PARTORDING NI PARMINGGUON

PARNINGOTAN ARI HAHEHEON NI TUHAN JESUS

(PASKAH I)

THEMA:   MONANG JALA HEHE MARALOHON HAMATEAN

(Markus 16: 1 – 8)

-------------------------------------------------------------------------------------------------------

MINGGU, TANGGAL 05 APRIL 2015.

DI HKBP RESSORT AJIBATA – DISTRIK IV TOBA

 (P=Paragenda; H:Huria; Phl:Parhalado; A: Ama; I: Ina; N: Naposo)

1.  JOUJOU PARSAORAN DOHOT DEBATA

P:    Hamu dongan sahaporseaon, marlas ni roha do hita sadari on, ala balga ni asi ni roha ni Debata di hita, ai dilehon do AnakNa na sasada i gabe pelean pardengganan pasaehon dosanta. Nunga tulus sangkap ni Debata. Nunga monang Jesus i, ala ni i las ma rohanta. Selamat Paska ma di hita saluhutna.

        H:   Selamat Paskah ma tutu

       P:    Tahamauliatehon ma pambahenan ni Debata di tong atonganta, ima haheheonNa sian angka na mate, ai marhite i gabe parsidohot hita di haluaon na pinatupaNa i. Antong tapuji ma lbana!                     

2.  MARENDE BE NO. 90: 1 - 3     SAI MARLAS NI ROHA HITA       BL. 175

Sai tapuji Debatanta, ale hajolmaon i

       Ai naung hehe do Tuhanta, sian hamatean i

       Dipasidung Jesus i, ulaonNa sasude

       Patupahon haluaon, di saluhut hajolmaon.

        Anggo utang ni dosangku, digarari Jesus i

        I do haporseaonku, di na tinaonNa i

        Nunga tulus patik i, nunga mintop rimas i

        Di na hehe i Ibana, ro di au hangoluanNa

- o r g a n/ay. 3 jongjong -

     Ia ho banuatoru, nunga harhar talimi

        Ai dung hehe na gumogo, loha do hurunganmi

        Surgo i tarungkap do, dung ditaban Jesus ho

        Gabe tu hangoluanna, diarahon do donganna.

3.  VOTUM – INTROITUS - TANGIANG

       P: Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.

       H: Amen.

       P: Unang ho mabiar, Ahu do bonana dohot ujungna. Na mangolu, jala naung mate do Ahu najolo, jala idama, Ahu do na mangolu  ro di saleleng ni lelengna, jala di Ahu do anakhinsu ni banua toru dohot  hamatean. Haleluya.

       S: (Mangendehon): Haleluya, Haleluya, Haleluya.

19.  JAMITA : MARKUS 16: 1 – 8

20.  MARENDE BE. 633: 1...          NUNGA HEHE KRISTUS I

(Pelean tu Kategorial Parompuan HKBP)

  Nunga hehe Kristus i, haleluya,

  Sian hamatean i, haleluya

   Parlangitan jouhon ma, haleluya

   Tano on alusi ma, haleluya.

                  Singkop panghophopNa i, haleluya,

                  Gok hamonanganNa i, haleluya

      Sondang haluaon i, haleluya.

      Patiur dalanta i, haleluya.

-  o r g a n  -

            Tartaban naroko i, haleluya

             Di baen Tuhan Jesus i, haleluya

             Nunga mungkap surgo i, haleluya

             Di na tinobusNa i, haleluya.

                        Monang do Tuhanta i, haleluya

      Talu hamatean i, haleluya

      Mago do sorop na i, haleluya.

      Ala monang Tuhan i, haleluya.

21.  PARSURUON:

P:    Nunga hehe Kristus, Haleluya! Marlas ni roha ma hita borhat manopot angka ulaonta be, lam benget ma hita di sude angka ragam ni parungkilon, sai jugul ma martangiang, ai i do hagogoonta.

 H: Las ma rohanta, ala nunga hehe Ibana, sai dohot ma hita lam girgir  mamuji goarNa, di angka ulaonta be songon i nang di bagasta pe, ai nunga monang hita sian angka paraloanta.

 A:   Monang do Tuhanta i, nunga tartaban banuatoru, ndang adong be sihabiaranta, ai sonang do hita di adopan ni Debata, antong ingkon dohot ma hita mamaritahon goarNa i, jumolo di bagasata, laos songon i nang tu na humaliang pe.

 I:    Hasangapon ma di Debata parholong i, na mangalehon Anak haholonganNa, bahen tobusta. Tatadingkon ma roha na masihosoman gabe masihaholongan, na manirang hita sian dongan, ala ni i sai taihuthon ma Jesus siparholong roha i, ai mansai holong situtu do rohaNa mida hita.

12.  KOOR :

13.  MARENDE BE NO. 95: 1, 3   NGOT MA HO DIJOU SOARA  BL. 22

Haleluya taendehon, nuaeng di ari haheheon, Tuhanta Siparmonang i

Ai malua do Ibana, haruar sian tanomanNa, na talu hamatean i

Sun ulaonNa i, dibaen Tuhanta i, haleluya

Naung sahat di Tuhanta i, upaNa na sumurung i.                       (ay. 3 jongjong)

Na so pola habiaran, ni hita on be hamatean, ai hita pe sai hehe do

Molo burju taihuthon, Tuhanta i di parungkilon, sai ingkon tu lambungNa ro. Diboan Jesus i, do hita on muse tu lambungNa Parmonang i.

Sai saut ma i, binaen ni hagogonMi.

