Jamita: Pangungkapon
12: 10 – 12 (Mangendehon Haluaon Na Sian
Tuhan I).
Dongan sahaporseaon na
hinaholongan di bagasan Jesus Kristus Tuhanta i…
Marragam
do cara ni halak laho pabotohon isi ni rohana. Adong do i, marhite na
disurathon tu sada buku. Adong do i, marhite na dihatahon tu donganna. Alai
gumodang do halak laho pabotohon na di bagasan rohana marhite na marende. Ala
ni i, boi dohonon: Halak na marende, ima halak na papuashon na dirohana manang Nyanyian adalah ungkapan perasaan. Molo
marende sasahalak, boi do botoonta situasi dohot kondisi ni halak na marende i.
Contoh: Sahalak na bajar (remaja),
molo tarsor mardalan borngin endena: Ingkon Jesus do donganku… sahalakku
lilu do… (ala mabiar ibana),
alai molo dung sahat di jabu ganti nama endena: Ndang be mabiar ahu… ndang be
mabiar ahu… gabe mangasangi (ala salpu
biar i).
Dongan sahaporseaon na hinaholongan di bagasan Jesus Kristus Tuhanta i…
Nuaeng
masuk ma hita tu turpuk… Hata Pangungkapon,
sian asal kata ungkap. Indonesia: Wahyu, Yunani: Apokaluptis, lapatanna penyingkapan. Pangungkapon lapatanna: Na pinabotohon ni Debata tu sasahalak na
marpardomuan tu angka na naeng masa. Antong dia ma na pinabotohon ni Debata
tu hita marhite jamita on? Dibege si Johannes: “Soara na gogo di banua ginjang,
mandok: Nunga sahat nuaeng haluaon dohot hagogoon dohot harajaon ni Debatanta
dohot hamulian ni Kristus…”. Soara ni ise do i? Soara na nionjar ni las ni
roha marsoara na gogo. Soara ni halak na marende do i. Soara olopolop dohot
soara ni angka halak naung mandapot hamonangan do i. Halak naung monang jala
sahat tu Harajaon ni Debata, naung pinamonang ni mudar ni Birubiru i, ma Tuhan
Jesus Kristus. Saluhut halak na porsea do na gabe hasahatan ni hamonangan i
jala sahat manjalo tumpal hangoluan na saleleng ni lelengna. I do umbahen didok tu hita nuaeng di ay. 12 i:
“Dibahen i marlas ni roha ma hamu, angka banua ginjang
dohot pangisina! Marjea ma tano i dohot laut, ai nunga tuat sibolis i tu hamu,
marrimas situtu; ai diboto, otik nama tingkina!”.
Dongan sahaporseaon na hinaholongan di
bagasan Jesus Kristus Tuhanta i…
Saluhut jolma do nuaeng mangadopi hamaolon ala ni
Pandemi Covid-19. Ala ni i, marhite jamita on, dijou jala diarahon Tuhanta do
hita nuaeng asa gabe halak na marhamonangan, jala ingkon sahat tu na marsoara na gogo di tingkina ala naung sahat
manjalo haluaon i. Ala ni i, margogo ma
hita saluhutna pinargogoan ni Tuhan i, laho mangadopi lumobi laho manalpuhon
Pandemi Covid-19 on marhite na rade hita mangulahon: * Stay at home, *Pakai masker dan
*Rajin cuci tangan, asa dohot hita marnampunahon haluaon i. Amen. Pdt. Ahab Tambun, S.Th - HKBP Rest. Bongbongan.
Komentar
Posting Komentar