PARHALADO DOHOT KELUARGA
HKBP
RESSORT LUMBAN JULU.
Thema : “REPOSISI PEKABARAN INJIL”
{Pahosing
Pamaritahonon Di Barita Na Uli},
(Heber 1: 1 – 3).
Sub Thema: Bagaimanakah kita menyanyikan nyanyian Tuhan di
Negeri asing?
{Tung beha ma
pangendehonnami di ende ni Jahowa di luat ni halak na asing?}.
(Psalmen 137: 4).
Inganan: HKBP Lumban Julu Rest.
L. Julu.
Masuk: Pukul 10.00 WIB.
I. Acara Kebaktian : (Andorang so masuk: Martangiang na hohom).
1.
Marende Sian BE No. 65: 1 – 2 Patimbul
Be Ma Sangap BL. 129
1. Majumpang taon imbaru on, di au dibahen
Jesus
Dibaen rohaNa di au on, basaNa dipatulus
Ibana do manogu au, saluhut jea dipadao, mambaen las ni rohangku.
2. Dibahen i
hupuji Ho, O Jesus
Debatangku
Ai ndang hea mangulon Ho, mambaen
partuaonku
Rohangku panuratan ni, godang ni denggan
basaMi, ai Ho do pangurupi.
2. Votum
– Introitus – Tangiang (P: Paragenda; H:
Huria; S: Sude).
P: Marhitehite goar ni Debata Ama, dohot goar ni AnakNa Tuhan Jesus
Kristus, dohot goar ni Tondi Parbadia na tumompa langit dohot tano on, Amen.
Ahu do bonana dohot ujungna ninna Tuhan Debata. Unang Ho mabiar, ai Ahu do
parjolo jala parpudi.
H: Hupuji hami ma goarMu ale Debata, ala naung di udut Ho hosanami jala nunga
diojakhon Ho ngolunami sahat tu bona ni taon na imbaru on. Nunga pola 10 ari.
P: Ale Tuhan, Ho do na manjou jala na papungu hami di huriaMon. Ho do namangajari dohot mangondihon hami mamolus
taon na salpu i. Ima
taon 2019.
H: Mauliate ma rohanami di Ho.
Paimbaru ma parsaorannami tu Ho, pasada ma nang hami sama
hami di bagasan holong ni rohaM, asa tongtong mangula hami hombar tu lomo ni
rohaM dihuriaM nang di ngolunami siganup ari.
P: Di Ho ma hasangapon dohot pujipujian dohot hamuliaon ro di
saleleng ni lelengna. Haleluya. Martangiang ma hita: Ale Tuhan Debata, Amanami situtu do Ho marhite Tuhan Jesus Kristus Anak haholongan ni rohaM. Tama situtu do
hami pasahathon pujipujian dohot hamauliateon ni rohanami tu Ho, marningot
saluhut denggan basa dohot asi ni rohaM, na mandongani hami mamolus taon 2019, jala patariparhon ngolunami sahat tu taon 2020 on.
Didongani jala
diramoti Ho do hami sian ragam
ni angka parsorion
naung hubolus hami. Antong
nang di bagasan taon 2020 on pe, ima na berorientasi tu Reposisi
Pekabaran Injil HKBP. Pos situtu do rohanami dipangaramotionMu di hami
Parhalado dohot Ruas ni huriaM HKBP Ressort Lumban Julu on. Pasupasu hami di angka ulaonnami, jala lam pasada rohanami laho
mamuji pasangaphon Ho di ngolunami, di tongatonga ni huriaMi, asa lam togu
haporseaonnami jala asa lam ganda bilangan ni angka na porsea ala ni panghobasionami i. Ale Tuhan, sesa saluhutna dosanami ala
ni AnakMu, Tuhan Jesus Kristus, Sipalua jala Sipangolu hami.
S: Amen.
3. Marende
BE No. 68: 1 + 5 Ihuthon Au Sude Hamu BL.93
1. Masilelean angka taon, ro di ujungna sogot
O Jesus lehon parrohaon, na naeng tongtong
marningot
Di halalao ni aringki, huhut manimbang
ujung ni
5. O Jesus sai urupi au, di taon na ro mamboan.
Parbue angka na sai tau padaohon
hamagoan.
Sai pargogoi ma au tongtong, pasangap Ho
di ngolungkon.
4. Tangiang Mangido Hasesaan Ni Dosa
P: Tatopoti
ma dosanta tu adopan ni Debata. Martangiang
ma hita. Al Tuhan Debata Amanami Parasi roha na sumurung. Na ro do hamu nuaeng
tu adopanMu na sun badia i, laho manopoti angka dosanami. Na mardosa do hami
maradophon Ho ale Debatanami, ala ni halembaonnami mangulahon ulaonnami
songon parhalado hami di huriaMi.
