ACARA UJUNG TAON PARHURIAON
(PARNINGOTAN DI NA MONDING)
HKBP AJIBATA, RESSORT
AJIBATA
MINGGU, TANGGAL 25 NOPEMBER
2012
1.
Marende No. 353: 1-3 Di
Surgo Hasonangan i BL.
37
1.
Di surgo
hasonangan i, inganan na dumenggan i.
Tu si naeng laho muli au, asa rap dohot Jesus au.
2.
Tutu godang dope adong, marningot au di tano on.
Sai tostosanku nama i, lao mandapothon surgo i.
=
o r g a n / ayat 3 jongjong =
3.
Na dao dope au sian i, atik tung disungkun rohangki.
Tung ise be mandok tu au, na holang sian Jesus au.
2.
Votum
U:
Marhitehite Goar ni Debata Ama Goar ni AnakNa, Tuhan Jesus Kristus dohot Goar
ni Tondi Parbadia, na tumompa langit
dohot tano on. Amen.
H: Songon
duhutduhut do saluhut daging jala songon bungabunga ni duhutduhut i do saluhut
hasangapon ni jolma.
U: Nunga
malos duhutduhut i, jala nunga marurus bungabunga i, alai na hot do Hata ni
Debata ro di saleleng ni lelengna. Sai burju ma ho rasirasa mate, dungi
lehononKu ma tu ho tumpal hangoluan. Haleluya.
S: (Mangendehon): Haleluya… Haleluya… Haleluya…
U: Martangiang
ma hita:
Ale
Amanami, Tuhan ni angka na mangolu dohot na mate, Ho do nampuna hami. Nang pe mardalan hami di rura linggoman ni hamatean,
ndang huhabiari hami be hamatean, ai Ho do dongannami. Ndang tartiop hamatean
manang tanoman be hami, ai Ho do Tuhannami naung humophop hami. Ro hami nuaeng tu
Ho, pasahathon tu Ho tondinami nang dagingnami, asa di Ho hami, mangolu manang
na mate pe hami. Sai tiop ma tangannami, urupi hami marhitehite panghophopMi
asa sahat hami tu hangoluan na so ra suda. Di
son marpungu hami, marningot
angka dongannami naung jumolo borhat maninggalhon portibi on, mamungka sian
minggu 20 November 2011 sahat tu minggu sadari on.
Mauliate ma Tuhan ala marhite parningotan on, disungguli Ho hami asa
marpanghirimon di hangoluan sogot dohot di parsaoran sogot dohot dongannami
naung jumolo borhat i. Angkup ni i, dipaingot Ho hami asa unang lalap di
portibi on, ai surgo i do sambulonnami. Antong padungo hami asa hobas
mandapothon Ho marhitehite pangoloionnami di hataM. Amen. (hundul).
3.
Marende No. 336: 3 Sonang
Ma Modom BL.
45
3. Molo soara ni
Tuhan Jesus i, na
manorusi sude tanoman i.
Ro manungguli angka naung mate, hehe
nasida marhasangapon.
4.
Patik: Konfessi HKBP Bindu 15
U: Tahatindanghon
jala tahaporseai do: Hamatean i, i ma ujung ni ngolu ni jolma di portibi
on, maradian ma ibana sian sandok ulaonna. Adong haluaon di na porsea paboa
Jesus Kristus naung hehe i do pangoluhon jolma sian na mate.
H: Martua do na mate di bagasan Tuhan i, na satia
ro di ujungna.
U: Dipatupa huria do parningotan di angka naung
monding laho padungohon haporseaonta laho marningot ajalta sandiri huhut
padohothon pangkirimon di hamonangan ni Kristus manaluhon hamatean, songon i
nang pangkirimon di banua ginjang sambulon ni tondinta dohot di hadodomu ni na
porsea i dohot Tuhan Debata sahat tu na ro Jesus Kristus paduahalihon. Marhite poda on: Taondolhon do pangkirimon di haluaona ni jolma
sian angka na mate di bagasan Jesus Kristus.
