PARTORDING NI ACARA PARMINGGUON (PESTA GOTILON & TEMU PISAH ULUAN NI HURIA) HKBP HATINGGIAN, RESSORT LUMBAN JULU. |
&
Ev.: Mateus 21: 23 – 32. &
Ep.: Psalmen 25: 1 – 9.
TOPIK:
Mananda Dohot Mangulahon Lomo
Ni Roha Ni Debata.
H U R I A K R I S T E N
B A T A K P R O T E S T A N
Minggu, tanggal 01
Oktober 2017.
(P : Paragenda ; R : Ruas ; S: Sude)
I.
P A N G A R A D E O N
1. Parhalado prosesi sian bilut parhobasan mandapothon
ingananna be.
II.
PASAHAT SILUA DOHOT
MANGALELANG
1. Marende Sian No.848: 1, 3; No.585: 1... Di son Adong/Somba Ma Jahowa.
1. Di son adong huboan Tuhan, parbue ni
ngolungku na so tardok nian.
Sadia ma argana Tuhan, molo sai ni rajuman sude denggan basaM?
Jalo ma Tuhan, sai las ma rohaM.
3. Huingot do hataM da, Tuhan, ingkon sarihononhon
anggim na metmetan;
Ampehon ma tanganMu sangkan, itak na otik i unang suda nian,
Jalo ma Tuhan, sai las ma rohaM.
= m u s i k =
No. 585: 1… Somba ma Jahowa
1. Somba ma Jahowa Debatanta, Amen Haleluya
Sigomgom langit tano on ro di isina, Amen Haleluya
Beta hita lao, marsinggang tu joloNa, Amen Haleluya
Na songkal jala na badia do Jahowa, Amen Haleluya.
Endehon Amen haleluya, endehon Amen haleluya
Endehon Amen haleluya, endehon Amen haleluya.
2. Puji ma Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehon ma goar ni Debatanta, Amen Haleluya
Alani denggan ni basaNa na tu hita, Amen Haleluya. Endehon Amen ….
3. Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya. Endehon Amen….
2. Martangiang (Manangiangkon Silua).
3.
Acara Mangalelang.
III. PARMINGGUON (Dung Mangkuling Giringgiring: Martangiang Na Hohom).
1.
Marende BE. No. 569: 1, 2 O Debata
Tung Longang Do Rohangku
1. O Debata tung longang do rohangku, molo hubereng na tinompaMi,
Saluhut bintang, hilap dohot ronggur, manghatindanghon
hasangaponMi,
Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.
2. Di ladang di adaran dohot tombak, marende pidong tung mansai
sonang
Punsu ni dolok, sunge dohot rura, mamaritahon
sangapMi Tuhan.
Marende au … (Ay.
2 jongjong).
2. Votum – Intoritus – Tangiang:
P: Marhitehite
goar ni Debata Ama dohot goar ni AnakNa Tuhan Jesus Kristus dohot goar ni Tondi
Parbadia na tumompa langit dohot tano on. Amen. Nunga dipabotohon Ibana tu ho, ale jolma, manang aha na denggan jala
manang aha na niluluan ni Jahowa sian ho, i ma na mangulahon uhum sambing dohot
holong ni roha di habasaon, jala marpangalaho haserepon maradophon Debatam. Haleluya.
S: (Mangendehon):
Haleluya…
Haleluya… Haleluya...
P: Martangiang ma hita! Ale Tuhan Debata ! Asi ma rohaM di hami, ai
ndang tarbahen hami mambahen manang aha, molo so Ho dongannami. Dibahen i sai
lehon ma di hami roha banua ginjang, asa tau hami manimbangi dohot. mangulahon
lomo ni rohaM. Sai dongani ma hami, asa mian hami di bagasan Ho dohot di
bagasan HataM, marhitehite AnakMu, Tuhan Jesus Kristus, Tuhannami. Amen. (Hundul).
3. Koor :
4. Marende BE. 128: 4 Ditanda Debatanta BL. 162
4. Ditanda do nasida dibaen holong sude
Rohana di Ibana nang
di donganna pe
Ai i do na mandasdas
nasida sai tongtong
Asa tung dipatolhas
patikna i sintong
Asa tung dipatolhas
patikna i sintong.
