ACARA PARTANGIANGAN PESTA

RENOPASI TAMBAK

  MANURUNG  SIBATU  NANGGAR

     SABTU, TANGGAL 21 MARET 2015

       

       

      Inganan:

      KOMPLEKS HKBP AJIBATA

        Masuk Pukul 10.00 WIB.

I.              KEBAKTIAN

1.     Marende Huria BE. No. 10: 1 – 2  “Hupuji, Hupasangap Ho”             BL. 128

À      Hupuji, hupasangap Ho, Amang pardenggan basa.

Ai jadijadianMu do sude, angka na masa.

 Ditompa Ho do sasude, dagingku ro di tondi pe, pinuji ma goarMu.

À   Saluhut na tinompaMi naeng sonang di rohaMu

      Arian dohot borngin pe disarihon rohaMu

      Nang uhum di gomgomanMi, na tigor, na sintong do i, pinuji ma goarMu.

2.     Votum – Introitus – Tangiang (U=Uluan, H=Huria, KM=Kel. Manurung).

       U: Marhitehite goar ni Debata Ama, dohot goar ni AnakNa Tuhan Jesus                      Kristus  dohot goar ni Tondi Parbadia na tumompa langit dohot tano on.

       H:  Amen.

        U:  Pinuji ma Debata, Ama ni Tuhan Jesus Kristus,  naung umpasupasuhon tu hita ragam  ni  pasupasu partondion  sian banua  ginjang  di  bagasan  Kristus.

       H: Ai dipillit do hita di bagasan Ibana, andorang so ojak dope tano on, asa badia hita jala so hasurahan diadopanNa i, di bagasan holong ni roha.

      U:  Mangasahon Debata, sai hamonangan do ulahononta.   Ngot ma Ho ale   parhinaloan! Tarsunggul ma ahu buha siang ari.

H: Pujionku ma Ho di tongatonga ni angka bangso, ale Tuhan,  endehononku        ma Ho di tongatonga ni angka marga.

        U:  Ditimbang rohanami do ale Debata, asi ni roham di parsitongaan ni JoroMi. Suman tu goarMu do baritaM ale Debata. Ro di ujung ni tano on, gok hatigoran do siamunMi.

Sude  :  (Mangendehon BE No. 467: 1  “Asi ni rohaM Hupuji”    BL. 315)

À      Asi ni rohaM hupuji ala Ho manobus au

            Dipaias Ho rohangku gabe soranganMu au

            IngananMu rohanami TondiMi manggohi i

            Pangke dohot ngolunami gabe ulaulaMi.

        U:  Timbul do Jahowa jala pujion situtu do dibagasan huta ni Debatanta, di atas  

             dolok habadiaonNa i. Haleluya.

       Martangiang ma hita: Ale Tuhan Debata Parasiroha jala pardenggan basa! Mauliate ma hudok hami tu Ho ala asi do rohaM di hami, lumobi di tongatonga  ni keluarga besar Manurung na adong di Sibatu Nanggar on. Nuaeng ro do hami tu adopanMu na badia i, marhitehite ulaon “Partangiangan Renopasi Tambak on”, naung dipungka jala dipatulus nasida marhite hasadaon ni roha di bagasan asi ni rohaM na godang i. Ale Tuhan pardenggan basa jala parasi roha na sumurung, saluhutna i ala ni angka pasupasu na ni lehonMu do tu nasida umbahen na tarpatupa hami ulaon on. Ala ni i Tuhan, pos do rohanami, molo Ho na mamungka ingkon Ho do paujungkon saluhutna ulaon di hami. Lam tambai ma angka pasupasu tu hami ganup marsadasada. Pasupasu ulaonnami di bagasan sadari on, gabe manghorhon las ni roha dohot pasupasu di hami, gabe hasangapon dohot pujipujian di goarMu na badia i. Parbadiai roha nang pingkiranami marhitehite TondiMi, jala sai taiti rohanami mangihuthon jala mangoloi Ho di bagasan Jesus Kristus Tuhan jala Sipalua hami. Amen.

03.  Marende No. 754: 1  Gok Las ni roha                                                  

À      Gok las ni roha do au di ngolungkon, di ngolungkon, di ngolungkon

             Gok las ni roha do au di ngolungkon, tongtong di rohangkon

             Mauliate, gok las ni roha, maringan holongMi Tuhan di au

             Mauliate, gok las ni roha, maringan holongMi Tuhan di au.

04. Manjaha Turpuk: Psalmen 103:  Pujipujian tu Debata na asi roha i.

      U: Puji ma Jahowa ale tondingku, jala nasa rohangku di bagasan mamuji goarNa na badia i.

      H: Puji ma Jahowa ale tondingku, jala unang tung halupahon denggan ni basaNa sudena.

     KM: Ibana manesa dosam sudena, Ibana pamalum angka sahitmu sudena.

      U: Ibana paluahon ngolum sian hamagoan, Ibana martumpalhon tu ho denggan basa dohot asi ni roha.

      H: Ibana pamahap roham marhitehite denggan basa, asa mulak poso ho, songon pidong raja wali.

      KM:  Parasi roha jala pardenggan basa do Jahowa, lambat tarrimas jala parasi roha godang.

      U:  Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta.

      H: Ai songon dao ni langit sian tano on do gogo ni asi ni rohaNa di angka na manghabiari Ibana.

KM: Songon asi ni roha ni amaama tu angka anakna asi ni roha ni Jahowa di angka na manghabiari Ibana.

U: Puji ma Jahowa,  hamu ale angka  paranganna i sudena,  hamu angka parhaladoNa, angka sipasaut lomo ni rohaNa! Puji ma Jahowa, hamu ale angka jadijadianNa sudena, di sude inganan ni harajaonNa i, puji ma Jahowa, ale tondingku! Olat ni i do sahatna. Martua do angka na tumangihon hata ni Debata jala na umpeopsa. Amen.

05.    Koor/Lagu Pujian: 

06.    Marende BE. No. 826: 1 – 2                  Gohi au Tuhan

À      Gohi au Tuhan marhite HataMi

                  Gohi au Tuhan marhite HataMi,

                  Songon hudon na rumar do au Tuhan di sumurMi,

Gohi au Tuhan marhite HataMi.

À      Gohi au Tuhan marhite HataMi

                            Gohi au Tuhan marhite HataMi

                            Na mauas do tondingku O Tuhan di HataMi

Gohi au Tuhan marhite HataMi.

07.    Jamita:

08.    Marende No. 792: 1…  “Pasupasu Hami O Tuhan”       (P. Pelean)     

À      Pasupasu hami O Tuhan, sai usehon dameMi,

Sai ampehon tanganMi Tuhan, lehon tu au gogoMi

Di portibi on baen ma au Tuhan, habaoran ni las ni roha

Tu na marsak i, tu na dangol i, gabe pangapuli i.

À      Di portibi on, baen ma au Tuhan, monang maralohon dosa

         Dibaen gogoMi, talu musu i, sibolis pangago i.

         Pasupasu hami O Tuhan …

09.    Tangiang Pelean

10.    Tangiang Ale Amanami – Pasupasu.

II.   ACARA TORTOR (Diatur Tersendiri)

III. MAKAN SIANG

IV.  ACARA HIBURAN

S Y A L O M,   T U H A N   M E M B E R K A T I.

Doc. Acara – Pdt. A. Tambun, STh – HKBP Ajibata.