ACARA PARTANGIANGAN ULANG TAHUN
TUAN NANSER SIRAIT
(OP. PAULUS DOLI) KE- 59.
SENIN, 05 MEI 2015, PKL.
17.00 WIB.
INGANAN: KAFE NABORSAHAN – AJIBATA
TOBA SAMOSIR
I. KEBAKTIAN
01. Marende Sian BE No. 15: 4 Aut
Na Saribu Hali Ganda BL. 103
4.
Mauliate ma rohangku di ho o Debata tongtong.
Dibaen sude denggan basaMu, naung nilehonMu di au on.
Ai dipatongon Ho tongtong sude na ringkot
di au on.
02. Votum – Introitus – Tangiang (U= Uluan, K= Keluarga, H= Huria)
U: Marhitehite goar ni Debata Ama dohot goar ni AnakNa
Tuhan Jesus Kristus dohot goar ni Tondi Parbadia na tumompa
langit dohot tano on.
H: Amen.
U:
Ale Tuhan, sai Ho do haporusannami marsundutsundut.
H: Tagan
so tubu dope angka dolok jala tagan so adong dope ditubuhon tano on dohot
portibi on, nunga adong hian Ho, ale Debata, sian salelenglelengna ro di
salelenglelengna.
U:
Ai lam moru do angka
ariarinami sudena di tano on, alai na hot do angka taonMu dohot ariariM ro di
saleleng ni lelengna.
H: (Mangendehon B.E
No. 116: 1 Ditompa Ho Do Au BL.
243
Di tompa Ho do au, sondangi rohangkon, tung basabasaMi sude na di au
on.
Gomgomi pamatangku, naeng Ho do oloanku, sai lehon ma gogongku,
LomoM naeng
ulaonku, urupi tatap au
tutu, Panompa na burju.
U: Ariari
ni taonnami, intap ni ni pitu pulu taon do i, jala molo marhagogoon situtu
dieak do ualupulu taon, jala hinadenggan nasida do hangaluton dohot halojaon.
H: Sai
parrohai ma hami mamilangi angka ariarinami, asa dapotan roha na bisuk hami.
U: Martangiang ma hita! Ale Jahowa Debata Amanami na badia jala na bonar, na marhabangsa di banua ginjang. Pujipujian mardongan mauliate ma dipasahat hami tu Ho di bot ni ari on, ala ni denggan ni basaM dohot asi ni
rohaM na manogunogu jala mangiringiring hami. Di papungu Ho hami di inganan on jala marlas ni roha hami siala dilehon Ho do pasupasu marhite ganjang ni umur di amanami Op. Paulus Doli, sadari on gonop
umurna 59 taon. Ndang
hasuhatan denggan ni basaM dohot sude asi ni rohaMi. Pos do
rohanami nang tu joloan ni ari on pe, sai lam tambai ma las ni roha di tongatonga ni keluarga on songoni nang tu ianakkonna nang saluhut pinomparna tahe. Tambai hahipason, habisuhon jala pasupasu na niula ni tangan nang pingkiran nasida na
so maralo tu hataMi. Jalo ma tangiang hamauliateon ni rohanami on, ala ni AnakMu Tuhan Jesus Kristus Tuhannami. Amen.
03.
Marende No. 6: 3 Puji Jahowa na Sangap
Huhut Marmulia BL. 56
3. Puji Jahowa naung tipak
manompa dagingmu.
Jala na tongtong manumpak
hisar pamatangmu.
Jotjot
do ro pangurupiNa tu ho, uju na ro hagogotan.
04. Renungan di panogunoguon ni Debata
U: Di na tahalashon ari sadari on, tarlumobi
di gok ni las ni roha ni keluarga na marulang tahun sadari on, lam patar do di hita pangaramotion ni Debata di sandok pardalanan ni ngoluna. I do
umbahen na didok Debata:
H: Marende ma Ahu nuaeng taringot tu
hasianku, sada ende ni haholonganku taringot tu porlak anggurna: Marporlak
anggur do hasianku di punsu ni sada dolok na napu. (Jes. 5: 1)
U: Jala dipangkuri, jala dijomputi angka batu
sian i, jala disuanhon lopok na denggan tu si, jala dipauli sada tungkup di
tongatongana, jala dihali sada pangilangan di bagasan, paimahon parbue na
tonggi (Jes. 5: 2a).
Na Ulang Tahun: Nunga dibasabasahon Ho tu
au hangoluan dohot asi ni roha, jala panatapMu mangaramoti hosangku. (Job 10: 12).
H: (Mangendehon Lagu Rohani: Ndang Ala Ni Hagogoonki)
Dang ala ni hagogoonki, boi ahu mardalan di ngolugkon
Aut unang ho na dilambungki, tung so boi ahu songon on.....