H: Parhatopotonami do, jotjot do hami lemba ala ni hagaleonnami. Ale Tuhan, asi roham di hami, sesa dosanami.
P: Dipadiri
Tuhan Jesus do hita asa gabe parhobas, ndada sihobasan. Gabe parasiroha ndada siasian. Gabe pangurupi, ndada
siurupan. Gabe sibahen dame ndada sipadameon. Hape, lemba do hita
mangulahon i.
H: Ale
Tuhan, asi roham di hami, sesa dosanami.
P: Didok Tuhan Jesus do tu angka
na porsea, asa gabe sira dohot panondang di tongatonga ni portibi on. Gabe siboan pos ni roha
di tongatonga ni hagangguon. Siboan pangkirimon di tongatonga ni parungkilon. Hape, jotjot do hita lupa mangulahon i.
S: (Mangendehon:) BE. No.182: 2 Haholongan Na Badia BL.24
2.
Husolsoli do rohangku, na gok dosa i tongtong
Ai godang ariaringku, na hubahen ambolong.
P: Ale Tuhan Debata, Pargogo na so hatudosan jala
Amanami! Hujou hami do GoarMu na badia i, ala na targogot hami marningot angka dosanami. Sai asi ma rohaM
di
hami, marpamuati ma rohaM mida hahurangannami i. O Tuhan Jesus Kristus, Anak
ni Debata na gabe jolma ala ni hami, na mate jala na hehe sian na mate, na
manaek tu banua ginjang do Ho mangondihon hami! Asi rohaM di hami, sai
patongtong ma di hami roha hamauliateon tu Ho. O
Tondi Parbadia, pangapul di na marsak roha, pamalum ma saluhut na bernit,
binahen ni dosanami! Ro ma Ho mangingani hami, asa marlas ni roha hami
mangulahon lomo ni rohaM. Ho do parhitean ni nasa asi ni roha, sai unang tulak
hami.
S: Tangihon ma hami, ale
Debata Ama, Anak dohot Tondi Parbadia! Amen. (Hundul).
5. Marende BE No. 565: 4 Las Rohangku
Lao Mamuji
4. Rap ma hita mangendehon sangap di goarNa i,
Tapangiar soaranta
lao mamuji Tuhan i,
Sun do holong ni rohaNa na so marnamontok i.
I do pasadahon hita salelenglelengna i.
6. Psalmen
137: 1 – 9
P: Di topi ni angka batang aek Babel, disi do hami hundul
huhut tumatangis, molo huingot hami Sion.
H: Tu hau ampolu, angka na di
tongatonga nasida, hugantungkon hami angka hasapinami.
P: Ai disi do
didokkon angka na mambuangkon hami dohononnami angka hata ende, dohot angka na
paporsukporsuk hami mandokkon hami marlas ni roha: Endehon hamu ma di hami sada
ende sian Sion!
H: Tung beha ma pangendehonnami di ende ni Jahowa di luat ni
halak na pulik marga?
P: Molo tung
huhalupahon ho, ale Jerusalem, ingkon lupa tanganku siamun di ulaonna!
H: Ingkon lohot ma dilangku di langitlangitna i, molo tung so
huingot ho, molo tung so Jerusalem mangatasi saluhut las ni rohangku hubahen.
P: Sai ingot ma
ale Jahowa tu pinompar ni Edom ari hatataban ni Jerusalem, angka didok nasida
uju i: Ingkon panepnep hamu ma ro di batu ojahanna i!
H: Ho ale boru Babel, naung pinapatu, martua ma manang ise na
mamaloshon tu ho pambahenmi tu hami!
P: Martua ma
manang ise na manoro posoposom baoa, jala dipangalotakkon tu dolok batu! Martua
do angka na tumangihon hata ni Debata jala na umpeopsa.
S: Amen.
7. Marende
BE No. 74: 1 – 2 Sai Marlasniroha Hita BL. 175
1.
Sai marlasni roha
hita, ale dongan Kristen i
Sai tapuji ma
Tuhanta, napasaehon dosa i
Ditogihon Jesus
i, hita tu huria i
Naung
dijangkon Debatanta hita on baen
anakkonNa.
2. Tuhan Jesus do Rajanta, na manggomgom sasude
Niramotan ni tanganNa, do
luhut parhosa pe
Molo lao hatana i, ndang tarbaen so saut be i
Sai na tulus do nidokNa, di saluhut manisia.
8. Tangiang
Pangondianon : Sahalak Sian Parhalado Ressort
9. Marende
BE No. 730:
1 Sai
patau ma au Tuhan.
