Ir. Asner Silalahi
I.
Kebaktian Singkat
= (Andorang
so masuk: Martangiang na di bagasan roha)
=
01. Joujou Marsaor Dohot Debata (U = Uluan, R = Ruas, S = Sude)
U: Tama do hita mandok mauliate
tu Tuhan Debata ala boi dope hita pajumpang
dohot patupahon partangiangan on. Ima paborhathon amanta Ir. Asner Silalahi naeng gabe panggomgomi di luatta on. Ala ni i, pasahat hamu ma ma
ngolumuna tu Debata, asa Debata na margogoihon dohot mangalehon habisukon laho mangajari
hamu. Alai unang ma mansohot pamujionta tu Debata di ganup tingki nang di ganup inganan.
R: Mauliate ma di Ho Tuhan ala
diparmudumudu Ho do ngolunami, boi pajumpang di bagasan las ni roha, jala unang ma mansohot asi ni rohaM tu hami ganup.
U: Tanda mauliate ni rohanta di pandonganion dohot
pangaramotion ni Tuhan
Debata di ngolunta, tapuji ma Ibana marhite na marende sian Buku Ende No. 10: 1 + 3.
02. Marende No.
10: 1 + 3 “Hupuji Hupasangap Ho”
1. Hupuji
hupasangap Ho, Amang pardenggan basa.
Ai
jadijadianMu do sude angka na masa.
Ditompa
Ho do sasude, dagingku ro di tondi pe, pinuji ma goarMu.
3. Ndang dung tartading
bangsoMi, naung pinillitMu jolo.
Sai Ho do haporusan ni sude na ro, na olo.
Ditogu Ho do sasude,
asa tu hangoluan be, pinuji ma GoarMu.
03. Votum – Introitus – Tangiang
U: Marhitehite goar ni Debata
Ama dohot goar ni AnakNa Tuhan Jesus Kristus
dohot goar ni Tondi
Parbadia na tumompa langit dohot tano on.
S: Amen.
U: Gok di Jahowa do
tano on ro di isina, portibi on dohot pangisina.
R:
Ai Ibana do paojakkonsa di atas ni angka
laut, jala dipahot di atas ni angka batang aek.
U: Ise do na jadi nangkok tu dolok ni Jahowa?
Jala ise do na hum jongjong sogot di hajongjongan ni habadiaonna i?
R: Halak
partangan na lidang dohot na ias roha, parroha na so paihuthon na so hasea,
jala na so olo margana laho mangansi.
U: I ma halak na maruli pasupasu sian Jahowa dohot
hatigoran sian Debata ni hatuaonna i. Haleluya. Martangiang ma
hita! Ale Jahowa Debata Amanami na badia jala parasi roha na sumurung, na
marhabangsa di banua ginjang di harajaonMi. Pujipujian di bagasan roha mauliate
disombahon rohanami tu Ho apala di tingki on, ala ni denggan ni basaM dohot asi
ni rohaM na manogunogu jala mangiringiring hami umbahen na boi sahat hami tu inganan
on ima bagas joroM on. Nuaeng pe,
huhalashon hami parpunguannami ala boi hami marsaor rap dohot
angka amanami, inanami lumobi amanami Ir.
Asner Silalahi. Di ari 09
Desember 2020 patupaon ni Negaranami ma Pesta
Demokrasi Pemilihan Kepala Daerah secara serentak. Ala ni i, marsada ni roha hami dohot mardos ni tahi laho
patujolohon dohot paborhathon amanami Ir. Asner Silalahi gabe panggomgomi di
Kota Pematang Siantar on tu periode 2020 - 2025. Asi rohaM di hami, ro hami tu adopanMu na sun
badia i, mangido dohot mangelek sian bulus dohot tulus ni rohanami. Pasaut jala
patulus ma na husangkapi hami i. Ho ma na mangula marhite TondiM na Badia i, di
roha dohot pingkiran ni saluhut masyarakat kota Pematang Siantar on, laho patujolohon marhite na mamillit amanami on di pesta Demokrasi i. Otapi jala pasiding Tuhan, angka roha panggunturi
maradophon amanami on, asa tulu na husangkapi hami hombar tu lomo ni rohaM. Nuaeng marpungu hami di joloM, laho
patujolohon dohot mamelehon amanami Ir.
