ACARA PARTANGIANGAN PASSION PATOLUHON (III)
DI HKBP AJIBATA, RESSORT AJIBATA
(Dipasahat Di Partangiangan Lingkungan, 01/02 April 2015)
 


 PANGARADEON :               --- martangiang na hohom ---
 1.  MARENDE NO. 83: 1...               NA LAO DO BIRUBIRU I                BL. 124
Na lao do Birubiru i, mamorsan angka dosa
Ni nasa hajolmaon i, di benget ni rohana
Diporsan do sahitta i, di lehon do diriNa i
Tu tangan ni pamunu, ditaoni do na bernit i
Ro di na tos hosaNa i, didok: Naeng porsanonku.
 2.  AGENDA:
Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Porbadia na manompa langit dohot tano on. Amen. Martangiang ma hita: Ale Amanami na di banua ginjang, Parasi roha na sumurung di sude jolma. Ndang diolani Ho AnakMu na sasada i. Dilehon Ho do Ibana humophop hami, mamorsan dosanami sahat tu hau na pinarsilang i. Sai patogu ma rohanami, asa unang ganggu rohanami manghaporseai hasesaan ni dosanami, asa unang mandele hami ala ni dosanami i, alai asa pos situtu rohanami di asi ni rohaM na godang i, marhitehite Tuhan Jesus Kristus Tuhannami, Anak haholongan ni rohaMi. Amen.
 3.  MARENDE HURIA NO. 152: 1                          JESUS NA MAMORSAN      BL. 120
Jesus na mamorsan dosa ni portibi on pangolu hami.
Jesus na mamorsan dosa ni portibi on pangolu hami.
Jesus na mamorsan dosa ni portibi on sai pasonang hami, amen, amen, amen.

Asa ditogihon nasida ma Jesus sian jolo ni si Kayapas tu kantor. Alai sogot ma i manogot i. Ndang na bongot anggo nasida tu kantor asa unang tarsubang nasida laho manganhon Paska i. Gabe ruar ma si Latus mandapothon nasida, didok ma: Pangaluan dia do diboan hamu dompak Halak on? Dung i, ninna nasida ma mangalusi: Aut unang sibahen na jahat Halak on, ndang tagamon pasahataonnami Ibana tu ho.

Gabe ninna si Latus ma mandok nasida: Boan hamu ma Ibana, uhum hamu ma Ibana marguru tu adatmuna. Alai ninna angka Jahudi ma mandok ibana: Ndang jadi pusaonnami manang ise. Jadi dialuhon nasida ma Ibana, ninna ma: Na dapot hami do on pabalikbalikhon bangsonami jala mangorai mangalehon guguan tu kesar i, dipandok, Raja, Kristus do Ibana.
Jadi dibongoti si Latus muse kantorna, dijou ma Jesus, didok ma tu Ibana: Atehe, Ho do raja ni Jahudi? Ro ma alus ni Jesus: Na sian roham do na nidokmi, manang na nidok ni halak do i tu ho taringot tu Ahu? Gabe dialusi si Latus ma: Ai halak Jahudi do ahu? Bangsomi dohot angka sintua ni malim i do pasahathon Ho tu ahu. Aha do na binahenMu? Jadi dialusi Jesus ma: Ndang sian portibi on harajaonKu. Aut sian portibi on harajaonKu, ndang tarbahen so mangalo angka naposongKu asa unang sahat Ahu tu tangan ni angka Jahudi. Alai ndang sisongon i harajaonKi.

Dung i ninna si Latus ma mandok Ibana: Asa Raja do Ho? Jadi ninna Jesus ma mangalusi: Songon na nidokmi ma tutu, Raja do Ahu! Umbahen na tubu Ahu jala umbahen na ro Ahu tu portibi on, asa huhatindangkon hasintongan i. Ganup na sian hasintongan i, tangihonon ni i do soarangKu. Jadi ninna si Latus ma mandok Ibana: Aha ma i hasintongan i? Jadi dung didok songon i, ruar ma ibana muse manopot angka Jahudi mandok tu nasida: Ndang jumpang ahu manang dia salaNa.

 4.  MARENDE SIAN B. E. NO. 81: 1           AHA  MA  ENDEHONONKU
       Jesus mual ni ngolungku, Sipangolu tondingki
       Ai dibunu Ho musungku, ima hamatean i.
       Ho manaoni hamagoan, patupahon hangoluan
       Alani hupuji Ho, tung marribu hali do.

Alai lam digogohon nasida ma mandok: Digunturi Ibana do bangso i, ai mangajari do Ibana di sandok tano Judea mamungka sian Galilea sahat ro tuson. Alai umbege  i si Latus, manungkun ma ibana: manang halak Galilea Ibana. Jala dung diboto na sian gomgoman ni si Herodes Ibana, disuru ma Ibana tu jolo ni si Herodes, ai  tongon do Ibana di huta Jerusalem uju i.
    
