PARTORDING NI ACARA PARMINGGUON
(Pesta Gotilon dohot Temu
Pisah Uluan Ni Huria).
HKBP Binangalom, Ressort Lumban Julu.
&
Ev.: Jesaya 5: 1 – 7. &
Ep.: Pilipi 3: 4b – 14.
TOPIK:
Parbuehon Ma Na Denggan.
H U R I A
K R I S T E N B A T A K P R O T E S T A N
Minggu, tanggal 08
Oktober 2017.
(P : Paragenda ; R : Ruas ; S: Sude)
I.
P A N G A R A D E O N
1. Parhalado prosesi sian bilut parhobasan mandapothon
ingananna be.
II.
PASAHAT SILUA DOHOT
MANGALELANG
1. Marende Sian No.848:1,3 Di Son Adong/691:
1... Hupasahat Ma Tu
Jesus
1. Di son adong huboan Tuhan, parbue ni
ngolungku na so tardok nian.
Sadia ma argana Tuhan, molo sai ni rajuman sude denggan basaM?
Jalo ma Tuhan, sai las ma rohaM.
3. Huingot do hataM da, Tuhan, ingkon
sarihononhon anggim na metmetan;
Ampehon ma tanganMu sangkan, itak na otik i unang suda nian,
Jalo ma Tuhan, sai las ma rohaM.
= m u s i k =
No. 691: 1… Hupasahat
Ma Tu Jesus
1.
Hupasahat ma tu Jesus saluhutna
ngolungki,
Roha nang pambaenanku saluhutna tingkingki
Hupasahat ma tu Jesus saluhutna diringki,
Hupasahat ma tu Jesus saluhutna ngolungki.
2. Pangkeonku
ma tanganku, mangula lomoNa I,
Langka nang simanjojakku mangihuthon Tuhanki.
Hupasahat ma …
=
m u s i k =
3. Nang pamereng ni matangku, mandompakkon Jesus,
Soara ni pamanganku, mamuji goarNa i.
Hupasahat ma …
4. Dang
huida Tuhan Jesus, hutundalhon dosangki,
Lohot rohangki tu Jesus, Sipalua tondingki.
Hupasahat ma …
2. Martangiang
(Manangiangkon Silua).
3. Acara
Mangalelang.
III. PARMINGGUON (Dung Mangkuling Giringgiring: Martangiang Na Hohom).
1. Marende BE. No. 6: 1
+ 4 Puji Jahowa Na Sangap BL. 56
1. Puji Jahowa na sangap huhut marmulia,
Hamu sude na parroha na ringgas na ria;
Marpungu
be, marolopolop sude, hamu sude manisia.
4. Puji Jahowa situmpak sude ulaonmu;
Ai
ditumpakhon tu ho tongtong hangoluanmu,
Ingot
ma i denggan basaNa do i, tomutomuna sambing do. (Ay. 4 jongjong).
2. Votum – Intoritus – Tangiang:
P: Marhitehite
goar ni Debata Ama dohot goar ni AnakNa Tuhan Jesus Kristus dohot goar ni Tondi
Parbadia na tumompa langit dohot tano on. Amen. Parangehon hamu ma na tama di Tuhan i, marguru tu sandok lomo ni
rohaNa, marparbuehon parbue marhitehite saluhut ulaon na denggan. Oloi hamu ma
Jahowa marhitehite las ni roha, ro be ma hamu tu joloNa marhitehite olopolop. Haleluya.
S: (Mangendehon):
Haleluya…
Haleluya… Haleluya...
P: Martangiang ma hita! Ale Tuhan Debata, Amanami na di banua
ginjang! Sai lehon ma tu hami roha na togu, na badia, pingkiran na denggan
dohot roha na ringgas pasauthon ulaon na denggan. Sai lehon dame tu hami asa
sonang hami mangolu di bagasan pangondingiM, Sai marsigantung tu HataM ma hami
maradophon saluhut musunami. Sai ramoti jala pargogoi ma hami marhitehite Tuhan
Jesus Kristus Tuhannami. Amen. (Hundul).
