PARTORDING NI ACARA PARMINGGUON PESTA GOTILON HKBP LUMBAN JULU, RESSORT LUMBAN JULU

 

& Ev. Psalmen 145: 1 – 8.                            & Pilipi 1: 21 – 30. 

TOPIK:

TUNG SO TARDODO DO HATIMBULON NI JAHOWA.

 

H U R I A  K R I S T E N  B A T A K  P R O T E S T A N

Minggu, 24 September 2017.

 (P : Paragenda ;  R : Ruas ; S: Sude)

I.     P A N G A R A D E O N

1.      Parhalado prosesi sian bilut parhobasan mandapothon ingananna be.

II.   Pasahat Silua dohot Mangalelang

      1.  Marende Sian No.848: 1, 3; No.585: 1... Di son Adong/Somba Ma Jahowa.

                  1.   Di son adong huboan Tuhan, parbue ni ngolungku na so tardok nian.

Sadia ma argana Tuhan, molo sai ni rajuman sude denggan basaM?

Jalo ma Tuhan, sai las ma rohaM.

                   3.  Huingot do hataM da, Tuhan, ingkon sarihononhon anggim na metmetan;

Ampehon ma tanganMu sangkan, itak na otik i unang suda nian,

Jalo ma Tuhan, sai las ma rohaM.

                             = m u s i k =

                  No. 585: 1… Somba ma Jahowa

1.      Somba ma Jahowa Debatanta, Amen Haleluya

Sigomgom langit tano on ro di isina, Amen Haleluya

Beta hita lao, marsinggang tu joloNa, Amen Haleluya

Na songkal jala na badia do Jahowa, Amen Haleluya.

Endehon Amen haleluya, endehon Amen haleluya

Endehon Amen haleluya, endehon Amen haleluya.

2.      Puji ma Jahowa Debatanta, Amen Haleluya

Parasi roha na sumurung do Ibana, Amen Haleluya

Taendehon ma goar ni Debatanta, Amen Haleluya

Alani denggan ni basaNa na tu hita, Amen Haleluya. Endehon Amen ….

3.      Sangap di Jahowa Debatanta, Amen Haleluya

Na bonar jala marmulia do Jahowa, Amen Haleluya

Tapatimbul ma goar ni Debatanta, Amen Haleluya

Na tigor jala na sun gogo salelengna, Amen Haleluya. Endehon Amen….

2.  Martangiang (Manangiangkon Silua).

          3.  Acara Mangalelang.

III.      Parmingguon (Dung Mangkuling Giringgiring: Martangiang Na Hohom).

1.  Marende Sian BE. No. 11: 1 + 4        Aha Ma Endehononku

           1. Aha ma endehonongku, asa pujionku Ho,

       Ale Tuhan Debatangku, sai urupi au gogo.

       Ai ndang tarpajojor ahu, asi ni rohaM di ahu.

       Ala ni hupuji Ho, tung marribu hali do.

 4. Haholongon, habasaron, hata hangoluan i,

                Dohot angka haporsuhon, i do parhiteanMi,

                Manogihon au anakMu, masuk tu harajaonMu.

                Ala ni  hupuji Ho, tung marribu hali do.                                  (Ay. 4 jongjong).

2.  Votum – Intoritus – Tangiang:

 P:  Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen. Songon on do Hata ni Tuhan Jahowa: Ida ma, Ahu, apala Ahu sandiri usouso sogot di birubirungKu jala luluanKu nasida. Songon pangalului ni parmahan di punguanna ganup ari, uju di tongatonga ni birubiruna angka na mampar i ibana, suang songon i Ahu mangalului birubirungKu sogot. Haleluya.

S:    (Mangendehon):  Haleluya… Haleluya… Haleluya...

P:   Martangiang ma hita! Ale Tuhan Debata Amanami ! Nunga marpungu hami dison di ari na pinarbadiaanMi. Sai buhai ma pinggol dohot rohanami, asa marlas ni roha hami manangihon hataM na badia i jala ringgas hami manimbangi dohot umpeop HataM di bagasan rohanami, asa pos rohanami martangiang tu Ho. Urupi ma hami, asa huparhaseang hami angka ariari ni ngolunami na pondok i. Sai pamasuk ma hami tu hangoluan saleleng ni lelengna. Pujionnami ma Ho di si marhitehite Tuhan Jesus Kristus Tuhannami. Amen.    (Hundul).