Asner Silalahi gabe parhobas di negaranami marhite jabatan Walikota Pematang
Siantar periode 2020 – 2025. Ho do
mual ni nasa na uli na denggan di bagasan ngolunami, antong sai saut ma lomo ni rohaM. Pasupasu ulaonnami
sadari on jala urasi hami sian saluhut dosa pangalaosionnami i, ala ni AnakMu
Tuhan Jesus Kristus Tuhannami. Amen.
04. Manjaha Turpuk: Epesus 1: 3 – 10
U: Pinuji ma
Debata, Ama ni Tuhanta Jesus Kristus, naung umpasupasuhon tu hita ragam ni
pasupasu partondion sian banua ginjang, di bagasan Kristus.
R: Ai dipillit do hita di bagasan Ibana, andorang so ojak dope tano on,
asa badia hita jala so hasurahan di adopanna i, di bagasan holong ni roha.
U: Ditodo hian do hita bahen
anakna, marhitehite Jesus Kristus, asa tu Ibana, mangihuthon halomoan ni
rohana,
R: Asa tarpuji asi ni rohana na marmulia i, na
niasihonna tu hita di bagasan na Hinaholonganna i.
U: Di bagasan Ibana dapot hita haluaon i, binahen ni
mudarna i, i ma hasesaan ni angka pangalaosion, mangihuthon asi ni rohana na
tarlobi i,
R: Naung buas
niusehonna i tu hita mardongan hapistaran dohot habisuhon godang.
U: Ai dipabotohon Ibana do tu hita tahi ni rohana, na
buni hian mangihuthon halolomona, naung pinahotna i di bagasan dirina,
R: Laho pasauthonsa di hagogok ni tingkina, mandok:
Pasadahon di bagasan Kristus i sasudena, na di banua ginjang dohot na diatas
tano on.
U: I do sahatna. Martua do angka na tumangihon hata ni
Debata jala na umpeopsa.
S: Amen.
05. Marende No. 753: 1 Di Pardalanan Jesus Di Jolongku
1. Di pardalanan Jesus dijolongku,
holong ni tanganMi manogu au
Nang di ngoluku Ho do
sombaongku, tung sonang mardalan raphon ho.
Huboto do tangkas pangouonMu, diiringiring Ho do langkangki
Sahat ro di ujung ni pardalanku, togu ma au jonok tu lambungMi.
06. Tangiang
Pangondianon/Doa Syafaat:
07. Marende No. 743: 2 O
Tuhan Togutogu Ma
2. Panghulingi ma
au o Tuhan, na rade tumangihon hataM
Sai tumpahi ruasMu Tuhan, na uasan nuaeng di
hataM
Sai
patau ma au on naposoM, manjou halak na dao sian Ho
Ro di na so tumanda Ho, muba gabe pangoloi di Ho.
08. Renungan:
09. Marende No. 826: 1... Gohi
Au Tuhan (P. Pelean)
1.
Gohi au Tuhan marhite HataMi
Gohi au
Tuhan marhite HataMi,
Songon
hudon na rumar do au Tuhan di sumurMi,
Gohi au
Tuhan marhite HataMi.
2.
Gohi au Tuhan marhite HataMi
Gohi au
Tuhan marhite HataMi
Na mauas
do tondingku O Tuhan di HataMi
Gohi au
Tuhan marhite HataMi.
10. Tangiang Pelean
11. Tangiang Ale Amanami Pasupasu.
II. Ramah
Tamah (Diatur
Tersendiri).
T U H A N M E M B E R K A T I
.jpg)
Komentar
Posting Komentar