3. Koor :
4. Marende BE. 127: 6 Lam Gogo BL. 121
6. Pangke ma, pangke ma, pangke ma gogom sude,
Patandahon haholongon, ni roham di Jesus i
Na mangoli ho, o Sion mangoloi sude patikNa I,
pangke ma gogomi.
5. Patik: Konfessie HKBP Bindu 12:
“Ulaon dohot Haporseaon”.
P: Tatangihon ma patik ni Debata di minggunta sadari on, i ma sian
Konfessie HKBP Bindu 12, taringot tu “Ulaon dohot Haporseaon”. Tahaporseai jala tahatindanghon do: Sian mulana andorang so madabu jolma i tu
dosa, dipabangkit Debata jolma i gabe pangula dohot pangaramoti. Ulaon ni jolma
marojahan di Debata na sai tongtong mangula. Marhite i, mabaor pasupasu ni
Debata tu jolma dohot tu nasa na tinompa i, marparbue do tu diri ni jolma dohot
tu na humaliangsa.
R: Haporseaon di Jesus Kristus
ingkon marparbuehon ulaon na denggan.
P: Na lilu do halak molo dihirim dapotan
hatigoran, hangoluan, hasonangan dohot pasupasu ibana, ala ni na mangula ulaon
na denggan.
R: Marhite
poda on taondolhon do asa ringgas jala “terampil” jolma i mangula, jala na
niomona gabe pelean hamauliateon tu Debata dohot sumarihon na hurangan.
P: Marhite poda on tatulak do angka ulaon na
so hinalomohon ni Debata. Jala asa satia, haposan dohot martanggungjawab
mangulahon patik dohot hata ni Debata, di tingki na une, dohot na so une,
lumobi di tingki pangunjunan isara ni korupsi, parjujion, panangkoon,
penyalahgunaan wewenang, parpangomoan na matorbanghu, panggadis na mamurahu
laho mangarugihon halak na asing. I do sahatna. Antong rap mangido
gogo ma hita tu adopan ni Debata.
S: Ale Tuhan Debata, sai pargogoi
ma hami mangulahon na hombar tu patikMi. Amen.
6. Koor :
7. Marende No. 182: 1 – 2 Haholongan Na Badia BL. 24
1. Tu joloM o Debatangku, sai
use do rohangkon
Sai
pasiat tangiangku, dohot iluilungkon
2. Husolsoli
do rohangku, na
gok dosa i tongtong
Ai
godang ariaringku , na hubahen ambolong (Ay. 2 Jongjong).
8. Manopoti Dosa:
P: Tatopoti ma dosanta tu adopan ni Debata, martangiang ma hita. Ale Tuhan Debata, Ama ni Tuhannami Jesus
Kristus, Ho do Debata pargogo na so hatudosan, sitompa nasa na adong, paruhum
na tigor, na manguhumi jolma manisia! Na ro do hami tu joloM manopoti dosanami,
angka na huula hami marhite sian pangalaosionnami di PatikMu, i ma marhite sian
tubutubu ni rohanami na roa i, nang sian pangkataionnami na so ture, ro di pangoloionnami
di hisaphisap ni rohanami.
R: Na tama situtu do hona uhum hami ala ni
dosanami i, alai na tarsolsolbagi do hami nuaeng ala ni i. Asi ma rohaM di
hami, ale Debatanami. Pardengganbasa jala Parasi roha do Ho ala ni Anak
haholongan ni rohaM, Tuhan Jesus Kristus Tuhannami.
S: (Mangendehon) No. 683: 1 Di AdopanMu
Jesus
1. Di adopanMu Jesus lea tutu do
diringkon,
Dibaen godang ni
dosangkon di adopanMu Jesus.
