Acara Ibadah Wisata Leluhur Pomparan Raja Tambun.
Sabtu, tanggal 29
Oktober 2016
TOPIK
:
Nunga Sonang Ahu Dohot Parsonduk Bolonku
Di Huta Ni Dainang Sahat Ro Di Ujung Ni Ngolungku.
I.
Kebaktian.
1. Marende Sian BE. No. No. 6: 2 +
4 Puji Jahowa Na Sangap Bl. 56
2. Puji Jahowa sigomgom sude
parluhutan,
Na manogihon ho songon niiring ni
tangan,
Dohot hosam songon hombar tu
roham sai diramoti Ibana.
4. Puji Jahowa situmpak sude
ulaonmu;
Ai ditumpakhon tu ho tongtong
hangoluanmu,
Ingot ma i denggan basaNa do i,
tomutomuna sambing do.
2. Votum – Introitus –
Tangiang
(L1=Liturgis1, L2=Liturgis2, L3=Liturgis3, N=Natorop, S=Sude).
L1: Marhitehite Goar ni Debata Ama dohot Goar ni
AnakNa, Tuhan Jesus Kristus dohot Goar ni Tondi Parbadia.
S: Amen.
L2: Ungkap hamu ma di ahu angka bahal ni
hatigoran, asa hubongoti angka i laho mamuji Jahowa.
N: On do bahal ni Jahowa, bongotan ni angka
partigor do i sogot.
L3: Mandok mauliate ma ahu di Ho, ala naung
dialusi Ho ahu, jala manjadi hatuaonku.
N: Batu naung binolongkon ni angka pande bagas,
i ma jadi batu parsuhi.
L1: Sian
Jahowa do i masa, halongangan do i anggo di matanta.
N: Ari on do na jinadihon ni Jahowa,
marolopolop jala marlas ni roha ma hita di si.
L2: Iale Jahowa, sai manumpak ma Ho! Iale Jahowa
sai Ho ma mambahen manjadi!
N: Dipasupasu ma na ro marhitehite goar ni
Jahowa, dipasupasu ma angka na sian bagas ni Jahowa.
L3: Jahowa do Debata, jala Ibana manondangi hita.
Tambathon hamu ma angka pelean pesta i sahat ro di angka tanduk ni langgatan.
N: Ho do
Debatangku, jadi Ho do pujionku; ale Debatangku, sai Ho do patimbulonku.
L1: Mandok mauliate ma hamu di Jahowa, ai
pardenggan basa do Ibana, ai ro di salelenglelengna do asi ni rohana i.
Haleluya... Martangiang ma hita: Ale Debata Jahowa Pardenggan basa huhut parasi
roha na sumurung! Mauliate mardongan pujipujian disombahon rohanami tu adopanMu
na sun badia i, ala ni asi dohot holong
ni rohaM na do na pataruhon hami, sian luatnami ganup nang sian bagasnami ganup,
umbahen na boi marpungu hami nuaeng di inganan on. Ima pomparan ni ompunami Si
Raja Tambun, Boru, Bere dohot Ibebere. Di manogot on, ro hami tu joloM mamuji
pasangaphon gaorMu na sun badia i, marhite kebaktian on. Antong tatap ma
punguannami on, ro ma Ho tu tongatonganami jala saor ma Ho tu hami. Padao sian
hami angka roha panggunturi, alai solukhon ma tu hami roha dame. Pasupasu ma
parpunguannami on, sian na mamungka sahat ro di na paujunghonsa. Jagai jala
ramoti ma hami saluhutna, ala ni asi dohot holong ni rohaM di bagasan goar ni
AnakMu Jesus Kristus, Tuhannami. Amen.
3. Marende BE. No. 18: 2 - 3
Ungkap Bahal Na Ummuli BL.
84.
2. Nunga ro au, o Tuhanku, ro ma Ho
tu au muse.
Ai di bagas ingananMu, las ni
roha do sude.
Sai bongoti rohangkon, baen ma joroMi
dison.
