PARTURE NI
PARTANGIANGAN BUHABUHA IJUK HKBP RESSORT AJIBATA.
Minggu, Tanggal 27 Maret 2016
  1. Prosesi Lilin
  2. Joujou Tu Parsombaon: (Psalmen 130:1-8)     U = Uluan        R = Ruas
----------- Tangiang na hohom -----------
U  =   Ende hananangkok: Sian pardangolan angka na bagas i do ahu joujou tu Ho, ale Jahowa!
R  =  Ari on ale Tuhan, sai tangihon ma soarangki, sai patinggil ma pinggolmu tumangi soara ni anggukkon!
U  =   Molo tung manjujur Ho, ale Jahowa, di angka dosa, tung ise ma manahan jongjong, ale Tuhan?
R  =   Alai tahe marroha pamuation do Ho, asa dihabiari halak Ho.
U  =   Huhalungunhon do Jahowa, malungun do tondingku, jala huparhanalom do hatana.
R  =   Gumogo do dihalungunhon rohangku Tuhan i sian angka parhal di torang ni ari, angka parhal di torang ni ari tongon.
U  =   Nalom ma roham tu Jahowa, ale Israel, ai parasi roha do Jahowa, jala godang do haluaon di Ibana.
R  =   Jala Ibana sandiri paluahon Israel sogot sian dosana sudena.
U  =   Mandok mauliate ma hamu di Jahowa, ai pardengganbasa do Ibana, ai ro di salelenglelengna do asi ni rohana. Marende ma hita mamuji Tuhanta i.
          Sude Mangendehon: BE No. 96: 1, 3  NUNGA TALU HAMATEAN   BL. 101
 ♫♪♫ Nunga talu hamatean, dibaen Tuhan Jesus i.
         Ai na hehe do Ibana, songon na nidokNa i.
      Haleluya, haleluya, nunga hehe Jesus i. 
      Haleluya, haleluya, Nunga hehe Jesus i                                         (Jongjong).

       ♫♪♫ Marlasroha be ma hita, ala hehe Jesus i.
               Ai malua sude hita, sian hamagoan i.  
           Haleluya, haleluya, nunga hehe Jesus i.
           Haleluya, haleluya, nunga hehe Jesus i

  1. Votum-Introitus:
U  =   Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen.
R  =   Haleluya! Rimpun di Debata Jahowa do haluaon dohot hasangapon dohot hagogoon!
U  =   Ahu do Sipangolu, naung mate do Ahu na jolo, gabe mangolu antong ro di saleleng ni lelengna; di Ahu do anak hinsu ni hamatean dohot banuatoru.
R  =   Ida ma Debata do hatuaonku, Ibana huhaposi, jadi ndang mabiar ahu, ai Jahowa do hagogoonku jala pujionku, manjadi hatuaon di ahu.
U  =   Ingkon marolopolop nian, jala marlas ni roha di bagasan Ho, sude angka na mangalului Ho, ingkon tongtong ma dohonon ni angka na manghaholongi hatuaonMi : "Timbul do Jahowa”. Martangiang ma hita: Ale Tuhan Debata, Parasiroha na sumurung,  didok hataM do, ingkon manaon hami jala mate rap dohot Tuhan Jesus Kristus, asa rap hami dohot Ibana tu hasangapon. Sai parrohai ma hami asa unduk hami tu lomo ni rohaM jala­ hot hami di haporseaon na ture, asa tongtong manghirim dihaheheon dohot di hasangapon sogot silehononMu tu angka na porsea di Ho. Ale Debata, sai Ho do haporusannami marsundutsundut jala gok di Ho do tano on dohot banuaginjang, nang portibi on ro di isina sudena. Antong sai tangihon ma tangiangnami, jala sai dihalomohon rohaM ma nang pingkirannami, uju hujou hami goarMu na badia i, jala ro di saleleng ni lelengna ma hamuliaonMu. Amen.    (Hundul)

  1. Marende sian B.E No.90: 4 – 5  SAI MARLAS NI ROHA HITA     BL. 175
♫♪♫ Dohot ho, o hamatean nunga mago soropmi.
          Suruhonku pe udean, ndang na tinggal au disi. 
      “Anggo au mangolu do, sai mangolu dohot ho!”  
      Ninna Jesus tu rohangku, molo ro hamateanku.

       ♫♪♫ On tongtong di halashon, nunga hehe Jesuski
            Dohot ma hamu donganku, angka na tinobus i
            Sai tapuji Debata, sai tadok Haleluya
            Na mangolu do Tuhanta, ala ni sai las rohanta.