1. Sai patau ma diringku ale Tuhan,
Papatarhon
HinauliMi Tuhan,
Suru
ma tondiMi saor tu rohangki,
Lao
papatar HolongMu tu donganki.
10. Renungan: Heber 1: 1 - 3 (Pdt. A.
Tambun, STh).
11.
Marende BE No. 758: 1... Jahowa
Pangurupi (Papungu Pelean)
1. Jahowa
pangurupi disi ulaonmi.
Dilehon
pos ni roha di ganup tingki i,
Nang pe sipata ganggu haporseaonmi
Jamot
tongtong Tuhanmu manjaga ngolumi.
2. Jahowa
las ni roha saleleng ngolumi,
Ibana
haroroan ni nasa na uli
Ai disarihon
Jesus sude naringkot i,
Halashon
panoguon ni Jesus Tuhanmi.
-
m u s i k -
3. Jahowa
pandongani di na porsea i
Ibana
patuduhon nang sidalananmi
Asa
marolop-olop ho di ujungna i,
Ibana
do donganmu nuaeng nuaeng nang sogot i.
12. Parpadanan Na Badia.
13. Parsuruon
dohot Pangoloion (U: Uluan, H: Huria)
U: Ndang hapalang las ni roha, ala
dipasada jala dipapungu Tuhan Debata hita mandohoti partangiangan Bona Taon Parhalado dohot keluarga HKBP
Ressort Lumban Julu. Sadari on, Jumat 10 Januari 2020. Diigil Tuhan i do sian hita, asa lam tu dengganna parsaoranta di
tongatonga ni parhalado
dohot keluarga, huria nang
humaliangta pe.
H: Tapasiding ma angka hasomalan na manursari
punguan ni halak na porsea di Tuhan Jesus Kristus: Ima angka parsalisian na mambahen hasesega ni parsaoranta.
U: Di taon 2020 on, panghobasion ni hurianta
HKBP berorientasi tu Ulaon Reposisi Pekabaran Injil. Ala ni i, tahalaputi
ma angka ulaon
Pamaritahonon Barita Na Uli di tongatonga ni keluarga nang tu saluhut halak pe.
H: Mamaritahon Barita Na Uli tu
sandok portibi on, nang nasa na tinompa pe.
U: Sai tongtong ma taingot be jala
tahangoluhon: Sai na donganan ni Tuhan i do hita saluhutna, rasi rasa ro ajal
ni hasiangan on.
H: Taparangehon ma na tama, hombar tu panjouon naung sahat tu hita be.
U: Dibagasan
serep ni roha dohot haringgason ma hita marhalado di tongatonga ni huria ni
Tuhanta, pararathon Barita Na Uli bahen
hagaganda harajaon ni Debata di portibi on, gabe haluaon di torop halak jala
manghorhon pasupasu las ni roha di parhalado nang ruas ni huria pe.
S: Ale Tuhan, sai pargogoi ma hami mangoloi
jala mangulahon parsuruonMi. Amen.
14. Tangiang Pelean + Tangiang
Ale Amanami + Pasupasu.
II. Acara Marsipanganon.
III. Boaboa/Pengumuman.
ENDE MARULAON NA BADIA
I. Acara Sian Agenda
1. B. E. No.
152: 1 Jesus Na Mamorsan
1. Jesus na mamorsan dosa ni
portibi on, pangolu hami 2x
Jesus na
mamorsan dosa ni portibi on, sai pasonang hami. Amen, Amen, Amen.
2. B. E. No.
153: 1 O Jesus Naung Sineat
1. O Jesus naung sineat, di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, asi rohaM o
Jesus.
II. Tingki Marulaon Na Badia
Natorop
1. B.E
No.167: 1… Martua Do Na Marhaposan BL.108
1. Dijangkon Jesus do
pardosa, na mangarsakkon dosa i.
Na mangundukkon hinaroa, ni pambaenanNa
sasude
Alai ditangkup hata on, dijangkon Jesus
nang au on.
2. Pardosa na tarsolsol bagi, na ponjot roha
situtu
Huhut na olo manopoti, dosana i mansai
burju
I do dijangkon Jesus i, asa paluahonna
i.
= m u s i k
=
3. Banuaginjang ditadingkon, humophop
hajolmaon i
GoarNa i do sipujion, ni nasa na malua i
Ai nunga sae utangna i, binaen ni Tuhan Jesus i.
4. Ditaoni Jesus hamatean, di hau na pinarsilang i
Mambaen di hita pardamean, tu Debata
Amana i
Nuaeng ndang pola marsak be, na ro tu
Jesus i sude.
