BARITA JUJUR TAON (BERICT)
HKBP AJIBATA,
RESSORT AJIBATA
DISTRIK IV TOBA
Dipasahat di Parpunguan Bodari Ujung
Taon
Rabu, 31 Desember 2014.
Masuk Pukul 20.00 WIB
I. PATUJOLO
Tama do tapasahat mauliate
ni rohanta tu Debata Jahowa Pardenggan basa i, siala panarihononNa di bagasan
ni ngolunta. Ala ni holong dohot denggan ni basa ni Debata Jahowa do na paihutihut ngolunta
ganup marsadasada, umbahen na boi hita
marpungu di borngin on.
Tongtong do diramoti Ibana
pardalanan ni huriaNa, gabe boi mardalan di bagasan hadameon dohot las ni roha manipat sataon bolon, ima 2014 on. Didongani jala
dipargogoi do Parhalado nang ruas ni huriaNa di na laho
pararathon harajaonNa di hurianta on. Dijagai Tuhan i do huriaNa sian nasa ragam ni angka
parmaraan. Ala ni i, rap dohot par Psalmen i ingkon dohononta ma: “Sai jagaon ni Jahowa do ho sian nasa parmaraan,
sai jagaonna do tondim”
(Psalmen 121 :
7). Ingkon
las do rohanta, ala nunga dipatongon
Tuhanta angka na uli na denggan di hurianta on. Hataridaan las ni rohanta i, ndang apala di minar ni pardompahan, alai
diparsitutuon mangoloi dohot manghaposi Tuhan i do, sian tulus dohot bulus ni roha. Angkup ni i, ingkon lam
serep ma nian
rohanta di adopan ni Debata jala ingkon lam marsihohot hita parhalado dohot ruas ni
huria laho paturehon ngolu dohot pangkobasion na dumenggan tu taon 2015. Mansai bidang do angka
sihobasan di huria on. Tahamauliatehon
do tu Tuhan
i, ala boi do mardalan dohot denggan angka ulaon di
hurianta on di bagasan taon 2014 on.
II. PANGHOBASION DI HURIA
TAON 2014
1.
Parmingguon.
Denggan do mardalan parmingguon di hurianta on saleleng taon 2014. Ndang hea mansohot
parmingguon ala ni angka na masa, songon di huria na asing. Sihalashononta do di taon 2014 on ala nunga lam tu toropna na
bilangan ni angka parminggu lumobi sian horong ama, jala nunga jongjong muse
punguan ama ni hurianta di HKBP Ajibata on. Jala di patubegehon punguan ama i do ende pujipujian marhite koor siganup
minggu. Kebaktian Sikola Minggu terjadi perubahan. Di taon 2012, na ro
ianakkonta marsikola minggu ratarata 120 halak. Di taon 2013 ratarata 180 tu
200 halak. Di bagasan taon 2014 on, nunga lam tu otikna parsikola minggu. Ratarata
na mandohohoti kebaktian Sikola Minggu 130 sahat tu 180 halak. Di 2013 nunga
mardalan partangian Sikola Minggu ganup ari Minggu botari, alai di taon 2014
ndang adong partangiangan Sikola Minggu. Sipareahan ma tu taon 2014, asa
dipatupa partangiangan Sikola Minggu. Minggu
na magodang: Ratarata na mandohoti parmingguon na magodang Naposo Baoa 25
gabe 30 halak, Naposo Bulung Boru 48 gabe 54 halak, Ama 35
gabe 50
halak jala Ina
110 halak. Di taon 2013, pungu ratarata torop ni parminggu
ganup minggu ratarata 200 sahat 220 halak.
Alai di taon 2014 terjadi perubahan
yang signifikan, ratarata torop ni parminggu di taon on 245 tu 280 halak. Di taon 2012 maksimal parminggu na magodang
190 halak. Di taon 2013 tumimbo torop ni parminggu 250 halak, jala di taon 2014
on nunga hea pigapiga hali torop ni parminggu di ginjang ni 300 halak. Sude parmingguon i dihobasi Parhalado ni hurianta. Di
parmingguon na magodang tongtong do
aktif angka punguan koor ni hurianta, mulai sian punguan koor Naposo Bulung, Punguan Ina Kamis, Punguan Koor Jeremia. Tahalashon do parjongjong ni
punguan ama di hurianta on, tatangianghon ma asa tu dengganna jala lam tu
hembangna punguan ama na adong di hurianta on.