H: Taalo do pingkiran na mandok: boi na mangolu
manjalo pasupasu sian na mate.
U: Taalo
do pingkiran na mandok: adong pardomuan ni na mate dahot na mangolu marhite
tangiang (mendoakan arwah-arwah). Taalo
do pingkiran na mandok: ingkon pajongjong tugu laho pasangaphon na monding,
dalan pangalapan pasupasu tu pinomparna. Jala marhite poda on tatulak do sude
rumang ni na pinodahon ni ugamo hasipelebeguon, lumobi poda taringot tu tondi, na mandok: tading do tondi ni na mate i,
jala tondi ni na mate i gabe begu dohot sumangot.
H: Di parningotan ni na monding on,
siparateatehononhon do mandok mauliate tu Debata.
U: Di na marningot angka
ulaon na denggan uju di ngoluna, alai ndang na mangigil pasupasu dohot tanda
siarsiaran sian naung monding i. Ala
ni i, unang ma mangigil
pasupasu hita dohot tanda na siarsiaran sian angka naung monding i. I do sahatna. Antong rap mangido gogo
ma hita sian Tuhan Debata.
S: Ale Tuhan, sai pargogoi ma hami mangulahon na
hombar tu patikMi. Amen.
5.
Koor : Naposo Bulung
6. Marende B.E No. 348: 1 + 3 Lobi Timbona Dope BL. 42
1. Lobi timbona dope sian bintang, do manondangi panondang di ho
Sabam disi ma roham jala
sonang, :,:Arsak ni roha ndang dais be tu ho:,:
3. Lobi
timbona dope sian bintang, ndang
hahuaon ni musu be ho
Sahat tu ho
ma disi hamonangan, :,:Marolopolop tongtong nama ho:,:
(ayat 3 jongjong)
7.
Manopoti Dosa
U: Tatopoti ma dosanta
tu adopan ni Debata: Dung marsormin hita tu Hata ni Tuhan i, patar ma di
jolonta godang ni dosanta mangalaosi patik ni Tuhan i. Ndang porsea hita
taringot tu haheheon sogot, sai adong dope sian hita na manangianghon na mate.
Sai adong dope di hita panghirimon boi na mate mangalehon pasupasu. Ganggu hita
di huaso ni Tuhan.
H: (Mangendehon B. E No. 449: 2 “Sai Solhot Tu
SilangMi” BL. 300)
2. Lao ma
au tu silangMi, i
haporusanku.Sai asi ma rohaMi unang tulak ahu.
SilangMi, Tuhanki, i
ma pujionku, Paima sogot sahat au, i endehononku,
U: Dung marsormin
hita tu Hata ni Tuhan i, sonson ma di jolonta godang ni dosanta maradophon
Tuhan i: Halembaonta mardongan saripe, marianakhon, marnatoras. Halembaonta
maradophon dongan na pogos, maradophon negara, maradophon dongan, songoni
maradophon huria... Ale Tuhan, molo huingot hami angka i, jotjot do hami lomos
jala mabiar ala ni godang ni dosanami. Sesa ma dosanami asa ias hami di
adopanMu jala dao biar sian hami mangadopi ujung ni langkanami sian portibi on
dohot haroroM tumopot hami di ari parpudi. Amen.
H: (Mangendehon B. E No. 347: 2 “Sai
Masipaidaan” BL. 11)
2. Antong
burju ma hita, mangalo
dosa i. Sai unang tading hita
Di tongan dalan i, di tongan dalan i, di
tongan dalan i.
U: Pos
ma rohanta, dijalo Jesus do panopotionta di dosanta asal ma di bagasan
haporseaon. Parasi roha jala pardenggan basa do Jahowa, lambat tarrimas jala
parasi roha godang. Hasangapon ma di Debata di ginjang.
H:
Amen . (Hundul).
8.
Koor : Jeremia
9.
