PARTORDING NI ACARA PARMINGGUON
Ujung Taon Parhuriaon/Parningotan
Di Angka Na Monding
&
Ev: Kolosse 1: 11
– 20. & Ep: Psalmen 46: 1 – 12.
TOPIK
:
TOHAP DOHOT SITEANON NI ANGKA NA BADIA DI
HARAJAON NI DEBATA
(Sukacita Dan Warisan Orang Kudus Dalam
Kerajaan Allah).
DI HKBP AJIBATA, RESSORT AJIBATA.
Minggu Tanggal 20 Nopember 2016.
1. MARENDE SIAN BE. 699: 1 – 3 SINGKOP
DO ASI NI ROHAM
1. Singkop do asi ni rohaM, tu au na dangol on,
Na lilu ahu nahinan nuaeng
jumpang do.
2. Di na hutanda dosangki, gok
biar rohangki,
Alai ala ni asiMi, mardame
rohangki.
- o r g a n / a y. 3 j o n g j o n g -
3.
Didalanki na rahis i, gok mara ngolungki,
Ala pangurupionMi, malua
tondingki.
2. VOTUM – INTROITUS –
TANGIANG (P = Paragenda, R = Ruas).
P:
Marhitehite Goar ni Debata Ama dohot Goar ni AnakNa, Tuhan Jesus Kristus dohot
Goar ni Tondi Parbadia, na tumompa langit dohot tano on.
R: Amen.
P: Songon on do Hata ni Tuhan Jesus: Na monang i
do siparulosan dohot angka ulos na saksak, jala ndang sesaonKu goarna sian
pustaha hangoluan, jala parhatopotonKu do goarna di jolo ni Damang dohot di
jolo ni angka surusuruanNa. Haleluya.
R: (Mangendehon):
Haleluya... haleluya... haleluya....
P: Martangiang ma hita: Ale Tuhan Debata, Pargogo
na so hatudosan! Ho do na manjou hami jala Ho do na papunguhon angka na
pinillitMu tu HuriaM na badia i. Mauliate ma rohanami, ala na naung dipasahat
Ho hami tu AnakMu, asa Ibana nampuna hami. Asi ma rohaM, sai pargogoi ma hami
mangulahon na nidok ni HataM, asa domu hami dohot naung tolhas tu lambungMu.
Sai patogu ma haporseaonnami sahat ro di ajalnami, asa sahat hami sogot tu
halalas ni roha na sumurung, na pinaradeM di angka na mangkaholongi Ho, asa
pujionnami Ho di si saleleng ni lelengna marhitehite Tuhan Jesus Kristus,
Tuhannami, Amen.
R: Amen.
3. MARENDE BE No. 128: 5 DITANDA
DEBATANTA BL. 162
5. Sai songon i ditanda Tuhanta jolma
i,
Na mangoloi hataNa di nasa bangso i
Haporseaon i do partinandaan
i.
Padohot pangkirimon nang haholongon i.
Padohot pangkirimon nang haholongon i.
4. PATIK :
P: Tatangihon ma Patik ni Debata di minggunta
sadari on: Ima tarsurat di Pangungkapon 1: 7 – 8, songon on ma didok di si: Ida
ma, na ro ma Ibana di bagasan ombun! Idaon ni nasa mata do Ibana, nang angka
naung manullang Ibana, gabe mangangguhi be ma saluhut bangso ni tano on mida
Ibana. I ma tutu. Amen. Ahu do Bonana jala Ujungna, ninna Tuhan Debata, Debata
nuaeng, Debata naung adong hian, na naeng ro i, Sigomgom saluhutna! I do
sahatna. Antong rap mangido gogo ma hita tu adopan ni Debata.
P+R: Ale Tuhan Debata, sai pargogoi ma hami
mangulahon na hombar tu patikMi. Amen.
5. KOOR :
6. MARENDE BE NO. BE.686: 2 + 3 RAMUN DO AU
2. Na ro do au tu joloMi, gale do au
urupi au.
O, Jesus, ala mudarMi, di son do
au patau ma au.
3. Ala denggan ni basaMi, ro au tu
Ho, O Jesuski,
Parbadiai ma rohangki, di son do
au patau ma au. (ay. 3 jongjong)
7. MANOPOTI DOSA:
P: Tatopoti ma dosanta tu adopan ni Debata, martangiang
ma hita. Ale Tuhan Debata, Pargogo na so hatudosan, Parasi roha na sumurung,
Ama ni Tuhan Jesus Kristus Sipangolu hami! Hami, halak pardosa na dangol on ro
tu jolo ni habangsa habadiaonMi manopoti jala manganggukhon dosanami.