Di na patupahon parmingguon i taparhatopot do, sai
adong dope angka na hurang singkop, alai gabe sipareahan ma i
di taon na naeng ro, asa unang gabe pargasipan di hita parhalado nang ruas ni huria pe. Sai dipatau jala dipargogoi Tuhan Jesus Kristus, Raja ni Huria i
ma Parhalado manghobasi parmingguon i, jala boi lam tapasingkop angka panghobasion dohot pangaradeonta,
songoni nang angka sarana pendukung panghobasion ni
parmingguon i. Sada siparungkilhononta,
ala adong dope sian ruas ni hurianta sian taon tu taon
ndang mandohoti parmingguon, holan di
tingki adong na ringkot di ibana do asa marminggu; isara ni molo tardidi
ianakonna, molo manghatindangkon
haporseaon ianakonna manang molo marhasohotan ianakonna. Mungkin angka sisongoni
ma na ginoarannna “PARHAPORSEAON NA
MUMBANG LONONG MANANG KRISTEN KAPAL SELAM”, holan di tingki adong
kepentinganna asa mullop, dungkon ni i ndang haidaan be. Anggiat ma, lam rentana jala tu ringgasna hita sude parhalado rap
dohot ruas ni huria mandohoti parsaoran di Parminggon i nang parpungaun partangiangan lingkungan pe, asa
gabe pasupasu hita di bagasta nang tu humaliangta.
Angka on ma parmingguon na hinobasan ni Hurianta di taon 2014:
1.1. Sikola minggu :
Masuk Pukul 08.00 WIB.
Na hinobasan ni 5 halak parhalado non tahbisan.
1.2.
Minggu Na magodang : Masuk Pukul 10.00 WIB.
Na hinobasan ni sahalak pandita, 2 halak diakones
rap dohot 10 halak sintua.
1.3. Parmingguon di huta molo adong ruas na marujung ngolu, molo boho
mamolus parmingguon, Masuk Pukul 08.00 WIB.
2.
Partangiangan
Denggan do mardalan angka partangiangan na pinatupa ni
hurianta di
taon 2014 on di 5 lingkungan sian 7 lingkungan. Sipareahan do
2 lingkungan nai taringot tu partangiangan na hurang rade manjalo jala
patupahon partangiangan lingkungan. Sosoannami do asa taharingkothon ngolu
partangiangan i. Ai satonga ni tangiang do angka ulaon, lapatanna umbalga do
tangiang i sian saluhut godang ni angka ulaonta. Mansai ringkot do partangiangan lingkungan na pinatupa ni hurianta i, ai i do hosa
hangoluan ni angka na porsea. Alani i, molo mardalan pe angka partangiangan
saleleng taon 2014 on, ingkon lam tu toropna jala lam tu ringgasna ma hita nian mandohoti partangiangan i. Ai laho tumangihon hata ni
Debata do hita di si, manjalao na
ringkot di ngolu ni partondionta, dohot manangiangkon angka na
ringkot di ngolunta siganup ari, asa sinur
ni pinahan dohot gabe na niula. Partangiangan i do na
pasaorhon dohot pasadahon ruas ni
huria di na salingkungan i. Laos di si do tabege angka informasi
sian parhalado na marpardomuan tu na ringkot di
tongotonga ni hurianta nang na ringkot di ruas ni huria pe.
Di taon 2014 on, angka on ma Partangiangan na hinobasan ni Hurianta:
2.1. Partangiangan Lingkungan:
Marhite asi ni roha ni Tuhanta boi do denggan mardalan partangiangan Lingkungan di 5 sian 7 lingkungan ni
Hurianta on,
na di pungka di bulan Pebruari 2014 jala mansohot di bulan Nopember. Jala songon on ma na ro namandohoti
partangiangan i:
1.
