NATAL
PARHALADO dohot KELUARGA
HKBP
SA-RESSORT
AJIBATA
Thema : Pasaut
Hamu Ma Tona Ni Debata Marhitehite Pujipujian
(Lukas 1: 46).
Subthema : Tarjou Jala
Tarpillit Do
Angka Na Porsea Gabe Sitindangi
Di Angka Pambahenan Ni
Debata Di Bagasan
Kristus.
MINGGU TANGGAL, 07 DESEMBER 2014
DI HKBP AJIBATA, MASUK PKL. 14.00 WIB.
I.
Pangaradeon
II.
Martangiang Na Hohom .............. Pagalak
Lilin .............
III. Joujou Tu Ibadah
P: Hamu angka dongan
sahaporseaon dibagasan goarni Tuhanta Jesus Kristus. Ari nagok lasniroha do
hita sadarion jala na rap marpungu do hita sude parhalado saressort Ajibata on
raphon keluarga laho mamestahon hatutubu
ni Tuhanta Jesus kristus. Antong, taparade ma rohanta marsomba tu Tuhan
Debata sitompa langit, tano ro do isina
nang denggan basaNa tu hita. Marende ma hita :
1.
Marende B.E. 585: 1 “Somba ma Jahowa Debata’’
1. Somba ma Jahowa Debatanta, amen haleluya.
Sigomgom
langit tano on ro di isina, amen haleluya.
Beta
hita lao marsinggang tu joloNa, amen haleluya.
Na songkal jala na badia do Jahowa, amen haleluya.
Endehon
amen haleluya, endehon amen haleluya,
Endehon
amen haleluya , endehon amen haleluya.
2.
Votum – Introitus – Tangiang
P: Marhitehite goar ni Debata Ama, dohot goar ni AnakNa Tuhan Jesus Kristus,
dohot goar ni Tondi Porbadia na tumompa langit dohot tano on.
H: Amen.
P: Pujipujian, hasangapon dohot hamuliaon disombahon rohanami tu ho
Jahowa silehon pasupasu dohot hadameon.
H: Hosianna! Pinuji ma na ro marhitehite goar ni Tuhan i.
P: Marolopolop ma ho jala marlas ni roha, roma ahu
maringanan ditongatongamuna ninna Jahowa. Haleluya.
P: Martangiang ma hita!
Ale Debata Amanami na di banua ginjang,
pujipujian dohot hasangapon, dohot hamauliateon husombahon hami tu ho,
marningot silehonlehonMu na balga i, tu hami jolma na dipardangolan on, i ma AnakMu Jesus Kristus, na
sinuruM sian
banua ginjang ala ni hami. Gabe na dangol do Ibana jala na pogos, pola tubu Ibana di bara ni pinahan na di Betlehem,
asa mamora hami. Sai rajai jala togutogu ma hami marhitehite tondiM, asa lam huida hami
godang ni holong ni rohaM na pinapatar ni anakMi. Amen.
3.
Manjaha Epistel: Lukas 2: 1 – 7 (Holan
Paragenda)
4.
Marende B.E No. 48: 1 – 2 ”Ria Ma Hita Sasude’’
1.
Ria ma hita
sasude mamuji Debata
Girgir ma parendeta be, ai i do na tama, ai i do
na tama
2. Diungkap Debatanta i banua
ginjang i,
Disuru do anakNai hangoluanta i,
hangoluanta i.
5.
Liturgi I : HKBP AJIBATA
1. Pdt. A. Tambun/M. Br Tobing
*Angka langit do
mamaritahon hamuliaon ni Debata, jala jadijadian ni tanganNa do pinaboa ni na ratarata ni langit,
masipaboaan do angka ari, jala masilehonan parbinotoan do angka borngin.
*Sian topi ni
langit do habibinsarna jala tolhas rodi angka topina muse pangkusorna, jala
ndang adong na buni maradophon mohopna i.
2. St. A.Karokaro/R. Br. Sirait
*Binsar
mataniari, poltak ma bulan. Goarni Debatanta ma tapuji ai ibana do manompa saluhut nasa na adong.
*Sai dipuji langit do jadijadianna, saluhut
pambahenanmu, parsinondang bolon na marpamongguri, Ho o Tuhan do dipuji,
bulan i,
bintang pe, Ho do pinujina dohot
sinondangna.
3. St. Rg Damanik/M. Br.
Sianturi.
