Tertib Acara Partangiangan
MUNAS NAIRASAON
SEDUNIA
Hotel Sapadia - Parapat.
Sabtu,
tanggal 06 Desember
2014.
Masuk : Pkl. 15.00
WIB.
TERTIB ACARA
(Andorang so masuk: Martangiang na hohom).
01. Marende No. 10: 1 + 2
“Hupuji hupasangap
Ho” BL. 128
* Hupuji
hupasangap Ho, Amang pardenggan basa.
Ai jadijadianMu do sude angka na masa.
Ditompa
Ho do sasude, dagingku ro di tondi pe, pinuji ma goar-Mu.
* Saluhut na tinompaMi naeng sonang di
rohaMu;
Arian dohot borngin
pe disarihon rohaMu
Nang uhum di gomgomanMi, na tigor, na sintong
do i, pinuji ma goarMu.
02. Votum – Introitus – Tangiang (U = Uluan, N = Natorop).
U:
Marhitehite goar ni Debata Ama, dohot goar ni AnakNa Tuhan Jesus Kristus dohot goar ni Tondi Parbadia na tumompa
langit dohot tano on.
N: Amen.
U: Pinuji ma Debata Ama ni Tuhan Jesus
Kristus, naung umpasupasuhon tu hita
ragam ni
pasupasu partondion sian
banua ginjang di
bagasan Kristus.
N: Ai dipillit do hita di bagasan Ibana,
andorang so ojak dope tano on, asa badia hita jala so hasurahan diadopanNa i,
di bagasan holong ni roha.
U: Mangasahon Debata, sai
hamonangan do ulahononta. Ngot ma Ho ale
parhinaloan! Tarsunggul ma ahu buha siang ari.
N: Pujionku
ma Ho di tongatonga ni angka bangso, ale Tuhan, endehononku ma Ho di tongatonga ni angka
marga.
U: Ditimbang rohanami do
ale Debata, asi ni roham di parsitongaan ni JoroMi. Suman tu goarMu do baritaM
ale Debata. Ro di ujung ni tano on, gok hatigoran do siamunMi.
Sude :
(Mangendehon BE No. 467: 1 “Asi
ni rohaM Hupuji” BL. 315)
Asi
ni rohaM hupuji ala Ho manobus au
Dipaias Ho rohangku gabe soranganMu au
IngananMu rohanami TondiMi manggohi i
Pangke dohot ngolunami gabe ulaulaMi.
U: Timbul do Jahowa jala pujion situtu do di bagasan huta
ni Debatanta, di atas dolok habadiaonNa i. Haleluya.
Martangiang ma hita: Ale Tuhan Debata pargogo na so hatudosan jala pardenggan basa! Hupuji
hami ma goarMu na badia i, ala asi ni rohaM na hujalo
hami di bagasan ngolunami ganup marsadasada. Di partingkian on, apala mareak
bot nia ari on ro hami tu adopanMu Tuhan marhite partangiangan keluarga
pomparan ni Nairasaon, ima Manurung, Sitorus, Sirait dohot Butarbutar.
Marningot hami Ale Tuhan Debata di saluhut angka pambahenanMu di bagasan
pardalanan ni punguan on, tarlumobi tu di ari sadari on. Naeng patupahon rapot
godang nasida Tuhan, ala ni i, asi rohaM di hami Tuhan, pasupasu ulaonnami on,
pasupasu ma nang angka na naeng sirapothonon nasida asa marpanumpak tu na
denggan di tongatonga punguan Nairasaon on nang tu humaliangna pe. DalanMu ma i
Tuhan laho manarihon ngolu ni pardagingon nang partondion nami pe. Lam tambai ma angka pasupasu tu tongatonga ni punguan on. Parbadiai
rohanami marhitehite TondiMi, jala padao
sian hami angka elaela ni sibolis. Paingot jala taiti rohanami mangihuthon jala mangoloi Ho di bagasan Jesus Kristus Tuhan jala
Sipalua hami. Amen.
