TERTIB  ACARA

PARPUNGUAN  UJUNG  TAON

Thema :  Jahowa Do Sijaga Hita

HKBP DISTRIK IV TOBA

Rabu, Tanggal 31 DESEMBER 2014.

1.    Pangaradeon :

·         Parhalado mangarade di bilut parhobasan jala ruas ni huria nunga mangarade di bagasan gareja.

·         Dung manghuling giringgiring, paragenda langsung pagalakhon lilin   naung diparade.

2.    Marende No. 557: 1 – 2    Dao Dumenggan

              1.   Dao dumenggan, asi ni rohaM. Dao ummarga sian ngolungkon.

                   Sai pujionku ma Ho Tuhanku, dao ummarga, asi ni rohaM.

       2.  Ala goarMu ro do au tu Ho. Herbang tanganhu lao mamuji Ho,

Dao ummarga sian ngolungku, dao dumenggan asi ni rohaM.

3.    Votum – Introitus – Tangiang: (U = Uluan,      H = Huria,      S = Sude).

     U : Marhitehite goar ni Debata Ama, dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen.

     H : Bagasnai antong hamoraon, hapistaran dohot parbinotoan ni Debata ! Na so hasigatan do angka uhumNa jala naso habogasan do angka dalanNa.

     H : Ai hot ro di saleleng-lelengna do asi ni rohaNa

     U : Ia Jesus Kristus, songoni nantoari, songoni sadarion, laos i do ro di saleleng-lelengna.

     H : Ibana do Alpha dohot Omega, bona na dohot ujung na. Na so marmula naso marujung.

     U : Puji ma Jahowa ale tondingku, jala nasa rohangku dibagasan mamuji goarNa na Badia i.

     H : Puji ma Jahowa ale tondingku, jala unang tung halupahon denggan basaNa sudena.

     U : Mandok mauliate ma hamu di Jahowa

     H : Ai na basa do Ibana, ai ro di saleleng ni lelengna do asi ni rohaNa i.

     U: Sai pujionku do basaMu, saleleng mangolu ahu.

     H: Pasangaponhu do goarMu, saleleng na marhosa ahu. Maradu tos pe hosangki, naeng pujionhu sangapMi.

     U:  Martangiang ma hita! Ale Debata Ama nami, parasi roha na sumurung do Ho di hami. Ndang olo suda angka taonMu. Alai jempek jala gabur do taon nami dohot ari-ari nami. Na laho salpu ma muse sada ari dohot sada taon sian ari-ari nami, alai ndang olo salpu anggo asi ni rohaM dohot denggan ni basaM. Di ujung ni taon on, hu ingot hami do asi ni rohaMi. Ala ni i sai ajari ma hami mamilang-milangi ari-ari ni ngolu nami, marhite-hite Jesus Kristus Tuhannami, Amen.

4.    Marende No. 27: 4 + 8                 Debata Do Manggomgomi               BL. 86

4.   Lomo ni rohaM, o Tuhan, naeng patupaonku do.

      Parangengku hupadenggan asa hupasangap Ho.

      Ulos hatigoran i, lehon ma di tondingki.

8.   Sai urupi au Tuhanku, paujungkon ari on.

      Di bagasan tangiangku songon na hupungka on.

      Sai huhalungunhon ma sabatMi, o Debata.

5.    Patik          :

U:   Patik ni Debata di parpunguanta di bodari on, ima na tarsurat di 2 Timoteus 1: 13: “Ihuthon ma angka poda na tingkos i tiruanmu, songon naung binegem sian ahu, di bagasan haporseaon dohot holong ni roha na di Kristus Jesus i”. I do sahatna. Antong rap mangido gogo ma hita tu adopan ni Debata.

U+H: Ale Tuhan Debata, sai pargogoi ma hami mangulahon na hombar tu patikMi. Amen.

6.    Koor          :

7.    Marende No. 171: 1 – 2    Tandai Ma Au                                               BL. 49

1.  Tandai ma au, sungkapi ma dohot rohangku.

     Uji ma au, pamanat huhut ma dalanku. Olo ditanda Ho au Debata.