*Debata do
manggomgomi, langit dohot tano on, haholomon digomgomi dohot hatiuron, dirajai tanganNa nasa na tinompa.
*Tung mansai denggan do angka hauma
jala tung mansai uli do ditompa Debata angka duhutduhut laho
panganon ni angka binatang na manggulmit.
4. St. D. Silitonga/R. Br. Manurung
*Songon hau
do Ibana, na
sinuan di topi ni batang aek, na marparbuehon parbuena di hajujumpang ni tingkina. Bulungna pe ndang olo malos jala na niulana pe manjadi do.
*Molo
hutailihon langitMi angka jadijadian ni jarijariMi, bulan dohot bintang. Angka na pinauliM tung aha ma nian jolma i, umbahen pola
ditaringoti rohaM ibana.
5. St. M. Pakpahan/Br.
Sinaga
*Humurang
apala otik do ibana sian Debata dibahen ho, ala ditalitalihon Ho hamuliaon dohot
hatongamon tu ibana, dipabangkit ho do
ibana gumonggom
angka jadijadian ni tanganMu. Sude do tahe dipatunduk ho tu ibana.
*Angka
birubiru dohot lombu sudena ro di
binatang angka na di harangan, pidong angka na di toru ni langit, dohot
angka dengke di laut, ro di sude na
manggulmit, sude do tunduk tu jolma natinompaMi.
6. St. H. Sirait/Br. Sinaga
*Ale Jahowa
sigomgomi hami, mansai sangap do goarmu di liat portibi on. Ho do parmulaan ni
nasa na adong, hupuji hami ma goarMu sian tingki on sahat ro di hasusuda ni bohalnami.
*Mansai uli
saluhut na tinompa ni Debata. Angka dolok dohot rura, angka
suansuanan na ratarata, saluhutna patuduhon hahomion ni Debata. Tung na
so hadodoan do parbinotoanNa. Songon dia do dibahen Debata manompa nasa na adong i?
7. H. Sirait/St. B. Br. Simanjuntak
*Ia panompaon
ni Debata songon on do. Ndada marhitehite alat manang ulaula
dibahen Debata laho manompa, ai ndada songon pande Debata manompa
nasa na adong, alai lobi sian i.
*Holan
marhite hataNa
sambing do. Molo didok Debata jadi ma ho na tiur; manjadi do. Songon i do saluhutna dibahen. Sandok
molo didok Debata jadi, manjadi ma songon na nidokNa i.
8. L.
Sirait/St. B. Br. Gultom
*I do tutu,
tung halongangan do panompaon ni Debata. Ai
ndang sian na adong Debata manompa, alai sian na so adong do gabe adong, ndang
adong na so tarpatupa Debata.
*Dungi diida Debata ma sude na
tinompaNa i nunga
denggan situtu saluhutna.
9. H. Gurning/St. L. Br. Sidabutar
*Alai dung
ditompa Debata nasa na adong. Maradian do Ibana di ari papituhon.
*Songon dia
do lapatan ni i? Ai naung maradian do Debata sahat ro di nuaeng on? Manang ndang adong be ulaon ni Debata dung panompaon i?
10. CSt. R. Br. Sirait/
*Ndang songon
i lapatan ni
i. Bege hamu
asa hupatorang. Dung sun ditompa Debata nasa na adong, maradian do Ibana sian nasa ulaon
panompaon,
alai ndang maradian Ibana sian ulaonna. Torus do Debata mangulahon
na denggan jala na ringkot di ngolu ni
jolma i, dipasupasu do hita saluhutna.
*Antong, tapuji
jala tapasangap ma Debata naung manompa hita dohot na manarihon na ringkot di
ngolunta, dipasupasu do hita saluhutna.
11. Diak. J. Br. Simanjuntak
*Tung na
ribur ma antong
di bagasan gareja on tole muse gabagaba dohot maremare marsinondang idaon, sude disondangi lilin na
marnalanala dohot angka lampu natal na manghirdophirdop, alai aha do tagamon silas ni roha
pinaboa ni na masa on.
12. P. Sirait/St. H. Br. Siallagan
*Sude ginoaranmi
tutu do i,
ima tanda las ni roha marningot holong ni roha ni Debata na rade marsuru anakNa na sasada i, ima Jesus bahen Sipalua hajolmaon sian pardosaonna.