5. Patik: I – X
P: Tatangihon ma patik ni Debata
di minggunta sadari on, ima Patik Ni Debata Na Sampulu i. Patik Parjolo: Ahu
do Jahowa Debatam, ninna Debatanta. Ndang jadi marangkup Ahu bahenonmu Debatam.
R: Patik Paduahon: Ndang jadi ganaonmu jala ndang jadi
sumanonmu manang aha na di banua ginjang dohot na di banua tonga on, ro di na
di bagasan aek na di toru ni tano, ianggo tung gabe sisombaon manang sioloan.
P: Patik Patoluhon: Ndang jadi dohonon goar
ni Debata, ianggo so ture dalanna, ai hona uhumNa do sogot angka na marsineang
di GoarNa.
R: Patik
Paopathon: Ingot hamu ma pabadiahon ari Minggu i! Di na onom ari ma ula hamu
nasa siulaonmu; alai anggo ari papituhon i, ari paradianan ni Jahowa Debatam do
i. Ndang jadi ho mangula anggo di na sadari i, manang anakmu pe manang borum
manang naposom lahilahi manang naposom boruboru, ro di pinahanmu, ro di isi ni
huta ni halak pe na mangebati hutam. Ai di na onom ari do ditompa Debata langit
dohot tano dohot laut dohot nasa isina, dung i maradian do Ibana di ari
papituhon i. Dibahen i do umbahen na dipasupasu Debata Jahowa ari paradiananNa
i jala diparbadiai.
P: Patik Palimahon: Ingkon pasangaponmu do
natorasmu, asa martua ho jala leleng mangolu di tano na nilehon ni Jahowa
Debatam di ho.
R: Patik
Paonomhon: Unang ho mamunu!
P:
Patik Papituhon: Unang ho mangalangkup!
R: Patik
Paualuhon: Unang ho manangko!
P: Patik Pasiahon: Unang ho olo
manghatindangkon hata na so tutu maralohon dongan jolma.
R: Patik
Pasampuluhon: Ndang jadi haliangan ni roham bagas ni donganmu, ndang jadi
haliangan ni roham dongan saripe ni donganmu, manang naposona baoa manang
naposona boruboru manang lombuna manang hodana, manang dia pe ugasan ni
donganmu.
P: I do sahatna. Antong rap
mangido gogo ma hita tu adopan ni Debata.
S: Ale Tuhan Debata, sai pargogoi
ma hami mangulahon na hombar tu patikMi. Amen.
6. Koor :
7. Marende No. 171: 1 – 2 Tandai Ma Au BL. 49
1. Tandai ma au,
sungkapi ma dohot rohangku.
Uji
ma au, pamanat huhut ma dalanku. Olo
ditanda Ho au Debata.
2. Asi ma rohaM, taringot tu pangalahongku.
Olo
tutu, jotjot do na lilu dalanku. Sesa dosangku, sude Debata. (Ay. 2 Jongjong).
8. Manopoti Dosa:
P: Tatopoti ma dosanta tu adopan ni Debata, martangiang ma hita. Ale Debatanami, na marasiroha jala na badia,
Amanami, marhitehite Tuhan Jesus Kristus!
R: Manang piga hali hami ro tu joloM, huhilala
hami, ringkot do asi ni rohaM di saluhut hami halak pardosa. Ala ni i do
umbahen na hupaserep hami dirinami sadari on di joloM, jala huparhatopot hami,
tung na jotjot do hami manimbil sian angka dalanMu na badia songon birubiru na
lilu.
S: (Mangendehon)
No. 683: 1 Di
AdopanMu Jesus
1. Di adopanMu Jesus lea tutu do diringkon,
Dibaen godang ni dosangkon di adopanMu Jesus.
P: Sai unang
pabali hami sian joloM ala ni dosanami i, ai ndang dihalomohon rohaM hamatean
ni angka pardosa, alai hamubaon ni rohana do lomo ni rohaM, asa mangolu.
R: Sesa
ma saluhut hageduhonnami dohot pangalaosionnami marhitehite pangulunami na
sasada i, AnakMu Tuhan Jesus Kristus.