 2. Asi ma rohaM, taringot tu pangalahongku.

     Olo tutu, jotjot do na lilu dalanku. Sesa dosangku, sude Debata.

8.    Manopoti Dosa :

     U:  Tatopoti ma dosanta tu adopan ni Debata, martangiang ma hita! Ale Tuhan Debata, pargogo jala na so hatudosan jala Amanami! Hujou hami do goarMu na badia i,  ala na targogot hami marningot dosanami. Sai marasi ni roha ma Ho mida hami on. O, Tuhan Jesus Kristus, Anak ni Debata na gabe jolma ala ni hami, na mate jala na hehe sian na mate, na manaek tu banua ginjang do Ho mangondihon hami!

      H:  Asi rohaM di hami, sai patongtong ma di hami roha hamauliateon tu Ho. O, Tondi Parbadia, pangapul na marsak roha, pamalum ma saluhut na bernit, binahen ni dosanami!

      U: Ro ma Ho mangingani hami, asa marlas ni roha nami mangulahon lomo ni rohaM. Ho do parhitean ni nasa asi ni roha, sai unang tulak hami. Sai tangihon ma hami, Ho ale Debata Ama, Anak dohot Tondi Parbadia! Amen.

- o r g a n -

      U:  Songon on do hata ni Tuhan Jahowa: Unang ho mabiar, ai Ahu do Siluluhon ho; nunga pola hujou goarmu, Ahu nampuna ho. Hasangapon ma di Debata na di ginjang. Hasangapon ma di Debata na diginjang!

      S: Amen..!

9.    Koor :

10.    Marende No. 437 : 2      Tung Na Muba Do Rohangku.                    BL. 390

2.    Au na lilu hian dapot sambulongki, dung Jesus maringan di au.

Nunga sae dosangki dibaen mudarNa i, dung Jesus maringan di au.

Dung Jesus maringan di au, dung Jesus marinagan di au,

Tung sonang do au, dung tu Jesus au lao, dung Jesus marinagan di au.

11.  Epistel        :

U:  Turpuk Epistel, na gabe patujolo ni jamita di parpunguon ujung taon borngin on ima na tarsurat di Rom 8: 31 – 39. Songon on ma hata ni Debata di si: Onpe, aha ma dohononta di si? Molo Debata donganta, ise ma alonta?

H:  Ndang diolani Ibana AnakNa sandiri, tung dipasahat do humongkop hita saluhutna tagamon ma so basabasahononna raphon Ibana saluhutna i tu hita?

     U:   Ise mangaluhon angka na pinillit ni Debata? Ai Debata do na mamintori.

     H:  Ise do na mandabu uhum hamagoan? Nunga mate Kristus Jesus i, lobi tahe,   naung mulak mangolu do; di siamun ni Debata do Ibana mangondihon hita.

     U:  Dia manirang hita sian holong ni roha ni Kristus i? Haporsuhon do manang hagogotan, manang pangaleleon manang haraparon, manang parsaemaraon, manang mora, manang podang pe?

     H: Hombar tu na tarsurat i: “Humonghop Ho do dibunui hami manipat ari; songon birubiru sipotongon do hami dirajumi”.

U:  Alai andul do hamonanganta di saluhutna i, hinorhon ni na manghaholongi hita.

     H:  Ai gomos do di tiop rohangku: Ndang tarbahen sirang hita sian holong ni roha Ni Debata, na di bagasan Kristus Jesus Tuhanta i: Manang bahenon ni hamatean manang hangoluan, nang haheheon ni angka surusuruan nang angka harajaon, nang na masa nuaeng, nang na masa sogot, nang angka hagogoon pe, manang bahenon ni na di ginjang, nang na di toru, ro di nasa na tinompa pe.

     U: I do sahatna. Martua do angka na tumangihon hata ni Debata jala na umpeopsa. Amen.

