ACARA
PARTANGIANGAN PASSION PAOPATHON (IV)
Minggu Judika, Di HKBP Ajibata
Ressort Ajibata.
(Dipasahat Di Partangiangan Lingkungan)
(Andorang
so masuk: Martangiang Na Hohom)
1. MARENDE
NO. 84 : 1 AUT NA
GINORGA TU NROHANGKU
Aut
na ginorga tu rohangku, bohiM di na lao mate Ho
Aut
na huingot o Tuhanku, tongtong panghophopMi di au
Ai
Ho do paluahon ahu, dosanghu do pinorsanMi
Didaoni
Ho parsahitongku, martua au binahen ni.
2. AGENDA :
Marhitehite Goar
ni Debata Ama, dohot Goar ni AnakNa Tuhan Jesus Kristus dohot Goar ni Tondi Porbadia
na manompa langit dohot tano on. Amen.
Kristus manaon na
porsuk humophop hita, tumadinghon tiruan di hita, asa diihuthon hamu ma bogas
ni patNa. Ndang adong dosa diula Ibana; ndang jumpang angkal di bagasan
pamanganNa. Ndang manginsahi Ibana di na hona insak, ndang mangasupi Ibana di
na manaon na porsuk; alai dipasahat do tu panguhum sitigor roha i. Martangiang
ma hita: Ale Amanami na di banua ginjang, Parasi roha na sumurung! Na
mandok mauliate ma hamu tu Ho sian nasa rohanami, ala dilehon Ho do AnakMu na
sadasada i tu hamatean humophop hami, asa unang mago na porsea di Ibana, alai
asa hangoluan na saleleng ni lelengna di Ibana. Tatap ma hami, ale
Amanami di bagasan AnakMu Jesus Kristus, na gabe habadiaon dohot hatigoran di
hami. Sai sesa ma dosanami saluhutna, ala ni pelean na sun denggan, na
pinelehonNa i humophop hami. Sai paeleng ma pinggolMu tu tangiang nami, asi ma
rohaM di hami marhitehite AnakMu, Jesus Kristus Tuhannami. Amen.
3. MARENDE HURIA
NO. 152: 1 JESUS
NA MAMORSAN
Jesus
na mamorsan dosa ni portibi on pangolu hami.
Jesus
na mamorsan dosa ni portibi on pangolu hami.
Jesus
na mamorsan dosa ni portibi on sai pasonang hami, amen x.
Dung i
ditangkup angka soldadu dohot induk nasida ro di angka naposo ni Jahudi ma
Jesus jala diihoti. Jadi ditogihon ma Ibana jumolo tu si Hannas, ima
simatua ni si Kayafas, sintua ni malim di na sataon i.
Ima si Kayafas
naung mandok tu angka Jahudi: Dengganan do mate sada halak humophop
bangso. Alai diihuthon si Simon Petrus dohot siseanNa na sadanari ma
Jesus. Na masitandaan do sisean na sada i dohot sintua ni malim i, jadi
bongot ma ibana rap dohot Jesus tu alaman ni malim i. Alai disungkun
sintua ni malim i ma Jesus taringot tu angka siseanNa dohot taringot tu podaNa
i. Jadi dialusi Jesus ma ibana, ninna ma: Patar do hatangKi di hatoropon. Na
tongtong do Ahu mangajari na sai laon di parguruan nang di bagas joro pe,
parpunguan ni saluhut halak Jahudi. Ndang adong manang na aha, na huhatahon
marsibuni. Boasa Ahu disungkun ho? Nasida naung umbege hatangKi, ima sungkun,
ai diboto nasida do na Huhatahon i. Dung didok Jesus songon i,
dipastap sada opas na jongjong disi ma Ibana, huhut ma didok: Songon i ma
pangalusiM tu sintua ni malim i? Dung i ninna Jesus ma mangalusi ibana: Ia na
hurang na Hudok, hajongjongkon na hurang, alai anggo na hona do, boasa
pastaponmu Ahu?
4. MARENDE Sian B. E. NO. 81 : 2 AHA MA ENDEHONONKU
Haleaon
insakinsak, reherehe, tijur pe.
Tali
dohot pastappastap, tung ditaonhon Ho sude.
Paluahon
au na pogos sian tangan ni sibolis.
Alani
hupuji Ho tung marribu hali do.
Asa disuru si
Hannas ma Ibana naung tinali i, tu sintua ni malim si Kayafas. Di si do
marpungu angka sibotosurat dohot sintua ni natorop. Alai sai mangihut do
si Petrus mandaodao sahat ro di alaman ni sintua ni malim i. Laos bongot
ma ibana tu bagasan, laho hundul tusi dohot angka naposo marnida ujungna. Alai
anggo angka sintua ni malim ro di sandok rapot godang i, mangalului
panindangion gapgap dompak Jesus, na tuk mambahen Ibana marutang hosa. Alai nangpe
hehe torop angka sitindangi gapgap, ndang adong jumpangsa hasalaan ni
Jesus.Alai parpudi ro ma dua halak, ninna ma: Didok halak on, tarbahen Ahu do
mangalohai Joro ni Debata jala pajongjongonNa sumuang tolu ari. Dungi hehe
ma sintua ni malim i,
mandok Ibana: Ndang alusanMu na hinatindangkon nasida dompak
Ho? Alai sai hohom do ianggo Jesus. Dungi dipangkulingi sintua ni malim ma
ibana, ninna: Hupatolon ma Ho tu Debata Sipangolu i, asa dipaboa Ho tu hami
manang na tutu Ho Kristus, Anak ni Debata.