P: Sai sesa ma dosanami saluhutna, jala suru ma
Tondi Parbadia tu rohanami be, asa tarbahen hami mangoloi Ho di bagasan
hatigoran dohot habadiaon, gabe sahat hami tu hangoluan na so ra suda, na
pinarbagabagaM di angka na porsea di AnakMu, Tuhan Jesus Kristus, Tuhannami.
Amen.
S: (Mangendehon) No. 683: 2 Di AdopanMu Jesus
2. Di adopanMu Jesus marsomba au
huhut tungki,
Lao manopoti dosangki diadopanMu Jesus.
P: Hata bagabaga ni Debata
taringot tu hasesaan ni dosanta. Songon
on do Hata ni Jahowa: Unang ho mabiar, ai Ahu do Siluluhon ho; nunga pola hujou
goarmu, Ahu nampuna ho. Hasangapon ma di Debata na di ginjang!
S: Amen. (Hundul).
9. Koor :
10. Marende BE. No. 719: 1 – 2 Hubege SoaraM
O Jesus
1.
Hubege soaraM, O Jesus hubege soaraM O Jesus
Hubege soaraM O Jesus na manjouhon “ihuthon ma au”
Togu au Jesus Tuhanku iringiring ma langkangku
Patuduhon ma dalanMu asa unang unang lilu au.
2. Hupasahat
ma diringku, hupasahat ma diringku,
Hupasahat ma diringku mangihuthon Jesus Tuhanki.
Togu au …
11. Epistel : Pilipi 3: 4b – 14
P: Turpuk Epistel di minggunta sadari on, ima na
nienet sian Pilipi 3: 4b - 14. Songon on ma didok di si: Ai molo dirimpu deba,
adong sipangasahononna di pardagingon, nda lam ahu ma nian!
R: Tarsunat di ari paualuhon do ahu, na sian
bangso Israel marga Benjamin, halak Heber tubu ni halak Heber, halak Parise
mangihuthon patik i.
P:
Garang do rohangku mangelel huria i, so hasurahan di hatigoran na sian
patik.
R: Alai naung paruntungan hian di ahu, harugian
do i hujujur ala ni Kristus i.
P:
Saluhutna do tahe huetong harugian tumimbangkon hamuliaon ni panandaon di
Kristus Jesus, Tuhanki. Ala Ibana huseangkon saluhutna i, jala orbukorbuk do i
huetong, asa huomo Kristus.
R: Asa di
bagasan Ibana ahu didapot, unang ma marhatigoran sian patik, tung sian
haporseaon di Kristus do, i ma hatigoran na sian Debata, na marojahan di
haporseaon.
P: Asa hutanda Ibana dohot hagogoon ni
haheheonna i, ro di hasasaor tu angka haporsuhonna, di na gabe sapangalaho ahu
dohot Ibana di hamamatena i.
R:
Anggiat sahat ahu tu haheheon na sian angka na mate!
P: Apala naung sanga hutangkupi manang naung
gabe sun denggan; alai sai hueaki do, anggiat tartangkup ahu i, songon naung
tinangkup ni Kristus Jesus i ahu.
R: Ale
angka dongan, ndang hurajumi diringku, naung sun hutangkup i.
P: On do tahe: Huhalupahon na dipudingku, hueaki
angka na di jolo. Dompak pandang i do hupuspus, dompak upa hamonangan na sian
panjouon ni Debata sian ginjang, di bagasan Kristus Jesus i. I do sahatna. Martua do angka na tumangihon
hata ni Debata Jala Na umpeopsa.
S: Amen.
12. Koor :
13. Marende Sian BE. No. 656: 2 - 3 Parhahamaranggion
2. Togu ma hasadaon i, di
ojahanna i,
Sada haporseaon i, di Tuhan Jesus i.
Ai sada pandidion i, ai sada Ama i,
Sada ma hita Kristen i, manomba Tuhan i.
