PARTORDING NI ACARA PARTUAON
NI INANTA
M. Br. Tampubolon (Op.
Pondang Boru).
Ari Jumat, tanggal 05
Pebruari 2010
Di HKBP Silaen, Ressort
Silaen.
TERTIB ACARA TU NA MONDING, DI GAREJA & PARBANDAAN
M. Br.
Tampubolon (Op. Pondang Boru)
01.
Marende No. 353: 1 - 2 (Di surgo
hasonangan i) BL. 37
* Di surgo
hasonangan i, inganan na dumenggan i.
Tu si naeng
laho muli au, asa rap dohot Jesus au.
*
Tutu godang dope adong, marningot au di tano on.
Sai
tostosanku nama i, lao mandapothon surgo i.
02. Tangiang
Pamuhai.
Pujipujian
disombahon rohanami di botari on tu adopan-Mu na badia i, ale Jahowa Debata
Amanami. Siala denggan ni basaM na sai tongtong sumarihon ngolunami di
pardagingon nang partondionnami pe. Tangkas do i Tuhan hupanghilalahon hami. Diboto Ho do Tuhan
ualaonnami nuaeng, nunga jumolo marujung ngolu ni inanami M. Br. Tampubolon (Op. Pondang Boru) on na di ari Minggu tanggal 31
Januari 2010, tutup usia 78 taon. Nunga simpul ulaon paradaton hombar tu
ruhutruhut paradaton mangihuthon adat na pinungka ni ompu nami na parjolo i. Singkop
do dijalo inanami on hatuaon di portibi on marhite marpahompu sian anak
marpahompu sian boruna, sahat tu na marnono. Bonsa do rohanami tarlumobi di
angka pinompar ni inanami on, ima keluarga besar marga Siagian. Ala ni i Tuhan apuli
ma roha ni pinompar ni inanami on, na marsak ala ni sitaonon on. Jala pasupasu
ma pinompar ni inanami on, na adong di tano parserahan i songoni nang na di
bona pasogit pe, jala lehon hasadaon dohot hadameon tu nasida. Antong hupasahat
hami ma ulaon on tu bagasan tanganMu. Sesa dosa pangalaosionnami i, ala ni
AnakMu Tuhan Jesus Kristus Sipangolu jala Sipalua hami. Amen.
03. Mandok
Hata:
a. Utusan
sian Ruas
b. Utusan
sian punguan parende
c. Utusan
Parhalado
d. Mangampu
Keluarga
04. Marende
Sian B.E No. 541: 1 (Na mulak Jesus
i) BL. 373.
* Na mulak
Jesus i, di hasangapon i, mangalap na badia i, tu hasonangan i.
Hu tundalhon ma na di pudingki,
Jesus do haposanki, di harorona i.
05. Votum – Introitus – Tangiang (U= Uluan, H= Huria)
U: Marhitehite
goar ni Debata Ama, dohot
goar ni
Anak-Na Tuhan Jesus Kristus dohot goar
ni Tondi Parbadia, na tumompa langit
dohot tano on.
H: Amen.
U: Magira ma Ahu ro, tiop ma na di ho, unang
adong mambuat tumpalmi.
H: Martua ma angka na
mate di bagasan Tuhan i.
U: Padirionku ma tu na monang i, hundulan tu
habangsaKu rap dohot Ahu, songon Ahu dung monang hundul rap dohot Damang di
habangsaNa.
H: Martua ma angka na
mate di bagasan Tuhan i.
U: Jadi
apusan ni Debata ma nasa iluilu sian matanasida, ndang adong be hamatean nang
arsak ni roha, nang anggukangguk, nang na hansit, ndang di si be, ai nunga
salpu na parjolo i.
H: Martua
ma angka na mate di bagasan Tuhan i.