Aut unang ho na dilambungki, tung so boi ahu songon on.....
Ho do hagogoon manungkoli ahu, hubereng bohim laos
martangiang ahu
Mangido pangurupion di ahu, sai tiop tanganku sai
togu ma ahu
Ai ho do Tuhan pargogo di ahu.....
Ai ho do Tuhan pargogo di ahu.....
U: Matua di halak natuatua do luluan habisuhon,
jala halak sigodang umur panungkunan poda. (Job 12:
12).
Na Ulang Tahun: On do
las ni rohangku na umbolon: Molo hubege, diparangehon angka anakkonku
hasintongan i. (3 Joh.
1: 4).
U: Ummarga do i sian angka mutiha, jala sandok arta
hasoloan ni roham, ndang tarpatudos tu si. (Poda 3: 15).
05. Marende No. 754: 1 “Gok Las Ni Roha Do Au”
1.
Gok las ni roha do au di ngolungkon, di ngolungkon di ngolungkon
Gok las ni roha do au dingolungkon tongtong di
rohangkon
Mauliate gok las ni roha, maringan holongMi Tuhan di au 2x.
06. Manjaha: Sian Epesus
6: 1 – 6 + 9
U:
Hamu angka anak, oloi hamu ma angka natuatuamuna di bagasan
Tuhan i; ai i do na tigor.
H: Parsangapi amangmu dohot inangmu! I do patik na parjolo mardongan bagabaga:
U:
Asa
martua ho jala leleng mangolu di tano on!
H: Hamu angka ama, unang gintali hamu angka
anakkonmuna; pagodanggodang hamu ma nasida di bagasan ajar dohot poda ni Tuhan
i!
U: Hamu angka
anak somang, oloi hamu ma angka indukmuna di hasiangan on mardongan biar dohot
lomos ni roha; marroha na bulus songon na maradophon Kristus!
H: Unang hamu
pangoloi di mata, songon na mambuat roha ni jolma; songon naposo ni Kristus ma
ulahon hamu roha ni Debata, sian nasa rohamuna.
U: Hamu angka
induk pe, laos songon i ma bahen hamu tu nasida; antahi hamu ma na mangasupi i,
ai diboto hamu do, di banua ginjang do nang Tuhanmuna, jala ndada siida bohi
Ibana. Olat ni i do sahatna. Martua do angka na tumangihon hata
ni Debata jala na umpeopsa.
H: Amen.
07. Marende No.
743: 1 O
Tuhan Togutogu
1. O Tuhan togutogu ma au, tu dalan lomo ni rohaMi.
Raphon
Ho sonang mardalan au, nang rahis maol
sidalananki.
TondiMi
baen manggohi au on, margogoihon au naposoMon.
Pasangap Ho di ngolungkon, paima
sahat tu surgo au on.
08. Tangiang
Pangondianon (Doa Syafaat):
09. Marende B.E No. 826: 1 – 2 Gohi Au Tuhan Marhite HataMi
1.
Gohi au Tuhan marhite HataMi, gohi au Tuhan marhite HataMi,
Songon hudon na
rumar do au Tuhan di sumurMi, gohi au Tuhan marhite HataMi.
2. Gohi au Tuhan marhite HataMi, gohi au Tuhan marhite HataMi
Na mauas do
tondingku, O Tuhan di HataMi, gohi au Tuhan marhite HataMi.
10. Jamita:
11. Marende Sian B.E No. 585: 1... Somba Ma
Jahowa (Papungu Pelean)
1. Somba ma Jahowa Debatanta Amen Haleluya
Sigomgom langit tano on ro di isina Amen
Haleluya
Beta hita lao marsinggang tu joloNa Amen Haleluya
Na songkal jala na badia do Jahowa Amen Haleluya
Endehon Amen Haleluya, Endehon Amen Haleluya
Endehon Amen Haleluya, Endehon Amen Haleluya
2. Puji ma Jahowa Debatanta, Amen Haleluya
Parasi roha na sumurung do Ibana, Amen
Haleluya
Taendehon ma goar ni Debatanta, Amen
Haleluya
Alani denggan ni basaNa tu hita, Amen
Haleluya.
Endehon; Amen Haleluya, endehon Amen
Haleluya
Endehon
Amen Haleluya, endehon Amen Haleluya.
12. Tangiang Pelean – Tangiang Ale Amanami – Pasupasu.
II. Acara Ulang Tahun (Tersendiri)
”SELAMAT
ULANG TAHUN”
pdt. a.tambun,sth/hkbp rest.ajibata.
Komentar
Posting Komentar