Lingkungan II : ratarata 28 halak
2.
Lingkungan V : ratarata 22 halak
3.
Lingkungan VI : ratarata 30 halak
4.
Lingkunngan VII & IX : ratarata 20 halak
5.
Lingkungan VIII : ratarata 22 halak
Tahalashon do di taon 2014 on, ala nunga
lam tu toropna na mandohoti partangiangan jala ungkap rohanta jala bagasta
manjalo partangingan i, lumobi dung dipatupa sintua lingkungan roster
partangingan. Sipartahantononta do i jala lam tapahembang haringgason mandohoti partangiangan i, jala sai ungkap ma tongtong
pintu ni bagasta be laho manjangkon partangiangan i. Taingot ma, doshon na manamuei Tuhanta do hita molo
ungkap rohanta manjalo jala manjangkon partangiangan i di bagasta be. Asa marhite na ungkap rohanta dohot bagasta be
manjalo partangiangan dipasupasu Tuhan i hita, marhite angka ulaonta be.
2.2.
Partangiangan Las ni roha.
Dihobasi hurianta do muse partangiangan di luar panghobasion ni hurianta: Kebaktian
Peresmian Hotel Sedayu 3, Kebaktian Pembukaan Musyawarah Besar Pomparan Nai
Rasaon Se-Indonesia di Hotel Sapadia. Dihobasi hurianta
do ulaon
las ni roha ni ruas ni hurianta: Partangiangan pasahat
sulangsulang pahompu, partangiangan
patangkok saringsaring. Sada dalan do i mangarahon ruas
ni huria “asa sai jumolo dibuhai angka ulaonna di bagasan Tuhan i jala mandok mauliate tu Debata di angka pasupasu naung jinalo nasida be”.
Sipareahan:
2.3. Partangiangan
Paborhathon Parsikola Laho Mangadopi Ujian.
2.4. Partangiangan Manabur Boni.
3. Ulaon
Sakramen.
Dua do sakramen na tinonahon ni Tuhan Jesus Kristus
siulahonon ni Huria, i ma: Pandidion Nabadia dohot Parpadanan na badia. Denggan
do dipatupa Hurianta Sakramen na dua i di taon 2014 on:
3. 1. Pandidion
Na Badia.
Di taon 2014 on, 8 hali ma dihobasi hurianta pandidion na
Badia tu ruas ni hurianta on, asing
ni na di huria pagaran. Tanggal 19 Januari 2014 (khusus) na ro sian tano parserahan, i ma Julima Natasha Sihombing. Tanggal 09
Maret 2014 Frengki Siallagan (na naeng mangoli jala sian sekte na asing)
dohot Jefri Rudi Manurung (na naeng mangoli jala sian sekte na
asing). Tanggal 16 Maret 2014, Xavier Timothy Manik ianakkon ni
ruas ni hurianta na ro sian tano parserahan. Tanggal 21 April 2014, Queenan
Athaya Tarigan ianakkon ni ruas ni hurianta na ro sian tano parserahan.
Tanggal 08 Juni 2014 (Umum): Aurentia Kasih Sihotang, Godwin Pangiringan
Gurning, Rayhan De Latoba Pakpahan, Astri Harindah Ambarita, Nada Rama Wanti
Sepania Lethicia Sinaga, Maretta Gultom, Amin Nommensen Gultom, dohot Eccha
Anatasya Sigalingging. Tanggal 03 Agustus 2014: Daniel Reymond Morrison ianakkon ni
ruas ni hurianta na ro sian London – Inggris. Tanggal 21 September 2014: Iwan
Fernando Sirait dohot Desi Aprilia Sirait.