3. Sai pantun pangalahongku, maradophon bohiMi
Sai suruhon tu rohangku, Tondi
Parbadia i
Asa sai tongtong ture, tangiangku ende pe.
4. Renungan Situasional dohot
mangido hasadaon ni roha di punguan on.
L1: Molo
tadohoti pe angka ragam ni punguan jala terdaftar hita gabe ruas ni punguan i. Las
do rohanta mandohoti punguan i? Molo las rohanta jala sonang, ala didongani
Tuhan i do hita, jala i do na mangonjar rohanta umbahen na olo hita mandohoti punguan i.
N: Antong, ringgas jala renta ma hita sude pomparan
ni ompunta Si Raja Tambun on di ganup luatta be laho marsiurupan di angka na marsitaonon
jala rap mengkel nang di angka ulaon las ni roha.
L2: Nang pe punguan marga, alai ndada holan
manghatai angka tarombo dohot paradaton di si, alai ingkon tongtong tapatujolo mangalap
bohal ni partondionta marhite partangiangan di tongatonga ni punguan on.
N: Ale Tuhan parar ma punguannami on gabe
parhitean mamuji pasangaphon goarMu na badia, jala gabe pangalapan pasupasu di
hami saluhutna.
L3: Saluhutna ma hita manghalaputi angka ulaon na
tau pahinsahothon parngoluan siganup ari huhut parsidohot pamajuhon punguan on.
N: Asa unang mangasahon gogo dohot pikirannami
hami ditongatonga ni punguan, alai ingkon tongtong mangasahon hagogoon dohot
biar mida Jahowa hami. Ai i do di halomohon Ho sian hami.
L1: Ale Tuhan parasi roha bolon! Lam tambai ma
pasupasuMi di tongatonga Pomparan ni Si Raja Tambun on, asa adong
sipatupaonnami mamuji pasangaphon Ho di ngolunami nang di punguan on. Pasupasu na
ni ula ni tangan dohot na hupingkiri hamu na so maralo tu lomo ni rohaM.
N: Molo jumpa arsak ni roha apuli ma hami,
unang madabu hami tu pandelean. Jumpa masa
angka hamaolon di tongatonga ni punguan on, patuduhon tu hami roha dame dohot
solusi na dumenggan.
L2: Molo denggan parsaorannami di tongatonga ni
punguan on, ingkon dumenggan do parsaorannami di tongatonga ni rumatangganami,
ai i do punguan na ummetmet na pinasupasuM. Asa dumenggan parsaorannami di
ngolu siganup ari, di tongatonga ni masyarakat, di negara lumobi di huriaMi.
N: Ale Tuhan, sai lehon ma haradeon ni roha,
hapistaran dohot bisuk, dohot gogo tu angka pengurusnami, asa unang marnaloja nasida
mamingkiri jala patupahon angka ulaon na denggan di tongatonga ni punguan on.
L3: Dilehon Debata do ragam ni angka talenta tu
hita ganup hombar tu parsagina. Antong, tapake ma i bahen sangap di goar ni Debata,
asa gabe pasupasu jala las ni roha di ngolunta nang di punguan on. Amen.
5. Koor : Mars
Silahisabungan.
6. Marende Be No. 690: 2 – 3
Hibul Rohangku
1. Hibul rohangku tu Tuhan Jesus.
Sude ngolungku di Tuhan Jesus.
Ihuthononku do Tuhan Jesus. Ndang
olo au sumurut be.
2. Sai hutundalhon haportibion.
Silang ni Kristus ma hudapothon.
Sai hutundalhon haportibion. Ndang
olo au sumurut be.
7. Manopoti Dosa:
L1: Ale Tuhan Debata, pargogo na so hatudosan! Marpungu
do hami nuaeng angka Pomparan ni ompunami Si Raja Tambun di inganan on. Marlas ni
roha do hami borhat sian bagasnami ganup, siala
didongani jala diramoti Ho hami, gabe boi tolhas hami tu inganan on.
N: Hurajumi hami do,
halak pardosa do hami. Marhite angka panghataion nang pambahenannami na hurang
tama tu dongannami, lumobi maradophon Ho. Ala ni i, hujou hami ma goarMu na
badia i, asi ma rohaM mida hami.
