Mandapothon Napinarsangapan:

                                                                                                                     Parhalado dohot Ruas

Ni huria HKBP Saressort Ajibata.

Tabe mardongan Tangiang!

Asi ni roha ni Tuhan Jesus Kristus dohot holong ni roha ni Debata Ama dohot parsaoran ni Tondi Parbadia ma na mandongani hita saluhutna. Amen.

Na di ari Senen tanggal 27 Oktober 2015 masa do “habongkaran bagas” ni amanta pandita HKBP Ressort Ajibata. Tahamauliatehon do tu Tuhan i ndang adong korban nyawa, ala topet ndang di jabu amang pandita i rap dohot keluarga (Di Pematang Siantar do nasida ala ni parmonding ni simatua ni amang pandita i). Hinorhon ni na masa i mago do 2 Laptop, 1 Handicam dohot 3 HP (Handphone).

Na di ari Sabtu, tanggal 31 Oktober 2015 dirapothon parhalado sa ressort ma taringot tu na masa i dung  salpu Sermon Ressort. Angka on ma hasil ni rapot i:

1.      Tapodahon ma tu angka sundut na umposo lumobi tu angka ianakkonta be asa unang olo jamajama lumobi mambuat na so bagianna manang manangko. Taajarhon jala tapodahon ma tu nasida patik Pa-VIII na mandok: “Unang ho manangko”. 

2.      Ala inpentaris ni hurianta do Laptop na mago i, ala ni i ingkon gantionta do i marhite na papungu pelean di HKBP sa-Ressort Ajibata on.

3.      Hombar tu si patupaonta ma papungu pelean tu jolo:

Di Ari Minggu tanggal 15 Nopember 2015.

Songoni ma hupabotohon hami tu hamu amanami/inanami parhalado dohot saluhut ruas ni huria HKBP sa-Ressort Ajibata. Hata ni Tuhanta na mandok: “Marsiurupan ma hamu mamorsan angka na dokdok i; i ma dalan mangaradoti patik ni Kristus” (Galatia 6: 2). Siala haradeon dohot pangurupionmuna jumolo hudok hami mauliate.     

         Ajibata, 07 Nopember 2015.

A/N: Parhalado HKBP Ressort Ajibata.

    Pdt. A. Tambun, STh