TERTIB ACARA  NATAL 

KELUARGA  POMPARAN  NI   TANDANG   BISARA   SIRAIT

Thema         :  Nunga Hujalo Haluaon Na Sian Tuhan i (Lukas 2: 30)

Sub Thema   : 

INGANAN                        :           AJIBATA

MINGGU,  TANGGAL  14  DESEMBER  2014

Pukul  17.00 WIB  s/d  Selesai.

TERTIB ACARA  NATAL 

KELUARGA POMPARAN NI TANDANG BISARA SIRAIT

I.          Acara Kebaktian.

1.  Pangaradeon diri

     Martangiang di bagasan rohanta be.

2.  Marende B.E. No. 48: 2 + 7            RIA MA HITA SASUDE                       BL. 16

(Di tingki marende pagalak lilin)

     2.  Diungkap Debatanta i, banuaginjang i

          Disuru do AnakNa i, hangoluanta i, hangoluanta i.

7.  Ringgas ma hita sasude, mamuji Debata

     Gogo ma taendehon be, amen haleluya, amen haleluya.

        Na pagalak Lilin:     

1.      Parjamita                                             4.  Anak (Pomp. Tandang Bisara)

2.      Ketua Panitia Natal                             5.  Boru

3.      BPH (Badan Pengurus Harian)           6.  Bere/Ibebere.

3. Votum – Introitus – Tangiang (U = Uluan, H = Huria, S = Sude).

   U: Marhitehite Goar ni Debata Ama, dohot Goar ni AnakNa Tuhan Jesus Kristus,    dohot Goar ni Tondi Parbadia na tumompa langit dohot tano  on.

       H:   Amen.

   U:  Nunga patar hangoluan i. Nunga huida hami jala nunga huhatindanghon hami dohot  hubaritahon hami tu hamu:

 H: Hangoluan na saleleng ni lelengna na di lambung ni Ama i hian jala naung patar di hami.

 U: Haleluya. Martangiang ma hita.  Ale Tuhan Debata, Amanami na di banua ginjang. Mandok mauliate do hami tu Ho, ala ni godang ni asi dohot holong ni rohaM di hami. Ai dibasabasahon Ho do AnakMu nasasada i tu hami na di pardangolan on, asa malua hami marhitehite Ibana, sian dosa dohot sian hamatean saleleng ni lelengna. Hupangido hami tu Ho, sai sondangi ma rohanami na holom i marhitehite Tondi Parbadia. Angkup ni i sai parrohai ma hami, asa huboto hami mandok mauliate tu Ho asa tarapul situtu rohanami di hagogotan dohot di pangunjunan. Marhitehite Anak haholongan ni rohaM Tuhan Jesus Kristus Tuhannami. Amen.

4. Manjaha Turpuk  : Heber 2: 5 – 10

U: Ai ndada tu angka surusuruan i dipagomgomhon Ibana hasiangan sogot, na tahatahon on.

H:  Alai adong do na mangkatindangkon di Surat i: “Aha do jolma i, umbahen na diingot Ho Ibana; manang anak ni jolma i, umbahen na ditatap Ho ibana?”

  U:  “Otik dipaoru Ho Ibana tu toru ni angka surusuruan. Hasangapon dohot hamuliaon ditumpalhon Ho tu Ibana.”

H:  Saluhutna do dipatunduk Ho tutoru ni patna.” Ai di na pinatundukna i saluhutna i tu Ibana, ndang adong tading, na so unduk tu Ibana; alai anggo nuaeng, ndang taida dope, naung tunduk tu Ibana saluhutna i.

U: Alai na pinaoruna i otik tutoru ni angka surusuruan i, i ma Jesus taida, na martumpalhon hasangapon dohot hamuliaon, ala nunga ditaonhon hamatean i, asa sian asi ni roha ni Debata Ibana mangahap hamatean i humongkop saluhut.

H:  Alai na pinaoruna i otik tutoru ni angka surusuruan i, i ma Jesus taida, na martumpalhon hasangapon dohot hamuliaon, ala nunga ditaonhon hamatean i, asa sian asi ni roha ni Debata Ibana mangahap hamatean i humongkop saluhut.

