ACARA UJUNG TAON PARHURIAON

          (PARNINGOTAN  DI  NA  MONDING)

HKBP AJIBATA, RESSORT AJIBATA

MINGGU, TANGGAL 24 NOPEMBER 2013   

                                                                                                                                                      

1.      Marende No. 440: 1-3                 Sai puji ma Tuhanta                         BL. 296

1.      Sai puji  ma Tuhanta Jesus Kristus.

Pasangap ma, lomo na ma patulus,

Pinujima Goar Na, da!

2.      Na sahat ma endeta tu joloNa.

Na metmet ma nang angka na umbalga.

Pinujima Goar Na, da!

                          -   m u s i k/ayat 3 jongjong  -

3.      Ndang pande au mamuji Ho, o Tuhan,

Alai dibege Ho au, ale Tuhan,

Pinuji ma goarNa, da!

2.        Votum

U: Marhitehite Goar ni Debata Ama Goar ni AnakNa, Tuhan Jesus Kristus dohot Goar ni    Tondi Parbadia, na tumompa langit dohot tano on. Amen. Songon do hata ni Tuhan Jesus: Na monang i do siparulosan dohot angka ulos na saksak, jala ndang sesaonKu goarna sian pustaha hangoluan, jala parhatopotonKuduhu do goarna di jolo ni Damang dohot di jolo ni angka surusuruanNa. Haleluya.

S:   (Mangendehon):   Haleluya…   Haleluya…   Haleluya…

U:  Martangiang ma hita:

      Ale Tuhan Jesus, Tuhan ni angka na mate dohot angka na mangolu! Ho do nampuna hami, manang mangolu manang mate pe hami. Nang pe mardalan hami di rura linggoman ni hamatean, ndang huhabiari hami be hamatean, ai Ho do dongannami. Ndang tartiop hamatean manang tanoman be hami, ai Ho do Tuhannami naung humophop hami. Ro hami nuaeng tu Ho mangido: Sahat tu Ho ma tondinami dohot dagingnami, asa di Ho hami manang na mangolu manang na mate pe hami. Sai tiop ma tangannami, urupi hami marhitehite panghophopMi asa sahat hami tu hangoluan na so ra suda.

H: Amen. (hundul).

3.        Marende No. 214: 1 + 2 Sonang Di Lambung Jesus                           BL. 214

1.      Sonang di lambung Jesus, sonang na ro tu si.

Unang be ho mabiar, lao mandapothon i

Tongtong dijouhon Jesus, sai ro ma ho tu Au

Tadingkon haholomon, jala haposi Au

Sonang di lambung Jesus, sonang na ro tu si

Unang be ho mabiar, lao mandapothon i.

2. Sonang di lambung Jesus Rap hita lao tusi

     Inganan na ummuli Do di lambungNa i 

     Ai nunga diparade hasonanganta i

     Asa marhasonangan Na ro tu Jesus i

     Sonang di lambung Jesus Rap hita lao tusi

      Inganan na ummuli Do di lambungNa i.

4.      Patik:     

U:  Tatangihon ma Patik ni Debata di Minggu Parningotan ni angka na Monding. Sian tarsurat di 1 Korint 15: 20, songon on didok di si:  Alai nunga hehe Kristus i sian na mate, Ibana do parjolo ni angka na monding i. I do sahatna. Antong rap mangido gogo ma hita sian Tuhan Debata.

S:   Ale Tuhan Debata, sai pargogoi ma hami mangulahon na hombar tu patikMi. Amen.

5.      Koor        :   Naposo Bulung

6.      Marende B.E No. 418: 1 – 2                  Sasude Hadosaonmu             BL. 228

1.     Sasude hadosaonmu, hamagoanmi, sai tinggangkon tu Jesus mu Tuhanmi.

2.     Bereng, pangkulingi Jesus,  na tarsilang i. Tu Ibana ma pabulus rohami

                                              (ayat  2  jongjong).

7.        Manopoti Dosa

U: Tatopoti ma dosanta na godang i tu adopan ni Debata: Ale Tuhan Debata, Pargogo na so hatudosan jala Ama Parasiroha! Ndang lomo rohaM mida hamatean ni pardosa; mulak ma nian parjahat i tumadinghon dalanna, asa mangolu ibana, i do dipangido rohaM. Ala ni i umbahen hupangido hami; sai sundati ma torutoruM asa unang mangonai be tu hami. Sai sesa sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus Tuhannami. Amen.