R: Mansai jotjot
huarsahi hami Ho marhitehite pingkiran dohot hata dohot pambahenannami na roa
i.
P: Ndang huhaholongi hami Ho sian nasa rohanami dohot
nasa ateatenami dohot nasa tondinami dohot nasa gogonami; nang dongannami,
ndang doshon dirinami hubahen hami.
R: Dibahen i tama
do rimasanMu jala uhumanMu hami tu hamatean saleleng ni lelengna i.
P: Alai na maporus ma hami nuaeng tu asi ni rohaM na
godang i mangido sian nasa rohanami hasesaan ni dosanami saluhutna. Sai urupi ma
hami paubahon rohanami ala ni Tuhan Jesus Kristus. Anak haholongan ni RohaM,
Sipangolu hami dohot ala ni GoarMu na badia i.
R: Ale Tuhan, sai
asi ma rohaM di hami halak na dangol on! Amen.
- m u s i
k -
P: Songon on do panghaholongi ni Debata di portibi on,
pola do AnakNa na sasada i dilehon, asa unang mago ganup na porsea di Ibana,
asa hangoluan na saleleng ni lelengna di ibana. Hasangapon ma di Debata na di
ginjang!
P+R: Amen.
8. KOOR :
9. MARENDE BE NO. 834: 1 – 2 NA MASIHOL DO ROHANGKU
1. Na masihol do rohangku tu na
sonang i, tu inganan ni Tuhanta i
Tano on ro di sudena pangisina i, susa sai susa rohangki
Marolopolop rohangki di surgo di na sonang i,
Soada na hurang sabam sonang rohangki, molo dung sahat au tu si.
2. Ai andigan idaonku haholonganki, raphon Jesus alealengki,
Haholongan na badia sian Jesus i, sonang sai sonang rohangki.
Marolopolop …
10. MANJAHA EPISTEL: PSALMEN 46: 1 –
12.
P: Ende sian angka anak ni si Kora. Debata do
haporusanta dohot hagogoanta, pangurupion situtu di hagogotan, angka na
mangonai tu hita.
R: Dibahen i ndang
mabiar hita, nang pe balik tano on, jala lalolalo angka dolok laho marongrong
tu tongatonga ni laut.
P: Nang pe gasagasaon jala margumogumo angka
aekna, pola humuntal angka dolok dibahen pasangnai.
R: Sada batang aek,
ro di sungena palas roha ni huta ni Debata, inganan na badia ni Natumimbul.
P: Debata do di tongatongana, ndang tagamon
humordit, andostorang dope, nunga diurupi Debata ibana.
R: Guntur pe angka
parbegu, lonong angka harajaon, molo mangkuling Ibana, malala do tano on.
P: Jahowa Zebaot do donganta, Debata ni si Jakkob
do partanobatoanta.
R: Sai ro ma hamu
marnida halongangan angka na binahen ni Jahowa, Ibana mambahen angka panonggoti
di tano on.
P: Ibana do pasohothon hamusuon ro di ujung ni
tano on; Ibana do umponggolhon sior jala ditallihi hujur, dipuruni do angka
hureta di bagasan api.
R: Pasohot hamu ma
jala tanda hamu Ahu do Debata, sai timbul do Ahu sogot di tongatonga ni angka
bangso, timbul di tano on.
P: I do
sahatna. Martua do angka na
tumangihon hata ni Debata, jala na umpeopsa.
P+R: Amen.
11. KOOR :
12. MARENDE BE. NO. 383: 2 – 3 ADONG DO AMA. BL. 383
2. Di surgoi do Tuhanta Jesus i, na
paluahon manisia i.
Dijou do ahu, na lao ma au manean na di surgo i.
:,: Lao ma au, lao ma au tu na di surgo i.
:,: Dijou do au, na lao ma au tu Jesus na di surgo i. (Ay. 3 jongjong).
3. Di surgo do dipeop tumpalhi, na
hiniraphon ni Tuhanta i
Dijou do au, na lao ma au manean na di surgo i.
:,: Lao ma au. Lao ma au tu na di surgo i.
:,: Dijou do au, na lao ma au Ama na di surgo i.
13. MANGHATINDANGHON HAPORSEAON.
14. KOOR :
15. TINGTING :
16. ACARA PARNINGOTAN NI ANGKA NA
MONDING
A. Marende BE. 520: 1 Partangisan Do Hape BL.
357
Partangisan do hape anggo hasiangan on;
Holso, arsak, sahit pe, Sai manosak do tongtong
Ingkon songgop hamatean tu sudena jolma i;
Ai sude do na manean Uhum ala dosa i.