P: Sai pahot ma asi ni rohaM di hami
marhitehite panindangion dohot hagogoon ni Tondi Parbadia asa tarapul situtu
rohanami manjou Ho, asa pantun, tigor jala daulat hami marpangalaho, bahen
hasangapon di GoarMu na badia i. Amen.
S: (Mangendehon) No. 683: 2 Di AdopanMu Jesus
2. Di adopanMu Jesus marsomba au huhut
tungki,
Lao manopoti dosangki
diadopanMu Jesus.
P: Hata bagabaga ni Debata taringot tu hasesaan
ni dosanta. Parasi roha jala
pardengganbasa do Jahowa, lambat tarrimas jala Parasiroha godang. Ndang dibahen
tu hita hombar tu angka dosanta, jala ndang dibaloshon tu hita hombar tu angka
hajahatonta. Songon asi ni roha ni amaama mida angka anakna, asi ni roha ni Jahowa
di angka na manghabiari Ibana. Hasangapon ma di Debata na di ginjang!
H:
Amen. (Hundul).
9. Koor :
10. Marende BE. No. 187: 3 - 4 Denggan Do Panogum BL. 200
3. Dialo
Ho sude na jungkat roha Na timbo i
dipatutoru Ho
Alai
sude na serep i marroha I do na sai diasiasi Ho
Parhata na gogo di tano on Di hagigihon rohami
sude
Na
dangol i ditatap Ho hape Naeng urupanMu
angka i tongtong
4. O
Tuhan sai pinuji ma goarMu Ai dipangolu
Ho do hami on
Tandaonnami
ma pambahenanMu Dung dipatiur Ho do mata on
O
Debata lomo do rohaMi Manogu hami di na rodop on
Holong do rohaMi di hami on Naeng sahat tu lambungMu
baenonMi.
11. Epistel : Psalmen 25: 1 – 9
P: Turpuk Epistel di minggunta sadari on, ima na
nienet sian Psalmen 25: 1 - 9. Songon on ma didok di si: Ende Sian si David. Ho
do ale Jahowa, dihalungunhon rohangku.
R:
Ale Debatangku, marhaposan tu Ho
do ahu, unang tung paila ahu, asa unang marsuraksurak angka musungku mida ahu.
P:
Ndang tahe tagamon tarurak sude angka na manghaposi Ho, sai maila do
sogot angka pangose soada alana.
R: Ale Jahowa, sai pabotohon ma tu ahu angka dalanmu, jala ajarhon tu ahu
angka bogasmu.
P:
Sai togutogu ma ahu tu bagasan hasintonganmu, jala ajari ahu, ai Ho do
Debata ni hatuaonku, Ho do na huhaposi ganup ari.
R:
Sai ingot ma, ale Jahowa angka
denggan ni basam dohot asi ni roham, ai sian na robi do angka i.
P: Asal tu barita na uli ni Kristus ma pahombar
hamu parsaoranmuna, asa huida di hamu, di na ro i ahu, manang hubege taringot
tu hamu, tagan padaodao dope, paboa na hot hamu jongjong di bagasan hasadaon ni
tondi jala rap marungkil, marsada ni roha mangkaporseai barita na uli.
R: Sai unang paingoingot angka dosa ni
haposoonku dohot pangalaosingku, sai ingot ma ahu, ale Jahowa, hombar tu asi ni
roham, ala ni denggan ni basam.
P: Pardenggan basa jala na bonar do Jahowa, ala
ni dipodahon do dalan na tigor i tu angka pardosa.
R: Diparnonohon
do uhum tu angka na dangol jala diajarhon dalanna tu angka na tarjepol.
P: I do sahatna. Martua do angka na tumangihon
hata ni Debata Jala Na umpeopsa.
S: Amen.
12. Koor :
13. Marende Sian BE. No. 416: 1 – 2 Tu JoloM o Debatangku.
1.
Tu joloM o Debatangku! Sai use do rohangkon.
Sai pasiat tangiangku
dohot iluilungkon.
2.
Husolsoli do rohangku, na gok dosa i tongtong.
Ai godang ariaringku
na hubahen ambolong. (Ay. 2 Jongjong).