12.  Koor          :

13.  Marende No. 497: 1                      Di Na Humolso Rohangki                BL. 338

1.      Di na humolso rohangki pasari hangoluanki,

Tibu bologkononku pe, holsongku sasude

Ai i didokkon Jesus i, Tuhanta na di surgo i,

Sumarihon ngolumi, denggan sudena i.

2.      Di na huingot hata ni Tuhanta, na nidokNa i:

      Sai sonang ma hamu sude, unang mabiar be

      Di si  endehononku ma: Martua na porsea da!

      Sai naeng hujamitahon i, tu na humolso i.

14.  Manghatindanghon Haporseaon :

15.  Koor          :

16.  Manjaha Laporan ni huria :

  a. Berich (Barita jujur taon).

  b. Statistik Huria

  c. Parhepengon (Huria dohot pembangunan).

17.  Mandok hata

a. Utusan Ruas Ni Huria

b. Utusan Pangaranto

c. Utusan Parhalado

18.  Tangiang Pangondianon :

19.  Marende No. 216: 1 ...      Gargar Dolok       (Papungu Pelean)           BL. 89

1. Gargar dolok tapor batu, ndang na gargar asi ni

    Roha sian Debatangku, sai na hot padanNa i

    Asi ni rohangKu do, ndang na munsat sian ho

2. Na nidok ni Debatangku, patut huundukkon i

    Sai mangolu do tondingku, molo huihuthon i

    Asi ni rohangKu do, ndang na munsat sian ho

                               - o r g a n -

3. Saluhutna na dung loja, mangulahi do gogo

    Sonang jala las rohana, ia diasangkon do   

    Asi ni rohangKu do, ndang na munsat sian ho

4. Marsak ala ni dosamu, bobos mida uhum ho

    Sai haposi ma Tuhanmu, na tongtong mandok tu ho 

    Asi ni rohangKu do, ndang na munsat sian ho

20.  Jamita : Psalmen 121: 1b – 7

21.  Marende No. 806: 1....      Aha Pe Masa Dingolumon  

1.      Aha pe masa dingolumon, Tuhan manjaga ho,

     HolongNa do mangondihon ho, Tuhan manjaga ho.

     Tuhan manjaga ho, las pe roham marsak pe ho,

     Sai diramoti ho, Tuhan manjaga ho.

2.      Sai disarihon do ngolumi, Tuhan manjaga ho,

     Sai ditangihon tangiangmi, Tuhan manjaga ho.

     Tuhan manjaga ho ...

3.      Molo borat siporsanonmi, Tuhan manjaga ho,

     Tung pe golap parnidaanmi, Tuhan manjaga ho.

     Tuhan manjaga ho ...

22.  Panutup :

       U: Tapasahat ma peleanta on tu Debata, martangianga ma hita: “Ale Debata, Ama nami na di banuaginjang...)

       S: (Mangendehon Ende Pelean: Nasa na ni lehonMi...)

       U: Salpuhononta ma satongkin nari taon 2014 on, jala molo diloas Debata hita  bongot ma hita tu taon 2015. Antong tapasahat jala ta pagomgomhon ma ngolunta tu Debata, tapangido ma pangurupionNa di hita. Tapaunduk be ma rohanta  jala martangiang ma hita dibagasan rohanta (Huhut di iringi soara ni organ, sian Buku Ende No. 70: 1).

       U: Antong rap martangiang ma hita di tangianga “Ale Amananmi”...

       S: Ale Amanami na di banuaginjang......d.u

       

23.  Pasupasu

Sunggulsunggul:

1. Annon bodari di parsirangan ni taon, pukul 00.00 WIB, taingot ma patupa acara partangiangan di bagasta be. Acara nunga di parade Hurianta, tajalo ma i sian Sintua lingkunganta be.

2. Di ari Kamis, tanggal 01 Januari 2015, marpungu do hita songon na somal di hurianta on, ima parpunguan Taon Baru.

Pdt. A. Tambun,  STh