Marende B. E No. 528: 3 Tudia Ho Dung Mate Ho BL. 362
3. Ise
mamilit Jesus i, sai olo ho, sai olo ho.
Jesus
manungkun dohot ho : Tu dia ho, dung mate ho?
Dung
mate ho, dung mate ho, sai pingkir ma, tudia ho?
10. Epistel:
Pangungkapon 1: 4b – 8
U:
Asi ni roha ma di hamu dohot dame sian Ibana na mangolu i, naung mangolu hian
jala na naeng ro, nang sian na pitu Tondi na ni adopan ni habangsana.
H: Nang sian Jesus Kristus, Sitindangi
haposan i, na parjolo tubu sian angka naung mate, Sigomgom angka raja ni tano
on! Ibana do manghaholongi hita jala dipalua hita sian dosanta marhitehite
mudarna.
U: Dijadihon do hita gabe harajaon hamalimon
di Debata, AmaNa i: Di Ibana ma hasangapon dohot hagogoon ro di
salelenglelengna. Amen.
H: Ida ma na ro ma Ibana di bagasan ombun!
Idaon ni nasa mata do Ibana, nang angka naung manullang Ibana, gabe
manggangguhi be ma saluhut bangso ni tano on mida Ibana. I ma tutu. Amen.
U: Ahu do Bonana jala Ujungna, ninna Tuhan
Debata, Debata nuaeng, Debata naung adong hian, na naeng ro i, Sigomgom
saluhutna! I do sahatna. Martua do na tumangihon hata ni Debata jala na
umpeopsa.
S: Amen.
11. Koor : Ina
Kamis
12. Marende
B. E. No. 539: 1 + 3 “Sai hutagam do
Tuhanku” BL. 371
1. Sai hutagam do Tuhanku, sai masihol rohangki
Diharoro ni Tuhangku, songon na nidokNa i.
Sai mardongan olopolop huriaM
managam Ho.
Maranata, ro, o Tuhan, Amen,
sai tibu ma ro !
3. Sai rade,
ale tondingku, tagam panjouonNa i,
Sai tu langit an manomu, ho di Jesus Tuhanmi.
Sai mardongan…
13. Manghatindanghon
Haporseaon
14. Koor :
Punguan Ama
15. Tingting :
16. .Parningotan Di Angka Naung Jumolo Monding.
a.
Marende No. 525: 1 “Na Laho Ma Au” BL. 361
Na
laho ma au tu na sonang di ginjang, di surgo tutu, sai na sonang ma au
O, ho donganki na gok dosa, gok arsak, sai
dohot ma ho sai tu surgo ma lao
Sai ro dohot ho, dohot
ho, dohot ho, sai dohot ma ho, sai tu surgo ma lao
b.
Manjaha Goargoar Ni
Angka Na Monding
Pdt: Hamu angka dongan
sahaporseaon di bagasan Tuhanta Jesus Kristus. Sadari on, ingotonta ma angka donganta naung
jumolo monding sian tongatonganta di bagasan sataon parhuriaon.
Angka
on ma goargoar ni na monding di bagasan sataon parhuriaon on:
No
|
Goar/Marga
|
Marujung Ngolu
|
Tutup Umur
|
Lingk.