U: Teanon
ni na monang i ma saluhutna, jala Ahu gabe DebataNa, ibana gabe anakKu. Martangiang
ma hita: Ale Tuhan Debata Amanami na di banua ginjang, na so marmula na so marujung
do Ho, jala na so olo suda do angka taonMu, alai lam moru jala lam suda do
bohalnami di tano on, jala hatop do hami laho salpu sian hasiangan on. Tangkas
do huhilala hami, na paidaida bangke ni dongannami on nuaeng. Nunga salpu sude
ngoluna di tano on, nunga ditinggalhon sude na pinarhamaolna dohot angka
ulaonna. Hupuji jala hupasangap hami ma Ho ale Jahowa Debatanami, jala hudok
hami mauliate tu Ho ale Jahowa, ala ni sude denggan ni basaM naung nilehonMu tu
dongannamion tagan di ngoluna. Angkup ni i, dilehon Ho do gogo dohot hatauon di
ibana, manogunogu ianakkonna uju di ngoluna. Tatap, apuli, jala pargogoi ma
sude tinadingkon ni dongannami on, angka keluarga, ianakkon, sisolhot nang
angka donganna, asa margogo nasida di parsirangan on. Sai lam taiti jala togu
ma roha ni hami on sude tu Ho, asa lam malungun hami di inganan na sonang, na
di lambungMi, na pinadiri ni Tuhan Jesus Kristus di hami. Amen.
06. Marende
Sian B.E No. 535: 1 (Ise do
alealenta?) BL. 183.
* Hamatean
parhitean, lao manopot Jesuski.
Dohot au ingkon mamolus, asa sahat au tu si.
Nang pe pinadaodao, dompak hamatean i.
Lam jonok do hapengani, langkaki tu ajalhi.
07.
Jamita:
08.
Marende sian B.E No. 835: 1 (Nunga lao, nunga lao) BL. 836.
* Nunga lao, nunga lao dongan deba tu na dao.
Mandapothon Debatanta, dialapi suruanNa.
Tu banua ginjang i, tu banua ginjang i.
* Timbang be, timbang be, dohot hita lao
muse.
Dongan jongjong humaliang,
saluhut do martangiang.
Di na lao tondinta i, di na lao
tondinta i.
09. Pasupasu
di na lao manutup batang.
Pandita: Dipasupasu Tuhan Debata
ma ho laho ruar dohot laho bongot, olat ni
on ro di saleleng ni
lelengna. Amen.
10.
Marende B.E No. 335: 1 (Loas au, asa
lao/ huhut ditutup batang). BL. 50.
* Loas au, asa lao tu Jesusku tu na dao:
Ai malungun do rohangku, mandapothon Debatangku.
Asa di lambungNa au, asa di lambungNa au.
11.
Borhat tu udean (Marende sian B.E No. 195: 1.. Holong do Roha) BL.140.
* Holong do roha di Debatangku, holong rohaNa tongtong di au.
Ai dipatupa do haluaonku, marhite Jesus AnakNa i.
* Tarihot au dibahen dosa, na so tarbahen malua au.
Dibahen i hudok: Holong do roha ni Debatangku, tongtong di au.
* Peak do au di hamatean , dibaen sibolis pangago i.
Dibahen i hudok: Holong do roha ni Debatangku, tongtong di au.
Ende di Parbandaan
01.
Buku Ende No. 336: 1 (Sonang ma
modom) BL. 45.
* Sonang ma
modom ho na martua i, na maradian sian ulaon i.
Na niulamu di hajolmaon, jala na mangihut ho tu surgo.
02.
Buku Ende No. 338: 1 (Hehe do muse) BL. 54.
* Hehe do
muse pamatangkon, sian tanoman on.
Suang mangolu bahenon ni Tuhanku, Haleluya… Haleluya.
03.
Buku Ende No. 347: 1 (Sai masipaidaan) BL. 11.
* Sai
masipaidaan do na porsea i, dung sahat be langkana.
Tu hasonangan i, tu
hasonangan i, tu hasonangan i.
Pandita,
Bibelvrow dohot sude parhalado, punguan parende nang sude ruas ni
HKBP SILAEN, RESSORT SILAEN:
TURUT BERDUKACITA ATAS MENINGGALNYA
M. Br. TAMPUBOLON (OP. PONDANG
BORU).
Pdt. A. Tambun, STh/HKBP
Silaen
.jpg)
Komentar
Posting Komentar