Mananda Huaso Ni Debata

PROGRAM & ANGGARAN HKBP RESSORT AJIBATA TAHUN 2013.

Jumolo ma tadok mauliate tu Debata Jahowa Pardenggan basa i, na tongtong manarihon ngolu parhuriaon. Mangasahon asi dohot holong ni rohaNa na so olo mansohot i ari Sabtu tanggal 23 Pebruari 2013 denggan do mardalan Rapot Ressort. Rapot Ressort i dipatupa dung salpu sermon, na niuluhon ni amanta pandita Ressort Pdt. A. Tambun, STh dohot amanta Gr. K. Sihotang. Sinondangan ni hata ni Debata sian 1 Musa 15: 1 – 6 (ima turpuk jamita tu Minggu Reminiscere, tanggal 24 Pebruari 2013) denggan do mardalan rapot Program dohot Anggaran Taon 2013. Songon pos ni roha ni si Abram “Porsea si Abram di hata ni Debata”, songoni do haporseaon dohot pos ni roha ni ruas ni parrapot di panarihonon ni Debata nang tu huriaNa di tingki on. Dung simpul rapot i rap marsipanganon (makan siang), tangiang laho mangan diuluhon Bendahara Ressort amanta St. R. Ambarita na sian HKBP Motung. Jala dung simpul marsipanganon ditutup amanta pandita Ressort ma dohot tangiang, tangiang dung simpul mangan dohot pangujungi ni rapot i.

Songon on ma hasil ni Rapot i:

I. PROGRAM

1. UMUM

1.1. Data base tapasahat ma tu Ressort na lumambatna tanggal 15 April 2013 asa mintor boi tapasahat i tu Distrik.

1.2. Patupahon Sermon setiap Ari Sabtu pukul 11.00 WIB songon naung somal taulahon saleleng on. Dohot ma angka calon sintua na sian huria pagaran sermon Ressort jala di si ma talehon pambohalion tu nasida.

1.3. Na marjamita dohot na maragenda ingkon mandohoti sermon.

2. BIDANG KOINONIA

2.1. Sikola Minggu

a. Patupahon Parheheon Sikola Minggu

b. Pendaataan Guru Sikola Minggu

c. Mandohoti Ulaon Napinatupa ni Distrik

2.2. Remaja

a. Molo adong nanaeng manghatindanghon haporseaon Istimewa di Ressort on, tu luar ni huriana ma diboan (unang di huriana sandiri). Lehonon ni natoras ni nanaeng manghatindanghon haporseaon i ma tanggung jawabna tu huria 4 kaleng boras. 1 kaleng boras tu huriana, 1 kaleng boras ma tu huria na ni dapotna, 2 kaleng boras ma i tu pandita.

b. Mandohoti Ulaon Napinatupa ni Distrik

2.3. Ina

a. Mandohoti Parheheon Ina Napinatupa ni Distrik

b. Mandohoti Paskah Raya di Pearaja Tarutung tanggal 29 s/d 31 Maret 2013.

2.4. Ama

a. Patupahon Parheheon Ama di tanggal 27 Oktober 2013 (Pembukaan) s/d 17 Nopember 2013 (Pesta Puncak).

b. Mandohoti Ulaon Napinatupa ni Distrik. Parheheon Ama sa-Distrik IV Toba.

3. BIDANG MARTURIA

3.1. Pesta Gotilon Na Niuluhon Ni Pandita Ressort di ganup huria sa-Ressort Ajibata. Partingkian dipaumbuk ma tu roster ni pandita ressort.

4. BIDANG DIAKONIA

4.1. Pendidikan. Tarencanahon do patupahon sada parsikolaan tu tingkat PPAUD dohot TK. Ingananna di Rumah Dinas Pandita na di komplek SD Ajibata (dung sidung bagas ni Huria na imbaru).

4.2. Penghijauan. Di lokasi gareja manuan hau na marparbue, apokat, mangga, durian, dla.

4.3. Mandohoti dohot patulushon Ulaon Napinatupa ni Distrik

5. ACARA PENGUBURAN

5.1. Diusahahon ma sahat tu huria na lumambat pukul 17.30 WIB

5.2. Molo adong na monding na so ruas ni hurianta na sian tano parserahan, asa denggan ma dipatupa nasida tu hurianta.

6. NATAL PARHALADO SA-RESSORT

Natal Parhalado HKBP Ressort Ajibata dipatupa tanggal 01 Desember 2013 (boho di Minggu Advent I). Maringanan di HKBP Motung.

7. PEMBANGUNAN

Nunga hampir sataon lelengna Pembangunan Rumah Dinas Pendeta HKBP Ressortt Ajibata. “Peletakan Batu Pertama” na di ari Kamis tanggal Mei 2012, boho ma i di ari Pesta Parningotan Hananek ni Tuhan Jesus). Alai sahat tu saonari holan pondasi dope naung sidung. Dalan laho patulushon i tasungguli ma angka proposal naung tapadalan di hurianta ganup songoni nang na tapadalan tu angka ianakkon ni ruas ni hurianta na di tano parserahan i.

8. OLOPOLOP RESSORT

Di ari Minggu, tanggal 22 Desember 2013 patupaonta ma secara serentak di Hurianta sa-ressort Ajibata papungu pelean “Olopolop Ressort”. Amplop dipatupa jala dicetak Ressort.

9. PATULUSHON ANGKA ULAON NA PINATUPA NI DISTRIK DOHOT HATOPAN

II. ANGGARAN

1. Anggaran Belanja Ressort

Hombar tu rapot ni Parhalado Ressort HKBP Ajibata na di ari sabtu tanggal 16 Pebruari 2013. Anggaran Belanja Ressort Naik 40 % mangihuthon na pinatupa ni Sinode Distrik. Alai Hasil Rapot Ressort na di ari Sabtu tanggal 23 Pebruari 2013 mamutushon naik ma Anggaran Belanja Ressort 15 %.

2. Biaya Kesehatan pandita Ressort dohot keluarga Rp. 100.000/bulan

3. Pelean Taon

Molo marpanatap hita tu angka huria na adong di Distrik IV Toba, tartading do HKBP Ressort Ajibata, ala sahat saonari adong dope di huria pagaran na mangalehon pelean taonna Rp. 60.000/kk/tahun. Marhite Rapot Ressort Pelean Taon di HKBP Ressort Ajibata gabe 1 kaleng boras ma/kk/tahun.

4. Ulaon manang kegiatan na pinatupa Distrik dohot Ulaon Hatopan, anggaranna: Anggaran Berjalan.

III. PANUTUP

Mauliate ma di Debata Jahowa naung umpasupasuhon ragam ni pasupasu partondion nang pardagingon pe tu huria nang tu hita ganup marsadasada. Sai anggiat ma tu taon 2013 on lam tu dengganna panghobasionta di huria ni Tuhanta i. Rap parpsalmen i, okuhononta ma: “Mandok mauliate ma hita tu Jahowa, ai pardenggan basa do Ibana, ai ro di saleleng ni lelengna do asi ni rohaNa”.

Ajibata, Pebruari 2013