PARTORDING NI ACARA PARMINGGUON          

                         DI HKBP LUMBAN JULU REST. LUMBAN JULU

PABORHATHON dohot MANGOJAKHON

  PANDITA HKBP RESSORT LUMBAN JULU

                                             

Topik Minggu: “Las ni roha di bagasan Tuhan i”.

Minggu tanggal, 22 Maret 2020.

Masuk pukul 10.00 WIB.

 ACARA MINGGU HKBP RESSORT LUMBAN JULU.

Minggu tanggal, 22 Maret 2020.

 

I.   Parmingguon

1.   Marende Sian B.E No. 565: 1 - 3             Las Rohangku Lao Mamuji

1.           Las rohangku lao mamuji Debata Parholong i,

Songon bunga na mangerbang di na binsar ari i.

Arsak, dosa, haporsuhon mago dibaen asiMi.

Las ni roha na manongtong lehon di au Tuhanki.

2.           Sude jadijadianMu, laut, tano, langit i,

Angka bintang dohot bulan nang mata ni ari i.

Hauma, ladang, nang harangan, rura dohot dolok i,

       Saluhut na mangendehon sangap di Tuhanta i.

(Musik..../Ay. 3 jongjong)

3.           Debata Parholong roha, na manesa dosangki,

Ndang tarbaen so las rohangku lao mamuji asiMi

Sai ajari sude hami mangulahon holong i,

Asa gok las rohanami dibagasan Tuhan i.

2.   Votum/Introitus (P = Paragenda, H = Huria, S = Sude).

P: Marhitehite Goar ni Debata Ama dohot Goar ni AnakNa, Tuhan Jesus Kristus   dohot Goar ni Tondi Parbadia na tumompa langit dohot tano on. Amen. Marlas ni roha ma hamu rap dohot Jerusalem jala marolopolop mida ibana sude hamu, ale angka na holong roha di ibana! Marlas ni roha situtu ma rap dohot ibana sude hamu, ale angka na marsak roha mida ibana nasailaon! Las do rohangku di angka na mandok tu ahu: Beta hita manopot bagas ni Jahowa! Haleluya.

H:  (Mangendehon) Haleluya… Haleluya… Haleluya…

P: Martangiang ma hita. Ale Tuhan Jesus, sasada Ho do Sipangolu padomuhon jolma dohot Debata! Hupuji hami GoarMi, jala hudok hami mauliate tu Ho ala ni saluhut na binahenMi, patupahon hangoluannami. Sai dongani ma hami marhitehite asi ni rohaM, asa hupingkiri hami tongtong na tinaonMu dohot hamamateM, asa huarsakhon hami dosanami jala asa tubu di hami haporseaon na sintong, jala asa marroha haholongon hami huhut mandok mauliate tu Ho, asa olo hami mangihuthon Ho ro di hamatean. Ale Tuhan Jesus, di Ho ma tama pujipujian di tongatonga ni saluhut Huria, naung tinobusMu marhitehite mudarMu na badia i, olat ni on ro di salelenglelengna. Amen.                                                 (Hundul).

4.     Marende Sian B.E No. 125: 1              Marlas Ni Roha Hita On      BL. 82

1.    Marlas ni roha hita on, mamuji Debata

       Ai asi ni rohaNa i, do bongot tu rohanta i

       Umbaen nuaeng mardomu i, di son sadari on, di son sadari on.

5.    Patik        :  IV dohot lapatanna

P:   Patik di minggunta sadari on, ima patik Paopathon dohot lapatanna, songon on ma didok di si: Ingot hamu ma pabadiahon ari minggu i! Di na onom ari ma ula hamu nasa siulaonmu; alai anggo ari papituhon i, ari paradianan ni Jahowa Debatam do i. Ndang jadi ho mangula anggo di na sadari i, manang anakmu pe manang borum manang naposom lahilahi, manang naposom boruboru, ro di pinahanmu, ro di pangisi ni huta ni halak pe na mangebati hutam.

