ACARA PARMINGGUON HKBP RESSORT BONGBONGAN

Minggu Kantate, tanggal 10 Mei 2020 (Di Bagasna Be).

Ev.:  Pangungkapon 12: 10 – 12                                                              Ep.: 5 Musa 31: 14 – 22

Topik:   Mangendehon Haluaon Na Sian Tuhan I.

I.      Pangaradeaon:

1.       Parmingguon on diuluhon Ama manang Ina.

2.       Dipillit ma na mambaen tangiang jala diparade hian ma: Bibel dohot inganan ni pelean.

II.    Parmingguon:      (Andorang So Masuk: Martangiang na hohom ma hita).

1.      Marende BE No. 14:  1 + 6         Puji Hamu Jahowa Tutu

v    Puji hamu Jahowa tutu, pardenggan basa,

Parasi roha salelengna i: pardenggan basa i, parasiroha i.

v  Sai burju be marende sude, mamujimuji,

Tuhanta Debata Jahowa i, parasiroha i, na marmulia i.

2.      Votum – Introitus – Tangiang: (U = Uluan, R = Ruas, S = Sude).

U  :  Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia, na tumompa langit dohot tano on. Amen. Endehon hamu ma di Jahowa ende na imbaru, ai nunga dipambahen Ibana angka halongangan. Nunga dipabotohon Jahowa hatuaonNa, nunga dipapatar Ibana hatigoranNa di adopan ni angka sipelebegu. Nunga ditumpahi tangan siamunNa na badia i Ibana. Haleluya.

S  :           (Mangendehon): Haleluya, Haleluya, Haleluya!

U  :  Martangiang ma hita: Ale Tuhan Jesus Kristus, Ho do panondang na sintong, na manondangi ganup jolma na di portibi on! Sondangkon ma bohiM tu hami jala parbadia i ma rohanami, asa hutanda hami dalan hangoluan marhite sian i. Sai rajai ma hami, asa unang manimbil hami sian dalan na sintong i. Ale Tuhan Jahowa, patongtong ma rohanami marhaporseaon tu Ho marhitehite Tondi Parbadia! Amen.

3.      Marende BE No. 561: 1              Endehon Debata

v  Endehon Debata haleluya Amen… Ama parholongi haleluya Amen…

            Ria ma hita be di adopanNa i. Rap taendehon ma haleluya Amen. Amen…

4.      Patik:

U  :  Patik ni Debata di minggunta sadari on dienet sian 1 Petrus 2: 17. Marhapantunon ma hamu tu sasude; haholongi ma angka dongan; habiari ma Debata; pasangap ma raja! I do sahatna. Antong rap mangido gogo ma hita sian Tuhan Debata.

S  : Ale Tuhan Debata, sai pargogoi ma hami mangulahon na hombar tu PatikMi. Amen.

5.      Marende B.E No. 432: 1             Sian Hurungan Ni Dosangki

v    Sian hurungan ni dosangki, ro au tu Ho, ro au tu Ho.

Tu haluaon di mudarMi, Jesus au ro tu Ho.

Nasa rohangku malum, hipas, gabe mamora nang pe pogos.

Sian jeangku ro au tu Ho, Jesus au ro tu Ho.

6.      Manopoti Dosa:

U : Ale Tuhan Debata, Pargogo na so hatudosan jala Ama Parasiroha! Ndang lomo rohaM mida hamatean ni pardosa; mulak ma nian parjahat i tumadingkon dalanna, asa mangolu ibana, i do dipangido rohaM. Ala ni i umbahen hupangido hami; sai sundati ma torutoruM asa unang mangonai be tu hami. Sai sesa sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus Tuhannami. Amen.

S : (Mangendehon): BE No. 182: 4         Tu Jolom O Debatangku

v  Ala ni tungki rohangku, jongjong di adopanMi.

       Sai asi rohaM Tuhanku, sesa nasa dosangki.

U :              Bagabaga ni Debata taringot tu hasesaan ni dosanta: Songon on do Hata ni Tuhan Jesus: Ro ma hamu tu Ahu, hamu angka na loja jala na sorat, hupasonang pe hamu. Buat hamu ma augangKu tu hamu, guruhon hamu ma sian Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangKu jala neang do dohot na hupaporsanhon. Hasangapon ma di Debata na di ginjang!

R : Amen.

7.      Marende BE No. 695: 1              Jesus Tuhanhu Di Ho Ma Au On

v     Jesus Tuhanhu di Ho ma au on, asa mangihut tu Ho au tongtong.

Gohi rohangku ingani au on, sonang di Ho tongtong.

O Tuhan togu ma au, o Tuhan togutogu ma au.

Gohi rohangku ingani au on, sonang di Ho tongtong.

8.      Epistel: 5 Musa 31: 14 – 22 (Dijaha Secara Responsoria Sian Bibel).

(Dung sidung dijaha didok uluan ma: I do sahatna. Martua ma angka na tumangihon Hata ni Debata jala na umpeopsa. Amen).

9.      Marende BE No. 453: 1              Sada Goar Na Umuli

v  Sada goar na ummuli sian nasa goar i. Goar ni Tuhanta Jesus,

I do na umuli i. GoarMi, Tuhanki, holan i do endengki.

GoarMi, Jesuski do pamalum rohangki.

10.  Manghatindanghon Haporseaon:

U  :  Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

S   : Ahu Porsea…

11.    Marende BE No. 417: 1             Rade Situtu Haluaon

v    Rade situtu haluaon, na naeng tangkuponmu antong.

Rade nang di ho hatuaon, sihalashononmu tongtong.

Bernit do ditaon Tuhanmu, pasaehon dosam sasude.

Tung unang paujat Ibana, sai jangkon pangkophopNa i.

12.    Tangiang Pangondianon:

13.     Marende BE No. 453: 4             Sada Goar Na Umuli

v Sai endehon ma goarNa, burju hatindangkon i, paima sahat hita

Sogot lao sumomba Tuhan i. GoarMi, Tuhanki,

Holan i do endengki, goarMi, Jesuski do pamalum rohangki.

14.    Jamita:  Pangungkapon 12: 10 - 12

­­­­

15.    Marende BE No. 125: 1             Marlas Ni Roha Hita On      (P. Pelean)

v    Marlas ni roha hita on, mamuji Debata

Ai asi ni rohaNa i, do bongot tu rohanta i

Umbaen nuaeng mardomu i, di son sadari on, di son sadari on.

16.    Panutup:

U: Tatangianghon ma peleanta: Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa uli basa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni huriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

R  : (Mangendehon): BE No. 204: 2 “Ndang Tadingkononhu Ho”

v Nasa na ni lehonMi, tondi ro di pamatanghu. Hosa dohot gogongki,

Ro di saluhut artanghu. Hupasahat i tu Ho, na so unsatonhu do.

U  :  Ale Amanamina di banuaginajang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sianp angago!

S  : (Mangendehon): Ai Ho do nampuna harajaon dohot hagogoon ro di hasangapon saleleng ni lelengna. Amen!

U  :  Pasupasu! (Parhalado Partohonan).

S  : (Mangendehon): Amen… Amen… Amen...

 Pelean Parmingguon Keluarga (10 Mei 2020)  : ……………………………………………

 Godangna                   : Rp..……………………………………………………………….

“Selamat Hari Minggu, Tuhan Memberkati”.