B. Manjaha Goargoar Ni Angka Na
Monding
U: Hamu angka dongan sahaporseaon di bagasan Tuhanta
Jesus Kristus. Sadari on, ingotonta ma
angka donganta naung jumolo monding sian tongatonga ni hurianta di bagasan
sataon parhuriaon.
Angka on ma goargoar ni na monding di
bagasan sataon parhuriaon on:
No.
|
Goar/Marga
|
Tubu
|
Tutup Umur
|
Sian Lingk
|
1.
|
|
|
|
|
2.
|
|
|
|
|
3.
|
|
|
|
|
4.
|
|
|
|
|
5.
|
|
|
|
|
6.
|
|
|
|
|
7.
|
|
|
|
|
8.
|
|
|
|
|
9.
|
|
|
|
|
10.
|
|
|
|
|
Dakdanak Baoa : ....
halak.
Dakdanak Boru : ....
halak.
Dolidoli : .... halak.
Anak Boru : .... halak.
Ama : ....
halak.
Ina : ....
halak.
Pungu : ....
halak.
C. Hohom/Huhut Jongjong Sude.
(Dung dijaha goar ni na monding i, manghuling ma organ saayat sian BE
No.
525, BL. 361).
U: Mementomori lapatanna Ingot ari hamamatem.
Paingothon hita, nuaeng ma tingki parasian na nilehon ni Debata. Nuaeng ma
tingki di hita laho paubahon roha marhitehite na mananggalhon sian ngolunta
angka pangalaho na so hinalomohon ni Debata. Ndang taboto manang sadihari
hamatean i ro tu hita. Alani i dungo ma hita jala martangiang asa monang hita
sahat ro di ujungna. Marsihohot jala so mubauba ma hita, jala lam sumurung ma
tongtong di bagasan ulaon ni Tuhan i, ai taboto do: Ndang magopo halojaonta di
bagasan Tuhan i.
17. TANGIANG PANGONDIANON:
18. MARENDE BE. NO. 525: 1... NA LAHO MA AU. BL.
361
(Papungu Pelean).
1. Na
laho ma au tu na sonang di ginjang.
Di surgo tutu sai na sonang ma
au
O, ho donganki, na gok dosa, gok arsak
Sai dohot ma ho, sai tu surgo ma lao.
Sai ro dohot ho, dohot ho, dohot ho,
Sai dohot ma ho, sai tu surgo ma lao.
2. Di surgo adui ndang adong be
na hansit.
Na sonang di si maradian ma
au.
O, ho donganki, na maheu, na
marsak,
Sai dohot ma ho, sai tu surgo ma
lao,
Sai ro dohot ho, dohot ho, dohot
ho,
Sai dohot ma ho, sai tu surgo ma
lao.
- m u s i k
-
3. Di surgo
adui ndang adong hapogoson,
Na mora di si tung hisar do nang
au.
O ho donganki, na marsahit, na
pogos.
Sai dohot ma ho, sai tu surgo ma
lao,
Sai ro dohot ho, dohot ho, dohot ho,
Sai dohot ma ho, sai tu surgo ma
lao.
4. Di surgo adui pinarade inganan,
Na sonang tutu, sai tusi ma au lao.
O, ho donganki, ingananmu di ginjang,
Sai dohot ma ho, sai tu surgo ma lao.
Sai ro dohot ho, dohot ho, dohot ho,
Sai dohot ma ho, sai tu surgo ma lao.
19. JAMITA: Kolosse 1: 11 – 20.
20. MARENDE BE. 539: 1... SAI HUTAGAM DO TUHANKU. BL.
371
(Papungu Pelean).
22.
Sai hutagam do Tuhanku, sai
masihol rohangki
Diharoro ni Tuhangku songon na nidokNa i.
Sai mardongan olopolop huriaM managam
Ho.
Maranata, ro, o Tuhan, Amen, sai tibu ma ro !
2. Las ni roha ndang hapalang do
manggohi rohangki.
Dung binege soaraNa di na ro Tuhanta i.
Sai mardongan…
- m u s i k
-
3. Sai rade, ale tondingku, tagam
panjouonNa i,
Sai tu langit an manomu ho di Jesus Tuhanmi.
Sai mardongan…
4. Ai tagamon nunga borhat, Ho,
Tuhanku, sian i?
So tung unang au tarlalap, tading di na rodop i.
Sai mardongan…
21. TANGIANG PELEAN + TANGIANG ALE AMANAMI.
22. PASUPASU + AMEN 3X.
MOMENTOMORI.
Selamat Hari Minggu.
Syalom...
Pdt. Ahab Tambun, STh .
Komentar
Posting Komentar