PARTORDING NI ACARA MINGGU XIII DUNG TRINITATIS.

HKBP AJIBATA, 30 AGUSTUS 2015.

 

1.     Marende Sian BE. No. 17: 1 - 3    Raja Na Tumimbul                        BL. 210

1.   Raja na tumimbul, sigomgomi hami,  jalo ma pujiannami

      Denggan ni basaM do, pangoluhon hami,  atik pe mardosa hami

      Sai apoi pargogoi hami mangendehon, sangapMi o Tuhan

2.   Sai dipuji langit  jadijadianMu, saluhut pambahenanMu

      Parsinondang bolon na marpamongguri,  Ho o Tuhan do dipuji

      Bulan i, bintang pe Ho do pinujina dohot sinondangna

–  O R G A N – A Y.  3   J O N G J O N G   –

3.   Dohot do tondingku, tungkap di adopan, ni habangsaMi o Tuhan

      Nang sude donganku nasa na marhosa, pujionna do Jahowa

          Sai tongtong na sintong,  holan Debatanta do sipujionta..                         

2.        Votum – Introitus – Tangiang  (P = Paragenda,  R = Ruas).

     P:  Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia.  Amen.

     R: Disuru Debata do AnakNa gabe pardengganan taringot tu dosanta.

     P: Hamu ale angka dongan, molo songoni dihaholongi Debata hita, ingkon dohot do hita masihaholongan sama hita. Haleluya.

Sude: (Mangendehon) Haleluya… Haleluya… Haleluya…

  P:  Martangiang ma hita. Ale Debata pargogo na so hatudosan, Amanami na di banua ginjang! Mauliate ma rohanami tu Ho, ala dilehon Ho AnakMu na sasada i tu hami jala dipalua Ho hami sian gomgoman ni sibolis. Hupangido hami tu Ho: Sai ramoti hami di bagasan hataM, asa margogo hami, jumpa masa hasusaan dohot hagogotan. Sai sesa ma dosanami dohot pangalaosionnami di hataM na badia i. Sai parbadiai ma rohanami marhitehite TondiM, jala pamasuk hami tu hangoluan sogot, asa pujionnami Ho di si ro di saleleng ni lelengna, marhitehite Tuhan Jesus Kristus Tuhannami.

Sude:  Amen.

3.    Marende Sian B.E No. 575: 1      Puji Ma Debata Na Songkal

Puji ma Debata na songkal, pasangap ma goarNa, puji ma

Angka rura dohot lung, angka dolok na timbo, dohot hasak ni galumbang

Sude mamuji Ho. Langit i na mansai hembang bintang i, na mansai torang

Ombun i na mansai saksak, pasangaphon Ho O Debata.

Tung so olo tading au, lao mamuji Ho Tuhan nasa gogo bahenonku

      Lao pasangaphon Ho, ro di ujung ni ngolungku, sai pujionku Ho.

4.      Patik  :

P:  Tangihon hamu ma Patik ni Debata di minggunta sadari on: Ima na tarsurat di 5 Musa 24: 17. Songon on ma didok di si: Ndang jadi papeolonmu uhum tu halak dagang dohot tu dakdanak na sopot so marama.

R: Jala ndang jadi buatonmu ulos ni parompuan na mabalu bahen singkoram.

P:  I do sahatna. Antong rap mangido gogo ma hita sian Tuhan Debata.

   Sude: Ale Tuhan Debata, sai pargogoi ma hami mangulahon na hombar tu patikMi.  Amen.

5.    Koor    :   1. Remaja/Naposo                   2. Parari Rabu

6.    Marende Sian B.E No. 481: 1 + 3                       Godang Dope                       BL. 325

1. Godang dope siguruhononMi, asa tu dos ho dohot Tuhanmi

          Sai tong na hurang hatigoranmi, so tuk dope haporseaonmi.

          Dirim sambing dihaholongi ho, donganmu laos dihalupahon.