U:  Ai Ibana, hapatean jala parmulaan ni nasa na adong, dung jolo ditogihon Ibana torop anak tu hasangapon, tama Ibana, parmulaan ni haluaonnasida i, dipajongjong sun denggan marhitehite sitaonon. Olat ni i do sahatna. Martua do angka na tumangihon hata ni Debata jala na umpeopsa.

S:   Amen.

5. Liturgi        A:  TK (1. TK Kecil, 2. TK Besar)

                        B:   SD (1. Kls 1-3, 2. Kls 4-6)

                       

6. Marende B.E N0.  44: 1      O Tondi Parbadia I,  Bongoti                           BL. 206

    1. Hamuna na porsea i, sai tomu Tuhan Jesus i, pahehe rohamuna

        Jonok do ari pesta ni, saluhut huriaNa i, ima hatutubuNa

        I pe, hehe, ma hamuna, baen pantunna lao manjangkon, na manopot hajolmaon.

7. Liturgi        C: SMP – SMA  

                                   

8. Marende B.E No. 569: 1 – 2         O Debata Tung Longang Do Rohangku

      1. O Debata tung longang do rohangku, molo hubereng na tinompaMi

    Saluhut bintang, hilap dohot ronggur, manghatindanghon hasangaponMi

    Marende au Tuhan mamuji Ho, O Debata, sangap do Ho

          Marende au Tuhan mamuji Ho, O Debata, sangap do Ho

     

      2. Di ladang di adaran dohot tombak, marende pidong tung mansai sonang

           Punsu ni dolok, sunge dohot rura, mamaritahon sangapMi Tuhan.

          Marende au ……

9. Liturgi        I:  Panompaon          

    Prolog:  Ia Tuhan Debata na tasomba i, ima Debata Jahowa pargogo na so hatudosan. Ibana do nampuna huaso di banua ginjang nang di portibi  on, ro di isina sude. Ibana do paojakhon di atas ni angka laut jala dipahot di atas ni angka batang aek.

1: Di mulana i nunga adong Hata i, jala saor tu Debata do Hata i, jala Debata do Hata i. I ma na saor tu Debata di mulana i.

2: Saluhutna i marhite sian Hata i do, umbahen na manjadi; jala ndang adong   nanggo   sada sian naung jadi i, na so marhite sian i.

3: Molo tabereng angka bungabunga na di ladang, mansai uli idaon. Adong angka hau, adong angka dorbia, jala adong muse angka panondang. Molo tabereng angka laut dohot tao, tung mansai denggan jala uli. Ise ulaning manompa i?

 4: Debata Jahowa do manjadihon i, marhitehite hataNa sambing do manjadi dibahen Ibana manjadihon i. Saluhutna angka na adong di portibi on, na di langit, di laut marhite hata ni Debata do umbahen na manjadi songon i.

5: Molo taparateatehon saluhut angka na tinompa ni Debata Jahowa, tung mansai godang situtu. Sadia leleng ulaning ditompa Debata angka jadijadianNa i?

  6:  Dibagasan 6 ari do ditompa Debata saluhutna i. Ari parjolo ditompa Debata ma na tiur. Ari paduahon ditompa hajanghajang. Ari patoluhon ditompa tano, laut dohot na tubu di tano. Ari paopathon ditompa panondang. Ari palimahon ditompa dengke dohot pidong. Ari paonomhon ditompa ma pinahan, ro di sude na mangulmit dohot jolma.

 7:  Dibagasan onom ari do hape ditompa Debata Jahowa saluhutna nasa na adong.  Hape dibagasan saminggu adong pitu ari. Aha do na masa di ari papituhon i?

 8:  Dung sun dijadihon Debata angka na tinompaNa i. Dungi maradian ma Ibana di ari papituhon i. Ala ni i do umabahen na dipasupasu Debata Jahowa ari paradiananNa i jala di parbadia i. Antong molo songoni, hita pe di bagasan onom ari ma taula nasa siulaonta. Alai di ari papituhon i, lao ma hita tu bagas joro mamuji jala pasangaphon Tuhan i asa dipasupasu Ibana angka na taula i.

