Riwayat Pangulaon Ni Inang St. Berliana Simanjuntak.

Ia inang St. Berliana Simanjuntak tubu tanggal 03 Juli 1957. Na di tanggal 19 September 1979 marhamuliaon ma inang on tu amanta Tahi Hasoloan Sirait. Jala dipasupasu Tuhan Debata do keluarga ni halak inang on marhitehite parianakkonon, ima 1 (sahalak) baoa dohot 4 halak boru. Alai di tanggal 24 Oktober 2000 marujung ngolu ma boru panggoaran ni inang on, ima na margoar si Melisa Br. Sirait, marumur 20 taon.

Di tanggal 27 Pebruari 1994, dipillit jala dipabangkit hurianta ma inang on marhobas songon sintua learning (Calon Sintua) di hurianta on rap dohot 4 halak donganna, ima:

1.      M. Br. Gultom (Op. Popo)

2.      D. Sidabutar (Am. Demak)

3.      Nai Panda Br. Manurung dohot

4.      R. Br. Tampubolon (Op. Moranda)

Learning ma nasida lelengna lobi hurang 4 taon. Jala di tanggal 28 Juni 1998 manjalo tohonan hasintuaon ma inang on  rap dohot 2 (dua) halak sian na 4 halak donganna na learning i, ima: St. M. Br. Gultom (Op. Popo) dohot St. D. Sidabutar (Am. Demak).

Hatiha masa dope sian sintua na gabe parjamita di parmingguon siganup Minggu, aktif do inang on parsidohot adong rosterna marjamita di parmingguon siganup minggu. Aktif muse do manghobasi parmingguon ni Lansia tingki dipatupa parmingguon tu angka ruas ni hurianta naung tergolong Lansia, ima na maringanan di kantor HKBP Ressort Ajibata na maringanan di komplek SD Inpres/Negeri Ajibata (Rumah Dinas Pendeta Yang Lama).

Inganan panghobasion ni inang on di Lunggu/Lingkungan VIII. Mangula ma inang on mamungka sian sintua learning sahat tu sadari on lelengna 20 taon. Di ari sadari on: Senin, tanggal 26 Desember 2016 boho di Ari Pesta Natal II (Paduahon) pensiun ma inang on sian hasintuaonna.

            

Hombar tu Aturan Peraturan Ni HKBP Tahun 2002 dung Amandemen II (Paduahon), hal. 130, poin 6.6: Pansiun do sahalak Sintua molo dung marumur 65 taon alai hot do tohonan hasintuaonna jala pasahaton ni Pandita Ressort ma Surat Ketetapan pensiunna. Di poin 6.7: Maradian sian hasintuaon sahalak sintua:

a.      Ala na so dilahon be tohonanna.

b.      Ala pangidoanna sandiri.

c.       Ala hona Ruhut Parmahanion dohot Paminsangon ni HKBP.

d.      Ala monding.

Pensiun pe inang on nuaeng ndada ala naung gok umurna 65 taon, alai ala ni pangidoanna sandiri do. Songoni ma Riwayat Pangulaon ni inang sintua on na boi hupatupa hami. Sai dipasupasu Tuhan i ma saluhut angka na niulamuna saleleng on di huriata on, jala diramoti ma hamu rap dohot keluarga.

                                                                                                         Ajibata, 26 Desember 2016.

                                                                                                            Pdt. A. Tambun, STh.