  1. Epistel: Johanes 20: 1 – 18: Barita taringot tu haheheon ni Tuhan Jesus
U  =   Dung i di ari parjolo dung salpu ari Sabbat, laho ma si Maria Magdalena sogot di na holom i dope tu tanoman i, jadi diida ma, naung dihindat batu i sian tanoman i.
R  =   Gabe marlojong ma ibana manopot si Simon Petrus dohot sisean na sada nari, haholongan ni roha ni Jesus, paboahon tu nasida: Nunga dibuat na mambuat Tuhan i sian tanomanna; ndang binoto, manang tudia ditaruhon.
U  =   Jadi borhat ma si Petrus dohot sisean na sada nari, jadi sahat ma nasida tu tanoman i.
R  =   Na rap marlojong do na dua i, gabe marhajoloan do sisean na sada, na humatop sian si Petrus, gabe parjolo ma ibana sahat tu tanoman i.
U  =   Jadi dipaunduk ma dirina, diida ma peak angka pangalilit; alai ndang bongot ibana.
R  =   Ro ma nang si Petrus sian pudina; dibongoti ma tanoman i jadi diida ma peak angka pangalilit i.
U  =   Anggo sekka panaputi ni uluna ndang rap dohot angka pangalilit i, pulik do dibalun tu ingananna.
R  =   Disi pe asa bongot nang sisean na sada, naung parjolo sahat tu tanoman i; dipanotnoti, gabe porsea ma ibana.
U  =   Ai ndang dope diantusi nasida hata ni Surat i na mandok: Ingkon hehe Ibana sian na mate.
R  =   Asa muli ma sisean na dua i.
U  =   Laos jongjong do si Maria dibalian ni tanoman i tumatangis, jadi di partangisna i dipaunduk ma ibana dompak tanoman i.
R  =   Gabe diida ma hundul disi surusuruan dua, parabit na marlinanglinang; na sada tartungkan julu on, na sada nari tartungkan inganan ni pat ni hapeahan ni bangke ni Jesus.
U  =   Didok nasida ma tu ibana: Boasa tangis ho, inang? Jadi dialusi ma nasida: Dibuat na mambuat do Tuhanki; ndang huboto, manang na tudia ditaruhon.
R  =   Mandok songon i, humusor ma ibana dompak pudi, gabe diida ma Jesus jongjong disi; alai ndang ditanda.
U  =   Dung i didok Jesus ma tu ibana: Boasa tangis ho, inang? Ise dilului ho? Jadi dirimpu rohana ma, tukang porlak i Ibana, gabe didok ma tu Ibana: Anggo hamu do mambuat Ibana, paboa hamu ma tu ahu, manang na tudia ditaruhon hamu asa hualap Ibana!
R  =   Dung i didok Jesus ma tu ibana: Maria! Jadi didompakkon si Maria ma Ibana huhut mandok: Ale Guru! (Rabbuni, anggo di hata Heber).
U  =   Jala didok Jesus ma tu ibana: Unang Ahu jama; ai ndang dope nangkok Ahu tu Ama i. Alai laho ma ho tu angka anggingki, dok ma tu nasida: Na laho nangkok ma Ahu tu Damang jala Amamuna, tu Debatangku jala Debatamuna.
R  =   Dung i laho ma si Maria Magdalena, dibaritahon ma tu angka sisean i: Nunga huida Tuhan i, jala angka on do hatana tu ahu.
U  =   Ima sahatna. Martua do na tumangihon Hata ni Debata jala na umpeopsa. Amen.

  1. Marende sian B.E No. 91: 1        HATUAON DO                            BL. 55
♫♪♫  Hatuaon do las ni roha do, hangongot ni Tuhanta i
Mago do hita ngot ma Tuhanta, las be, las be ma rohanta i. 
Mago do hita ngot ma Tuhanta, las be, las be ma rohanta i.

  1. Renungan: Jesaya 65 : 17 – 25

  1. Marende sian B.E. No. 633 : 1-2   NUNGA HEHE KRISTUS I      BL. 633 ♫♪♫ Nunga hehe Kristus i haleluya, sian hamatean i, Haleluya.
            Parlangitan jouhon ma, Haleluya, Tano on alusi ma, Haleluya.
 
                    ♫♪♫ Singkop panghophopNa i, Haleluya, Gok hamonanganNa i, Haleluya.
  Sondang haluaon i, Haleluya, Patiur dalanta i, Haleluya.