L2: O Tuhan Jesus Anak ni Debata naung gabe jolma ala ni
hami. Ndang tagamon so adong hahurangannami, na mardongan tubu, maradophon
angka boru, songon i nang maradophon angka bere. Ro di saluhut pinomparnami
tahe. Sesa ma dosanami i, jala paimbaru ma hami.
N: O Tuhan Jesus,
Sipangolu jala Sipalua hami! Ho do hangoluan dohot hasonangannami. Olo do ndang
tarpatupa hami na denggan tu dongannami,
gariada tahe olo do marsak dongannami hubahen hami.
L3: Sipata, olo do ndang huboto hami manjagahon
panghataionnami nang pambahenannami. Alani i Tuhan, sian saluhut angka
hahurangannami i, sai marpamuati ma rohaM mida hami. Paimbaru ma parsaorannami dohot
parpunguannami on.
N: Ale Tuhan, tompa
ma roha na ias di hami asa ias rohanami. Ture ma baen parangenami nang panghataionnami.
Tompa ma roha na imbaru di hami asa monang hami maralohon nasa hajahaton.
- hohom satongkin -
L1: Bagabaga ni Debata taringot tu hasesaan ni dosanta.
Songon on do hata ni Tuhan Jahowa: Nunga pola hupasisi angka pangalaosim songon
ombun, jala songon ombun manorop angka dosam. Sai mulak ma ho tu Ahu, ai Ahu do
Sipalua ho. Hasangapon ma di Debata na di ginjang.
S: Amen.
8. Koor : Punguan Raja
Tambun Mandala – Medan
9. Marende BE. 694: 1 – 2 Jesus
Ho nampuna au
1. Jesus Ho nampuna au dohot na
adong di au,
Gogo dohot hosangki sahat ma
tu tanganMi,
Sahat ma tu tanganMi.
2. Sai rajai ma matangki,
manangkasi dalanMi,
Sai patiinggil pinggolhi,
tumangihon hataMi,
Tumangihon hataMi.
10. Manjaha Hata Ni Debata: Pilipi 2: 1 – 16.
L1: Molo tung adong apoapo marhitehite Kristus, dohot
sosososo holong ni roha dohot parsaoran ni tondi, nang talup dohot asi ni roha, gohi hamu ma halalas ni rohangkon:
Sada ma parrohahon hamu; sada ma haholonganmuna; saroha, sapingkiran ma hamu!
N: Unang ma mardingkandingkan manang
marhasangapon na rumar; alai sian toruk ni rohamuna be ma rajumi hamu
donganmuna sumurung sian dirimuna!
L2: Unang ma
na ringkot di hamu be matahon hamu, dohot ma na di dongan!
N: Songon parrohaon
ni Kristus Jesus ma parrohaonmuna!
L3: Atik pe
rupa ni Debata di Ibana, ndada songon na nidobo dirajumi rohana tudosna i tu
Debata.
N: Dirumari do
dirina jala disolukkon rupa ni hatoban, gabe suman tu jolma do Ibana jala
rumang jolma dapot di Ibana.
L1: Dipatutoru
do dirina; na gabe pangoloi do Ibana paima mate, pola tung mate tarsilang!
N: Ala ni i do
dipatimbo Debata Ibana jala dibasabasahon tu Ibana Goar na sumurung asa nasa
goar,
L2: asa somba
tu Goar ni Jesus nasa ulu ni tot, na di banua ginjang i dohot na di tano, nang
na ditoru ni tano,
N: jala asa nasa na
marsoara marhatopothon: Jesus Kristus do Tuhan, bahen hasangapon ni Debata Ama!
L3: Onpe, hamu
na hinaholongan, songon tongtong ni pangoloionmuna nasailaon, unang holan jumpa
di hamuna ahu, lam songon i ma, di na padaodao ahu: Mardongan biar dohot lomos
ni roha ulahon hamu ma haluaonmuna!