Tanggal 25
Desember 2014 (Pesta Natal I): Micael Ali Syarif Pardomuan Sinaga, Vincent Gurning, Hans Kanta
Gurning, Darius Alfaro Panjaitan, Jou Martin Be’oktaf Sirait, Gabriel Jonathan
Sitorus, Mehaga Aderella Karokaro, De Argado Nathanael Manurung, Athalia
Maranatha Lasmaria Sinaga, Joviq Godhand Sirait, Luis Pernando Sihaloho, Thiago Jolly Sidabalok, Aurelia Angelika
Nainggolan, Tania Teresia Sirait, Chelsea Lovita Sirait dohot Darrel
Bennet Sirait. Sian saluhut angka na tardidi i, 2 halak ma i sian sekte
na asing, 4 halak ma i ianakkon ni
ruas ni hurianta na ro sian tano parserahan jala 26 halak ianakkon ni ruas ni
hurianta na di Ajibata on. Pungu ma sude 26 halak.
Siparungkilhonon dope, na so rap renta ama dohot ina laho mandohoti parguruan tu na tardidi, hape ingkon
tangkas do botoonta padan siulahonon ni natoras tu Debata laho manogunogu ianakkon na pinalumehonna tu keluarganta ganup, asa gabe ruas
na burju nasida muse tu joloan ni ari.
3.2. Parpadanan
Nabadia.
Di bagasan taon 2014 on dihobasi hurianta
do Ulaon Nabadia di taon 2014 on godangna 2 hali. Parjolo, tanggal 20 April
2014 di tingki Parmingguon Pesta Parjolo Parningotan Haheheon ni Tuhan Jesus
(Paskah I). Di Kamis, tanggal 25 Desember 2014 boho di parmingguon Pesta Parjolo
Hatutubu ni Tuhan Jesus. Mangihutho data
na adong, somalna mansai otik dope na rade rohana
mandohoti ulaon i. Alai mamungka di
taon 2012 s/d 2014 on, sihalashononta do, ala nunga lam tu toropna ruas ni
hurianta na olo jala rade mandohoti Ulaon Nabadia, ala tapatupa Ulaon Nabadia i
di bagasan acara parminggon. Tona ni Tuhanta Jesus do
i, na ingkon ulahononta dalan marningot sitaononNa dohot manjalo hasesaan ni
dosanta sian Tuhan i. Laos dihobasi Hurianta do muse Parpadanan Nabadia tu angka ruas na
marsahit Op.
Ni si Rosalin Br. Situmorang (na
parpudi on sahat tu parmondingna gabe Op. Yoas).
4. Ulaon
Parmahanion (Pastoral).
Mardalan do panghobasion pastoral tu ruas ni hurianta marhite na manopot nasida
tu bagasna be uju marsahit manang
tingki marsak dohot tingki marsitaonon. Sada dalan do i asa sai
tongtong solhot ruas ni hurianta i tu Debata. Sipahinsaton
jala sipahembangon ni hurianta do panghobasion on tu angka taon na
mangihut asa lam togu jala pita haporseaon ni ruas ni Hurianta tu Debata uju mangdadopi angka sitaonon manang hamaolon.
5. Ulaon
Diakoni Huria.
Panghobasion on dipatupa uju manopot ruas na marungkil manang marsitaonon.
Dipasahat ma di si na boi nian palumbanghon roha ni ruas na marsitaonon i marhite
hata apulapul nang pambahenan marhite Sosial Huria. Asa dohonon ma: “Tinahu ma mual tio, binahen tu bongkorbongkor. Ndang tolap mamboan
marubat ru doktor na pinatupa ni huria i, nangga apala manuhor tolor”. Dipatupa
hurianta do Diakoni Sosial Huria na patut siparateatehononta jala patut
siuruponta, ima: 1. Op. Jolkar Br. Situmorang, sian
Ligk. III/IV, 2. Mastiur Br. Manik, sian
Lingk. V, 3. N. Glori Br. Sinaga, sian
Lingk. VIII, 4. Kevin Damanik, sian
Lingk. I, 5. Iren Nopita Br. Gurning,
sian
Link. VII/IX, 6. Mery Br. Sirait, sian
Lingk. II. Sipadengganonta dope nian Diakoni Sosial ni Hurianta on, siala dalanta do i
laho paneanghon
panghilalaan ni ruas ni Huria na talup siurupan. Alani sai ditumpahi
Debata ma ulaon Diakoni ni Hurianta tu angka taon na mangihut, asa lam tu dengganna.
6. Dewan dohot
Kategorial.
