DIRAMOTI DO HITA, SONGON ANAK NI MATA.
(Psalmen 17: 8 – 15)
1. Ra hea do hita mangadopi tuduhan sian halak manang "lawan politik", dituhashon tu hita angka ulaon na so denggan hape sasintongna ndang hea taulahon i. Manang difitnah. Apalagi di zaman nuaeng on marhite jejaring sosial (dunia maya), muramura nama jala lomo ni halak nama mambahen angka fitnahan dohot mangotootoi dohot lan angka na asing. Songoni do na niadopan ni parpsalmen di bagasan turpuk on. Molo tabereng di ayat 9 – 12 i, dihaliangi angka parjahat do ibana laho manganahon hosana, jala segala macam cara do dipatupa laho paroaroahon popularitas ni parpsalmen (pembunuhan karakter) na marharoroan sian halak na marroha portibi on (orang-orang duniawi).
2. Boha do dibahen parpsalmen mangadopo sauluhut na masa tu ibana? Tapaihutihut ma hatorangan on:
2.1. Dipasahat ibana do hadirionna “Holan tu Tuhan Debata” marhite na mangido pangaramotion ni Debata. Tangkas do diboto jala dihaporseai parpsalmen, diida jala diboto Debata do pangalaho ni saluhut jolma termasuk parpsalmen i sandiri. Adil manang sintong do pambahenan ni Debata, Ibana pasahat uhum hatigoran tu angka na tigor roha jala siulahon lomo ni rohaNa (Tuhan Allah pasti berpihak kepada orang yang benar), jala uhumon ni Debata do angka halak parjahat. Ndang olo parpsalmen mambaloshon pambahenan ni angka siulahon hajahaton tu ibana. Ai di boto ibana do, di Debata do pamaloson (pembalasan ada di tangan Tuhan).
2.2. Joujou do parpsalmen tu Debata.
Marhite haporseaonna, gabe diboto ibana do ditangihon Debata tangiangna. Tangihonon ni Debata do soara ni halak angka na joujou (ay. 6), songon bangsonNa na anggukangguk uju di parhatobanan Misir (2 Musa 3: 7: Aku telah mendengar seruan umatKu). Ala ni i do, molo taadopi pe angka parungkilon “Holan tu Debata ma hita joujou”, unang pola joujou hita tu angka naung mate i apalagi tu angka sombaon, ai ndang tuk nasida laho mangurupi hita. Alai taingot jala tahaporseai ma urapan ni Debata do hita. Pangkeon ni Tuhan Debata do saluhut na tinompaNa laho mangurupi halak na di bagasan parungkilon jala na joujou.
2.3. Haposi jala haporseai ma Tuhan Debata.
Di saluhut angka na masa na niadopan ni parpsalmen i, ndang marsak jala ndang mandele ibana. Alai di saluhut na masa i, sada do na mansai ringkot di ibana “Marsihohot manghaposi jala manghaporseai Tuhan i”. Marhaposan tu Tuhan i do parpsalmen, songon sahalak dakdanak na sonang di abingan ni inangna, manang aha pe na masa pos do rohana adong pangurupion saleleng di abingan ni inangna ibana. Jagaon ni Debata do hita halak na porsea songon anak mata (ay. 8 anak mata = anak haholongan = anak kesayangan). Jagaon ni Tuhan Debata do angka halak na porsea, gariada tahe tung so loasonna hita jamaon ni manang ise, ai dilinggomi do hita marhite habongNa na palashon daging dohot rohanta. Di Johannes 10: 28 – 29 didok Tuhan Jesus do: Na so tarrampas ni manang ise nasida (nasida=halak na porsea) sian tanganNa, ai umbalga sian saluhutna do Debata AmangNa i. Ondingan ni Debata do hita di linggoman ni habongNa.
3. Sian saluhut pengalaman ni parpsalmen mangadopi angka rumang ni hamaolon i, na gabe kata kunci utama ima: "Adong panandaon na tangkas sian parpsalmen tu Debata". Ai holan tu halak na tangkas tatanda do olo hita pasahathon angka na maol tapingkiri (Parsorion). Laos panandaon na tangka tu Tuhan Debata, i do na gabe gogo di hita laho mangadopi saluhut na masa na maol di ngolunta on. Jala panandaon na tangkas tu Tuhan Debata do mambahen asa ndang olo hita mambaloshon na jat alo ni na jat. Hohom do ibana ndang dibaloshon ibana pambahenan ni angka parjahat i. Diboto ibana do, molo huuji laho mambaloshon = membalaskan, ima tanda ni halak na so porsea tu halak na sinombana i (itu tanda bukti ketidakpercayaan kepada Tuhan). Rap dohot parpsalmen on ingkon jouhononta do: “Hehe ma Ho ale Jahowa, joloani ma... sai palua ma hosangku sian parjahat...” ay. 13a. Tuhan Debata Jahowa do dijouhon ibana mangalo saluhut halak na martahi na jahat tu ibana. Tatiru ma i!!!
Selamat Hari Minggu. Tuhan Memberkati.
