Tertib
Acara Partangiangan
MANDOK
MAULIATE TU TUHAN
Keluarga:
Pomparan Op. Marisi Manurung
Lumban Gorat – Kec. Lumban Julu
Kamis, tanggal 07 Maret 2019.
Pkl. 10.00 WIB.
I.
KEBAKTIAN.
(Andorang So Masuk:
Matangiang Na Hohom).
01. Marende No. 10: 1
+ 3 Hupuji Hupasangap
Ho BL. 128
1.
Hupuji
hupasangap Ho, Amang pardenggan basa.
Ai jadijadianMu do
sude angka na masa.
Ditompa Ho do
sasude, dagingku ro di tondi pe, pinuji ma goarMu.
3. Ndang dung tartading
bangsoMi, naung pinillitMu jolo.
Sai Ho do
haporusan ni sude na ro, na olo.
Ditogu Ho
do sasude. Asa tu hangoluan be, pinuji ma GoarMu.
02. Votum – Introitus
– Tangiang (U = Uluan, H = Huria, K =
Keluarga).
U: Marhitehite goar ni
Debata Ama, dohot goar ni AnakNa Tuhan Jesus Kristus dohot goar ni Tondi Parbadia na tumompa
langit dohot tano on.
H: Amen.
U: Pinuji ma Tuhan Debata,
Ama ni Tuhan Jesus Kristus, naung umpasupasuhon tu hita ragam ni pasupasu
partondion sian banua ginjang di
bagasan Jesus Kristus.
H: Ai dipillit do hita di
bagasan Ibana, andorang so ojak dope tano on, asa badia hita jala so hasurahan diadopanNa i,
di bagasan holong ni roha.
U: Mangasahon Debata,
sai hamonangan do ulahononta. Ngot ma Ho ale
parhinaloan! Tarsunggul ma ahu buha siang ari.
H: Pujionku ma Ho di
tongatonga ni angka bangso, ale Tuhan,
endehononku ma Ho di
tongatonga ni angka marga.
U: Ditimbang rohanami
do ale Debata, asi ni rohaM di parsitongaan ni JoroMi. Suman tu goarMu do baritaM ale Debata.
Ro di ujung ni tano on, gok hatigoran do siamunMi.
Sude:
(Mangendehon BE No. 36: 1 –
2 Pasupasu Hami)
1. Pasu pasu hami, O Debatanami
Sai sondangkon bohiMi tu na pungu on sude
2. Lehon ma di hami, dame ganup ari
Sai pasaor ma TondiMi, tu na pungu on sude
U: Timbul do Jahowa jala pujion situtu do di bagasan huta ni Debatanta,
di atas dolok
habadiaonNa i. Haleluya. Martangiang ma
hita: Ale Tuhan Debata Parasiroha jala pardenggan basa! Mauliate disombahon rohanami tu Ho
ala dilehon Ho do asi ni rohaM, di tongatonga ni keluarga Pomparan
ni Op. Marisi
Manurung. Nuaeng,
marsada ni roha hami ro marsomba tu adopanMu na badia i, marhitehite ulaon “Partangiangan Pasahathon
Mauliate ni rohanami tu adopanMu ala ni saluhut Asi ni RohaM di ngolunami
siganup ari”. Ale Tuhan Debata, pardenggan basa jala parasi roha na sumurung, saluhutna i ala ni
angka pasupasu na ni lehonMu do umbahen na tarpatupa hami ulaon on. Pos situtu
do rohanami,
mangasahaon Asi ni
rohaM, molo Ho na mamungka ingkon Ho do paujungkon di bagasan las ni roha. Pasupasu ma parpunguannami on asa manghorhon las ni
roha di hami jala gabe pujipujian dohot hasangapon di Ho. Lam tambai ma angka las ni roha tu tongatonga
ni keluarga on. Pasupasu saluhutna ulaonnami di bagasan sadari on, mangarahon parsaoran na denggan tu Ho. Parbadiai rohanami marhitehite TondiMi, jala ajari hami tongtong
mangihuthon jala mangoloi Ho, ala ni AnakMu Tuhan Jesus Kristus Sipangolu jala Sipalua hami. Amen.
03. Marende No. 754: 1 Gok
Las ni roha
1.
Gok
las ni roha do au di ngolungkon,
Di ngolungkon, di ngolungkon.
Gok las ni roha do
au di ngolungkon,
Tongtong
di rohangkon.
:,:Mauliate, gok
las ni roha,
Maringan holongMi Tuhan di au:,:
04. Manjaha Turpuk: Psalmen 16: 1 - 9
Hatuaon
Ala Marsihohot Tu Debata
U: Sai ramoti ma
ahu, ale Debata, ai marhaposan tu Ho do ahu.
H: Ningku do
mandok Jahowa: Ho do Tuhanku, ndang adong hasonanganku dungkon ni Ho.
K: Taringot tu na badia
angka na di tano on: Nasida do angka na sangap jala apala hasudungan ni
rohangku situtu.
U: Godang do
sitaonon ni angka na hapogan paimbarhon Debata, ndang olo ahu mangusehon
peleannasida sian mudar, jala subang do rohangku mandok angka goarnasida.
H: Jahowa
do partalianku dohot panginumanki, Ho do pasintong jambarhu.
K: Jadi tano na lunak do partalianku, tongon tahe, na uli
situtu do jambarhu.
U: Papujipujionku ma Jahowa, na marrohaihon ahu,
dohot do puangku palumba ahu bornginna i.
H: Tongtong do hubahen Jahowa tu jolongku, ai molo
di siamunhu Ibana, ndang tagamon humordit au.
U: Ala ni las ma
rohangku jala marolopolop tondingku, dagingku pe sinok do maringanan dibahen. I do sahat ni turpuk i. Martua do
angka na tumangihon hata ni Debata jala
na umpeopsa. Amen.
05.
Marende No. 766: 1 Padan Na Uli
1.
Padan na uli Ho ndang hulupahon, ndang pola
mabiar au di ngolungki,
Nang pe holom do dalan
siboluson, ro do hatiuron sian
langit i.
Ho tung so huhalupahon, Au do manogihon, Au do mangondihon
Ho tung so huhalupahon, Au do margogoihon pos ma rohami.
06.
Tangiang Pangondianon/Doa Syafaat:
07. Marende No. 733 Dulo
Ma Au On O Tuhan
1.
Dulo ma au on o Tuhan bege anggukkon,
Ro do Ho tu angka dongan
topot ma au on.
Jesus Tuhan bege anggukkon,
ro do Ho
Tu angka dongan topot nang
au on.
08. Jamita/Renungan:
09. Marende No. 826: 1... Gohi Au Tuhan (Papungu Pelean)
1. Gohi au Tuhan marhite
HataMi
Gohi au Tuhan marhite HataMi
Songon hudon na rumar do au
Tuhan di sumurMi,
Gohi au Tuhan marhite
HataMi.
2.
Gohi au Tuhan marhite HataMi
Gohi au Tuhan
marhite HataMi
Na mauas do tondingku O
Tuhan di HataMi
Gohi au Tuhan marhite
HataMi.
10. Tangiang Pelean.
11. Tangiang Ale Amanami
12.
Tangiang Pasupasu.
II. ACARA
ADAT.
Syalom…!!
T U H A N M E M B E R K A T I.
Doc. Acara – Pdt. A. Tambun, STh – HKBP Lumban Julu.
Komentar
Posting Komentar