Dihobasi Hurianta do panogunoguon tu tolu Dewan Huria
(Koinonia, Marturia dohot Diakonia). Nang pe ndang apala mardalan sude angka
program i, alai adong do panghobasion na tangkas di taon 2014 on:
6.1 Dewan
Koinonia.
Dewan Koinonia ima na membawahi Punguan Kategorial (seksi), i ma Sikola Minggu, Remaja/ Naposobulung/ Parguru Manghatindanghon
Haporseaon, Ina dohot Ama. Marhite paniroion ni parhalado dohot panghobasion ni
huria, denggan do mardalan angka kegiatan ni punguan Karegorial i.
a.
Parmingguon Sikola Minggu.
Denggan do mardalan panghobasion tu dakdanak Sikola Minggu di
hurianta on, marhite parmingguon sganup
minggu. Tapatupa do Resepsi Natal ni
ianakkonta Sikola Minggu na di tanggal 16 Desember 2014, boho makan siang, na
hinobasan ni parhalado dohot sahalak guru Sikola Minggu. Pesta Perayaan Natal na
hinasuhuthon ni ianakkonta Sikola Minggu ima di tanggal 16 Desember 2014
mamungka sian botari.
Angka On ma goar ni Guru
Sikola Minggu di Hurianta on:
1. Lusiana Br. Silitonga (Dewan Kategorial Sikola Minggu)
2. Dewi Br. Sidabutar
3. Nia Br. Manurung
4. Hotria Br. Sirait
5. Devita Br. Sinaga
b.
Panghobasion tu Remaja/Naposubulung.
Di Taon 2014, ima Tahun Remaja/Pemuda HKBP.
Sumurung do panghobasiaon ni hurianta tu angka kategorial Remaja/Pemuda di
bagasan taon. Tapatupa do parhheheon Remaja/Pemuda di tingkat Ressort dohot di
tingkat Distrik. Tadohoti do sian Ressort ta on tu HKBP Distrik IV Toba angka
kegiatan na boi tadohoti. Ndang apala hatinggilan hurianta di angka kejuaraan
pertandingan na pinatupa ni Distrikta. Apala na tangkas di parningotannami,
pertandingan Sepak Bola Juara I do hurianta HKBP Ajibata di Distrik IV Toba.
Dewan
Kategorial Remaja/Pemuda : St. H.
Sirait
c. Panghobasion tu Punguan
Ina: Mardalan do punguan ina di ganup ari Kamis patupahon PHD/PA (Patanakhon
Hata ni Debata/Penelaahan Alkitab) si sahali saminggu laos huhut mangihut muse mangguruhon dohot mangarataratai
angka ende sipatubegehononnasida jumpa
masa parmingguon siganup ari minggu. Laos parsidohot do
punguan on mangapuli ruas ni huria na marungkil ala ni sitaonon. Di taon 2012 tauji do patupahon PHD di luar ni
Gareja sahali sabulan na ginoran Kebaktian padang. Songon di bulan Nopember 2012
tapatupa do kebaktian padang di Bukit Senyum Motung na nidohotan ni punguan Ina
HKBP Motung rap dohot parhaladona. Alai di taon 2013 dohot taon 2014 ndang
mardalan be kebaktian padang i. Gabe sipareahan ma i.
Dewan Kategorial Ina : Ny. St. A. Karokaro Br. Sirait
d.
Panghobasion tu Punguan Ama/Mannen : Sihalashonota jala sidukungonta do Punguan
Mannen koor na di hurianta on. Na di
tanggal 16 Maret 2014 nunga jongjong muse punguan Ama ni hurianta on, na
kinetuaan ni Am. Dien Sidabalok, jala dirigen ima amanta Am. Pangeran Nadeak.
Dipatubegehon nasida do ende koor di parmingguon siganup minggu, ima dalannami laho mamuji
pasangaphon Tuhan i.
Dewan Kategorial Ama:
1. St. D. Silitonga
2. St. M. Pakpahan
6.2.
Dewan Marturia .