*I do alana umbahen na ditongos
Debata anakNa
na sasada i,
asa unang mago ganup na porsea, alai
asa hangoluan na saleleng ni lelengna di ibana.
6.
Marende No. 40: 1 ‘’Las Situtu Rohanghu’’
1.
Las be ma rohamuna na
tigor roha i,
Naung ro do rajamuna
mamboan tua i.
Ndang
mampanggortapi anggo di haroroNa,
Alai tuk do
gogoNa padaohon jea i.
7.
Liturgi II: HKBP SIGAPITON TORUAN
1. St. M. Silalahi/R. Br. Butarbutar
*Holom situtu
do mardalan hita di tingki borngin, alai andul humolom do pe pardalananta di
tano on marningot sude pangango lumobi dosa i.
*Di sundut na
parjolo i,
dung marpinompari jolma i lam tu ngalina do holong ni roha jala lam mangararati dosa gabe marrimas ma Debata tu na tinompaNa i.
2. St. M. Nadapdap/B. Br. Sirait
*Alai ujungna
dipasahat Debata do muse bagabagana jala dipalumba do asa marhamubaon ni roha jolma i.
*Ai dihirim Debata
ndang adong
na boi paubahon roha ni jolma i dohot pangalahona. Aha do
na patut bahenon ni Debata?
3. St. M. Sirait/N. Br. Nadapdap
*Ringkot do
ingotonta uhum ni Debata na tu jolma na parjolo i, ima si Adam dohot si Haoa ala dilaosi tona ni Debata.
*Turpuk ni jolma na parjolo i, ingkon susa jala parir
taononna mangalului sipanganonna paima mulak muse gabe tano.
4. St. O. Sidabalok/Br. Sirait
*Dia do hurang ni
jolma i umbahen
na diulahon na so hinalomohon ni Debata.
*Naeng ripe
sonang nian roha ni jolma i, ai nunga diparade Debata
saluhutna.
5. R. Butarbutar/St. R. Br. Hutabarat
*Ai so adong na
hurang, sude nunga denggan diparade na ringkot di ngolu ni jolma i.
*Jolma i do na so umboto mandok
maulate tu Debata na paradehon saluhutna di ngolu ni
jolma i.
6. G. Sirait/St. S. Br. Gultom
*Ai
sasintongna na ditangihon do hata ni sibolis
*Gabe
marhuraja ma sibolis i di bagsan roha ni jolma, gabe dao ma holongna sian Debata.
7. St. N. Nadapdap/O. Manik
*Nang pe
songoni, sai mulakulak
do roha ni Debata mamereng jolma na tangkang roha i.
*Jala disuru
do angka panurirang laho manurirangi asa dipauba jolma i rohana jala asa ro mandapothon Debata.
8. A. Manurung/St. L. Br. Sinaga
*Toho do, na so hadodoan holong ni
Debata tu hajolmaon, ai pola do dilehon AnakNa na sasada i.
*Asa unang
mago ganup na porsea di ibana alai asa dapotan hangoluan saleleng ni lelengna.
8.
Marende B.E. 53: 1
1. Dibetlehem do tubu dihita Anak i,
I do sian na
burju hupillit rajangki,
I do, i do, hupillit rajangki
9.
Liturgi III : HKBP SIGAPITON DOLOK
1. St. M. Situmorang/S. Br. Gultom
*Nunga mandate roha ni bangso i paimahon haluaon sian Debata, ai tarbuang do
bangso Israel ala ni dosana, masihol nasida mulak tu bona pasogitna tu huta Jerusalem, asa sumuang parsaorannasida dohot Debata di bagas joro.
*Sai hira na ditadinghon
Debata do panghilalaan nasida, ala ni i
tarpaima do bangso i di haroro ni Mesias, i ma Sipalua i.
2. St. P. Siboro/R. Br. Gultom
*Ro do hata
ni Debata tu panurirang Jesaya mandok: “Apuli,
apuli hamu ma bangsongki, ninna Debatamuna. Hata
apulapul ma dok hamu tu roha ni isi ni Jerusalem.
*Jala jouhon
hamu ma tu nasida: “Nunga marujung parungkilonna, ai nunga sae dosa nasida, ai nunga
dijalo sian tangan ni Jahowa silompit dua singkat ni saluhut dosana”.
3. St. S. Tampubolon/O. Br. Butarbutar
*Ro do hata ni Debata
tu panurirang Jesaya mandok: “Tung sura rara dosamuna songon abit bunga dapdap, bontar do bahenonku
songon itak, nang pe rara songon abit hasumba, gabe songon hapas do muse.
