3. "DI HO SADA, DI AU SADA".
Di sada tingki, topet di bot ni ari mareak borngin adong ma 2 halak panangko mangga na margoar si Torkis dohot si Turkis (Silinduat). Boi dohonon halak on na dua nunga somal manangko mangga jala nunga ahli nasida di si jala mansai kompak do nasida na dua. Molo manangko mangga ndada sakilo manang 2 kilo, alai mintor mangusung goni do.
Di na sahali, manangko mangga ma nasida. Jala dung sidung dibahen to bagasan goni, maringkati ma nasida jala martabuni tu balik ni kuburan huhut mamboan mangga na tinangkona i. Ala ni dorasna nasida maringkati huhut mamboan goni na marisi mangga i madabu ma si Torkis pas di gerbang ni kuburan i, gabe pisik ma 2 biji mangga, alai dipasombu nasida nama mangga na dua na madabu na di gerbang ni kuburan i. Hatop ma nasida martabuni di pudi ni kuburan i, asa anggiat unang dibereng halak.
Nunga aman be, ninna roha nasida. Marbagi hasil ma nasida na dua. Asa adil sadasada ma dibuat halaki jala margantiganti nasida mambuat. “Di ho sada… di au sada…. Di ho sada… di au sada… Di ho sada… di au sada...”, songoni ma halaki mambagi mangga na sagoni i.
Na so pamotoan nasida na dua lewat ma sebaya nasida na margoar si Tagor sian jolo ni kuburan i (ala dalan do di jolo ni kuburan i), marsisir ma imbulu ni si Tagor jala tarsonggot umbege hata na sian arah kuburan na mandok: “Di ho sada, di au sada… di ho sada.. di au sada…”, ala mabiar si Tagor gabe maringkati ma ibana tu jabuna laho mandapothon amana.
Dipaboa si Tagor ma tu bapana i na adong soara sian kuburan na di lambung ni huta nasida i. Dungi, laho ma antong amanta i dohot si Tagor tu arah kuburan i. Manjonokkon di gerbang ni kuburan i dope nasida nunga dibege nasida, adong soara na mandok: “Di ho sada... di au sada… Di ho sada… di au sada”. Dipamanat amanta i rap dohot si Tagor ma sian gerbang ni kuburan i huhut manangihon soara i: “Di ho sada.. di au sada… Di ho sada… di au sada…”. Songoni ma suara i di bege nasida.
Gabe tubu ma tu roha ni si Tagor manungkun tu bapana: “Soara ni aha do i bapa? Soara ni Surusuruan do i, manang na soara ni begu manang soara ni sibolis?. Manang na laho mambagi jolma naung monding i do ra i ate bapa?”. Didok amanta i ma mangalusi anakna si Tagor i: “Au pe ndang huboto Tagor manang soara nia aha i”.
Ndang sadia leleng dibege amanta i dohot si Tagor ma soara sian kuburan i, nunga sae be tabagi. Saonari na 2 na i, na di gerbang i, ise do hita mambuat i? Ho do manang au? Umbege hata i..., si Tagor dohot amanta i, lari ma nasida maringkati sagogo ni gogona mulak tu jabu ala dirimpu nasida: "Hami na dua nama hape buatonna", ninna rohanasida. Dirimpu laho mambuat hosa ni amanta i dohot anakna si Tagor i. Mabiar situtu ma nasida jala marsalaon (pucat) bohi nasida. Dung sahat nasida di jabu modom ma nasida na dua, alai sai tong dope ndang olo tarpodom holan mamingkiri na masa i. Dihaol si Tagor ma bapana i, alai sai marsak ma amanta i, mamingkiri na masa i.
Hamu dongan panjaha unang arsakhon hamu agia aha. Taingot ma hata ni endenta No. 1: 1 na mandok:
Ringas ma ho tondingku, mamuji Debatanta i
Ai diparmudumudu, ho unang halupahon i
Disesa do dosamu, didaoni sahitmi
Diudut do hosamu, diburi tondimi
Huhut diapulapul, roham na marsak i
Asa tung lam humibul, mingot uhumNa i.