N: Ai diula Debata
do di bagasan hamu giot ni roha nang ulaon saut, mangihuthon lomo ni rohana.
L1: Di nasa pambahenanmuna: Unang ma hamu marungutungut,
unang ma marroha ganggu!
N: Naeng ma so hasurahan jala so marlaok hamu,
angka anak ni Debata, angka na so marlindang di tongatonga ni sundut na geduk
jala na marbalik; di si ma hamu marsinondang songon sisondangi portibi on!
L2: Marsitiopan ma hamu tu hata hangoluan i, bahen
pujipujian di ahu di ari ni Kristus, paboa na so magopo parlojongonku, jala
ndada na so marguna halojaonku. I do sahatna. Martua do angka na
tumangihon hata ni Debata, jala na umpeopsa.
S: Amen.
11. Marende BE. No. 232: 1 + 4 Jesus
Urupi BL.
116
1. Sian sude parulian na arga, sada
huboto hutiop tongtong
Jesus Tuhanku Ho arta na arga, na mangatasi sudena antong
Tangkup Tuhanmu tung tiop hataNa, sai pangasahon ma bagabagaNa.
4. Naeng ho mangolu salelenglelengna? Di Tuhan Jesus do jumpang ho i
Nunga torang ditaluhon sibolis, nang hamatean sigomgom sude.
Tangkup Tuhanmu tung tiop hataNa, sai pangasahon ma bagabagaNa.
12. Tangiang Pangondianon: Tulang
Manurung.
13. Marende BE. No. 248: 1... Saleleng
Ho Di Tano On BL. 18
1. Saleleng ho di tano on, patigor
ma roham
Paingotingot ma tongtong, nidok
ni Debatam.
2. Sai songon hau na denggan ho,
ramos parbue ni
Bulungna pe na uli do, antong sai tiru i.
14. Renungan: Pilipi
1: 21
(Pinatolhas Ni Praeses HKBP Distrik IV Toba: Pdt.
Mangantar Tambunan, MTh).
15. Marende BE. 672: 1.... Tung Godang Situtu (Papungu Pelean).
1. Tung godang situtu ulaonmu antong, dipasahat Tuhanta tu ho
Ndang adong be tingkim, marnalemba tahe ngolumi bahen tiruan tongtong
Sai patupa ma i ala ni Tuhan i, so mangkirim balosna tu ho.
Debata do marnida na niulami, manang na adong parbue ni i.
2. Ai lambok do soara ni Tuhanta i,
ro ma ho las ma nang rohami,
Sai taingot tongtong hata ni
Tuhan i, mangarahon jolma tu Tuhan i.
Sai patupa...
16. Tangiang Pelean.
17. Tangiang Ale Amanami + Pasupasu
+ Amen 3x.
II.
Kata-Kata Sambutan
III.
Marsipanganon.
IV.
Tortor
V.
Hiburan.
“Horas Jala
Gabe Pomparan ni Ompunta Raja Silahisabungan”
(Mars Silahisabungan).
1.
Horas
jala gabe pomparan ni ompunta, Raja Silahisabungan
Sada lulu anak, sisada lulu boru marsipasarisarian
Reff. : Marsada roha sasude, di las ni roha arsak pe
Rap marsinta pasupasu na godang
Sonang ma si pasarisarian...
2.
Poda
ni ompunta asa mardamedame, sai marsiaminaminan
Angka na di ranto, nang di bonapasogit marsipasarisarian
Reff. : Marsada
roha sasude...
3.
Tao
Silalahi Ompunta nampunasa, tung na sar do baritana
Nang alogo Tambun, siboan parhorasan, rap na torop
marsintasa
Reff. : Marsada
roha sasude...
4.
Ruhut
parsaoran, nang Dalihan Na Tolu, naeng ma hot so mubauba
Sai elek marboru, manat mardongan tubu, sai somba
marhulahula
Reff. : Marsada
roha sasude...
Panitia Sie. Kerohanian/Pdt. A. Tambun, STh – HKBP
Rest. Ajibata.
Komentar
Posting Komentar