  1. PARSURUON:                                                                       (Jongjong).
U  =   Nunga hehe Tuhan Jesus.
R  =   Alani, hehe do hami laho mamaritahonsa marhite na manadinghon saluhut angka biar ni rohanami, asa marhiras ni roha hami di bagasan Ibana, Mual ni Hangoluan si salelengnilelengna i. 
U  =   Nunga monang Ibana manaluhon hamatean!
R  =   HamonanganNa i do na mangalehon di hami panghirimon na mangolu di nasa parsorion jala manatap ma hami tu jolo so diihoti ragam ni parungkilon dohot hasusaan na di portibi on.
U  =   HamonaganNa i ma na margogoihon hami manghatindanghon Ibana tu sandok portibi on.
R  =   HamonanganNa i do na gabe hamonangan ni saluhut angka na porsea, hamonangan ni hatigoran dohot hasintongan, hamonangan ni saluhut ulaon laho patingkoshon uhum tu angka na metmet jala na dangol; jala loas ma hami gabe parsidohot di saluhutna i.
U  =   Nunga marpadan be hamu dohot Debata, alani laho ma hamu, ulahon hamu ma i, jala rap ma hita mangido hagogoon sian Tuhanta.
10.  Panutup.
             U = Rap martangiang ma hita di tangiang: “Ale Amanami ...” + Pasupasu.
R  =  (Mangendehon) Amen... Amen... Amen...

Komentar

Posting Komentar

Postingan populer dari blog ini

Gambar
PARTORDING NI ACARA PARTUAON NI INANTA M. Br. Tampubolon (Op. Pondang Boru). Ari Jumat, tanggal 05 Pebruari 2010 Di HKBP Silaen, Ressort Silaen. TERTIB ACARA TU NA MONDING, DI GAREJA & PARBANDAAN  M. Br. Tampubolon (Op. Pondang Boru) 01. Marende No. 353: 1 - 2      (Di surgo hasonangan i)                            BL. 37     * Di surgo hasonangan i, inganan na dumenggan i.        Tu si naeng laho muli au, asa rap dohot Jesus au.     * Tutu godang dope adong, marningot au di tano on.         Sai tostosanku nama i, lao mandapothon surgo i. 02. Tangiang Pamuhai.       Pujipujian disombahon rohanami di botari on tu adopan-Mu na badia i, ale Jahowa Debata Amanami. Siala denggan ni basaM na sai tongtong sumarihon ngolunami di pardagingon nang partondionnami pe. Tangkas do i  Tuhan hupanghilalahon hami. Diboto Ho do Tuhan ualaonnami nuaeng, nunga jumolo marujung ngolu ni inanami M. Br. Tampubo
Baca selengkapnya
Gambar
TERTIB ACARA  NATAL  KELUARGA  POMPARAN  NI   TANDANG   BISARA   SIRAIT Thema         :  Nunga Hujalo Haluaon Na Sian Tuhan i (Lukas 2: 30) Sub Thema   :  INGANAN                        :           AJIBATA MINGGU ,  TANGGAL  14   DESEMBER  20 14 Pukul  17.00 WIB  s/d  Selesai. TERTIB ACARA  NATAL  KELUARGA POMPARAN NI TANDANG BISARA SIRAIT I.           Acara Kebaktian . 1.  Pangaradeon diri      M artangiang di bagasan rohan ta be . 2.  Marende B.E. No. 48: 2 + 7            RIA MA HITA SASUDE                       BL. 16 (Di tingki marende pagalak lilin)       2.  Diungkap Debatanta i , banuaginjang i            Disuru do AnakNa i , hangoluanta i, hangoluanta i . 7.   Ringgas ma hita sasude , m amuji Debata      Gogo ma taendehon be , a men h aleluya, a men h aleluya .         Na pagalak Lilin:      1.       Parjamita               
Baca selengkapnya
Gambar
ACARA PARTANGIANGAN ULANG TAHUN TUAN NANSER SIRAIT (OP. PAULUS DOLI) KE- 59. SENIN, 05 MEI 2015, PKL. 17.00 WIB. INGANAN:  KAFE NABORSAHAN – AJIBATA TOBA SAMOSIR I. KEBAKTIAN 01. Marende Sian BE No. 15: 4             Aut Na Saribu Hali Ganda    BL.   103          4. Mauliate ma rohangku di ho o Debata tongtong .  D ibaen sude denggan basaMu, naung nilehonMu di au on .     Ai dipatongon Ho tongtong sude na ringkot di au on . 02. Votum – Introitus – Tangiang  (U= Uluan, K= Keluarga, H= Huria)        U: Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on.       H:   Amen.       U:   Ale Tuhan, sai Ho do haporusannami marsundutsundut.       H: Tagan so tubu dope angka dolok jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna.          U: Ai lam m
Baca selengkapnya