Dungi didok Jesus
ma tu ibana: Songon na nidokmi ma tutu! Alai hudok ma tu hamu: Olat ni on
ma idaonmuna Anak ni Jolma i, hundul di siamun ni hagogoon jala ro di
atas ombun ni langit. Gabe diribakhon sintua ni malim i ma
paheanna, huhut mandok: Na mangaleai Debata do Ibana, pola dope luluan
sitindangi? Nunga dibege hamu pangaleaiNa! Beha do di rohamuna? Dungi
ninna nasida ma mangalusi: Marutang hosa ma Ibana? Jadi ditijuri
nasida ma bohiNa, na deba manompuk, na deba mangalinsingi, huhut mandok:
Surirangi hami, Kristus, ise do na mamunu Ho?
5. MARENDE
SIAN BE. NO. 78: 3
O’ ULU NA SAP MUDAR
Au
on tama o Tuhan, manaon na tinaonMi.
Dosangku
do diporsan Ho na tarsilang i
Sai
tatap ale Tuhan, au na dijoloMon.
Huhut
sai patuduhon, basaM tu rohangkon.
Alai
na hundul do anggo si Petrus di alaman i, jadi didapothon sada parompuan ma Ibana
mandok: Dohot do ho dongan ni Jesus na sian Galilea i?
Alai diporso
si Petrus do, didok ma: Ndang adong huboto, jala ndang huantusi na nidokmi!
Laos ruar ma ibana tu alaman jolojolo, jala martahuak ma manuk. Alai marnida
ibana, diulahi naposo boruboru i ma mandok tu angka na jongjong di si. On
do sada sian nasida. Alai mamorso muse do ibana. Jadi dung
satongkin nari, didok angka na jongjong di si ma muse mandok si Petrus: I
do, tongon do dongannasida do ho, ai halak Galilea do ho.
Gabe dipungka si
Petrus ma mamburahon dirina huhut manolonnolon, didok ma: Ndang ditanda
jolma na nidokmuna i! Dung i mamintor martahuak ma manuk paduahalihon. Jadi
diingot si Petrus ma na nidok ni Jesus tu ibana: Tolu hali do soadahononmu
Ahu andorang so
martahuak manuk paduahalihon. Jala marningot i, tumatangis ma ibana.
6. MARENDE
SIAN BE. NO. 206: 5 NA
DI SON
DO AU TUHANKU
Sai
tangihon, ditangishon, rohangki dangolna i
Sai
tangihon , ditangishon, tondingki siholna i
Rohami
ma tu rohangku, sai di Ho ma tondingki.
Jadi dung diida si
Judas parjehe i, na naeng hona uhum nama Jesus, disolsoli ma rohana, dipaulak
ma na tolupulu rupia tu angka sintua ni malim dohot tu sintua ni bangso
i, ninna ma: Sala do ahu, hujehehon do hape na so marpipot! Alai didok
nasida ma: Ndang ro di hami i! Ho do na sari disi. Jadi ditimpalhon ma
perak i tu bagasan joro i, laos sumurut sian i laho maningkot. Alai dibuat
sintua ni malim ma hepeng i, ninna ma: Ndang jadi padomuon i tu arta ni Joro,
ai tuhor ni mudar do i.Jadi mardos ni roha nasida manuhorhonsa tu ladang ni
pande hudon, bahen parbandaan ni halak dagang. Ala ni i umbahen margoar i, ladang
mudar ro di sadari on.
7. TANGIANG
PANGONDIANON:
8. MARENDE
Sian B.E.No. 162: 2 – 3 O DEBATA
MANSAI
Tung sura lao au tu na dao, mangalap hatuaon.
Ndang
dapot i di tano i, di nasa hajolmaon.
I
pe tu Ho nama au ro, sai unang tulak ahu.
Paombun
ma o Debata, rimasMu mida ahu.
9. JAMITA:
10. MARENDE
SIAN BE.
N0.
82 O JESUSKU TU
BUGANGMU
Tung
di patMu, o Jesusku, solsolanku rohangki.
Tangisanku
na tinaonMu, ala jat ni rohangki.
Tu
tanganMu ma tondingku, jumpa hamamatengki.
Tu
lambungMu, o Tuhanku, alap na tinobusMi.
11. TANGIANG PELEAN
12. TANGIANG
ALE AMANAMI + PASUPASU.
* Selamat
Mengikuti Acara Kebaktian Passion *
Komentar
Posting Komentar