(Psalmen 17: 8 – 15)
1. Ra hea do hita mangadopi tuduhan sian halak manang "lawan politik", dituhashon tu hita angka ulaon na so denggan hape sasintongna ndang hea taulahon i. Manang difitnah. Apalagi di zaman nuaeng on marhite jejaring sosial (dunia maya), muramura nama jala lomo ni halak nama mambahen angka fitnahan dohot mangotootoi dohot lan angka na asing. Songoni do na niadopan ni parpsalmen di bagasan turpuk on. Molo tabereng di ayat 9 – 12 i, dihaliangi angka parjahat do ibana laho manganahon hosana, jala segala macam cara do dipatupa laho paroaroahon popularitas ni parpsalmen (pembunuhan karakter) na marharoroan sian halak na marroha portibi on (orang-orang duniawi).
2. Boha do dibahen parpsalmen mangadopo sauluhut na masa tu ibana? Tapaihutihut ma hatorangan on:
2.1. Dipasahat ibana do hadirionna “Holan tu Tuhan Debata” marhite na mangido pangaramotion ni Debata. Tangkas do diboto jala dihaporseai parpsalmen, diida jala diboto Debata do pangalaho ni saluhut jolma termasuk parpsalmen i sandiri. Adil manang sintong do pambahenan ni Debata, Ibana pasahat uhum hatigoran tu angka na tigor roha jala siulahon lomo ni rohaNa (Tuhan Allah pasti berpihak kepada orang yang benar), jala uhumon ni Debata do angka halak parjahat. Ndang olo parpsalmen mambaloshon pambahenan ni angka siulahon hajahaton tu ibana. Ai di boto ibana do, di Debata do pamaloson (pembalasan ada di tangan Tuhan).
2.2. Joujou do parpsalmen tu Debata.
Marhite haporseaonna, gabe diboto ibana do ditangihon Debata tangiangna. Tangihonon ni Debata do soara ni halak angka na joujou (ay. 6), songon bangsonNa na anggukangguk uju di parhatobanan Misir (2 Musa 3: 7: Aku telah mendengar seruan umatKu). Ala ni i do, molo taadopi pe angka parungkilon “Holan tu Debata ma hita joujou”, unang pola joujou hita tu angka naung mate i apalagi tu angka sombaon, ai ndang tuk nasida laho mangurupi hita. Alai taingot jala tahaporseai ma urapan ni Debata do hita. Pangkeon ni Tuhan Debata do saluhut na tinompaNa laho mangurupi halak na di bagasan parungkilon jala na joujou.
2.3. Haposi jala haporseai ma Tuhan Debata.
Di saluhut angka na masa na niadopan ni parpsalmen i, ndang marsak jala ndang mandele ibana. Alai di saluhut na masa i, sada do na mansai ringkot di ibana “Marsihohot manghaposi jala manghaporseai Tuhan i”. Marhaposan tu Tuhan i do parpsalmen, songon sahalak dakdanak na sonang di abingan ni inangna, manang aha pe na masa pos do rohana adong pangurupion saleleng di abingan ni inangna ibana. Jagaon ni Debata do hita halak na porsea songon anak mata (ay. 8 anak mata = anak haholongan = anak kesayangan). Jagaon ni Tuhan Debata do angka halak na porsea, gariada tahe tung so loasonna hita jamaon ni manang ise, ai dilinggomi do hita marhite habongNa na palashon daging dohot rohanta. Di Johannes 10: 28 – 29 didok Tuhan Jesus do: Na so tarrampas ni manang ise nasida (nasida=halak na porsea) sian tanganNa, ai umbalga sian saluhutna do Debata AmangNa i. Ondingan ni Debata do hita di linggoman ni habongNa.
3. Sian saluhut pengalaman ni parpsalmen mangadopi angka rumang ni hamaolon i, na gabe kata kunci utama ima: "Adong panandaon na tangkas sian parpsalmen tu Debata". Ai holan tu halak na tangkas tatanda do olo hita pasahathon angka na maol tapingkiri (Parsorion). Laos panandaon na tangka tu Tuhan Debata, i do na gabe gogo di hita laho mangadopi saluhut na masa na maol di ngolunta on. Jala panandaon na tangkas tu Tuhan Debata do mambahen asa ndang olo hita mambaloshon na jat alo ni na jat. Hohom do ibana ndang dibaloshon ibana pambahenan ni angka parjahat i. Diboto ibana do, molo huuji laho mambaloshon = membalaskan, ima tanda ni halak na so porsea tu halak na sinombana i (itu tanda bukti ketidakpercayaan kepada Tuhan). Rap dohot parpsalmen on ingkon jouhononta do: “Hehe ma Ho ale Jahowa, joloani ma... sai palua ma hosangku sian parjahat...” ay. 13a. Tuhan Debata Jahowa do dijouhon ibana mangalo saluhut halak na martahi na jahat tu ibana. Tatiru ma i!!!
Selamat Hari Minggu. Tuhan Memberkati.
.jpg)
Komentar
Posting Komentar