    9:  Sian angka na tinompa ni Tuhan i, adong do porlak Eden. Ima na gabe inganan ni jolma na parjolo i, si Adam dohot si Hawa. Ditogihon Debata do jolma i, paojakhon nasida tu porlak Eden i, asa diramoti. Adong do parasingan ni porlak Eden i sian ingananta on?

    10: Marasing situtu do porlak Eden i sian ingananta on. Sada porlak na pinungka ni Debata tartungkan habinsaran. Di si ndang adong hasusaan dohot hagaoron, ndang adong di si na holsoan, hasonangan dohot hadameon do jumpang di si.

10.   Marende B.E No. 61: 7 - 8          Na Tau Las Ni Roha                                   BL. 2

    7. Aut diboto dongan na sai burju Ho

       :,:Ra na marrongoman ro manopot Ho:,:

    8. Halalas ni roha nang na bernit pe

        :,:Sai tong tu na denggan panumpakna be:,:

11. Liturgi      II:  Hadadabu ni jolma tu dosa

Prolog: Dung diojakhon Debata Jahowa jolma na parjolo i, tu Porlak Eden, dilehon Debata Jahowa ma patik tu nasida. “Jadi do panganonmuna parbue ni nasa hau na di porlak on. Alai anggo parbue ni hau parbinotoan na denggan dohot na roa, ndang jadi panganonmu; ai sadari dipangan ho sian i, sai na mate do ho”, ninna Debata Jahowa.

1:   Mansai godang angka binatang pahanpahanan, songoni nang angka pidong na martongatonga langit. Dohot dengke angka na di laut, ro di angka na manjirir di atas tano on sude marsiboan mansamna be. Ise do mambaen goar ni i?  

2: Jadi dibahen si Adam ma goar ni nasa pahanpahanan dohot nasa na manggulmit di atas tano on.

\

3:  Mansai denggan do hape na jolo hubungan ni jolma tu angka pahanpahanan dohot angka binatang, songon i nang tu angka saluhut na tinompa ni Debata na di porlak Eden i. Boha do hadadabu ni jolma tu bagasan dosa?

4:   Ulok do na umbisuk sian nasa na manggulmit di ladang, angka na jinadihon ni Debata. Jadi didok ulok i ma mandok boruboru i: Tongon do dipatikhon Debata na so jadi panganonmuna sian parbue ni hau na di porlak on?

5:  Dipatikhon Debata Jahowa do tu jolma na parjolo i, asa unang dipangan nasida sian parbue ni hau na di parsitongaan ni porlak i. Ai molo dipangannasida sian i, mate do nasida. Boha do dibahen boruboru i tu parbue ni hau i?

6:   Dipanotnoti boruboru i ma parbue ni hau i dibahen dengganna panganon. Jadi diputikhon ma parbuena i jala dipangan. Dungi dilehon ma tu sinondukna gabe dipangan.

7.  Dungi ro ma Debata tu porlak Eden. Adam… Adam… ninna Debata. Ninna si Adam ma: Boruboru na nilehonMu bahen donganku, i do mangalehon tu au, gabe hupangan.    Aha do uhum ni Debata tu si Adam?

8:  Ala dioloi hata ni jolmam, gabe dipangan ho parbue ni hau i. Hona torungku ma tano on ala ni ho, porsuk ma hilalaonmu manganton gogona. Pantubuhononna ma angka duhutduhut na marsugasuga. Ingkon hir hodokmu mangalului sipanganonmu, paima mulak ho gabe tano.

9:  Ganda situtu ma bahenongku parniahaponmu saleleng gabegabean ho;  bernit ma taononmu laho manubuhon ianakkonmu, sinondukmu nama mangarajai ho. Ima uhum tu boruboru i. Boha muse uhum tu ulok i?

10: Ninna Debata ma tu ulok i: Ala dibahen ho songon i, gumodang ma torungku tu ho sian nasa pahanpahanan dohot nasa na manggulmit di ladang. Butuham nama jururhononmu, jala orbuk panganonmu saleleng mangolu ho.

