1.    Ilustrasi Jamita: Gabe Siihuthon Tuhan Jesus.

Mangihuthon turiturian Junani Kuno. Dung antar lumeleng Tuhan Jesus rap dohot angka siseanNa hea do diuji Tuhan Jesus angka siseanna i, laho manulingkiti pangoloion ni angka sisean maradphon guruna. Di sada tingki ditogihon Tuhan Jesus ma angka siseanna i laho nangkok tu sada dolok na adong di humaliang Jerusalem. Alai andorang so sahat tu bona ni dolok i, ingkon manaripari sada aek manang binanga do nasida. Uju mandok naeng borhat nama nasida dilehon Tuhan Jesus ma tu angka siseanna i silang sada tu sahalak. Saluhut do angka sisean i manuhuk silang na nilehon ni Tuhan Jesus tu nasida. Dungi borhat ma nasida marsituhuk silangna be.

                                                                                                                             

Lam dao nasida mardalan lam tu lojana ma panghilalaan nasida, ala ni borat dohot ganjang ni silang na tinuhuk nasida be. Ala ni lojana, ganup maradi nasida, sai adong do sian nasida na mamonggol silangna. Asal maradi diponggol sasaotik asa tung neang boanon ninna rohanasida be. Dibarbar otikotik ma i, asa lam moru boratna dohot ganjangna. Ujungna lam jempekma silang i gabe neang ma tutu tuhukonnasida.

 

Tutu ma antong, jumpang ma sada binanga na ingkon sitariparan nasida, dungi didok Tuhan Jesus ma tu angka siseanna i: “Di hamu angka siseanku, ala nunga jumpang hita sada binanga na ingkon sitaraparanta tu baribaan, ala ni i saluhutna ma hamu mambahen silang na binoanmuna i gabe jambatanmuna tu baribaan. Jala silang na binoanna i ma gabe jambatanna, ndang boi mardalan sian silang ni donganna”. Hape, uju na mardalan i angka sisean i andorang so sahat tu pinggir ni binanga i, torop do sian nasida na mamonggol silang na pinasahat ni Tuhan Jesus i tu nasida, gabe ndang tuk be silang nabinoanna i gabe jambatanna laho manaripari aek i tu bariba ni binanga i.

 

Angka halak na mamonggol silang na nilehon ni Tuhan Jesus i, ndang boi taripar tu bariba ni binanga i. Alai anggo halak na so mamonggol silangna i, i do na boi taripar tu bariba ni binanga i. Halak na mamonggol silang i, tudos ma i tu halak na so rade marsitaonon ala ni na mangihuthon Tuhan Jesus, jala jambar ni halak sisongoni “ndang jadi bongot tu harajaon ni Debata”. Jala halak na so mamonggol silang na pinasahat ni Tuhan Jesus i, tudos ma i tu halak na olo loja jala rade marsitaonon ala ni na mangihuthon Tuhan Jesus, jala angka halak sisongoni do na jadi bongot tu harajaon ni Debata. Ima hangoluan na saleleng ni lelengna na pinarade ni Tuhan Debata tu saluhut halak na porsea.

 

Hamu angka amanami, inanami saluhutna ma tahe haha, anggi nang pinaribot pe na umbege barita on. Gabe halak Siihuthon Tuhan Jesus, marlapatan do i ingkon rade do laho manuhuk silang na ampe tu hita ganup marsadasada. Sapala naung taoloi gabe “Siihuthon Tuhan Jesus”, unang ma danggoldanggol sisilon haporseaonta. Taingot ma hata ni Tuhan Jesus na tarsurat di Markus 1: 17 na mandok: “Jadi didok Jesus ma tu nasida: Ihuthon hamu Ahu, bahenonku do hamu sijala jolma”. Songoni ma, ilustrasi jamita na boi hupatupa. Sai anggiat ma marguna. Tuhan Yesus memberkati. Syalom. Horas ma di hita saluhutna. Salam Sehat.

 

 

https://youtu.be/lFhwsV0N0oE

Komentar

Posting Komentar

Postingan populer dari blog ini

Gambar
PARTORDING NI ACARA PARTUAON NI INANTA M. Br. Tampubolon (Op. Pondang Boru). Ari Jumat, tanggal 05 Pebruari 2010 Di HKBP Silaen, Ressort Silaen. TERTIB ACARA TU NA MONDING, DI GAREJA & PARBANDAAN  M. Br. Tampubolon (Op. Pondang Boru) 01. Marende No. 353: 1 - 2      (Di surgo hasonangan i)                            BL. 37     * Di surgo hasonangan i, inganan na dumenggan i.        Tu si naeng laho muli au, asa rap dohot Jesus au.     * Tutu godang dope adong, marningot au di tano on.         Sai tostosanku nama i, lao mandapothon surgo i. 02. Tangiang Pamuhai.       Pujipujian disombahon rohanami di botari on tu adopan-Mu na badia i, ale Jahowa Debata Amanami. Siala denggan ni basaM na sai tongtong sumarihon ngolunami di pardagingon nang partondionnami pe. Tangkas do i  Tuhan hupanghilalahon hami. Diboto Ho do Tuhan ualaonnami nuaeng, nunga jumolo marujung ngolu ni inanami M. Br. Tampubo
Baca selengkapnya
Gambar
TERTIB ACARA  NATAL  KELUARGA  POMPARAN  NI   TANDANG   BISARA   SIRAIT Thema         :  Nunga Hujalo Haluaon Na Sian Tuhan i (Lukas 2: 30) Sub Thema   :  INGANAN                        :           AJIBATA MINGGU ,  TANGGAL  14   DESEMBER  20 14 Pukul  17.00 WIB  s/d  Selesai. TERTIB ACARA  NATAL  KELUARGA POMPARAN NI TANDANG BISARA SIRAIT I.           Acara Kebaktian . 1.  Pangaradeon diri      M artangiang di bagasan rohan ta be . 2.  Marende B.E. No. 48: 2 + 7            RIA MA HITA SASUDE                       BL. 16 (Di tingki marende pagalak lilin)       2.  Diungkap Debatanta i , banuaginjang i            Disuru do AnakNa i , hangoluanta i, hangoluanta i . 7.   Ringgas ma hita sasude , m amuji Debata      Gogo ma taendehon be , a men h aleluya, a men h aleluya .         Na pagalak Lilin:      1.       Parjamita               
Baca selengkapnya
Gambar
ACARA PARTANGIANGAN ULANG TAHUN TUAN NANSER SIRAIT (OP. PAULUS DOLI) KE- 59. SENIN, 05 MEI 2015, PKL. 17.00 WIB. INGANAN:  KAFE NABORSAHAN – AJIBATA TOBA SAMOSIR I. KEBAKTIAN 01. Marende Sian BE No. 15: 4             Aut Na Saribu Hali Ganda    BL.   103          4. Mauliate ma rohangku di ho o Debata tongtong .  D ibaen sude denggan basaMu, naung nilehonMu di au on .     Ai dipatongon Ho tongtong sude na ringkot di au on . 02. Votum – Introitus – Tangiang  (U= Uluan, K= Keluarga, H= Huria)        U: Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on.       H:   Amen.       U:   Ale Tuhan, sai Ho do haporusannami marsundutsundut.       H: Tagan so tubu dope angka dolok jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna.          U: Ai lam m
Baca selengkapnya