H:  (Mangendehon B. E No. 449: 2 “Sai Solhot Tu SilangMi”   BL. 300)

 2. Lao ma au  tu  silangMi,  i  haporusanku.Sai asi ma rohaMi unang tulak ahu.     

     SilangMi, Tuhanki, i ma pujionku, Paima sogot sahat au, i endehononku,

U:  Ai ndang adong imbar ni i; ai saluhut do pardosa jala hurangan maradophon hasangapon ni Debata.

H:  (Mangendehon B. E No. 347: 2 “Sai Masipaidaan”                       BL. 11)

  2. Antong burju ma hita, mangalo dosa i.  Sai unang tading hita

                  Di tongan dalan i, di tongan dalan i, di tongan dalan i.

U:  Alai gabe pintor binahen ni basabasa marhite sian asi ni rohaNa, hinorhon ni panobusion, na marhitehite Kristus Jesus i, na pinajongjong ni Debata bahen habangsa parasian marhitehite haporseaon di mudarNa. Hasangapon ma di Debata di ginjang.

H:   Amen            .                                                           (Hundul).

8.        Koor        :   Jeremia

9.        Marende B. E No. 437: 1 + 3     Tung Na Muba Rohangku               BL. 390

1.      Tung na muba rohangku dibaen Tuhanki, dung Jesus ma ringan di au.

Nunga sonang au on, tung dame rohangki, dung Jesus ma ringan di au.

      Dung Jesus maringan di au, dung Jesus marinagan di au, tung na     

 sonang do au, dung tu Jesus au lao, dung Jesus marinagan di au.

      3.   HaroroNa hutagam, ndang uhum tahe,

Dung Jesus maringan di au. Dohot au ma partohap di sangap muse.

Dung Jesus maringan di au. Dung Jesus...

10.  Epistel: Pangungkapon 7:  9 - 17

      U: Dung salpu i, adong ma hubereng mansai torop, na so dapot bilangan ni jolma, sian nasa bangso, marga dohot houm dohot hata, angka na jongjong diadopan ni habangsa i dohot di adopan ni Birubiru i, angka na maruloshon abit na saksak jala na maniop maremare di tangannasida. 

H: Gogo ma soaranasida manjoujou, angka ninna ma: Tua ma di Debatanta, na mangkunduli habangsa i, dohot di Birubiru i!

U: Jadi jongjong ma saluhut surusuruan i humaliang habangsa i dohot humaliang angka sintua i dohot parngolu na opat i, dung i manungkap ma nasida di jolo ni habangsa i huhut marsomba tu Debata.

H:  Ninna nasida ma: Amen! Pujipujian dohot hasangapon dohot hapistaran dohot hamauliateon dohot hagogoon dohot hatoguon ma di Debatanta ro di salelenglelengna! Amen.

U:  Dung i mangalusi ma sada sian angka sintua, didok ma mandok ahu: Ise do angka i; jala sian dia do ro angka na maruloshon abit na saksak i?

H:  Jadi hudok ma mandok ibana: Ale tuanku, ho do umbotosa. Gabe didok ma tu ahu: I ma angka naung ro sian haporsuhon godang; nunga diburi nasida abitnasida jala dipasaksak di bagasan mudar ni Birubiru i.

U:  Ala ni i sai di jolo ni habangsa ni Debata do nasida, mangoloi Ibana arian dohot borngin di bagasan jorona i, jala Ibana, na mangkunduli habangsa i, ma paulihon inganan di atasnasida.

H:  Ndang be male nasida, ndang be mauas, ndang be ditinggang las ni ari nasida, manang dia na mohop pe.

U:  Ai parmahanon ni Birubiru na di parsitongaan ni habangsa i do nasida jadi togihononna ma nasida tu angka mual aek hangoluan, jadi apusan ni Debata nasa iluilu sian matanasida. I do sahatna. Martua do na tumangihon hata ni Debata jala na umpeopsa.

S: Amen.

11.  Koor   :   Ina Kamis

12.  Marende B. E. No. 528: 1 – 2     Tu Dia Ho Dung Mate Ho                BL. 362

1.      Tudia ho, dung mate ho, alusi ma, alusi ma!

Jempek tingkim, ujung na ro tu dia ho dung mate ho,

Dung mate ho, dung mate ho, sai pingkir ma, tudia ho?

2.      Ise mamilit Jesus i, sai olo ho, sai olo ho.

Jesus manungkun dohot ho: Tu dia ho, dung mate ho?

Dung mate ho...