3.   Koor    :

4.  Marende BE. 830: 1    Sai Pahohom Ma Rohangku

1.       Sai pahohom ma rohangku, O Tuhan joloMi,

Manangihon soaraMu patoguhon patoguhon rohangki.

Haholongan na badia gohi roha tondingki,

Naeng tangkas ma huantusi holongMi na balga i.

Ias tutu jala dame, hohom bulus do ro hami

Ajari au maniru i, lao pasolhothon au tu lambungMi.

Ditangihon Ho do au di na martangiang i,

hupangido ma tu Ho sai pahohom rohangki.

5.    Patik: Rom 12: 2

P:  Tatangihon ma patik ni Debata di minggunta sadari on, ima na tarsurat di Rom 12: 2, songon on ma didok di si: Jala nang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata.

R:  I ma na uli, na hinalashonna dohot na sun denggan.

P:   I do sahatna. Antong rap mangido gogo ma hita tua adopan ni Debata.

S:  Ale Tuhan Debata, sai pargogoi ma hami mangulahon na hombar tu patikMi. Amen.

6.     Koor  :

7.     Marende No. 681: 1 – 2       Ale amang Asi rohaM

1.     Ale Amang asi rohaM si au pardosa on,

Unduk do rohangkon nuaeng marsomba di joloM.

Unang jujur unang jujur angka dosangki.

Sai salpuhon sai saluphon sian rohaMi.

2.     Amang sai pargogoi ma au di hasiangan on,

TondiM pasaor tu tondingkon pamalum rohangkon.

Sai usehon, sai usehon TondiMi tu au,

Asa monang maralohon parungkilon au.                         (Ay. 2 Jongjong).

8.  Manopoti Dosa:

          P:  Tatopoti ma dosanta tu adopan ni Debata, martangiang ma hita. Ale Amanami jala Debatanami na di banua ginjang. Parasiroha na sumurung mida hami! Huparhatutu jala hutopoti hami do dosa dohot pangalaosionnami na godang i di joloM.

          S:  (Mangendehon) No. 683: 1              Di AdopanMu Jesus

              1. Di adopanMu Jesus lea tutu do diringkon,

Dibaen godang ni dosangkon di adopanMu Jesus.

         

          P: Tatap hami marhitehite asi ni rohaM, jala sesa ma dosanami saluhutna, ala ni panghophop ni Anak haholongan ni rohaM, Tuhan Jesus Kristus, Sipangolu hami. Amen.

    

          S: (Mangendehon) No. 683: 2               Di AdopanMu Jesus

               2. Di adopanMu Jesus marsomba au huhut tungki,

  Lao manopoti dosangki diadopanMu Jesus.

P:   Hata bagabaga ni Debata taringot tu hasesaan ni dosanta. Satongkin do hutadingkon ho, alai papungupunguonHu ma ho muse marhitehite angka asi ni roha godang! Tagan di parpiar ni murukHu hutabunihon bohingKu satongkin maradophon ho, alai marhitehite denggan basa salelenglelengna asianHu ho, ninna Jahowa Sipalua ho. Hasangapon ma di Debata na di ginjang!

 H:  Amen.                                                                                             (Hundul).

9.  Koor     :

10.  Marende BE. No. 273: 3 – 4             Jesus Tuhanku Rajai Ma Au   

3.  Nang pe mangonggop sibolis di au Jala magigi musungku di au

Ndada mabiar au pos rohangki Pangodinganku sai Jesus do i

Asal diida Immanuel i Ingkon sumurut sude musu i.

4.  Na marhaposan tu Jesus tahe Sai na martua ibana muse

Na marsigantung tu Jesus tutu Jala marroha na bonar burju

Sonang ibana di portbi on Sonang nang sogot di surgo tongon.

11.  Epistel :  Pilipi 1: 21 – 30

P:  Turpuk Epistel di minggunta sadari on, ima na nienet sian Pilipi 1: 21 – 30. Songon on ma didok di si: Ai Kristus do hangoluan di ahu, jala laba nang hamatean.

R:  Alai molo marparbue ulaonki hinorhon ni ngolu ni daging on, gabe ndang huboto, manang dia pillitonku.

P:  Duansa do manosak ahu: Malungun do ahu borhat, asa rap dohot Kristus; ai dumenggan si tutu do i.