12. Marende B.E No. 51:  2 – 3        Tole, Puji Ma Tuhanta                              BL. 31

     2. Dosa dohot hamatean, bolis dohot hamagoan

         Talu ala naung  diboan Jesus hangoluan i

            3. Sai tandai ma denggan basa, ni  Jahowa Debatanta

                Dibasahon do AnakNa baen hangoluanta i.

13. Marende BE. 39: 4-5   Beha Ma Panjalongku                                           BL. 156

4. Tung aha ma alana umbaen ringkot roham,tumopot manisia da holong ni roham

    Nda asi ni rohaMu di na tarsosak i, ai naeng pangoluonMu sude naung mago i

8.            

      5. Di na tarihot ahu ro Ho mananggal au, di na tarhurung Ho paluahon au

          Ho na pasangaphon na lea on hian, Ho do na pamorahon  na pogos on hian

14. Liturgi III: Bagabaga Taringot Tu Haroro Ni Mesias/Sipalua

Prolog: Saluhut jadijadian ni tangan ni Jahowa: Bulan dohot bintang pe, ro di sude angka na pinauliNa tung mansai uli jala denggan. Ale Tuhan Jahowa, tung aha ma nian jolma i, umbahen pola ditaringoti rohaM ibana; jala pola diebati Ho?

1:  Lam ganda sitaonon dohot hagogotan ni rohangku. Sai mangaranapi do matangku dompak angka dolok sian dia do ulaning ro pangurupion tu ahu?

2:  Sian Jahowa sitompa langit dohot tano on ro pangurupion tu ahu. Ndang tagamon tarsulandit ahu, ndang tagamon nok mata ni si jaga ho. Jahowa do manjaga hita, ibana do parlinggomanta.

3:  Patuginjang ma tohangmuna, hamu ale angka harbangan, jala npatuginjang ma hamu ale angka pintu sian na robi, asa bongot raja ni hamuliaon i. Ise ulaning Ibana Raja ni hamuliaon i?

4:  Na gogo jala ulubalang. Ulu baling ni hamusuon. Ima Jahowa Zebaot, Ibana do Raja  ni hamulion i. Sela.

5:  Didok Panurirang Jesaya: Hehe ma ho! Marsinondang ma ho! Ai na ro ma panondangmu, jala hamuliaon ni Jahowa binsar di atasmu. Aha do huroa na naeng masa?

6:  Ida ma, haholomon manghuphupi tano on, jala hagolapon ni angka bangso; alai na binsar ne ma Jahowa di atasmu, jala marsinondang hamuliaon ni Jahowa di atasmu.

7.  Ari marganti ari, bulan margati bulan jala taon marganti taon. Nunga godang marganti angka raja, marganti angka panurirang pe. Songon i nang panggomgomi nunga torop na marganti. Ngolngolan bangso i paimaimahon haroro ni Sipalua i. Andigan do pasatonNa i bagabaga i?

8:  Songoni ma parrohaon ni jolma ala naung mardosa, ndang sabar paimahon. Ndang dipagale Tuhan i bagabaga i. Apala jolma Tuhan i olo margabus, sude na hinatahonNa i ingkon saut do i.

9:   Na ro do ari sogot, ninna Jahowa, patindangon ni Jahowa ma di si Daud sada tumbur na tigor, na bangkit raja jala na pistar, jala hajongjonghononna ma uhum dohot hatigoran di tano i. Songon dia ma partording ni i?

10:  Dibahen I, apala Tuhan I ma mangalehon sada tanda: Ida ma, gabegabean ma sada na marbaju, jala tumubuhon sada anak, jala bahenonna ma goarna: Immanuel. Lapatanna donganta ma Debata.

15. Marende B.E No. 58: 1-2              Martumbur  Tungkotungko                 BL. 123

      1. Martumbur tungkotungko na di si Jese i, na tubu Posoposo  na pinarbaga i

          I ma Tuhanta i,  sinuru ni AmaNa tu hita jolma i

      2. Tumbur sinurirangkon Ni si Jesayas i, i do na tinubuhon  ni si Maria i

           Na saut ma jumpa i, na pinarbagabaga ni Debatanta i

16. Liturgi IV: Hatutubu ni Mesias, ima Jesus Kristus.

Prolog: Didok Panurirang do na ingkon tubu Sipalua di Betlehem. “Alai anggo ho, ale Betlehem Efrata, mametmethu do ho nian anggo tung pola jujuron tu angka huta na marriburibu di Juda; hape sian ho do haroroan ni na gabe panggomgomi.”