Dewan Marturia na membidangi Seksi Musik, Seksi Zending: Mardalan do songon na somal, ima musik
na mengiringi ende pujipujian di parmingguon. Sangkapta do di taon 2012 pabangkithon songleader, jala di taon 2013 s/d 2014 nunga mardalan i, alai hurang hantus dope.
6.3
Dewan Diakonia.
Na
membawahi seksi Pendidikan, seksi Kesehatan, seksi kemasyarakatan, sosial. Angka
on ma dipatupa dewan Diakonia marhite angka seksi di bagasan taon 2014:
1.
Seksi Pendidikan.
2.
Seksi Kesehatan.
3. Seksi Sosial: Pasahathon pangapulion sian hata ni Debata dohot sosial sian huria tu angka ruas ni
huria na marsahit dohot angka na marungkil ala ni sitaonon.
7.
Parguru Manghatindanghon Haporseaon:
Dihobasi Hurianta do pangajarion tu Parguru
Manghatindanghon Haporseaon, anggiat lam tangkas jala lam tanak pangantusion
nasida di Hata ni Debata dohot ruhutruhut parhuriaon. Parguruan dimulai sian
bulan Agustus
2014, nasida marguru masuk 3 hali di
bagasan saminggu. Na ni ajaran amang pandita dohot 2 halak Diakones. Torop
nasida mamungka masuk 30 halak.
8. Pembangunan.
Panghobasion di bidang pembangunan di bagasan taon on, i ma
pauliulihon sarana pisik (perawatan) nang pahehehon partondion ni ruas (non
pisik), i ma :
1.
Pembangunan Dinas rumah pendeta Ressort HKBP Ajibata.
Di tanggal 05 Mei 2012 nunga tapabangkit Panitia
Ni Pembangunan Rumah Dinas ni HKBP Ajibata, jala dilantik amanta pandita HKBP
Ressort Ajibata do i di Ari Minggu tanggal 06 Mei 2012. Songon naung tangkas
taboto di ari Senen tanggal 16 Desember 2013 nunga tamasuki bagas i, jala di
ari Jumat tanggal 27 Desember nunga diresmihon bagas i, ima marhite
penandatanganan Prasasti Oleh Ompu i Ephorus HKBP amanta Pdt. Willem T. P.
Simarmata, MA dohot pengguntingan pita na pinatupa ni Ompung boru Br. Purba.
Mauliate ma di Tuhan i, boi sidung jala diresmihon bagas i. Mauliate ma nang di
saluhut ruas ni huria na patupa acara lelang sahali dua minggu andorang so
masuk Minggu dohot angka donateur di bona pasogit on songoni nang na di tano
parserahan i. Alai sahat ro di tingki on, adong dope kekurangan dana tu
Pembangunan i, pinangido ma dohot gomos tu sude panitia tarlumobi tu amang Ketua
Umum: Drs. Raja Pangihutan Sirait dohot amang Ketua Pelaksana: Tuan Nanser
Sirait, asa boi tabubarhon kepanitiaan i dohot denggan di bagasan dame
dohot las ni roha.
9.
Administrasi.
Tongtong do dihobasi Hurianta penataan Administrasi ni hurianta, anggiat lam tu dengganna asa boi mendukung tu panghobasion ni
Hurianta, ima na marpardomuan tu data haruason, parhepengon, dohot surat menyurat. Mauliate dohononna tu angka dongan
parhalado/sintua lingkungan naung rade mambagihon “Formulis Data Base” na di
bulan Oktober 2014. Mauliate do hononnami
nang tu ruas ni huria naung rade manjalo “Formulir Data Base” i,
alai nanggo sada ndang adong dope na sahat tu ahu.
Hape sian panghataionta di bulan Nopember 2014 ingkon sahat do i
tu hami, asa boi ta “Update” tu internet
marhite Balitbang ni hurianta HKBP. Sipareahan ma i jala ingkon patupaonta do i
muse. Taharingkothon ma i.
Laos di bagasan ombas on
pasahatonnami do mauliate ni rohanami tu saluhut ruas ni huria nang parhalado, na sai
tongtong manarihon angka na ringkot di tongatonga ni panghobasion di hurianta marhite na ringgas marminggu, na pasahathon
pelean taonna,
perpuluhan dohot angka hamauliateonna. Na pasahat Pelean Taon di taon 2014 on nunga lam meningkat persentasena.