3. Tatiru holong ni rohaNa i, pinatuduhaon ni Tuhanta i,

    Tahaholongi ma donganta i, ai ruas ni Tuhanta do nang i

    Mardame ma, marsijalangan ma; Tatuju ma solhot tu Debata.

7.    Manopoti Dosa

P: Tatopoti ma dosanta na godang i tu adopan ni Debata martangiang ma hita: Ale Tuhan Debata pargogo na so hatudosan jala Ama Parasiroha! Ndang lomo rohaM mida hamatean ni pardosa;

R: Mulak ma nian parjahat i tumadingkon dalanna, asa mangolu ibana, i do dipangido rohaM. Dibaheni sai sesa ma dosanami.

P: Ala ni i umbahen hupangido hami; sai sundati ma torutoruM asa unang mangonai be tu hami.

R:  Sai sesa sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus. Amen.

Sude: (Mangendehon BE No. 61:  2    Na Tau Las Ni Roha                BL. 2)

2.  Tung godang do dosa pangunjunan pe

     Mangarsahi hita paima mate be, mangarsahi hita paima mate be.

P: Bagabaga ni Debata taringot tu hasesaan ni Dosanta. Songon on do hata ni Tuhan Jahowa: Unang ho mabiar, ai Ahu do siluluhon ho; nunga pola Hujou goarmu. Ahu nampuna ho. Hasangapon ma di Debata na di ginjang.

Sude:  Amen.                                                                                              (hundul)

8.    Koor    :   Jeremia

9.    Marende Sian B.E No. 417: 3            Rade Situtu Haluaon                  BL. 278

  3. PangkophopNa i parangehon, pasangap Tuhanmu antong .

Ibana buas mangalehon tu ho hasonangan tongtong.

Sandok sian holso malua, nang sian biarmu sude,

Sonang nama ho na martua, mangkirim tongtong surgo i.

10.     Epistel:  5 Musa 4: 1 – 2 

P: Nuaeng pe, ale Israel, sai tangihon ma aturan dohot uhum, angka na hupodahon tu hamu, sibahenonmuna, asa mangolu hamu jala masuk hamu tu tano siteanonmuna i, na nilehon ni Jahowa, Debata ni ompumuna i tu hamu.

R: Ndang jadi ambaanmuna tu hata naung hutonahon i tu hamu, jala ndang jadi oruanmuna sian i, ingkon radotanmuna do angka tona ni Jahowa Debatamuna i, naung hutonahon i tu hamu.

  P: I do sahatna. Martua do angka na tumangihon hata ni Debata jala na umpeopsa.

    

Sude:   Amen.

11.    Koor  :   Parari Kamis  

12.    Marende Sian B.E No. 249: 1 + 4    Ngot Ma Ho, O Tondingki        BL. 122  

    1.  Ngot ma ho, o tondingki dungo martangiang, asa unang musu i

         Tole so tinagam, bisuk ni setan i do manait tu dosa, lan na bonar roha.

         4.  Dungo, jaga rohami unang dililuhon, hisap ni dagingmu i

              Jala ditaluhon, ginjang ni roha i, do jumotjot ala pangalapan sala

13.    Manghatindanghon Haporseaon:

14.    Koor        :  1.   Ama                               2.   Nazaret

15.    Tingting   : 

16.    Mandok Hata Sintua Learning:  R. Br. Sidabutar,SPd/Keluarga (N.Pendro)

17.    Tangiang Pangondianon:

18.    Marende Sian B.E No. 246: 1...            (P. Pelean)                              BL. 116.

1.  Jesus urupi pamonang ma hami, tatap  ma gogo ni na holom i

     Na so mansadi mangonggop di hami,  naeng polgahanna do hami sude

     Sai dipingkiri sibolis dalanna, manang beha au tongtong arsahanna.

2.  Jesus pamonang au, Ho do manobus, jala nampuna au on do tongtong

     Holan tu Ho nama ahu maporus, mida pangela ni portibi on

     Molo sai masirapusan rohangku, unang tadingkon au ale Tuhanku.