*Di ari
nasasada I sogot , uli jala marmulia tunas ni Jahowa, gabe huhut uli parbue ni
tano I diangka na malua sian Israel
4. St. J. Butarbutar/S. Br. Sijabat
*Ai ndada
pingkiranku, pingkiranmuna i, jala ndada dalanmu, angka dalanku ninna Jahowa.
*Tagan
diparpiar ni murukku hutabunihon do bohingku satongkin maradophon ho, alai
marhitehite denggan basa salelenglelengna asianku ho. Ninna Jahowa sipalua ho.
5. St. M. Nainggolan/B. Br. Butarbutar
*Alai anggo ho huta betlehem efrata,
mamemethu do nian anggo tung pola jujuron tu angka huta marriburibu di Juda, hape sian ho do
harororan ni na gabe panggomgomi ni Israel.
*Jala angka
haroroanna sian nahinan, sian angka ari na robi salelenglelengna.
6. CSt. L. Butarbutar/Br. Sitohang
*Ida ma gabegabean
ma sada na marbaju jala tumubuhon sada anak, jala
bahenonna
goarna; ”Immanuel”.
*Hehe ma ho, marsinondang ma ho, ai
na ro ma panondangmu, jala hamuliaon ni Jahowa binsar di atasmu.
7. CSt. J. Situmorang/Br. Simbolon
*Alai pauli
hamu dalan ni Jahowa, patigor hamu di adaran dalan balobung ni Debata.
*Ingkon gohan
do nasa rura, jala parejeton nasa dolokdolok dohot buntulbuntul jala gabe na
hornop do na marnangkok tuat, jala gabe rura tanggurung ni dolok.
8. St. J. P. Gultom/R. Br. Manurung
*Ai nunga
tubu di hita sada posoposo, dilehon di hita sada Anak, pampe tu abarana do sogot harajaon.
*Jala
bahenonna goarna; sipartahi halongangan, ulubalang ni Debata, Ama salelelenglelengna, raja ni hadameon.
9. CSt. L. Gultom/P. Br.
Nababan
*Alai
jongjong do anggo
Ibana, jala
marmahan mangasahon gogo ni Jahowa marhitehte hamuliaon ni goar ni Jahowa
Debatanta.
*Jadi
maringan ma nasida, ai timbul ma ibana di si ro di angka ujung ni tano on. Amen.
10.
Marende B.E No. 56: 1 “Sai Ro Ma Hamuna”
1.
Sai ro ma
hamuna angka na porsea, sai ro ma hamuna tu
Betlehem.
Ida Dakdanak Sipalua hita, tasomba ma Ibana,
Tasomba
ma Ibana, tasomba ma Ibana Rajanta.
11. Liturgi
IV: HKBP HORSIK
1. St. K. Gultom/N. Br. Manurung
*Diungkap Sipalua i do pintu
harajaon ni banua ginjang laho mangarahon angka na niasianna, asa malua nasida
sian gomgoman ni dosa jala maringan di huta na punauli ni Debata.
*Didok Tuhan Jesus Sipalua i do: Ahu do pintu i, paluaon do ganup na
bongot sian Ahu,
asa adong hangoluan di nasida.
2. St. A. Manurung/B. Br. Sinaga
*Nunga taboto
jala nunga diungkap pintu i tu hita, alai mansai dao do sian portibi on, sian roha na so
tumanda Ibana.
*Hita pe gabe sorat jala loja
digosagosa portibi on di pardalananta laho manjumpangi pintu i, antong boha nama?
3. St. J. Siallgan/N. Br.
Sianturi.
*Didok Tuhan Jesus: “Ro ma hamu
tu Ahu, hamu
angka na loja
jala na sorat asa hupasonang hamu. Ahu do Panondang ni portibi on.
*Na so tupa
mardalan di na holom na ro tu Ahu. Ai na lambok do Ahu, jala neang do na
hupaporsanhon tu hamuna”.
4. St. J.
M. Sijabat/N. Br. Sinaga
*Tahaporseai
ma Ibana. Ai na tutu situtu do Ibana panganpul na
sumurung di angka na marsak jala pandaoni bolon di angka na na marsahit.
*Dilehon do
tu hita aek dohot roti hangoluan asa ndada be mauas dohot male angka na ro mandapothon Ibana.