Di taon 2013 ditotophon Ressort
dohot Huria do Pelean Taon:
1.
Rp. 150.000/kk = (lengkap),
jala
2.
Rp. 80.000/kk = tu Na Mabalu.
Daftar napasahat gugu pelean taon 2014 :
·
Torop ni KK : 260 KK
·
Napasahat Pelean Taon di taon 2014 on : 234 KK
·
Naso pasahathon Pelean Taon 2014 on : 26 KK
Persentase:
Taon 2012:
· Naung Mambayar
Pelean Taon 2012 : 72 %
· Na so
Pasahathon Pelean Taon 2012 :
28 %
Taon 2013:
· Naung
Mambayar Pelean Taon 2013 :
85 %
· Na so
Pasahathon Pelean Taon 2013 :
15 %
Taon 2014:
· Naung
Mambayar Pelean Taon 2014 :
90%
· Na so
Pasahathon Pelean Taon 2014 :
10 %
10. Pembagian Kalender
Ala lam tu renta do hita
mandohoti parmingguon dohot partangiangan, lumobi ungkap dohot haradeonta manarihon
na ringkot di huria i marhite na pasahathon angka pelean
taon, mangalehon angka perpuluhan dohot angka hamauliateonna. Diuji hurianta do mangalehon/mambagihon 1 kalender HKBP tiap keluarga, i ma
na gabe bingkisan Natal sian hurianta tu hita ganup keluarga ni ruas ni
hurianta.
11. Pesta pesta Huria :
Panghobasion di angka pestapesta di taon 2014 ima :
Dengan do mardalan
angka pesta di hurianta on
songon naung ni aturhon ni pucuk pimpinanta di Almanak i. Pesta Parningotan
Hamamate Ni Tuhan Jesus, Pesta I & II Parningotan Haheheon Ni Tuhan Jesus,
Pesta Parningotan Hananaek Ni Tuhan Jesus, Pesta I & II Parningotan
Hatutubu Ni Tuhan Jesus, dohot Pesta Gotilon.
11.1. Pesta Gotilon
Dalan laho mandok mauliate tu Debata, ala nunga
tajalo pasupasu sian Ibana marhite sian sinur na pinahan dohot gabe na taula.
Hipas pardalandalan dohot mangomo angka partigatiga, ro di angka ulaon na
marragam i, tarajumi parhitean ni Debata do i mamasumasu hita. Hombar tu si,
dalan mandok mauliate tu Tuhan marhite angka pasupasu na tajalo sian ulaon na
marragami tapatupa do acara Pesta Gotilon tanggal 28 September 2014. Tapatupa
do acara lelang di si, jala hasilna tapasahat tu par-pembangunan godangna Rp.
7.000.000,- (Tujuh Juta Rupiah).
11.2. Pesta Natal
Dengan do mardalan angka pesta
natal di hurianta on. Alai molo tung pe godang angka si padengganon, anggiat ma
tu tingki na naeng ro dipasupasu jala di pargogoi Tuhanta huriaNa i laho pasingkophon sude angka na humurang.
Natal na dipatupa di hurianta di taon 2014 on, ima:
- Natal ni Parhalado Sa-Ressort/keluarga :
tgl. 07 Desember 2014
- Natal na hinasuhuthon ni SM : tgl. 16 Desember 2014
- Natal na hinasuhuthon ni Ina ni Hurianta :
tgl. 22 Desember 2014
- Natal na hinasuhuthon ni Ama/Ntl Umum :
tgl. 24 Desember 2014
- Natal na hinasuhuthon ni Naposo Bulung :
tgl. 28 Desember 2014
12. Parhalado
12.1. Parhalado Full Timer
Di ari Mingu tanggal 04 Mei 2014 tapaborhat
do amanta Gr.Kuasman Sihotang tu inganan panghobasion na imbaru ima HKBP
Bagan Batu Kota (hombar tu SK mutasi
nasida). Di ari Minggu tanggal 27 Juli 2014 dipaborhat hurianta do calon Bvr.