= m u s i k
=
5. Antong hamu na marsak roha, tangihon ma
hataNa i
Hatop ma ro hamu paboa, ditangkup
rohamuna i
Barita ni Tuhanta i,
naung ro pasaehon dosa i.
6. Di son do hami ale Tuhan, asi rohaM paias
ma
Togihon hami on tu ginjang, tu surgo i
tu Debata
Pujionnami ma di si, Ho Sipalua jolma i.
2. B.E. No. 182
Haholongan Na
Badia
1. Tu joloM o Debatangku, sai use do rohangkon
Sai pasiat tangiangku, dohot iluilungkon
2. Husolsoli do rohangku, na
gok dosa i tongtong
Ai godang ariaringku, na hubahen ambolong
- m u s i k -
3. Sai jotjot do hutadingkon, dalanMi na tigor i
Kristen au,
hape hutondong, dalan hamagoan i.
4. Ala nii tungki rohangku, jongjong di adopanMi
Sai asi
rohaM Tuhanku, sesa nasa dosangki.
- m u s i k -
5. Haburjuon dimangmangkon,
rohangkon nuaeng di Ho
Naeng tu
surgo hutujuhon, Jesus taiti au gogo.
6. Mangihuthon Ho, Tuhanku i ma las ni rohangki
I ma naeng
padanhononku, dok ma amenmi di si.
4. B.E. No. 155 Naung
Moru Do Muse Sataon
1. Tu son ma
ale tondingku, di na mauas, male
ho.
Manjalo basa ni Tuhanmu pinaradeNa i di ho.
Dilehon Jesus do dagingNa, marhitehite roti on.
Dilehon dohot do mudarNa, marhitehite anggur on.
2. Ai nang tongtong pe ganup
ari, mudarNa mangurasi au.
Huhut Ibana so
mansadi manogu tu lambungNa au.
Sai naeng au mangan parpadanan ni Jesus Kristus,
Tuhanki
Napadamehon parbadaan, na pasonangkon rohangki.
- m u s i k -
3. Asi rohaM di au o Jesus, tumpahi au sadari
on.
Ai hataMi
do hupatulus, manganhon parpadanan on.
Antong patiur ma rohangku, marningot denggan ni
basaM.
I ma na tinaonMi dosangku, binaen ni
holong ni rohaM
4. Patogu haporseaonku, di hasasae ni dosangki.
Marsitiopan baen rohangku, di mudarMi na durus
i.
Sai ro ma Ho ale Tuhanku, marhite parpadanan on.
Jorom ma baen nuaeng
rohangku. Homa nampuna au tongtong
5. B.E.
174 Torop Dope
1. Torop dope
na siat i, di hasampuran rea.
I pe hamu
pardosa i, sai olo ma porsea
Ai
Debata manjou hamu, tu hasonangan situtu.
Hamu, hamu, dijou Debatamu.
2. Tama
longang roham, ale, umbege pangontangna.
Antong
sai unang jua be, tangihon pamiona.
Ai
Debata mamio ho, dibahen i sai ro ma ho.
Sai ro, sai
ro, tu surgo ma ho ro.
- m u s i k -
3. Pardosa ho didok roham, na so tama be dohot?
Ndang pola ala ni dosam, umbaen na sundat
bongot.
Ai nunga sae do dosami, digarar Tuhan Jesus
i.
Naung sae,
naung sae, naung sae do dosami.
4. Haporseai ma hata i, ai i do hatuaon
Haposi Tuhan
Jesus i, mudarNa i ma golom
Ai nang gok dosa
rohami, malua ho bahenon ni
Tutu, tutu,
malua baenon ni.
- m u s i k -
5. Antong, beha roham di si? Sai rap ma hita bongot
Tu
hasampuran rea i, tu hasonangan sogot
Tapuji ma
Tuhanta i, dibaen asi rohaNa i
Tongtong,
tongtong, asi rohaNa i.
III.
Panutup. B.E. No. 4: 1 Sai
Puji Debata
1. Sai puji Debata dibaen asi rohaNa.
Huhut
tongtong basa di nasa tinompaNa.
Ria ma hita
be mamuji Debata;
Ai sesa do
nuaeng dosanta i dibaen.
·
Petugas Kebaktian:
1.
Pengkhotbah :
Pdt. A. Tambun, STh
2.
Liuturgis :
Biv. K. Lumbantoruan
3.
Petugas
Perjamuan Kudus :
* Pdt. D. S. Sinaga, STh
* Pdt. H. W. Siburian, STh
4.
P. Persembahan: Penatua dari HKBP
Lumban Julu.
Selamat Tahun Baru 2020.
Doc. Acara: Pdt. A. Tambun, STh - HKBP Rest. Lumban Julu.
Komentar
Posting Komentar