Di sada tingki, topet di bot ni ari mareak borngin adong ma 2 halak panangko mangga na margoar si Torkis dohot si Turkis (Silinduat). Boi dohonon halak on na dua nunga somal manangko mangga jala nunga ahli nasida di si jala mansai kompak do nasida na dua. Molo manangko mangga ndada sakilo manang 2 kilo, alai mintor mangusung goni do.
Di na sahali, manangko mangga ma nasida. Jala dung sidung dibahen to bagasan goni, maringkati ma nasida jala martabuni tu balik ni kuburan huhut mamboan mangga na tinangkona i. Ala ni dorasna nasida maringkati huhut mamboan goni na marisi mangga i madabu ma si Torkis pas di gerbang ni kuburan i, gabe pisik ma 2 biji mangga, alai dipasombu nasida nama mangga na dua na madabu na di gerbang ni kuburan i. Hatop ma nasida martabuni di pudi ni kuburan i, asa anggiat unang dibereng halak.
Nunga aman be, ninna roha nasida. Marbagi hasil ma nasida na dua. Asa adil sadasada ma dibuat halaki jala margantiganti nasida mambuat. “Di ho sada… di au sada…. Di ho sada… di au sada… Di ho sada… di au sada...”, songoni ma halaki mambagi mangga na sagoni i.
Na so pamotoan nasida na dua lewat ma sebaya nasida na margoar si Tagor sian jolo ni kuburan i (ala dalan do di jolo ni kuburan i), marsisir ma imbulu ni si Tagor jala tarsonggot umbege hata na sian arah kuburan na mandok: “Di ho sada, di au sada… di ho sada.. di au sada…”, ala mabiar si Tagor gabe maringkati ma ibana tu jabuna laho mandapothon amana.
Dipaboa si Tagor ma tu bapana i na adong soara sian kuburan na di lambung ni huta nasida i. Dungi, laho ma antong amanta i dohot si Tagor tu arah kuburan i. Manjonokkon di gerbang ni kuburan i dope nasida nunga dibege nasida, adong soara na mandok: “Di ho sada... di au sada… Di ho sada… di au sada”. Dipamanat amanta i rap dohot si Tagor ma sian gerbang ni kuburan i huhut manangihon soara i: “Di ho sada.. di au sada… Di ho sada… di au sada…”. Songoni ma suara i di bege nasida.
Gabe tubu ma tu roha ni si Tagor manungkun tu bapana: “Soara ni aha do i bapa? Soara ni Surusuruan do i, manang na soara ni begu manang soara ni sibolis?. Manang na laho mambagi jolma naung monding i do ra i ate bapa?”. Didok amanta i ma mangalusi anakna si Tagor i: “Au pe ndang huboto Tagor manang soara nia aha i”.
Ndang sadia leleng dibege amanta i dohot si Tagor ma soara sian kuburan i, nunga sae be tabagi. Saonari na 2 na i, na di gerbang i, ise do hita mambuat i? Ho do manang au? Umbege hata i..., si Tagor dohot amanta i, lari ma nasida maringkati sagogo ni gogona mulak tu jabu ala dirimpu nasida: "Hami na dua nama hape buatonna", ninna rohanasida. Dirimpu laho mambuat hosa ni amanta i dohot anakna si Tagor i. Mabiar situtu ma nasida jala marsalaon (pucat) bohi nasida. Dung sahat nasida di jabu modom ma nasida na dua, alai sai tong dope ndang olo tarpodom holan mamingkiri na masa i. Dihaol si Tagor ma bapana i, alai sai marsak ma amanta i, mamingkiri na masa i.
Hamu dongan panjaha unang arsakhon hamu agia aha. Taingot ma hata ni endenta No. 1: 1 na mandok:
Ringas ma ho tondingku, mamuji Debatanta i
Ai diparmudumudu, ho unang halupahon i
Disesa do dosamu, didaoni sahitmi
Diudut do hosamu, diburi tondimi
Huhut diapulapul, roham na marsak i
Asa tung lam humibul, mingot uhumNa i.
.jpg)
Komentar
Posting Komentar