13.  Manghatindanghon Haporseaon

14.  Tingting    :  

15.  .Parningotan Di Angka Naung Jumolo Monding.

a.       Marende No. 525: 1                “Na Laho Ma Au”                  BL.  361

            Na laho ma au tu na sonang di ginjang, di surgo tutu, sai na sonang ma au

            O, ho donganki na gok dosa, gok arsak, sai dohot ma ho sai tu surgo ma lao

            Sai ro dohot ho, dohot ho, dohot ho, sai dohot ma ho, sai tu surgo ma lao

b.      Manjaha Goargoar Ni Angka Na Monding

Pdt: Hamu angka dongan sahaporseaon di bagasan Tuhanta Jesus Kristus. Sadari on, ingotonta ma angka donganta naung jumolo monding sian tongatonganta di bagasan sataon parhuriaon.

Angka on ma goargoar ni na monding di bagasan sataon parhuriaon on:

No	Goar/Marga	Marujung Ngolu	Tutup Umur	Lingk.
01	Esha Leony Lumbanraja	12 Maret 2013	5 bulan	I
02	Permin Manurung	13 April 2013	77 taon	IX
03	Lasmaria Br. Sinaga (Op. Trajeguet)	31 Juli 2013	59 taon	VI
04	Marsaut Manurung	22 Agustus 2013	70 taon	IV
05	Besti Br. Sihombing	27 Agustus 2013	88 taon	IX
06	Tianur Br. Sidabutar	16 Sept’ 2013	64 taon	IX

  

     *   Ama                                   :     2 halak                  

     *   Ina                                     :     3 halak      

 *   Dakdanak Boru                 :     1 halak

          Pungu                                :     6 halak      

c.       Hohom: (Dung dijaha goar ni na monding i, manghuling ma organ mangendehon sa-ayat BE No. 335, BL. 50 - ...huhut jongjong sude...).

U: Huria ni Tuhanta, molo tapatupa pe parningotan di na monding, ndada na mangungguli sidangolon hita di si. Alai na paingothon hita do: Hita pe na ingkon mate do songon angka donganta naung jumolo marujung ngolu i. Jala na marningot ajalta do hita di parningotan on dohot patoguhon haporseaonta manghirim di hangoluan na manongtong i. Molo marungkil hita nuaeng, unang mandele hita, unang tarpodom haporseaonta, dungo ma hita jala marroha na torang; ai ndang taboto arina dohot sadiharina, ala ni i manongtong ma hita martangiang.

H:  Marende No. 335: 2         Loas Au asa lao                                  BL. 50

2. Jesuski, Sondang i, sitorusi ombun i. O andigan ro tingkingku

    Asa borhat ma tondingku, Lao marnida bohiMi?, Lao marnida bohiMi?

            U:  Martangiang ma hita: (Sian Agenda hlmn. 99).                (Hundul)

16.    Marende No. 539: 1… Sai Hutagam Do Tuhanku (P. Pelean Ia & Ib)  BL. 371

1.      Sai hutagam do Tuhanku, Sai masihol rohangki

Diharoro ni Tuhangku songon na nidokNa i.

Sai mardongan olopolop huriaM managam Ho.

Maranata, ro, o Tuhan, Amen, sai tibu ma ro !

2.      Las ni roha ndang hapalang do manggohi rohangki.

Dung binege soaraNa di na ro Tuhanta i.

Sai mardongan…

=   o r g a n   =

3.      Sai rade, ale tondingku, tagam panjouonNa i,

Sai tu langit an manomu ho di Jesus Tuhanmi.

Sai mardongan…

4.      Ai tagamon nunga borhat, Ho, Tuhanku, sian i?

So tung unang au tarlalap, tading di na rodop i.

Sai mardongan…

17.  Jamita: 1 Tesalonik 4: 13 - 18

18.  Marende No. 352: 1…               Beha Ma Panjalongku                             BL. 156   

1.  Sai hehe ma hamuna, na burju roha i,

     Pagalak lampumuna, naung songgop bongin i

     Naung borhat, sipangoli ro tu oroan i. Na tong mangkasiholi, pardomuanna i

2.  Pauli lampumuna, gok miak baen sude. Managam Tuhanmuna siboan tua i

     Parhal di huta Sion, do na manjou hamu. Jonok do hatuaon, jonok do  Rajamu

-   o r g a n   -

3.  Hamuna na marroha, padirgak ulumu. Endehon Heleluya, marsurak ma hamu

     Talak do pintu rea, rade haroan i. Sai bongot ma hamuna,  rap dohot Raja i.

4.  Tibu ma ro Ibana, ipe sai dungo ma. Naung ro lumbalumbana, ipe tangihon ma

     Di buha siang ari, lao ma na holom i. Dung i satongkin nari, tiur ma sasude.

19.  Tangiang Pelean + Ende Pelean

20.  Tangiang Ale Amanami + Pasupasu.

Momentomori.

Selamat Hari Minggu, Tuhan Mamasumasu.

Pdt. A. Tambun,  STh.