H:  Ai di na onom ari do ditompa Debata langit  dohot tano dohot laut dohot nasa isina, dung i maradian do Ibana di ari papituhon i. Dibaheni do umbahen na dipasupasu Debata Jahowa ari paradiananNa i jala diparbadiai.

P:   Lapatanna: Ingkon dihabiari rohanta Debata jala ingkon holong rohanta di Ibana, asa unang tois rohanta diajar na sian Hata ni Debata, ingkon badia do Hata ni Debata di rohanta jala ingkon ringgas rohanta tumangihon dohot mangguruhon. Ido sahatna. Antong rap mangido gogo ma hita tu Tuhan Debata laho mangulahon patikNa.

S:  Ale Tuhan Debata sai pargogoi ma hami mangulahon na hombar tu patikMi.  Amen.

6.     Koor:  Gabungan HKBP Lumban Julu

7.   Marende B.E No. 686: 1 – 2      Ramun Do Au

1.                  Ramun do au di joloMi, gok dosangki urasi au.

            O, Jesus, birubiru i, di son do au patau ma au.    (Ay. 2 jongjong)

2.                  Na ro do au tu joloMi, gale do au urupi au.

O, Jesus, ala mudarMi, di son do au patau ma au.

8.        Manopoti Dosa

P:  Tatopoti ma dosanta tu adopan ni Debata, martangiang ma hita. Ale Amanami jala Debatanami, na di banua ginjang, Pargogo na so hatudosan! Pardengganbasa do Ho, jala ro di salelenglelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami; ai jotjot do hami mardosa maradophon Ho, jala jotjot do husungguli hami rimasMu marhite sian pangalaosionnami, di hataM, Ale Tuhan Jahowa, sai unang paingotingot pangalaosionnami.

H: Unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu, Tuhan Jesus Kristus, Tuhannami. Amen.

                                                           -  organ -

P:  Bagabaga ni Debata taringot tu hasesaan ni dosanta. Munsat pe angka dolok, jala humuntal pe angka robean, alai anggo parasi ni rohangKu na so tupa munsat sian ho, jala padan ni hadameonKu na so tupa humordit, ninna Jahowa Siasi i ho.

S:  Hasangapon ma di Debata na di ginjang! Amen.     (Hundul).

9.        Koor     :   HKBP Ressort Palmarum Tarutung

10.    Marende Sian B.E No. 190: 1    Las Rohangku Situtu            BL. 69

  1.  Las rohangku situtu mida Jesus na lulu

       Manjalahi hajolmaon, ai Ibana paluahon

        Jolma manisia i, sian hamagoan i.

11.  Manjaha Epistel:  1 Petrus 4: 12 – 19

 P:  Ale angka haholongan, unang ma jaluk di rohamuna hamohopon i, na ro manguji hamu; unang ma songon na sambar i di rohamuna!

H:  Marlas ni roha ma hamu, marguru tu saormuna di angka haporsuhon na tinaon ni Kristus i, asa dohot hamu marlas ni roha jala mariaia, di na gabe patar hasangaponna i.

P:  Martua do hamu, molo hona insak hamu ala ni Goar ni Kristus, ala songgop tu hamu Tondi hasangapon na sian Debata.

H:  Unang ma adong sian hamu manaon na porsuk, ala mambunu, manang manangko manang marjahat ibana, manang ala diantoi na so ulaonna!

P:    Alai molo adong na manaon na porsuk, ala halak Kristen ibana, unang ma hansit rohana; alai dipasangap ma Debata, manjujung Goar i.

H:  Ai nunga jumpang tingki ni uhum madabu, mamungka sian bagas ni Debata. Alai molo jumolo tu hita, dia ma ujung ni angka na so mangoloi barita na uli na sian Debata?

P:   Jala molo sihol so malua partigor i, tudia ma tagamon halak na so daulat jala sipardosa i?

H: Dibahen i, angka na marhaporsuhon mangihuthon roha ni Debata, dipasahat ma tondina tu Panompa haposan i, marhitehite na mangulahon na denggan.

P:  I do sahatna. Martua do angka na tumangihon hata ni Debata jala na umpeopsa.