Marnida Jesus si Herodes i,  las situtu do rohana; ai nunga  nania lelengna, sai naeng idaonna tanda sian Ibana sipatupaonNa. Jadi godang-godang ma di sungkunhon tu Ibana; alai ndang dialusi Jesus ibana. Di si do angka sintua ni malim ro di sibotosurat, jala gogogogo do Ibana dialuhon. Ia si Herodes rap dohot donganna, direherehei jala dilealeai do Ibana, disolukhon ma pahean na arga tu Ibana, laos songon i ma disuru Ibana mulak tu si Latus. Jadi di na sadari  i ma maraleale si Herodes dohot si Latus, ai na masihosoman do nasida anggo na sailaon.

 5.  MARENDE SIAN B.E. No. 76: 4   SADA NAMA SANGKAP        BL. 199
            Gok di Ho ma au ale Tuhanku Jala Ho ma jambarhi
            Dok ma amen rongkom ma goarMu, tu bagasan rohangki
            Lomo ni rohaM ma sungkunonku di sude na naeng  ulahononku
            Olo, i ma padanki, tu Ho Jesus Tuhanki.

Alai peam do dipalua panguhum i di Pesta i sada halak na tarhurung, marguru tu na tinodo ni natorop. Alai adong ma tarhurung uju i sada parjahat na sumalin na margoar si Barabbas. Jadi di na pungu i nasida, didok si Latus ma tu nasida: Ise do dipangido hamu paluonku, si Barabbas manang Jesus na targoar Kristus do? Ai diboto do, late ni rohanasida do umbahen na dipasahat nasida Ibana. Alai sai disosoi angka sintua ni malim rap dohot sintua ni bangso i do na torop i, asa dipangido nasida, malua si Barabbas, alai pusaon do anggo Jesus.

Dung i ninna panguhum i ma mandok nasida: Ise sian na dua i dipangido hamu paluaonku? Jadi didok nasida ma: si Barabbas! Dung i didok si Latus ma tu nasida: Antong, aha ma bahenongku tu Jesus na targoar Kristus? Gabe saluhut nasida mandok: Parsilanghon ma! Alai ninna panguhum i ma: Ai aha ma na jahat dibahen? Jadi lam gogo ma dipanjouhon: Parsilanghon ma!

 6.  MARENDE SIAN B. E. 77: 3               HAMU SALUHUT...            BL. 65
        Aha do manginona tu Ho silehon tua di hajolmaon i?
        So dung hea mardosa Ho doshon hami jolma, ndang dung dibaen Ho dosa i.

    Dung i ditogu si Latus ma Jesus, didokhon ma linsingan. Jadi didandani angka soldadu ma sungsang duri bahen tumpal, diampehon ma i tu uluNa; baju dapdap ma dialithon tu dagingNa. Dung i ro ma nasida tu jolona mandok: Tabi di Ho, ale Raja ni Jahudi! Laos dipastapi ma Ibana. Dung i ruar ma muse si Latus, didok ma tu angka Jahudi: Ida hamu ma, hutogihon do Ibana tu jolomuna asa diboto hamu na so adong jumpang ahu salaNa.

Laos  ruar ma Jesus manjujung sungsang duri jala marbaju dapdap. Jadi didok si Latus ma tu nasida: Ida hamu ma jolma i! Asa dung diida angka sintua ni malim dohot angka naposo Ibana, dijouhon nasida ma: Parsilangkon, parsilangkon ma Ibana! Dung i didok si Latus ma tu nasida: Boan hamu ma Ibana, parsilangkon hamu ma; ai ndang jumpang ahu salaNa. Gabe dialusi angka Jahudi ma ibana, ninna ma: Marguru tu patiknami ingkon marhutang hosa do Ibana, ai dibahen do diriNa Anak ni Debata. Umbege i si Latus, lam ganda ma biarna. Dung i diulahi muse ma tu kantorna, didok ma tu Jesus: Sian dia do Ho? Alai ndang dialusi Jesus ibana.

Dung i didok si Latus ma tu Ibana:  Ndang angkupanMu ahu manghatai? Ndang diboto Ho, marhuaso ahu paluahon Ho, jala marhuaso parsilangkon Ho? Jadi dialusi Jesus ma: Ndang adong huasom mangago Ahu, aut unang ni lehon i tu ho sian ginjang. Dibahen i gumodang do dosa ni na pasahathon Ahu tu ho. Jadi olat ni i ma dilului si Latus dalan paluahon Ibana. Alai manjujui ma angka Jahudi, ninna do: Molo dipalua ho on, ndang aleale ni kesar ho! Ai na mangalo kesar i do ganup na mambahen dirina gabe raja.
Asa dung dibege si Latus hata i, ditogihon ma Jesus haruar, laos hundul Ibana di habangsa paruhuman i, na di inganan na margoar: Pantar batu, alai anggo di hata Heber: Gabbata. I ma na masa di ari parhobasan Paska, mareak hos ni ari. Dung i didok ma tu angka Jahudi: Ida hamu ma rajamuna! Alai digogo nasida ma manjouhon: Padao, Padao ma i; parsilangkon ma Ibana! Dung i didok si Latus ma nasida: Parsilangkononku ma Rajamuna? Jadi dialusi angka sintua ni malim ma: Ndang adong rajanami dungkon ni Kesar i!

