PARTORDING NI ACARA PARMINGGUON

PARMONDING NI INANTA

N. BR. Manurung (Op. Tambos Boru)

TUTUP UMUR 91 TAON.

     

     MINGGU, 24 PEBRUARI 2019.

           

Lumban Julu, Kec. Lumban Julu – Kab. Toba Samosir.

Masuk:  Pukul 10.00 WIB.

PARTORDING NI ACARA PARMINGGUON

Parmonding Ni Inanta N. BR. Manurung (Op. Tambos Boru)

Minggu, tanggal 24 Pebruari 2019.

 

(Andorang so masuk: Martangiang Na Hohom/Saat Teduh)

1.  Marende BE No. 182: 1 – 2         Haholongan Na Badia                      BL. 24

1.    Tu joloM o Debatangku, sai use do rohangkon

        Sai pasiat tangiangku, dohot iluilungkon

2.    Husolsoli do rohangku, na gok dosa i tongtong

       Ai godang ariaringku, na hubahen ambolong

2.  Votum – Introitus – Tangiang (U=Uluan, R=Ruas, S=Sude).

U: Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen. Beta ma hita manungkap marsomba, marsinggang ma hita tu adopan ni Jahowa, Sitompa hita. Ai Ibana do Debatanta, jala hita bangso pinarmahanNa jala birubiru niiringiring ni tanganNa.  Haleluya.

H: (Mangendehon), Haleluya…haleluya…haleluya...

U:   Martangiang ma hita: Ale Amanami na di banua ginjang! Disuru Ho AnakMu Tuhan Jesus Kristus tu portibi on, asa disegai angka ulaon ni sibolis i. Sai padungo ma hami marhitehite TondiM na badia i, asa unang tarpedem hami di bagasan dosa, alai asa monang hami sahat ro di ujung, jala asa mardame hami saleleng di tano on, paima sahat hami tu hangoluan na so ra suda marhitehite AnakMu, Tuhan Jesus Kristus, Tuhannami. Amen.

4.   Marende BE No. 474: 2 + 4        Ingkon Jesus Do Donganku             BL. 321

      2.   Ingkon Jesus do donganku, molo marsitaonon au.

Tu Ibana hutinggangkon, nasa na pasorat au.

Ndang mabiar au di si, Tuhan Jesus donganki,

Sai ihothononku Jesus, oloanku nama i.

     

      4.   Ingkon Jesus do donganku, molo ingkon mate au.

Holan mudar ni Tuhanku golomonku di na lao. Ndang mabiar…

5.   Patik         :  Sepania 2: 3.

U:  Patik ni Debata di parmingguonta sadari on: I ma na dienet sian Sepania 2: 3. Songon on ma didok di si: Lului hamu ma Jahowa, sude hamu, ale angka na unduk roha di tano on, hamu angka na mangaradoti uhumna.

H:  Lulu i hamu ma hatigoran, lulu i haserepon, anggiat tung diondingi hamu di ari pangarimasan ni Jahowa.

U:  I do sahatna. Antong rap mangido gogo ma hita tu adopan ni Debata laho mangulahon patikNa i.

S:  Ale Tuhan Debata! Sai pargogoi ma hami mangulahon na hombar tu patikMi. Amen.

6.   Koor         :

7.   Marende BE No. 15: 1 + 3          Aut Na Saribu Hali Ganda                          BL. 103

 1.   Aut na saribu hali ganda, saringar ni soarangki

    Naeng nasa gogo bahenonku, mamuji Debatanta i

    Paboa  las ni rohangki, hinorhon ni pambaenna i

3.   Unang ma modom ho tondingku, sai ngot ma ho sai hehe ma

            Radot ma ho di ulaonmu, sai puji Tuhan Debata

Sai pangke nasa malomi, mamujimuji Tuhan i         

8.   Manopoti Dosa.                

U:   Ale Tuhan Debata, Pargogo na so hatudosan jala Amanami! Hujou hami do GoarMu na badia i, ala na targogot hami marningot dosanami. Sai marasi ni roha ma Ho mida hami on.

H:   (Mengendehon: Setengah Soara) BE No. 424: 2  Soara Ni Tondi.  BL. 284.

              2.  Marunduk ni roha topoti sude,

            Pambaenanmu na torbang, jengkelmu sude,

            Pasahat tu Jesus sandok dirimi,

            Sai tong pasunggulhon pangkophopNa i.

U:   O Tuhan Jesus Kristus, Anak ni Debata na gabe jolma ala ni hami, na mate jala na hehe sian na mate, na manaek tu banua ginjang do Ho mangondihon hami! Asi rohaM di hami, sai patongtong ma di hami roha hamauliateon tu Ho.   

H:   (Mengendehon: Setengah Soara) BE No. 424: 4  Soara Ni Tondi.  BL. 284.

                 4.  Tarsor ho mardosa, manurut lomom,     

Tung unang datdati, sai alo langkam,

Dompakkon Tuhanmu,  Pargogo do i,

Manesa, pamalum sude dosami.

U:  O Tondi Parbadia, pangapul di na marsak roha, pamalum ma saluhut na bernit, binahen ni dosanami! Ro ma Ho mangingani hami, asa marlas ni roha hami mangulahon lomo ni rohaM. Ho do parhitean ni nasa asi ni roha, sai unang tulak hami. Sai tangihon ma hami, Ho ale Debata, Ama, Anak dohot Tondi Parbadia! Amen.