S:  Amen.

12.   Marende Sian B.E No. 474: 1 – 2   Ingkon Jesus Do Donganku    BL. 321 

1.                  Ingkon Jesus do donganku, sahalangku lilu do.

Raphon Jesus boi au monang, talu musu i na ro.

Ndang mabiar au di si, Tuhan Jesus donganki,

Sai ihothononku Jesus, oloanku nama i.               (Ay. 2 jongjong).

2.                  Ingkon Jesus do donganku, molo marsitaonon au.

Tu Ibana hutinggangkon, nasa na pasorat au.  Ndang mabiar…

13.    Manghatindanghon Haporseaon          :

14.    Tingting                                                   :

15.    Tangiang Pangondianon                       :

16.    Marende B.E No. 766: 1...         Padan Na Uli

1.           Padan na uli “Ho ndang hulupahon”, Ndang pola mabiar au di ngolungki,

Nang pe holom do dalan siboluson, ro do hatiuron sian langit i.

“Ho tung so huhalupahon, Au do manogihon, Au do mangondihon

Ho tung so huhalupahon, Au do margogoihon pos ma rohami”.

2.           Padan na uli “Ho ndang hulupahon”. I do huhaposi las ma rohangki,

Tondong nang dongan ndang tarpangasahon, holan Tuhan Jesus haporusanki. “Ho tung so halupahon …”

-  m u s i k -

3.           Molo diungkap surgo tu tondingku, salpu ma luhutna hangalutonki,

Tarbege ma soara ni Tuhanku, “Naposo, haposan, bongot ho tusi”.

“Ho tung so halupahon …”

17.    Jamita     :  Psalm 69: 30 – 37    (Praeses HKBP Dist. IV Toba: Pdt. T. Siahaan, STh).

18.    Marende Sian B.E No. 760: 1... Jesus Do Alealengku            (P. Pelean)

1.           Jesus do alealengku soada tudos ni, aleale na sumurung i di au,

Hasoloan ni rohangku Tuhan haposanki, Sipalua na mamorsan dosangki,

        Na mangapuli au di sitaononki, mangurupi au di hagogotan i.

        Jesus do alealengku soada tudosmi, aleale na sumurung i di au.

2.           Tuhan Jesus do mamorsan sude na dosangki, na palua au sian pangago i,

        Hutanggali ma luhutna, jolma na buruk i, hupelehon ngolungki tu Tuhan i

        Molo pajumpang sogot au dohot Tuhan i, idaonku ma hamuliaon’na i.

        Jesus do …

- m u s i k -

3.           Tung na so tadingkononNa di hapunjungan au,

 Jesus do haposanki di ngolungki.

Nang ro api habahaba, manahop ngolungki

              RamotanNa ndang marmara au di si.

Nang pe di pangunjunan, punjung sasada au

Tuhan Jesus do na margogoihon au.   Jesus do …

II.  Paborhathon dohot Mangojakhon:

1.      Marende No. 140: 1 + 3        “Girgir Ma Hamu”                        BL. 141

1.    Girgir ma hamu manogu sude, na hum na begu manjua dope.

Di hata ni Jesus na sangap tongtong, sangkapNa patulus, di portibi on.

3.  Radoti burju hataNa sude, sai monang hamu baenonNa muse,

     Ibana do Raja na tong monang i, torop pe aloNa sumurut do i

2.      Acara Paborhathon:

Praeses: Di hamuna amanami, inanami dohot naposobulung, nuaeng paborhatonta ma amanta Pdt. Ahab Tambun, S.Th sian hurianta HKBP Ressort Lumban Julu on, ala pinda tugas nasida tu inganan panghobasion na imbaru tu HKBP Ressort Bongbongan, hombar tu na niaturhon ni induk ni Hurianta HKBP. Mauliate ma di Tuhanta na mangaramoti jala na margogoihon nasida rap dohot keluarga saleleng mangula di hurianta on. Tatangianghon ma tu Debata asa anggiat diiringiring, diramoti jala dipargogoi nasida mangula di inganan panghobasion nasida na imbaru. Mardomu tu si, tabege ma jolo SK nasida:

3.      Manjaha SK ni amanta Pdt. Ahab Tambun, S.Th.

4.      Paborhathon:  Di bagasan goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia, ahu praeses HKBP Distrik IV Toba, paborhathon hamu sian HKBP Ressort Lumban Julu on, tu inganan panghobasion na imbaru. Sai didongani jala dipargogoi Tuhan i ma hamu rap dohot keluarga di inganan panghobasion na imbaru. Amen.

