ACARA
PARTANGIANGAN ULANG TAHUN
TUAN NANSER SIRAIT (Op.
Paulus Doli), ke-60 – 05 Mei 2014)
dohot
S. P. Br. Panjaitan (Op.
Paulus Boru), ke-58 – 25 Mei 2014)
Senin, 05 Mei 2014, Pkl. 11.00 WIB di Ajibata, Kec. Ajibata
I. KEBAKTIAN
01. Marende Sian
BE No. 15: 4 + 7 “Aut na saribu hali
ganda” BL.
103
4. Mauliate ma rohangku di ho o Debata tongtong.
Dibaen sude denggan basaMu, naung nilehonMu di au on.
Ai dipatongon Ho tongtong sude na ringkot
di au on.
7. Ai ise do mamasumasu au on, o Debata, nda
Ho?. Pamatanghon ro di tondingku,
sai diparmudumudu Ho.
Huhut lambas do rohaMi, manatap pardosaonki.
02. Votum – Introitus – Tangiang (U= Uluan, K= Keluarga, H= Huria)
U: Marhitehite
goar ni Debata Ama dohot goar ni AnakNa Tuhan Jesus Kristus
dohot goar ni Tondi Parbadia na tumompa
langit dohot tano on.
H: Amen.
U: Di tanganNa siamun do ganjang ni umur, jala di hambirangNa do
hamoraon
dohot hamuliaon.
Na marulang
tahun: Jahowa
do Siparmahan au, ndang tagamon hurangan au.
U: “Sahat ro di hatutuamu sai tong do Ahu, jala sahat tu na ubanon, Ahu
do
mangompa huhut mangabing hamu”, ninna Debata Jahowa.
H: (Mangendehon BE No.9: 6 “Hupuji Holong ni RohaMu” BL. 110)
O Jesus
uhir ma goarMu, torang bagas tu rohangkon. Asa tarsurat di jolongku
Holong ni rohaMi tongtong, hatangku ro di parangengku ingkon
dipuji do goarMu.
U: Martangiang ma hita!
Ale Jahowa Debata Amanami na badia jala na
sangap, na marhabangsa di banua ginjang.
Pujipujian di bagasan roha mauliate do dipasahat hami tu Ho di apala di manogot on, ala ni
denggan ni basaM dohot asi ni rohaM na
manogunogu jala mangiringiring hami. Di tingki
on marlas ni roha hami siala dilehon Ho do pasupasu ganjang ni umur di amanami Op.
Paulus Doli 60 taon dohot di inanami Op. Paulus Boru 58 taon. Dilehon Ho do nang las ni roha marhite parianakkonon: maranak huhut marboru,
marpahompu sian anak marpahompu sian
boruna. Ndang hasuhatan denggan ni basaM dohot sude asi ni rohaMi. Pos do
rohanami nang tu joloan ni ari on pe, sai lam tambai ma las ni roha di tongatonga ni keluarga on songoni nang ianakkonna nang saluhut pinomparna tahe.
Tambai hahipason, habisuhon, pasupasu na niula ni tangan nang pingkiran nasida
na so maralo tu hataM. Jalo ma tangiang hamauliateon ni rohanami on, na
hupasahat hami marhite Jesus Kristus Tuhannami. Amen.
03.
Marende No. 6: 2, 3 “Puji Jahowa na Sangap Huhut Marmulia” BL. 56
2.
Puji Jahowa Sigomgom sude parluhutan. Na manogihon ho songon ni
iring ni tangan.
Dohot
hosam songon hombar tu roham sai diramoti Ibana.
3. Puji Jahowa naung tipak manompa dagingm. Jala na tongtong manumpak hisar
pamatangmu. Jotjot do ro pangurupiNa tu ho, uju na ro
hagogotan.
04. Renungan di panogunoguon ni Debata
U: Di na tahalashon ari sadari on, tarlumobi di gok ni las ni roha ni keluarga na
marulang
tahun sadari on, lam patar do di hita pangaramotion ni Debata di sandok
pardalanan
ni ngoluna. I do umbahen na didok
Debata:
H: Tangihon ma Ahu, ale pinompar ni si Jakob dohot nasa pasipasi ni
Israel, angka na huompa sian bortian dope, angka
na huabing sian hatutubuna.
U: Ahu do mambahensa na sai laon, Au do mangompa, Au do mangabing jala Au
do
paluahon
nuaeng.
Na marulang tahun:
Nunga dibasabasahon Ho tu au hangoluan
dohot asi ni roha, jala panatapMu mangaramoti hosangku.
Kel.: Matua di halak natuatua do luluan habisuhon,
jala halak sigodang umur panungkunan poda.
H: Songon
halinu na manihir do angka ariaringku, jala lam malos do au songon
duhutduhut.
05. Marende No. 754: 1 “Gok Las Ni Roha Do Au”
1.
Gok
las ni roha do au di ngolungkon, di ngolungkon di ngolungkon
Gok las ni roha do au dingolungkon tongtong di
rohangkon
Mauliate gok las ni roha, maringan holongMi Tuhan di au
Mauliate gok las ni roha, maringan holongMi Tuhan di au.
