pelean)

1.      Sai patau ma diringku ale Tuhan,

Papatarhon hinauliMi Tuhan,

Suru ma tondiMi saor tu rohangki,

Lao papatar holongMu tu donganki.

2.      Sai patau ma diringku ale Tuhan,

Papatarhon hinauliMi Tuhan,

Suruma TondiMi saor tu rohangki

Patariparhon basaM tu donganki.

– o r g a n / m u s i k –

3.    Sai patau ma diringku ale Tuhan,

Papatarhon hinauliMi Tuhan,

Suru ma TondiMi saor tu rohangki,

Lao patandahon diriMu tu donganki

4.      Sai patau ma diringku ale Tuhan

Papatarhon hinauliMi Tuhan,

Suru ma TondiMi saor tu rohangki

Baen ias hata dohot parangengki.

19.  Tangiang Pelean + Tangiang Ale Amanami

20.  Pasupasu

V.  Kata Sambutan

1.      Ketua Panitia

2.      Pengurus PPND Distrik IV Toba

3.      Ruas/Anak Ranto

4.      Pimpinan Daerah

5.      Arahan dan bimbingan sian pimpinan HKBP.

VI.              Makan Siang (Pkl. 12. 30 WIB)

VII.           Acara Hiburan

VIII.        Pestival Koor: (Pkl. 15.00 WIB)

IX.              Pembagian Hadiah.

X.                 Tangiang Panutup.

                      SELAMAT HARI MINGGU, TUHAN MEMBERKATI.

                                                          SYALOM.