1: Nunga dipaboa angka panurirang hatutubu ni ni Raja na naeng ro i.    Surusuruan Gabriel pe nunga didok tu si Maria: “Unang ho mabiar ale Maria, asi do roha  ni Debata di ho! Na tubu ne ma anakmu; jala bahenma goarNa Jesus.  Boha do sikap ni angka raja di hatiha i?

2:   Angka raja na di portibi on, ndang diboto taringot tu haroro ni Raja Sipalua i. Dipake Debata do Kaisar Agustus laho patulushon sangkapNa, alai ndang diantusi Kaisar i.

3:   Borhat ma si Josep laho pasurathon dirina rap dohot si Maria, oroanna naung gabegabean. Na sian Galilea, sian Nazareth nangkok tu luat Judea, tu huta ni si Daud na margoar Betlehem, ala sian pomparan jala marga ni si Daud ibana. Boha do partubu ni Sipalua i?

4:   Jadi di na di si nasida gok ma arina. Ditubuhon ma anak buhabajuna, diborhos ma, dipeakhon ma tu bagasan panggagatan, ala so adong inganan na asing di parmianan nasida.

5:   Nunga tubu be Raja na pnarbagabaga i. Ima Mesias Anak ni Debata, na ro sian ginjang mebat tu hita on. Di Betlehem do tubu Sipalua i. Ala ni torop ni angka jolma na mulak tu bonapasogit do umbahen di bara ni pinahan tubu Tuhan Jesus i?

6:  Songon dia pe torop ni jolma di tingki i, molo ungkap do roha nadi huta i mangalehon inganan; boi do tupa adong bagas di si Maria dohot si Josep.

7:    Hatutubu ni Tuhan Jesus ndada di hotel manang di istana nang pe Raja Ibana.

             Alai di bara ni pinahan do di Betlehem. Dung tubu Jesus ise do jumolo umbotosa?

8:   Parmahan na di ladang Efrata. Didok surusuruan do tu Parmahan i: “Unang  mabiar hamu! Ai barita halalas ni roha godang do huboan tu hamu. Ai naung tubu do di hamu saborngin on, di huta ni si Daud, Sipalua i, ima Kristus Tuhan i.

9:   Jadi hatop ma lao angka parmhan i tu huta Betlehem. Gabe jumpang nasida ma di si Maria dohot si Josep, jala Posoposo i peak di panggagatan. Dungkon ni parmahan i, ise do muse ro marsomba tu Betlehem?

10: Ro ma parhapistaran sian purba. Jumpang nasida ma inganan hatubuan ni Jesus, diida ma dakdanak i dohot si Maria inana i. Dungi manungkap ma nasida marsomba tu Dakdanak i. Dilehon ma arta nasida bahen silua parsombaon nasida.  

17. Marende B.E. No. 54                  Sonang Ni Bornginna i                               BL. 64

      2. Denggan ni bornginna i, uju ro Jesus i, tu parmahan di Betlehem i

          Dipaboa na di surgo i, nunga ro sipangolu, Jesus Tuhanta i

      3. Godang ni tua disi di na ro Jesus i, tung malua pardosa muse

          Sian hamagoanna sude, ala ro sipangolu, Jesus Tuhanta i

18. Liturgi VI: Manghangoluhon Haluaon Na Sian Tuhan Jesus

Prolog: Ndang mangonai be uhum tu angka jolma na di bagasan Jesus Krsistus. Asa molo di bagasan Krsistus halak, na tinompa na imbaru ma i. Nunga salpu pangalaho na robi, gabe ro na imbaru.

1:    Ndada au be na mangolu i nuaeng; Kristus do mangolu di bagasan ahu. Ia mangolu pe ahu nuaeng di bagasan daging, mangolu marhitehite haporseaon di Anak ni Debata, na manghaholongi ahu jala na mangalehon diriNa humokhop ahu.