Asa dung diida si Latus, na so marguna hatana, lam ganda tahe gaorna, dibuat ma aek mamuri tanganna di jolo ni natorop huhut mandok: Lias do ahu sian mudar ni on ! Hamu do na sari di si! Dung i ninna sude natorop i ma! Marsapata tu hami dohot tu ianakhonnami ma mudarNa i! Saut ma dipalua si Barabbas. Alai anggo Jesus dilinsingi, dung i dipasahat ma, asa diparsilangkon.

 7.  TANGIANG PANGONDIANON:

 8.  MARENDE SIAN B. E NO. 88: 4                    DI SURGO DO...      BL. 106
     Bagas uhirhon tu rohangku, pangkophopMi humophop au
       Tu si ma togu pingkiranku, guru di Ho sambing ma ahu
        Hupuji nasa asiMi, alai gumodang holongMi

 9.  JAMITA:

10.  MARENDE B.E. NO. 81: 1 + 4      AHA MA ENDEHONONKU     BL. 185
       Jesus mual ni ngolungku, Sipangolu tondingki
        Ai dibunu Ho musungku, ima hamatean i.
        Ho manaoni hamagoan, patupahon hangoluan
        Alani hupuji Ho, tung marribu hali do.

Sungsang duri ditumpalhon panginsahi i tu Ho
Jala tolong dilibashon tu uluM, pasiak Ho.
I ditaonhon Ho, Tuhanku ala ni hajungkatonku.
Ala ni hupuji Ho Tung marribu hali do.

11.  TANGIANG PELEAN


12.  TANGIANG ALE AMANAMI – PASUPASU.

Komentar

Posting Komentar

Postingan populer dari blog ini

Gambar
PARTORDING NI ACARA PARTUAON NI INANTA M. Br. Tampubolon (Op. Pondang Boru). Ari Jumat, tanggal 05 Pebruari 2010 Di HKBP Silaen, Ressort Silaen. TERTIB ACARA TU NA MONDING, DI GAREJA & PARBANDAAN  M. Br. Tampubolon (Op. Pondang Boru) 01. Marende No. 353: 1 - 2      (Di surgo hasonangan i)                            BL. 37     * Di surgo hasonangan i, inganan na dumenggan i.        Tu si naeng laho muli au, asa rap dohot Jesus au.     * Tutu godang dope adong, marningot au di tano on.         Sai tostosanku nama i, lao mandapothon surgo i. 02. Tangiang Pamuhai.       Pujipujian disombahon rohanami di botari on tu adopan-Mu na badia i, ale Jahowa Debata Amanami. Siala denggan ni basaM na sai tongtong sumarihon ngolunami di pardagingon nang partondionnami pe. Tangkas do i  Tuhan hupanghilalahon hami. Diboto Ho do Tuhan ualaonnami nuaeng, nunga jumolo marujung ngolu ni inanami M. Br. Tampubo
Baca selengkapnya
Gambar
TERTIB ACARA  NATAL  KELUARGA  POMPARAN  NI   TANDANG   BISARA   SIRAIT Thema         :  Nunga Hujalo Haluaon Na Sian Tuhan i (Lukas 2: 30) Sub Thema   :  INGANAN                        :           AJIBATA MINGGU ,  TANGGAL  14   DESEMBER  20 14 Pukul  17.00 WIB  s/d  Selesai. TERTIB ACARA  NATAL  KELUARGA POMPARAN NI TANDANG BISARA SIRAIT I.           Acara Kebaktian . 1.  Pangaradeon diri      M artangiang di bagasan rohan ta be . 2.  Marende B.E. No. 48: 2 + 7            RIA MA HITA SASUDE                       BL. 16 (Di tingki marende pagalak lilin)       2.  Diungkap Debatanta i , banuaginjang i            Disuru do AnakNa i , hangoluanta i, hangoluanta i . 7.   Ringgas ma hita sasude , m amuji Debata      Gogo ma taendehon be , a men h aleluya, a men h aleluya .         Na pagalak Lilin:      1.       Parjamita               
Baca selengkapnya
Gambar
ACARA PARTANGIANGAN ULANG TAHUN TUAN NANSER SIRAIT (OP. PAULUS DOLI) KE- 59. SENIN, 05 MEI 2015, PKL. 17.00 WIB. INGANAN:  KAFE NABORSAHAN – AJIBATA TOBA SAMOSIR I. KEBAKTIAN 01. Marende Sian BE No. 15: 4             Aut Na Saribu Hali Ganda    BL.   103          4. Mauliate ma rohangku di ho o Debata tongtong .  D ibaen sude denggan basaMu, naung nilehonMu di au on .     Ai dipatongon Ho tongtong sude na ringkot di au on . 02. Votum – Introitus – Tangiang  (U= Uluan, K= Keluarga, H= Huria)        U: Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on.       H:   Amen.       U:   Ale Tuhan, sai Ho do haporusannami marsundutsundut.       H: Tagan so tubu dope angka dolok jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna.          U: Ai lam m
Baca selengkapnya