                                -   o r g a n   -

3.  Jesus pamonang  au sai huhilala, dokdok ni dosa sude na hubaen

     Sai dipaingot rohangku do  sala, angka na sian posongku hubaen

     Loas ma i paserephon  rohangku, jala paingot ma au di mudarMu

4.  Jesus pamonang  au jala intopi,  api ni hisap ni daging di au

     Togang ma au molo naeng manolopi, tahi ni roha na jahat i au

     Ho ma, o Jesus manggohi rohangku, asa malua au sian musungku.

19.    Jamita     :  Pangungkapon 3: 14 – 22

20.     Marende Sian B.E No. 251: 1 … Na Monang I Do    (P. Pelean)      BL. 138

1.   Na monang i do na muse manganhon, parbue ni hau hangoluan i

      Ndang jadi idaonna hamagaoan, nang hamatean paduahon i

      Ai Debatana, papos rohana,  :,:Mambaen langkana tongtong tiur:,:

2.   Na monang i ndang tupa hahuaon, ni hamatean paduahon i

 Sai jongjong do ibana maradophon, bohingku di banuaginjang i

 Sai idaonna di si Tuhanna, :,:Ro di donganna  na monang i:,:

                                -   o r g a n   -

3.   Na monang i do  lehononku mangan, di surgo manna na buni dope

 Pangalahona do tongtong ingoton, margoar na imbaru do muse

 Na sinurathon tu batu intan, :,:Tongtong martua panjalo i:,:

4.   Na monang i marnida pambaenanku, i do na marmahani bangso i

 Pasahatonku deba sahalangku tu tangan ni sude na monang i.

 Sai rosahanna muse alona,  :,:Patunduhonna do musungki:,:

21.  Pandidion Na Badia:

22.  Paborhathon Sintua Pensiun dohot Manjalo Tohonan Sintua:

 Paborhathon sintua mandalani masa pensiun ima amanta St.   Anthoni Karokaro.

     1. Marende Sian BE. No. 133: 1      Naeng Pujionku.                   BL. 113

         (Di tingki marende tu jolo ma na naeng pensiun rap dohot inang)               

   * O Tondi na manggohi roha, ni panindangi na parjolo i

       Na so dung olo marnaloja, mangalo musu ni Tuhanna i

       Sungguli dohot rohanami on, mamaritahon Jesus i tongtong.

            2.  Manjaha Surat Sian Pandita HKBP Ressort Ajibata.

·         Manjaha Riwayat Pangulaon Hasintuaon ni St. A. Karokaro.

            3.  Paborhathon:

·         Pasahat Tohonan Sintua tu:  Ratna Br. Sirait, SPd.

              4.  Marende No. 121: 1                    Jesus Raja Ni Huria               BL. 97

                 (Di tingki marende tu jolo ma na naeng manjalo tohonan)

        Jesus, Raja ni huria. Na porsea, na badia pasupasu ma au on

        Sai sungguli ma rohangku, mangihuthon Ho, Rajangku

                        Pargogoi ma au tongtong, pargogoi ma au tongtong.

             5.  Pasahat Tohonan:  (Agenda HKBP).

             6.  Pasahat Cendramata tu Na Pensiun

             7.  Mandok Hata:

                        1.  Na Pensiun/Keluarga                   2.  Na Manjalo Tohonan

                        3.  Mewakili Ruas                              4.  Parhalado

23.  Marende Sian BE. No.  672: 2 Tung Godang Situtu

       2.  Ai lambok do soara ni Tuhanta i, ro ma ho las ma nang rohami,

           Sai taingot tongtong hata ni Tuhan i, mangarahon jolma tu Tuhan i.

           Sai patupa ma i ala ni Tuhan i, so mangkirim balosna tu ho.

           Debata do marnida na niulami, manang na adong parbue ni i.

24.  Tangiang Pelean + Tangiang Ale Amanami + Pasupasu.

                                                           Pdt. A. Tambun, STh