D. Br. Pangaribuan tu iganan panghobasion na imbaru ima HKBP Bakaran
Batu – Tebing Tinggi. Jala dipatupa hurianta do mangojakhon Diak.
Rumbunan N. Br. Nainggolan dohot Diak. Jenni Br. Simanjuntak.
12.2. Parhalado
Ni Hurianta HKBP Ajibata
Angka on ma Goar ni angka Parhalado di HKBP Ajibata:
1. Pdt. A. Tambun, STh
2. Diak. R. N. Br. Nainggolan (menjabat sebagai Gr)
3. Diak. J. Br. Simanjuntak
4. St. A. Karokaro
5. St. B. Br. Gultom
6. St. B. Br. Simanjuntak
7. St. H. Br. Siallagan
8. St. L. Br. Sidabutar
9. St. Rg. Damanik
10. St. H. Sirait
11. St. M. Pakpahan
12. St. D. Silitonga
13. Cln. St. R. Br. Sirait
Sahalak ma i pandita,
2 sahalak Diakones, 5 halak sintua ama, 4 halak sintua ina, sahalak
calon Sintua ina; pungu ma sude parhalado di HKBP Ajibata on 13 halak.
III. Parhepengon
(Tersendiri)
IV. Panimpuli :
Songoni ma Barita jujur taon ni hurianta na boi tarpajojor
hami. Di angka na lobihurang pamaritahononnami, Tuhanta ma na pasingkopponsa. Di angka naung boi dihobasi Hurianta di taon 2014, tapuji ma Tuhanta siala pandonganion dohot denggan
ni basaNa do umbahen na boi tulus i. Di angka program na so boi mardalan dohot denggan, sai
dipargogoi Tuhanta ma Parhalado rap
dohot Ruas ni HuriaNa patulushon i tu taon na naeng ro, asa lam jumpang angka panghobasion na
ummuli di Hurianta, lam majuna hurianta di partondion nang di pembangunan fisik pe.
Pasahaton nami do tu sude ruas ni Huria, pengurus Dewan, seksi Huria, na sai
tongtong mangalehon rohana di nasa panghobasion di Hurianta on marhite tangiang sumbangan
pemikiran, nang sipatupaon pe laho patulushon nasa na ringkot di Huria on. Gabe pelean na hushus jala na badia ma i di
adopan ni Debata, taingot jala
tahaporseai ma: “Sian Tuhan Debata Pardenggan Basa jala Parasi Roha i” do jaloonta balos ni i
marlimpat ganda marhite angka ulaonta siganup ari na so maralo tu lomo ni rohaNa, nang marhite parianakhononta dohot tu saluhut
pinomparta pe.
Na parpudi....
Naeng salpuhononta
ma taon 2014
on, bongotanta ma sada taon na imbaru, ima taon 2015. Tuhanta ma na mandongani
hita manalpuhon taon na buruk on,
laho mambongoti mambongoti sada taon na imbaru, i ma
taon 2015 na naeng sibasabasahonon ni Tuhan Debata tu hita. Di bagasan haporseaon
dohot pos ni roha ma hita saluhut parhalado nang ruas ni huria pe, di taon 2015 jaloonta angka na dumenggan
di hurianta on nang di tongatonga ni bagasta pe.
Syalom.... Horas.....
STATISTIK NI HKBP
AJIBATA TAON 2014
No
|
Hatorangan
|
Jumlah
|
01
|
Torop ni ruas ni Hurianta taon 2014
|
260 KK
|
02
|
Ama
|
216 halak
|
03
|
Ina
|
230 halak
|
04
|
Namagodang Baoa
|
150 halak
|
05
|
Namagodang Boru
|
188 halak
|
06
|
Dakdanak Baoa
|
152 halak
|
07
|
Dakdanak Boru
|
196 halak
|
08
|
Pungu sude
|
1.132 halak
|
09
|
Jumlah KK
|
260 KK
|
Ajibata, 31 Desember 2014
Pandita
HKBP Ressort Ajibata,
Komentar
Posting Komentar