R:  Alai rumingkot do mian di bagasan daging ala ni hamu.

P:  Jala mangkaposi i huboto ma: Mian do ahu jala tinggal rap dohot hamu sude, laho patimbul jala pahinsa haporseaonmuna.

R:   Asa lam sumurung pamujionmuna di Kristus Jesus marhite sian ahu, di na ro ahu muse tu hamu.

P:   Asal tu barita na uli ni Kristus ma pahombar hamu parsaoranmuna, asa huida di hamu, di na ro i ahu, manang hubege taringot tu hamu, tagan padaodao dope, paboa na hot hamu jongjong di bagasan hasadaon ni tondi jala rap marungkil, marsada ni roha mangkaporseai barita na uli.

R:  Tung unang ma olo hamu pambibiaran ni angka alo di agia aha pe; tanda ni hamagoanna ma i di nasida, alai di hamu tanda ni haluaon do, jala sian Debata do i.

P:  Ai pola diasinirohahon tu hamu, marsitaonon humongkop Kristus, ndada holan na mangkaporseai Ibana.

R:  Jala di hamu do nuaeng parungkilon, naung niidamuna di ahu na jolo, jala na binegemuna nuaeng taringot tu ahu.

P:   I do sahat ni turpuk i. Martua do angka na tumangihon hata ni Debata Jala Na umpeopsa.

S:   Amen.

12.  Koor   :

13.  Marende Sian BE. No. 22: 4 – 5      Nunga Ro Di Parguruan

4.   Pabotohon ma tu hami Holong ni rohaMi na pangolu hami

       Asa lam mardos ni roha hami on, sai tongtong mangalo na roa.

5.   Jesus ndang diparsineang rohaMi hata ni na ro martangiang

        I do pos ni rohanami mida Ho, na dung ro paluahon hami.             (Ay. 5 Jongjong).

14.   Manghatindanghon Haporseaon:

15.   Koor              :

16.    Tingting        :

17.    Tangiang Pangondianon

18.    Marende Sian BE. No. 754: 1... Gok Las Ni Roha Do Au (Pel. Ia/Ib).

1.  Gok las ni roha do au di ngolungkon, di ngolungkon, di ngolungkon

Gok las ni roha do au di ngolungkon, tongtong di rohangkon

Mauliate gok las ni roha, maringan holongMi Tuhan di au

Mauliate gok las ni roha, maringan holongMi Tuhan di au.

2.  Mardame jala sonang do ngolungkon, dirohangkon, di rohangkon Mardame jala sonang do ngolungkon, tongtong dirohangkon.

Mauliate ………

                                                          = m u s i k =

3.  Gok do holong ni Jesus di ngolungkon, di ngolungkon, di ngolungkon.

Gok  do holong ni Jesus di ngolungkon, tongtong di rohangkon.

Mauliate ………

4.  Ndang hona uhum be au di ngolungkon, dingolungkon, di ngolungkon. Ndang hona uhum be au di ngolungkon, tongtong di rohangkon.

Mauliate ………

19.  Jamita :   Psalmen 145: 1 – 8

20.   Marende Sian BE. No. 581: 1...  Sangap Di Jahowa        (Pel. II).

1.    Sangap di jahowa na sun timbul i, balga ni holongNa ndang tarasam i,

Di lehon AnakNa na sasada i, manobus hita jolma pardosa i.

Puji ma Debata ale manisia, las roham las roham somba ma Debata

Dapothon Jahowa na sun timbul i, marhite AnakNa Tuhan Jesus i.

                2.  Tung so hasuhatan  do basaNa i, marhite AnakNa ni lehonna i.

                  MudarNa durus do di hau silang i, rara pe dosanta ias dibaen i.

                  Puji ma Debata ………

                                                = m u s i k =

              3.  Balga situtu pambaenMi Debata, tung so hasuhatan holong ni rohaM.

Tu jolma pardosa asi do rohaM, di ungkap Ho dalan lao tu banuaM.

Puji ma Debata ………

21.   Tangiang Pelean + Tangiang Ale Amanami.

22.   Pasupasu.

IV.               ACARA MAKAN BERSAMA.

SELAMAT HARI MINGGU

Syalom…!!

T U H A N   M E M B E R K A T I.

Doc. Acara – Pdt. A. Tambun, STh – HKBP Lumban Julu.