|
01
|
St. Patar Siallagan (Op. Beril)
|
10 Des 2011
|
66 Taon
|
IX
|
02
|
Hasudungan Pakpahan (Am. Glory)
|
13 Des 2011
|
38 Taon
|
VIII
|
03
|
Tiomada Br. Sirait (Op. Bella)
|
11 Jan 2012
|
84 Taon
|
IV
|
04
|
Halomoan Sidabutar (Op. Putri)
|
16 Jan 2012
|
51 Taon
|
IV
|
05
|
Tiambun Br. Manik (Op. Cristina)
|
24 Jan 2012
|
90 Taon
|
VIII
|
06
|
Tiurma Br. Manik (Op. Arjuna)
|
06 Pebr 2012
|
84 Taon
|
II
|
07
|
Madison Sirait (Am. Mince)
|
01 Maret 2012
|
60 Taon
|
VI
|
08
|
Bungamma Br. Sirait (Op. Sudin)
|
13 Maret 2012
|
92 Taon
|
VI
|
09
|
Biher Sirait (Op. Abraham)
|
05 April 2012
|
65 taon
|
Prsrhn
|
10
|
St. Gr. Djalahan
Sirait (Op. Betsyeba)
|
08 April 2012
|
74 Taon
|
VI
|
11
|
Tiomina
Br.Situmorang (Op. Holong)
|
09 Juni 2012
|
88 Taon
|
VIII
|
12
|
Marulam Sirait (Op. Tince)
|
17 Juni 2012
|
72 Taon
|
VIII
|
13
|
St. Paiman Br. Sirait (Op. Kesya)
|
21 Juni 2012
|
70 Taon
|
VI
|
14
|
Martille Br.
Siahaan (Op. Romauli)
|
01 Juli 2012
|
68 Taon
|
II
|
15
|
St. Desman
Manurung (Op.Cindy)
|
04 Juli 2012
|
66 Taon
|
III
|
16
|
Ananda Saputra Ambarita
|
31 Agsts 2012
|
9 Bulan
|
VI
|
17
|
Manur Br. Samosir (Op. Julianti)
|
23 Sept 2012
|
59 Taon
|
VIII
|
18
|
Sitimawati Br. Sirait (Op. Si Gaby)
|
21 Nop 2012
|
53 Taon
|
IV
|
*
Ama : 8 halak
*
Ina : 9 halak
* Dakdanak
Baoa : 1
halak
Pungu : 18 halak
c.
Pahohom diri: (Dung
dijaha goar ni na monding i, manghuling ma organ mangendehon sa-ayat BE No. 335,
BL. 50 - ...huhut jongjong sude...).
U: Huria ni Tuhanta, molo tapatupa pe parningotan di na
monding, ndada na mangungguli sidangolon hita di si. Alai na paingothon hita do: hita pe na ingkon mate do
songon angka donganta i. Na marningot ajalta do hita di parningotan on dohot
patoguhon haporseaonta di hangoluan na manongtong i. Molo marungkil hita
nuaeng, unang mandele hita, unang tarpodom haporseaonta, dungo ma hita jala
marroha na torang; ai ndang taboto arina dohot sadiharina, ala ni i manongtong
ma hita martangiang.
H: Marende
No. 335: 2 Loas Au asa lao BL.
50
2. Jesuski, Sondang i, sitorusi ombun i. O andigan ro tingkingku
Asa borhat ma
tondingku, Lao marnida bohiMi?, Lao
marnida bohiMi?
U: Disungguli
parningotan on do hita marningot hata ni Tuhanta na tarsurat di Parjamita 3 na
mandok: “Martiti be do sude nasa na tinompaNa”. Adong tingki tubu, adong tingki
mate. Molo tabo panghilalaanta nuaeng unang lalap hita di si; molo hansit jala
parir pe tahilala nuaeng, ingkon ingotonta do martingki do na hansit i. Unang
lalap hita, parsatongkinan do ngolu on.
H:
Tuhan, sungguli jala paingot hami asa unang lalap hami di portibi on.
U:
Parningotan on, paingothon hita: Ndang di son sambulo ni ngolunta. Ndang
portibi on tujuan dohot sihirimon ni rohanta. Surgo i do na hot tongtong.
H:
Tuhan, dongani hami asa tulus pardalanannami mandapothon ingananMi.
U: Parningotan
on paingothon hita: Ndang lohot di tanoman i angka na mate i. Adong do haheheon
sian na mate na mangalehon panghirimon di hita di parjumpangan sogot dohot na
porsea i; Ai didok do: “Nunga hehe Kristus sian na mate, Ibana do parjolo ni
angka na monding i”.
H:
Ale Tuhan, pahot di hami panghirimon di hangoluan sogot i.