2:  Unang ma tabolongkon asi ni roha ni Debata, asa saut malua hita, dipalua Kristus i. Hot ma hita jongjong di hatigoran i antong, jala unang be olo hita patunduhon ni auga parhatobanon i.

3: Unang ma baloshon hamu na jat alo ni na jat, panginsahion ala ni panginsahion; lam mamasumasu ma hamu, ai naeng teanonmuna do pasupasu, umbahen na tarjou hamu.

4:    Angkup ni,  saroha  ma hamu saluhutna, sapanghilalaan, angka na marholong ni roha di dongan, na marasi ni roha, jala na serep marroha.

5:    Parmahani hamu ma punguan ni Debata na di hamu, unang songon na pinaksa, sian las ni roha ma hamu mangihuthon Debata; unang ala ni pangomoan hailaon. Unang ma songon angka na mamaksa na torop; alai gabe tiruan ma hamu.

6: Marroha ma hamu, manangkas ma rohamuna tu tangiang. Alai di jolo ni saluhutna, masihaholongan situtu ma hamu, ai dihuphupi haholongan ni roha i do godang dosa.

7:  Alai molo taparangehon hatiuron, songon Ibana na di bagasan na tiur, saor do hita sama hita, jala dipaias mudar ni Jesus, AnakNa i do hita sian nasa dosa.

8:  Molo tung adong na mardosa adong do pangondianta tu Ama i, ima Jesus Kristus, partigor i. Ibana do pardengganan pasaehon angka dosanta; alai ndada holan dosanta, dohot do dosa ni portibi on.

9:  Ala ni i, huhalupahon ma na di pudingku, hueahi angka na di jolo. Dompak pandang i do hupuspus, dompak upa hamonangan na sian panjouon ni Debata na sian ginjang i, di bagasan Kristus Jesus.

10: Unang ma marpangansi holong ni roha i! Hagigihon hamu ma na jat; pareak hamu ma na denggan!

11: Ingot hamu ma holong ni roha sama dongan Kristen! Masijolojoloanan ma hamu ma sipasangapan!

12: Unang marnaloja hita mambahen na denggan, ai na manggotil do hita muse di tingkina. Antong, binsan sadihari dope, taulahon ma na denggan tu saluhut halak, alai gumodang ma tu donganta sahaporseaon.

19. Marende B.E No. 53: 1 + 4                     Di Betlehem Do Tubu                    BL. 51

      1. Di Betlehem do tubu Di hita Anak i. 

          I do sian na burju hupilllit Rajangki.  I do, i do, hupilllit Rajangki.

      4. Burju naeng lehononku di Ho rohangkinon.

         Asi rohaM, Tuhanku, urupi au tongtong. Olo, olo, urupi au tongtong.

20. Jamita       :

21. Marende B.E. No. 62: 2...           Halalas Ni Roha Godang     (P. Pelean)   BL. 172.

      2. Ai saborngin on do binsar bintang di na holom i.

          Sumondangi hagolapon, na di rohanta i.

          Hasangapon di Debata, laos dame, dame, dame ma di jolma.

          Lomo ni roha ni Debata do hita jolma on.

      3. Tuhan Jesus hadomuan, na disuru Debata,

          Na pasaehon sude dosa di dolok Golgata.

          Hasangapon di Debata, laos dame, dame, dame ma di jolma.

          Lomo ni roha ni Debata do hita jolma on.

*  m u s i k   * 

      4. Sai sondangi ma rohangku, ale Tuhan Jesus i.

          Asa dohot au maruli, di hatutubuMi

          Hasangapon di Debata, laos dame, dame, dame ma di jolma.

          Lomo ni roha ni Debata do hita jolma on.

22. Tangiang Pelean – Tangiang Ale Amanami – Pasupasu

II.  Hata Huhuasi/Kata Sambutan:

            1.   Ketua Panitia Natal

2.   BPH (Badan Pengurus Harian)

3.   Anak (Pomp. Tandang Bisara)

3.   Boru

4.   Bere/Ibebere

III. Acara Hiburan/Snack.

Pdt.  A. Tambun, STh