5. St. M.
Sijabat/P. Br. Situmeang
*Dung i dipaborhat do hita tu
portibion laho mangarahon angka donganta, ai didok do Tuhan Jesus do: “Ahu do
mamillit hamu jala hupadiri hamu, asa laho hamu mamparbue, jala mian parbuemuna i.
*Ala ni i, dungo jala hobas ma
hita mangulahon tona parsuruonNa i, hohosi ma gontingmu jala pagalak ma palito di tanganmuna.
6. St. R. Br. Siregar/
*Didok Tuhan Jesus: “Alealengku ma
hamuna, molo diula hamu na hupatikkon i tu hamu.
*Ndang hugoari be hamu anak somang,
ai ndang diboto anak somang na niula ni indukna.
7. St. B.
Br. Sitanggang/
*On ma Hupatikkon tu hamu.
Masihaholongan ma hamu.
*Molo dihosomi portibi on hamu, boto
hamu ma, naung jumolo Ahu dihosomi.
8. CSt.
L. Sijabat/S. Br. Gultom
*Aut na sian portibi on hamu,
haholongan ni portibi on do donganna. Alai ndang sian portibi on hamu.
*Asa unang targasip hamu, umbahen na
huhatahon angka hata ondeng tu hamu, ninna Tuhan Jesus.
9.
St. M. Sidabutar/P. Br. Manik
*Beta hamu angka dongan, mangula di
porlak ni Tuhan i, asa asa taruli hita di
angka pasupasuNa. Asa gabe marroha na daulat jala masihaholongan hita songon Kristus manghaholongi hita.
*Antong
tasolukkon ma holong na sian Jesus Kristus
Tuhanta i, ai i do na patukhon hita laho manghaholongi dongan jolma.
12. Koor :
13. Marende B. E
No. 59: 6 – 7 O Jesuski Hupuji Ho BL. 34.
6. Na pogos ma Tuhanta i, manaon sude na
porsuk i
Mamora hita baenon ni, saleleng ni lelengna
i.
7.
I ma binaen ni Jesus i, pataridahon holong ni,
RohaNa
na tongtong basa, i pe tapuji Debata.
14. Liturgi V : HKBP MOTUNG
1. St. R. Ambarita/S. Br. Sihotang
*Puji ma Jahowa ale tondingku, jala
nasa rohangku di bagasan mamuji goarNa na badia i. Ibana manesa dosam sudena.
*Ibana pamalum angka
sahitmu sudena, ibana paluahon ngolum sian hamagoan, ibana martumpalhon tu ho denggan basa dohot
asi ni roha.
2. St. M. Sitorus/O. Br. Manurung
*Puji ma Jahowa ale tondingku,
dipamahap do rohangku marhitehite denggan basa, Ibana do patupahon angka hatigoran, Ibana do pabotohon angka
dalanNa tu hita.
*Puji ma Jahowa hamu angka parangan
banua ginjang, na mangoloi angka parentaNa, na sai tongtong tangi tu angka hataNa. Saluhut
naposoNa namangulahon lomo ni rohaNa.
3. St. B. Manurung/L. Br. Butarbutar
*Puji ma Jahowa, hamu ale angka na tinompaNa di sude inganan na hinarajaanNa.
*Puji ma Jahowa ale tondingku,
Jahowa do nampuna sude portibi on dohot nasa isina.
4. St. D. Sinaga/L. Br. Samosir
*Puji ma Tuhan i, ala ditopot do hita jala dipatupa
haluaonta.
Dipatindang do di hita tanduk haluaon dibagas ni si Daud naposoNa i.
*Hombar
tu na hinatahonNa marhite angka panurirangNa na badia i sian na
robi.
5. St. M. Manurung/M. Br. Sidauruk
*Ari on do na jinadihon ni
Jahowa, marolopolop jala marlas ni roha ma hita di si. Ia ale Jahowa sai
manumpak ma Ho.
*Ia
ale Jahowa sai Ho ma mambahem manjadi, pinasupasu ma na ro marhite goar ni Tuhan i.
6. St. B. Silalahi/S. Br. Ambarita.
*Beta ma hita
saluhutna mamuji Goar ni Jahowa na marmulia i, ai parasiroha bolon jala pardenggan basa do Ibana.
*Hamoraon
dohot hasangapon dohot hagabeon na saleleng ni
lelengna dilehon tu hita.