3. Ai disagihon do ganup asiasiNa i,
Asa ringgas huhut burju, di ulaonna i,
Sai lam serep ma rohamu, hombar tu Hata i,
Parholong roha ma hamu, maniru Tuhan i.
(Ay. 3 Jongjong).
14. Manghatindanghon Haporseaon:
15. Tingting :
16. Tangiang Pangondianon
17.
Marende Sian BE. No. 248: 1… Saleleng Ho Di Tano On BL. 18 (Papungu Pelean Ia/Ib).
1. Saleleng ho di tano on Patigor ma roham
Paingotingot ma tongtong Nidok ni Debatam
2. Sai songon hau na
denggan ho Ramos parbue ni
Bulungna pe na uli do Antong sai tiru i.
= m u s i k =
3. Godang do hinauli ni Aek
mata i tongtong
Pasuman ma dirim tusi Sai baen roham sintong
4. Bolongkon sian rohami
Luhut na so ture
Alai na sian Tuhan i Ramoti ma sude.
= m u s i k =
5. Sai tiru Tuhan Jesus i
Naung ro humophop ho
Pambaenna nang hataNa i Hangoluanmu do.
6. Ibana do padomu ho Tu
Tuhan Debata
MudarNa diusehon do Di
dolok Golgata.
18. Jamita : Jesaya 5: 1 – 7
19. Marende Sian BE. No. 720: 1... Naeng Marsinondang Ngolungku.
(Papungu Pelean II)
1.
Naeng marsinondang ngolungku di
igil Jesus i,
Manang di dia pe ahu tongtong huingot i.
Tiur marsinondang i do ni igil ni Jesus
Tongtong marsinondang, panondang do au tutu.
2. Ingkon hobas mangurupi, angka na gale i,
Jala burju manghobasi songon Tuhanta i.
Tiur marsinondang …
= m u s i k =
3. Tuhan
urupi ma ahu, sai jaga rohangki,
Asa marsinondang ahu, Ho naeng tiruonki.
Tiur marsinondang …
4. Naeng
oloanku Tuhanku, saleleng ngolungki,
Sogot di surgo, endengku pasangap Tuhan i.
Tiur marsinondang …
20.
Acara Paborhathon dohot Patandahon.
1.
Marende Sian BE. No. 121: 1 Jesus Raja Ni Huria BL.
97
1. Jesus, Raja ni huria. na porsea, na badia pasupasu ma au on
Sai
sungguli ma rohangku, mangihuthon Ho, Rajangku
Pargogoi
ma au tongtong, pargogoi ma au tongtong.
2.
Manjaha SP (Surat Penugasan) Ni Na Pinda dohot Na Ro.
(Jongjong ma di jolo Na Pinda dohot Na Ro).
3.
Mandok Hata:
1. Na Pinda: Cl.Bvr. Folori Riska
Lumbangaol, S.Mis (Jumolo keluarga)
2.
Na Ro : Cl.Bvr. Febri Yanti Pasaribu
(Jumolo keluarga)
3.
Mewakili Ruas/Parhalado HKBP Binangalom.
Pasahat Ulos dohot Cendramata tu na pinda +
Sosial Sian Ressort.
4.
Mewakili Ruas + Parhalado HKBP Pulau Mandi, Rest. PTPN III
Buntu Pane, Distrik XIII Asahan Labuhan Batu.
4.
Marende No. 121: 2 Jesus Raja Ni
Huria BL.
97
2. Lehon Tondi Parbadia saor tu roha ni huria
Di sandok portibi on
asa tong sada rohaNa
Nang marserak pe ruasNa
:;: Pasangaphon Ho tongtong:;: (Jongjong).
21. Tangiang
Pelean + Tangiang Ale Amanami
22. Pasupasu +
Amen… Amen… Amen…
IV.
MARSIPANGANON.
SELAMAT HARI MINGGU.
Komentar
Posting Komentar