H:   (Mengendehon: Setengah Soara) BE No. 424: 5  Soara Ni Tondi.  BL. 284.

               5.   Sai tiop tanganNa, pangido ma on,

Ramoti padungo, au siseanMon,

Pasada rohangku manggolom tongtong

HataMu na sintong, patogu au on.

U:  Tabege ma hata bagabaga ni Debata taringot tu hasesaan ni dosanta. Ro ma hamu tu Ahu, asa mangolu tondimuna, ninna Tuhan Jahowa. Tung sura rara dosamuna songon abit bunga dapdap, bontar do bahenonHu songon itak; nang pe rara songon abit hasumba, gabe songon hapas do muse. Hasangapon ma di Debata na di ginjang!

S:   Amen.

9.   Marende BE No. 86: 1 + 5                      Silang Na Badia                     BL. 67

1.   Silang na badia i, Ho do lombulombungki

      Maralohon dosa i, dohot pandelean i

      Di sude sitaonon i, Ho ma lombulombungki.

5.   Silang na badia i, Ho do lombulombungki

      Molo puas hodokki, di na suda bohalhi

      Di sude sitaonon i, Ho ma lombulombungki.

10.   Epistel     :  Lukas 10: 38 – 42.

U: Turpuk Epistel di minggunta sadari on, i ma na tarsurat di buku Lukas          10: 38 – 42, tajaha ma secara responsoria. Songon on ma didok di si: Jala di na mardalani nasida, dibongoti ma sada huta. Adong ma di si parompuan sahalak, na margoar si Marta, na manjangkon Ibana tu jabuna.

H: Ianggo anggina na margoar si Maria, hundulhundul do di jolo ni Tuhan i tumangihon hatana.

U: Diharonsothon si Marta do ragam ni parhobason. Laos dipajonok ma mandok: Tuhan, ndang diantoi roham, na pinasombu ni anggingki ahu marhobasi sahalakku? Dokkon ibana antong mandongani ahu!

H:  Gabe ninna Tuhan i mangalusi ibana: O Marta, Marta! Lan do disarihon jala dihasusahon ho!

U:  Sada do na ringkot! Dipillit si Maria do tohap na uli i; ndang sibuaton i sian ibana. I do sahatna. Martua do angka na tumangihon hata ni Debata, jala naumpeopsa.

S:   Amen.

11.   Marende BE No. 836: 1 – 2      Nunga Loja Au O Tuhan

1.          Nunga loja au O Tuhan di si ulubalang ari,

Naeng tumibu au pajumpang rap dohot Ho di surgo i,

Nunga bot mata ni ari, lam jonok nang ajalhi

Nunga loja au O Tuhan, rade ma baen ingananki.

2.    Nang pe naung hudai hubolus, hamoraon, hagabeon,

Songon ombun na mamolus, sude do tinggal ambolong

Aha ma tarboan ahu, lobi sian uloshi

Nunga loja au O Tuhan, rade ma baen ingananki.

12.   Manghatindanghon Haporseaon.

Tahatindanghon ma haporseaonta i songon na hinatindanghon ni donganta sahaporseaon di sandok portibi on, rap ma hita mandok: Ahu Porsea... d.u.

13.   Tangiang Pangondianan.

14.   Marende BE No. 211: 1 – 2      Tuhan Jesus Siparmahan                 BL. 92

1.  Tuhan Jesus Siparmahan, au birubiruNa do

     Jesus gok di Ho rohangku, sai ihuthononku Ho

     Sai ihuthononku Ho, sai ihuthononku Ho

 Jesus gok di Ho rohangku, sai ihuthononku Ho

2.  Jumpa masa sorimago, tung pangapul Ho gogo

     Ia bogasMi huida, sai ihuthononku Ho

     Sai ihuthononku Ho, sai ihuthononku Ho

     Ia bogasMi huida, sai ihuthononku Ho.

15.   Jamita     :  Maleaki 3: 13 – 18.            

16.   Marende BE No. 449: 1 …       Sai Solhot Tu Silangmi  (Papungu Pelean).

1.       Sai solhot tu silangMi, Jesus ingananku.

Mual na mabaor di si, i ma inumonku

SilangMi, Tuhanki  i ma pujionku,

Paima sogot sahat au, i endehononku,

2.       Lao ma au  tu  silangMi,  i haporusanku.

Sai asi ma rohaMi unang tulak ahu. SilangMi…

--- Organ/Musik ---

3.       Domu ma tu silangMi, i ma tioponku.

Asa unang lilu au, Ho ihuthononku. SilangMi…

4.       Laos maniop silangMi sai paimaonku

GokkonMi tu surgo i, tu siteanonku. SilangMi…

17.   Tangiang Pelean

18.  Tangiang Ale Amanami + Tangiang Pasupasu.

Seluruh Majelis dan Jemaat HKBP Lumban Julu, menyampaikan:

“Turut Menghantar Dalam Doa Ke Rumah Bapa Di Surga”

Atas meninggalnya:

Nontaria Br. Manurung (Op. Tambos Boru)

Tutup Usia 91 Tahun.

Selamat Hari Minggu & Tuhan Memberkati.

Doc. Acara – Pdt. A. Tambun, STh – HKBP Rest. Lumban Julu.