06. Manjaha Sian Psalm 119: 1 - 8 & 3
Johannes 1: 4 + 6.
U: Martua ma
halak angka na daulat marpangalaho, angka na marpangalahohon
patik ni Jahowa.
H: Martua ma
halak angka na mangaradoti angka panindangionNa i, angka na
mangalului Ibana sian nasa roha.
K: Huhut angka na so mangulahon hageduhon, angka na manghampungi angka
dalanNa i.
Na marulang tahun: Nunga ditonahon Ho parentaM, siradoton
situtu.
U: Aut ni sai marsihohot angka dalanku mangaradoti angka aturanMu.
H: Dungi ndang tagamon tarurak au, molo sai huparateatehon sude angka
tonaMi.
K: Sai mandok mauliate
ma au di Ho sian hatigoran ni roha, molo huguruhon angka uhum ni hatigoranMi.
H: Sai radotanku do angka aturanMi, unang tung
tadingkon au situtu.
Na marulang tahun: On
do las ni rohangku na umbolon: Molo hubege, dipara-
ngehon angka anakkonku hasintongan i.
U: Dihatindanghon nasida do holong ni rohaM, di
jolo ni huria i. Denggan ma
paborhatonmu nasida, marguru tu na tama di Debata. Olat ni do sahatna. Martua
ma na tumangihon hata ni Debata jala
na umpeopsa.
H: Amen.
07. Marende No. 463: 2+3
“PasupasuM TongosonMu” BL. 312
2. Buat ma angka pangambat, unang songsong dalan i. Mual ni aek hangoluan ringkot do
di rohangki. HogogoonMu
songgop ma tu rohangkon, unang sai holan manetek gohi
sandok
diringkon.
3. Bereng ma sai hupaima,
nunga rade rohangki. Guru di Ho ma ngolungku, dohot au tinobusMi. Reff.: Hagogoonmu …
08. Tangiang Pangondianon (Doa Syafaat)
09. Marende No. 743:
1-2 “
O Tuhan Togutogu” BL. 743
1. O Tuhan togutogu ma au, tu dalan lomo ni rohaMi. Raphon Ho
sonang mardalan au,
nang
rahis maol sidalananki. TondiMi baen
manggohi au on, margogoihon au naposoMon.
Pasangap Ho di ngolungkon, paima sahat tu
surgo au on.
2.
Panghulingi ma au o Tuhan, na rade tumangihon hataM. Sai tumpahi
ruasMu Tuhan,
na uasan nuaeng di hataM. Sai patau ma au on naposoM, manjou halak na dao
sian
Ho. Ro di na so tumanda Ho, muba gabe
pangoloi di Ho.
10. Jamita: Poda 3: 16:
”Di
tanganna siamun do ganjang ni umur, jala di hambirangna do hamoraon dohot
hamuliaon”.
11. Marende No. 569: 1 – 3 “O
Debata tung longang do …”, (P. Pelean) BL. 569.
1. O Debata tung longang do
rohangku, molo hubereng na tinompaMi/
Saluhut bintang, hilap dohot ronggur,
manghatindangkon, hasangaponMi/
Reff.: Marende au Tuhan mamuji Ho, O
Debata sangap do Ho 2x.
2. Di ladang di adaran dohot
tombak, marende pidong tung mansai sonang/
Punsu ni dolok, sunge dohot rura,
mamaritahon sangapMi Tuhan/
Reff.: Marende au …
12. Tangiang Pelean + Tangiang
Ale Amanami + Pasupasu + Amen 3x.
II. Acara Ulang Tahun (Tersendiri)
Hami:
Anak/parumaen, boru/hela dohot sude pahompu, mandok:
”SELAMAT
ULANG TAHUN”
pdt. a.tambun,sth/hkbp rest.ajibata.
ACARA
PARTANGIANGAN ULANG TAHUN
TUAN NANSER
SIRAIT (Op. Paulus Doli), ke-60 –
05 Mei 2014)
dohot
S. P.
Br. Panjaitan (Op. Paulus Boru), ke-58 – 25 Mei 2014)
Waktu : Senin, 05 Mei 2014, Pkl. 11.00 WIB Inganan : Ajibata, Kec. Ajibata – Toba Samosir
Ralat:
BalasHapusTertulis: TUAN NANSER SIRAIT (Op. Paulus Doli), ke-60 – 05 Mei 2014)
dohot
S. P. Br. Panjaitan (Op. Paulus Boru), ke-58 – 25 Mei 2014).
Seharusnya: TUAN NANSER SIRAIT (Op. Paulus Doli), ke-58 – 05 Mei 2014)
dohot
S. P. Br. Panjaitan (Op. Paulus Boru), ke-60 – 25 Mei 2014)
Ralat:
BalasHapusTertulis: TUAN NANSER SIRAIT (Op. Paulus Doli), ke-60 – 05 Mei 2014)
dohot
S. P. Br. Panjaitan (Op. Paulus Boru), ke-58 – 25 Mei 2014).
Seharusnya: TUAN NANSER SIRAIT (Op. Paulus Doli), ke-58 – 05 Mei 2014)
dohot
S. P. Br. Panjaitan (Op. Paulus Boru), ke-60 – 25 Mei 2014)