U: Parningotan on mangigil parsihohotan ni
haporseaon dohot haringgason mangoloi Tuhan i. Ai didok do: “Magira ma Ahu ro,
tiop ma na di ho unang adong na mambuat tumpalmi. Sai burju ma ho rasi rasa
mate, dungi lehonanNa ma tumpal hangoluan”.
H: Ale
Tuhan, patogu haporseaon dohot panghirimonnami, asa dohot hami taruli di ari
haheheon dohot hangoluan sogot. (Mangendehon BE. No.347: 1).
1.
Sai masipaidaan do na porsea i, dung sahat be langkana
Tu hasonangan i, tu hasonangan i, tu hasonangan i.
U: Martangiang ma hita: (Sian Agenda hlmn. 99). (Hundul)
17.
Marende
No. 535: 1… “Ise do alealenta” (Papungu Pelean Ia & Ib) BL. 183
1.
Hamatean
parhitean, lao manopot Jesuski.
Dohot
au ingkon mamolus, asa sahat au tu si.
Nang pe pinadaodao dompak hamateani.
Lam jonok do
hapengani, langkangki tu ajalhi
2.
Ala
ni sai golomonku, sitaluhon musungki.
I ma Jesus
Sipalua, naung mamolus songon i
Nang pe sai
mangogaoga,bolis sipangago i.
Ndang adong be huasona,ala Jesus donganki.
= o r g a n
=
3. Molo
i hugolomgolom, sabam sonang rohangki.
Nang
marningot angka dongan, naung jumolo lao tu
si.
Ai denggan tohapnasida,
di banua ginjang i. Na
marende do nasida, raphon pardisurgo i
18. Jamita: Daniel 7: 9 – 10 + 13 – 14
19. Marende
No. 522: 1+3 “Surgo i Sambulonta do i” BL. 359 1. Surgo i sambulonta
do i, ndang adong be siaeon disi,
Na mamuji tongtong na disi, pinaluani Tuhanta i.
Surgo i, surgo i, ndang adong be
siaeon disi, surgo i, surgo i, surgo i,
Ndang adong be siaeon disi.
2.
Na marloksa naung
sahat tusi, tu inganan na sai denggan i.
Aut naung ro domu ma au dohot i, gok las ni rohangku disi. Surgo i...
= o r
g a n =
3.
Na mangkirim
rohangku dison, paima sahat tusi nang au on.
Taiti au, ale Tuhan tusi, asa rap dohot Ho au disi. Surgo i...
4.
Holan sada nama
holsongki: Unang tading haholonganki,
Na tu au pinalumenhonmi: Nang nasida sai togu tusi, Surgo i...
20. Manghangoluhon hata ni Debata:
Pdt: Alai
naeng ma botoonmuna tangkas ale angka dongan taringot tu angka naung
monding i, asa unang marsak hamu songon angka na leban na so marpanghirimon i,
surgo i do na hot tongtong, parsatongkinan do portibi on.
S: (Mangendehon) BE. No. 539: 1 “Sai Hutagam Do Tuhanku” BL. 371
1. Sai
hutagam do Tuhanku, sai masihol rohangki
Di haroro ni Tuhanku,
songon na ni dokNa
Sai mardongan olopolop,
huriaM managam Ho
Maranata ro o Tuhan, Amen
sai tibu ma ro.
Pdt: Na manghirim do hita malua sian
panguhuman ni Debata na bolon i, asa di hita hangoluan na
saleleng ni lelengna. Ai dung sahat tu panguhuman i, patedekhononNa ma pambahenan ni
saluhut manisia. Ai di banua ginjang do sambulonta, sian i do tapaima Sipangolu
hita, ima Jesus Kristus. Amen
21. Tangiang Pelean + Ende Pelean
22. Tangiang Ale Amanami + Pasupasu.
Momentomori.
Selamat Hari Minggu, Tuhan Mamasumasu.
Pdt. A. Tambun, STh.
Komentar
Posting Komentar