Tertib Acara Partangiangan

 

Bona Taon Pomparan Raja Tambun

 

Tema:  “Ulahon ma haluaonmu mardongan biar dohot lomos ni roha/

             Kerjakanlah keselamatanmu dengan takut dan gentar” (Pilippi 2: 12).

 

  

 

Pematang Siantar.

 

Minggu, tanggal 15 Januari 2023.

 

 

PARTANGIANGAN BONA TAON PUNGUAN POMPARAN RAJA TAMBUN

 

& Ev.:  Pilippi 2: 12                                                                          & Ep.: 1 Johannes 3: 19 – 24.

Topik:  “Ulahon ma haluaonmu mardongan biar dohot lomos ni roha”.

 

(Andorang So Masuk: Martangiang na hohom ma hita).

 

I.     Acara Partangiangan.

1.      Marende Sian BE No. 6: 1 + 3               Puji Jahowa Na Sangap  

Ø  Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude, hamu sude manisia.

 

Ø  Puji Jahowa naung tipak manompa dagingmu
Jala na tongtong manumpak hisar pamatangmu
Jotjot do ro pangurupiNa tu ho, uju na ro hagogotan.

 

2.      Votum – Introitus – Tangiang: (U = Uluan, H = Ruas).

U:  Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Porbadia na tumompa langit dohot tano on. Amen.

H:  Marolopolop tu Debata ma ho, ale sandok tano on! Endehon hamu ma hamuliaon ni GoarNa, marmulia bahen hamu pujipujianNa.

U:  Dok hamu ma mandok Debata: Tung na songkal do angka pambahenanMu! Binahen ni hinatimbul ni gogoM ingkon marsomba tu Ho angka musuM. Haleluya. Martangiang ma hita: Ale Tuhan Debata, Parasiroha na sumurung! Sai parrohai ma hami, asa unduk hami tu lomo ni rohaM. Nunga dipataripar Ho ngolunami sian tingki na salpu tu partingkian taon 2023 on, nunga pola 15 ari lelengna. Mangasahon hadirionnami olo do biahaton hami mandalani ariari ni ngolunami di bagasan taon on.  

H:  Tahutan hami, ala ni angka na naeng masa di ngolunami. Marhite angka na pistar masa ma ninna resesi ekonomi di portibi on. Jala ragam dope angka na naeng masa hinorhon ni i, alani i ajari ma hami jala pargogoi ma hami Tuhan laho mangadopi saluhutna i.

U:  Pahot ma hami di haporseaon na ture asa tongtong manghirim di haheheon dohot di hasangapon sogot silehononMu tu angka na porsea di Ho.

H:   Ale Tuhan Jesus, Sipangolu jala Sipalua hami, asi ma rohaM di hami.

U: Mangasahon asi ni roham dohot pangaramotionMu di hami ganup masrsadasada, sai hasonangan do jambarnami. Ala ni Anak haholongan ni rohaM Tuhan Jesus Kristus Tuhannami. Amen.

 

3.      Manjaha Turpuk: 1 Johannes 3: 19 - 24

U:  Epistel di partangiangan Bona Taon Punguan Pomparan Raja Tambun, dienet sian 1 Johannes 3: 19 - 24. Songon on ma tarsurat di si: Di si ma botoonta, paboa sian hasintongan hita jala tapapos rohanta di Jolona.

 

H:  Molo disolsoli rohanta hita, umbalga do Debata sian rohanta jala diboto saluhutna.

 

U:   Hamu angka haholongan, molo so disolsoli rohanta hita, marhiras ni roha do hita maradophon Debata.

 

H:  Jadi manang aha pe tapangido, jaloonta do sian Ibana, ala taradoti patikna jadi taula lomo ni rohana.

 

U:  On do patikna: Naeng porsea hita di Goar ni Anakna Jesus Kristus, huhut masihaholongan, songon naung tinonahonna i tu hita.

 

H:   Siradoti patikna, i do na mian di bagasan Ibana jala Debata di bagasan ibana. Jala sian on do taboto, naung mian Ibana di bagasan hita: Sian Tondi i, na nilehonna i tu hita.

 

U: I do sahatna. Martua do angka na tumangihon hata ni Debata jala na umpeopsa. Amen.

 

4.        Marende BE No. 565: 1 – 2       Las Rohangku Lao Mamuji

Ø  Las rohangku lao mamuji Debata Parholong i

Songon bunga na mangerbang di na binsar ari i

Arsak, dosa, haporsuhon mago dibaen asiMi

Las ni roha na manongtong lehon di au Tuhanki.

 

 

Ø  Sude jadijadianMu, laut, tano, langit i

Angka bintang dohot bulan nang mataniari i

Hauma, ladang, nang harangan, rura dohot dolok i

Saluhutna mangendehon sangap di Tuhanta i.

 

5.      Jamita: Pilippi 2: 12

Onpe, hamu, na hinaholongan, songon tongtong ni pangoloionmuna nasailaon, unang holan jumpa di hamuna ahu, lam songon i ma, di na padaodao ahu: Mardongan biar dohot lomos ni roha ulahon hamu ma haluaonmuna!

 

6.      Marende BE No. 474: 1 + 3         Ingkon Jesus Do Donganku

Ø   Ingkon Jesus do donganku, sahalakku lilu do

Raphon Jesus boi au monang, talu musu i na ro

Ndang mabiar au disi, Tuhan Jesus donganki

Sai ihuthononku Jesus, oloanku nama i.

 

Ø Ingkon Jesus do donganku, molo na tarunjun au

Tuhan Jesus do parmonang, dipamonang dohot au

Ndang mabiar au disi, Tuhan Jesus donganki

Sai ihuthononku Jesus, oloanku nama i

 

7.      Tangiang  :   Sian Boru/Bere.

 

8.      Marende BE No. 724: 1 + 3        Tuhan Baen Ma Ngolungkon

Ø  Tuhan baen ma ngolungkon, parbadiai ma di Ho

Pangke ma nang tingkingkon mamuji pasangap Ho

Mamuji pasangap Ho.

 

 

Ø  Hata nang soarangki pasangaphon Ho ma i

Dohot pambahenanki pararat baritaMi

Pararat baritaMi.

 

9.      Tangiang :  Anak (Pomparan Raja Tambun)

 

10.  Marende Sian BE. No. 754: 1…           Gok Las Ni Roha

Ø     Gok las ni roha do au di ngolungkon. Di ngolungkon, di ngolungkon

Gok las ni roha do au di ngolungkon. Tongtong di rohangkon.

Mauliate gok las ni roha. Maringan holongMi Tuhan di au.

Mauliate gok las ni roha. Maringan holongMi Tuhan di au

 

Ø  Mardame jala sonang do ngolungkon. Di rohangkon, di rohangkon

Mardame jala sonang do ngolungkon. Tongtong di rohangkon.

Mauliate gok las ni roha. Maringan holongMi Tuhan di au

Mauliate gok las ni roha. Maringan holongMi Tuhan di au.

 

11.  Tangiang Pelean.

 

12.  Tangiang Ale Amanami +  Amen, Amen, Amen.

 

Doc. Acara: Pdt. Ahab Tambun, STh.