Acara Partangiangan Ulang Tahun

 

                                                       
                                                           Dra. Marini Sitorus, 50 Taon.

      Senin, 09 Maret 2020, Pkl. 15.00 WIB.

                               

 

    

 (Pangaradeon: Andorang so masuk, Martangiang Na Hohom).

01. Marende BE. No. BE. 730: 1 - 2        Sai Patau Ma Au Tuhan.

1.      Sai patau ma diringku ale Tuhan, papatarhon HinauliMi Tuhan,

      Suru ma tondiMi saor tu rohangki, lao papatar HolongMu tu donganki.

2.      Sai patau ma diringku ale Tuhan, papatarhon hinauliMi Tuhan,

Suruma TondiMi saor tu rohangki, patariparhon basaM tu donganki.

02.  Votum – Introitus – Tangiang.                       (U= Uluan, H= Huria).

U:   Marhitehite goar ni Debata Ama dohot AnakNa Tuhan Jesus Kristus dohot Tondi Parbadia na tumompa langit dohot tano on.

H:  Amen.

U:  Ale Tuhan, sai Ho do haporusannami marsundutsundut.

H:  Tagan so tubu dope angka dolok jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna.

U:   Ai lam moru do angka ariarinami sudena di tano on, alai na hot do angka taonMu dohot ariariM ro di saleleng ni lelengna.

H: (Mangendehon B.E No. 116: 1   Ditompa Ho Do Au      BL. 243

    Ditompa Ho do au, sondangi rohangkon,tung basabasami sude na di au on

     Gomgomi pamatangku, naeng Ho do oloanku, sai lehon ma gogongku,

     LomoM naeng ulaonku, urupi tatap au tutu, Panompa na burju.

U:  Ariari ni taonnami, intap ni ni pitu pulu taon do i, jala molo marhagogoon situtu dieak do ualupulu taon, jala hinadenggan nasida do hangaluton dohot halojaon.

H:  Sai parrohai ma hami mamilangi angka ariarinami, asa dapotan roha na bisuk hami.

U:  Martangiang ma hita! Ale Jahowa Debata Amanami na badia jala na bonar, na marhabangsa di banua ginjang. Pujipujian mardongan mauliate ma dipasahat hami tu Ho apala di bot ni ari on, ala ni denggan ni basaM dohot asi ni rohaM na manogunogu jala mangiringiring hami. Dipapungu Ho hami di inganan on jala marlas ni roha hami siala dilehon Ho do pasupasuMi marhite umur na ganjang di inanami inang Evan Br. Sitorus, sadari on gonop umurna 50 taon. Hinorhon ni i marlas ni roha jala marolopolop hami saluhutna lumobi inanami on dohot angka sisolhotna. Ndang hadodoan hami jala ndang hasuhatan hami denggan ni basaM dohot sude asi ni rohaMi. Ale Tuhan Debata, pos do rohanami nang tu joloan ni ari on pe, sai lam tambai ma las ni roha ditongatonga ni keluarga on songoni nang tu ianakkonna  pe. Lehon hahipason, habisuhon jala pasupasu na niula ni tangan nang pingkiran nasida na so maralo tu hataMi. Tangihon ma tangiang hamauliateon ni rohanami on, ala ni AnakMu Jesus Kristus Tuhannami. Amen.

03.  Marende BE. No. 6:  3     Puji Jahowa Na Sangap                          BL.  56

 3.  Puji Jahowa naung tipak manompa dagingmu.

      Jala na tongtong manumpak hisar pamatangmu.

      Jotjot do ro pangurupiNa tu ho, uju na ro hagogotan.

04.  Renungan Panogunoguon Ni Debata

U:   Marhite las ni roha ni na marulang tahun sadari on, lam patar ma taboto pangaramotion dohot asi ni roha ni Debata di sandok pardalanan ni ngolunta. I do umbahen na didok Debata:

H:   Marende ma Ahu nuaeng taringot tu haholonganKu, sada ende ni haholonganku taringot tu porlak anggurna: Marporlak anggur do haholonganKu di punsu ni sada dolok na napu.

U:  Dipangkuri, jala dijomputi angka batu sian i, jala disuanhon lopok na denggan tu si, jala dipauli sada tungkup di tongatongana, jala dihali sada pangilangan di bagasan, paimahon parbue na tonggi.

Na Marulang Tahun: 

Nunga dibasabasahon Ho tu au hangoluan dohot asi ni roha, jala panatapMu mangaramoti hosangku.

U:  Matua di  halak  natuatua  do  luluan habisuhon, jala halak sigodang umur panungkunan poda.

     Na Marulang Tahun: 

On do las ni rohangku na umbolon: Molo hubege, diparangehon angka anakkonku hasintongan i.

  U:  Ummarga do i sian angka mutiha, jala sandok arta hasoloan ni roham, ndang tarpatudos tu si. Asi ma rohaM di hami Ale Tuhan Debata, sai ramoti jala pasupasu ma hami saluhutna.

H: Amen. 

05.  Bernyanyi dari KJ. 424: 1 – 2                Yesus Menginginkan Daku

v    Yesus menginginkan daku bersinar bagiNya,

     Di mana pun ‘ku berada, ‘ku menyenangkanNya.

     Bersinar, bersinar; itulah kehendak Yesus;

     Bersinar, bersinar, aku bersinar terus.

v   Yesus menginginkan daku menolong orang lain,

                 Manis dan sopan selalu, ketika ‘ku bermain.

                 Bersinar, bersinar; itulah kehendak Yesus;

                 Bersinar, bersinar, aku bersinar terus.

06. Tangiang Pangondianon (Doa Syafaat):

07. Marende B.E No. BE. 720: 1 – 2     Naeng Marsinondang Ngolungku.

1.           Naeng marsinondang ngolungku di igil Jesus i,

Manang didia pe ahu tongtong huingot i.

Tiur marsinondang ido ni igil ni Jesus tongtong

Marsinondang panondang do au tutu.              

08. Renungan:

10. Jamita

09.  Marende BE No. 753: 1... Di Pardalanan Jesus Di Jolongku        (Papungu Pelean) 

1.      Dipardalanan Jesus dijolongku, holong ni tanganMi manogu au

Nang di ngoluku Ho do sombaongku, tung sonang mardalan raphon au.

Huboto do tangkas pangouonMu, diiringiring Ho do langkangki

Sahat ro di ujung ni pardalanku, togu ma au jonok tu lambungMi,

2.      Sipata lilu haporseaonhu, ni lilianan ni portibi on

Alai dung Ho hutatap o Tuhanku, margogo do au di ngolungkon. Huboto.....

10. Tangiang Pelean.

11. Tangiang Ale Amanami.

12.  Pasupasu.

”SELAMAT  ULANG  TAHUN”

Acara Ulang Tahun (Tersendiri).

1.    Bernyanyi:   Selamat Ulang Tahun

2.    Tiup Lilinnya dan Potong Kuenya.

Doc. Acara: Pdt. A. Tambun, STh – HKBP Rest. Lumban Julu.