14. Manghatindanghon Haporseaon:
15. Tingting :
16. Tangiang Pangondianon
17. Marende Sian BE. No. 826: 1... Gohi Au Tuhan (Pel. Ia/Ib).
1. Gohi au Tuhan marhite HataMi , gohi au Tuhan marhite HataMi,
Songon hudon na rumar do au Tuhan di sumurMi,
Gohi au Tuhan marhite HataMi.
2. Gohi au Tuhan marhite HataMi, gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi.
=
m u s i k =
3. Gohi au Tuhan marhite HataMi, gohi au Tuhan marhite HataMi
Asa tang jala matoras au marhite HataMi
Gohi au Tuhan marhite
HataMi.
18. Jamita : Mateus 21: 23 – 32
19. Marende Sian BE. No. 725:
1... Ai sitiruon do Hulehon Tu Hamu
(Papungu Pelean II)
1. Tuhanta Jesus mandok tu siseanNa, ai sitiruon do Hulehon tu hamuna
Asa baen hamu songon na hubaen tu hamu,
Martua ma hamuna angka na mangulahonsa.
Asa pasupasu ho di ngolu ni huria, jala pasupasu ho ngolu ni
bangsonta.
2. Songon Tuhanta tabaen
parrohaonta,
Patoru diri lao manghophop hita jolma,
Ita patuduhon ma serep ni rohanta be
Dipanghobasionta di Huria nang bangsonta. Asa pasupasu …
=
m u s i k =
3. Tahangoluhon ma hata ni
Tuhanta,
Asa tau tiruan ma di angka
na porsea,
Dipanghataion nang diholong ni roha pe,
Tiruan diparange tu na humaliang hita. Asa pasupasu …
20. Acara
Manghatindanghon Haporseaon (Malua).
1. Marende Sian BE. No. 148: 1 – 2 Tuhan Debata BL. 59
1. Sian surgo i suru Tondimi,
ale Jesus Tuhannami
Ai naeng
pasahatonnami, tu Ho hami on na di joloMon.
2. Nasailaonna i hinangkungan ni, natorasna be
do hami
Olat na tardidi hami,
di huriaMi na badia i.
2. Agenda:
3. Marende Sian BE No. 149: 1 Ho
Tongtong Ihuthononku BL. 182
1. Ho tongtong ihuthononku
Jesus Sipangolu au
Tung na so tadingkononku Ho, na paluahon au
Sian sasude dosangku Dohot sian uhum i
Na tongtong
habiaranku Ala pardosaonki.
21.
Acara Paborhathon dohot Patandahon.
1.
Marende Sian BE. No. 121: 1 Jesus Raja Ni Huria BL.
97
1. Jesus, Raja ni huria.
na porsea, na badia pasupasu ma au on
Sai sungguli ma rohangku, mangihuthon Ho,
Rajangku
Pargogoi ma au tongtong, pargogoi ma au
tongtong.
2.
Manjaha SP (Surat Penugasan) Ni Na Pinda dohot Na Ro.
(Jongjong ma di jolo Na Pinda dohot Na Ro).
3.
Mandok Hata:
1. Na Pinda: Cl.Pdt. Mastaria F. Br.
Sibarani, STh (Jumolo keluarga)
2.
Na Ro : Cl.Pdt. Jogi Perkasa Purba,
STh (Jumolo keluarga)
3.
Mewakili Ruas/Parhalado HKBP Hatinggian
Pasahat Ulos dohot Cendramata.
4.
Mewakili Ruas + Parhalado HKBP Perjuangan, Ressort Dumai.
4.
Marende No. 121: 2 Jesus Raja Ni
Huria BL.
97
2. Lehon Tondi Parbadia saor tu roha ni huria
Di sandok portibi on
asa tong sada rohaNa
Nang marserak pe ruasNa
:;: Pasangaphon Ho tongtong:;: (Jongjong).
22. Tangiang
Pelean + Tangiang Ale Amanami + Pasupasu
IV.
MARSIPANGANON.
SELAMAT HARI MINGGU.
Doc.
Acara – Pdt. A. Tambun, STh – HKBP Lumban
Julu.
Komentar
Posting Komentar