7. St. R .Manurung/R. Br. Sinaga
*Dungi toropan
do nasida na gabe porsea ala ni hata ni Jesus. Gabe didok nasida ma tu boruboru i; ndang be ala ni pandok mi
umbahen naporsea hami.
*Ai nunga
hubege jala hutanda hami sandiri, Ibana do tutu Sipalua portibi on.
8. B. Manurung/St. R. Br. Siallagan
*Dungi ninna si Petrus dohot angka apostel i ma mangalusi: Ingkon oloan do iba di Debata asa di jolma.
*Tu siamunNa do hamuna dipabangkit
Debata. Ibana gabe partogi jala Sipalua, laho mangalehon
tu hita
hamubaon ni roha dohot hasesaon ni angka
dosa.
9. St. M. Sianturi/
*Mandok
mauliate ma hita di Ama i, naung patauhon hita manjalo tohap di bagasan hatiuron, siteanon ni angka na badia.
*Ai nungga
diroro hita sian gomgoman haholomon, jala dipaunsat hita tu bagasan
harajaon ni Anak haholongan ni rohaNa.
10. St. B. Br. Sinaga/
*Di bagasan ibana
do adong di hita haluaon i, i ma hasesaan ni angka dosanta. Ibana do suman ni Debata na so tarida i.
*Na parjolo tubu
sian nasa natinompa dohot andorang so haoojak ni
tano on.
11. J. Pasaribu/St. M. Br. Sihombing
*Ai
marhite sian Ibana do ditompa saluhutna na di banua
ginjang dohot na di banua tonga
on, na tarida dohot na so tarida.
*Angka
habangsa, angka harajaon, angka gomgoman, angka parhuasoon, saluhutna do ditompa
marhite Ibana, jala marhapatean tu Ibana.
12. St. J. Aruan/R. Br. Manurung
*Jala di jolo ni
saluhutna do Ibana, jala saluhut do hot di bagasan Ibana. Ibana do ulu ni
pamatang i. Ima
huria.
*Ibana do parmulaan, naung parjolo tubu sian
angka na mate,
asa Ibana
parjolo sian saluhutna. Dipatupa Debata, naeng maringanan di bagasan Ibana sandok hagogokna.
13. St. B. Sidabutar/K. Br. Sinaga
*Nang sian
Jesus Kristus, sitindangi haporseaon i, na parjolo tubu sian angka na
mate sigomgom angka raja ni tano on.
*Ibana do
manghaholongi hita jala dipalua hita sian angka dosanta marhite-hite mudarNa na badia i.
15. Marende No. 605: 3
3. Bura binaen ni dosa i, marujung ma di si
Ai nunga ro Mesias i, mamboan dame i.
Mamboan dame i, mamboan, mamboan dame i.
16. Jamita :
17. Marende No. 62: 1...
“Halalas Ni Roha Godang” (P. Pelean)
1. Halalas ni roha godang na hubaritahon on,
Nunga tubu Sipalua di hita jolma on
Hasangapon
di Debata, laos dame, dame, dame ma di jolma
Lomo ni roha ni Debata do hita jolma on.
2.
Ai saborngin on do binsar
bintang di na holom i,
Sumondangi
hagolapon na di rohanta i. Hasangapon di Debata… d.u
...organ...
3. Tuhan Jesus hadomuan na dinuru
Debata,
Na pasaehon sude dosa di dolok golgata. Hasangapon di Debata…d.u
18. Manghangoluhon Hata Ni
Debata
U: Nunga tubu di hita sada anak sipartahi
halongangan, ulubalang ni Debata, raja ni hadameon, ima Tuhanta Jesus Kristus.
H: Mauliate ma di Debata, na patauhon hita manghalashon ari hatutubu ni Sipalua i.
U: Na patauhon hita mangulahon sangkap hadameon di tongatonga ni parsaoranta
nang di bagasta be.
H: Mauliate ma di Debata na patariparhon hita tu hatiuron na gok panghirimon.
U: Antong rap martangiang ma hita di bagasan goar ni Tuhan Jesus Sipalua i.
19.
Tangiang Ale Amanami
U+H: Ale Amanami...
20.
Pasupasu
U: Pasupasu
U+H: (Mangendehon) Amen...
Amen... Amen.
Selamat Hari Natal, 25-26 Desember 2014
&
Tahun Baru, 01 Januari 2015.
Komentar
Posting Komentar