03. Marende No. 754: 1 Gok Las
ni roha
BL. 754
Gok las ni roha do au di ngolungkon, di ngolungkon, di
ngolungkon
Gok las ni roha do au di ngolungkon,
tongtong di rohangkon
Mauliate, gok las ni roha, maringan
holongMi Tuhan di au
Mauliate, gok las ni roha, maringan
holongMi Tuhan di au.
04. Manjaha Sian: Sakaria 3: 1 – 10
U: Dung i dipataridahon ma tu ahu si Josua, sintua ni malim i, tindang di
jolo ni suruan ni Jahowa, jala pangasung i tindang di lambung ni siamunna,
mangasungi ibana.
N: Jadi ninna Jahowa
ma tu pangasung i: Toruan ni Jahowa ma ho, ale pangasung! Hona hata ma ho tutu
bahenon ni Jahowa, na mamillit Jerusalem! Nda sipusipu do ibana on, na tinait
sian api?
U: Alai marulos
angka na ramun do ianggo si Josua, songon i ibana tindang di jolo ni suruani.
N: Jadi didok ibana ma manonai angka na jongjong di jolona songon on:
Tanggali hamu ma ulos angka na ramuni sian ibana! Alai anggo tu ibana didok do:
Ida ma nunga hubuat sian ho hageduhonmu, jala solukkononku ma tu ho, angka ulos
na marhadohoan.
U: Jadi ningku ma:
Sapala dibahen nasida ma dohot talitali na ias tu atas uluna. Jadi dibahen
nasida ma talitali na ias tu atas uluna, jala disolukkon angka ulosi tu ibana,
laos tindang anggo suruan ni Jahowa.
N: Dung i
dihatindangkon suruan ni Jahowa ma tu si Josua songon on:
U: Boti hata ni
Jahowa Zebaot: Molo mardalan ho di angka dalanku, jala diradoti ho na hupasahat
i tu ho, ingkon dohot ho manguhum jorongki ramotanmu dohot angka alamanku,
lehononku ma tu ho angka partogi sian nasida, angka na tindang di son.
N: Ua tangihon ma,
ale Josua, sintua ni malim, ho dohot alealem angka na hundul di jolomi, ai
angka baoa tudosan do nasida, ai ida ma, paroonku ma naposongku si Tumbur.
U: Ai ida ma, batu
naung hupeakhon i di jolo ni si Josua, pitu mata di atas ni batu na sasada i;
ida ma, laos ahu sandiri mangungkap ruangna, ninna Jahowa Zebaot, jala ahu
mangunsat hajahaton ni tano on di ari na sasada i.
N: Laos di na sadari i, ninna Jahowa Zebaot, pioonmuna, ma ganup alealemuna
be marlinggom tu toru ni hau anggurna dohot tu toru ni hau antajauna.
U: I do sahatna. Martua do angka na tu mangihon hata ni
Debata jala na umpeopsa. Amen.
05. Marende No. 743: 1 “O Tuhan
togutogu ma”
Panghulingi ma au o Tuhan, na rade tumangihon hataM
Sai tumpahi ruasMu Tuhan, na uasan nuaeng
di hataM
Sai patau ma au on naposoM, manjou halak
na dao sian Ho
Ro di na so tumanda Ho, muba gabe pangoloi
di Ho.
06. Jamita:
07. Marende No. 464: 1… “Huboan
ma diringku” (P. Pelean) BL. 313
*Huboan
ma diringku, Tuhan hibul tu Ho
Ai au do tinobusMu, umbaen tarbaen au
ro
Pagalak ma rohangku, di son managam au
TondiMi ma suru, na boi manggomgom au.
*Ho Sipalua au, sun hinagogoMi.
HataM do
huhaposi, na so boi muba i.
Pagalak…,d.u.
08. Tangiang Pelean
09. Tangiang Ale Amanami –
10. Pasupasu.
S
Y A L O M, T U H A N M E M B E R K A T I
Doc. Acara – Pdt. A. Tambun,
STh.
Komentar
Posting Komentar