5.      Marende Huria No. 121: 1    Jesus Raja Ni Huria              BL.  97

1.  Jesus, Raja ni huria, na porsea, na badia, pasupasu ma au on

     Sai sungguli ma rohangku, mangihuthon Ho, Rajangku

     Pargogoi ma au tongtong, pargogoi ma au tongtong.

 5.  Sai pauli huriaMu, asa lomo ni rohaMu, jumpang Ho di ruasMi

     Angka na serep marroha, na magigi mida dosa

     Ho ditiru sasude, Ho ditiru sasude

6.      Acara Mangojakhon: 

Praeses: Nuaeng sahat ma hita tu acara mangojakhon pandita na imbaru di HKBP Ressort Lumban Julu on, ima amanta Pdt. Obed Marbun, M.Div ala ni i tabege ma jolo Surat Keputusan ni pimpinan ni hurianta:

      1.  Manjaha SK ni Pdt. Obed Marbun, M.Div

2.  Manjaha Ulaon Ni Pandita Ressort Hombar tu Aturan Peraturan HKBP.

7.      Pangojakhonon:

Di hamu amanami Pdt. Obed Marbun, M.Div nunga dibege hamu angka ulaon ni pandita ressort hombar tu Aturan Peraturan ni HKBP. Antong na manungkun ma ahu nuaeng di hamu di jolo ni angka dongan na pungu di son dohot di jolo ni Tuhan Jesus Kristus, Raja ni Huria i: Na olo do hamu mamelehon dirimuna laho mangaradoti angka ulaon naung pinasahat tu hamu sadari on? Molo songon i rohamuna, dok hamu ma alusmuna:

Pdt. Obed Marbun, M.Div:

Na olo  do ahu, sai didongani jala dipargogoi asi ni roha ni Debata ma ahu laho patupahon saluhutna i.

(Huhut marsijalangan): Di bagasan goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia, ahu praeses HKBP Distrik IV Toba, mangojakhon hamu gabe Pandita HKBP Ressort Lumban Julu on. Sai didongani jala dipargogoi Tuhan i ma hamu rap dohot keluarga mangulahon saluhut angka ulaon naung pinasahat tu hamu sadari on. Amen.

8.      Mandok Hata:

A.       1. Sian pandita Na Borhat/Keluarga

  2. Sian pandita Naung Diojakhon/Keluarga

B.       Hata Borhatborhat dohot Panjangkonon:

       1. Ruas, Punguan Parende dohot Parhalado HKBP Rest. Lumban Julu.

           (Huhut pasahathon angka naung diparade na hombar tu si).

       2. Ruas, Punguan Parende dohot Parhalado HKBP Palmarum Tarutung.

C.   Arahan dan bimbingan sian amang praeses HKBP Distrik IV Toba.

19.   Marende No. 672: 1         Tung Godang Situtu

        1. Tung godang situtu ulaonmu antong, dipasahat Tuhanta tu ho

Ndang adong be tingkim marnalemba tahe, ngolumi bahen tiruan tongtong

Sai patupa ma i ala ni Tuhan i, so mangkirim balosna tu ho.

Debata do marnida na niulami, manang na adong parbue ni i.

20.    Tangiang Pelean

21.    Tangiang Ale Amanami

22.     Pasupasu

III.        Acara Masijalangan

IV.        Makan Bersama.

                      SELAMAT HARI MINGGU, TUHAN MEMBERKATI.

                                                          SYALOM.

Doc. Acara:  Pdt. A. Tambun, STh  (MPSD).