14.  MANGHATINDANGHON HAPORSEAON                       

       P:  Tahatindanghon ma haporseaonta i songon panghatindanghonon ni donganta sahaporseaon di sandok portibi on. Rap ma hita manghatindanghon:                                                       

15.  KOOR:

16.  TINGTING 

17.  TANGIANG  PANGONDIANON

18.  MARENDE NO. 93: 1...            “PESTA PASKAH HATUAON”        BL. 94

Pesta Paska hatuaon! Pesta Paska haluaon.

Sian hamatean i, sian hamatean i.

     Tuhan Jesus do pasuang, hangoluan hasonangan.

     Tu saluhut jolma i, tu saluhut jolma i.

                         Talu ho banua toru, ndang tarbahen tioponmu.

                         Raja Siparngolu i, Raja Siparngolu i.

               Hamatean, hamagoan na so pola habiaran, nunga talu i sude.

-  o r g a n - 

      Tuhan Jesus do na monang, Tuhan Jesus do pasuang.

      Las ni roha dame pe, las ni roha dame pe

      Dongan golom ma hataNa, na porsea di Ibana.

      Ndang tabahen mago be.

                  Sai tapuji ma Tuhanta, na pabongot tu rohanta

                  Roha panghirimon i, roha panghirimon i

                  Ia mate pe donganta, sogot ingkon idaonta,

                  Saluhut di surgo i

P:   Martangiang ma hita: Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi, ala disondangi Ho tanomannami.

       H: Asa marpanghirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasmu do hami.

       P:  Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen.                                                                             (hundul).

4.  MARENDE BE NO. 94: 1 + 3  ALE  TONDINGKU NAUNG HEHE    BL. 44

Ale tondingku, naung hehe Tuhanmu,

Nunga ditaban do banuatoru;

Las ma roham, ai martua ma ho;

:,:Rap dohot Jesus mangolu ma ho:,:

 Tahaburjuhon mangalo dosanta

Jala tabaen Tuhan Jesus donganta

Pos ma rohanta di Tuhanta i

:,:PamonangonNa do hita sude:,:

5.  PATIK:

P:    Patik ni Debata sihangoluhononta di bagasan pestanta sadari on, tarsurat di  5 Musa 6: 4 + 7, songon on ma hata ni Debata di si: Tangihon ma, ale Israel, anggo Jahowa Debatanta i, Jahowa Sasadasa do.

H: Jala ingkon gogoonmu mangajarhon angka i tu angka anakmu.

P:  Jala taringotanmu angka i, molo hundulhundul ho di bagasan jabum, manang mardalani ho di pardalanan, manang laho modom pe ho, nang dung hehe muse. I do sahatna. Antong, rap mangido gogo ma hita tu Tuhan Debata.

  H: Ale Tuhan Debata, sai pargogoi ma hami mangulahon na hombar tu patikMi.

   Sude: Amen.

6.  KOOR   : 

7.  MARENDE BE NO. 171: 1 - 2           TANDAI MA AU                 BL. 49

Tandai ma au, sungkapi ma dohot rohangku.

 Uji ma au, pamanat huhut ma dalanku.

 Olo ditanda Ho au Debata.                                                     (ay. 2 jongjong)

    Asi ma rohaM, taringot tu pangalahongku.

    Olo tutu, jotjot do na lilu dalanku.

    Sesa dosangku, sude Debata

8.  MANOPOTI NI DOSA

     P:  Ale Tuhan Debata, Amanami na di banuaginjang. Ho do patupahon hasesaan ni dosa di hami halak na dangol on, marhitehite Anak haholongan ni rohaM, sai palua ma hami sian gambo lisop ni dosa i, asa unang lonong hami.

     H: Sai asi ma rohaM di hami angka na mangarsakhon dosanami, sai unang tabunihon bohiM maradophon naposoMon, ai hagogotan situtu do hami, hapogani ma mangalusi hami, jala sai patinggil ma pinggolMu ganup ari tumangihon anggukangguknami asa tung malua situtu hami sian dosanami.

     A: Ale Tuhan, ditanda Ho do hailaonku, dohot haurahonku dohot hajengkelonku, di joloMi do sude angka alongku, sai alusi ma ahu ale Jahowa, sai dompakhon ma ahu hombar tu godang ni asi ni rohaM, jala palua ma ahu.

     I:   Ale Amanami jala Debatanami, pargogo na so hatudosan jala pardengganbasa do Ho, jala ro di saleleng ni lelengna do asi ni rohaM. Haurahon do manostosi rohangku, gabe matematene ahu marsahit, jala hupaimaima na mangurupi, hape so adong dohot angka na mangapuli.

     H:  Asa na dangol do ianggo ahu jala marsingkor, sai patimbulon ni hatuaonMi  do ahu sogot ale Debata ala olo hami ro tu adopanMu.

  Sude: (Mangendehon) BE. 683: 2    Di adopanMu Jesus

            Di adopanMu Jesus, marsomba au huhut tungki,

 Lao manopoti dosangki, di adopanMu Jesus.

     Phl: Ale Debata pargogo na so hatudosan, hujou hami do goarMu, sai Ho ma gabe partanobatoan di hami, tau inganan habongotannami tongtong, nunga pola diparbaga Ho urupanMu hami, ai Ho do partanobatoanku jala haporusanku, tangihon soarangku.

     N: Ale Tuhan Debata, pargogo na so hatudosan jala Amanami, sai palua ma ahu sian tangan ni parjahat, sian tangan ni pargeduk dohot sibahen gogo, ai Ho do panghirimonku, sian sieteketehonku ale Tuhan Jahowa, sai marpangunsandean tu Ho do ahu, sai unang bolonghon ahu, alai ala ni asi ni rohaM palua ma ahu, ala huboto hami pardengganbasa do Ho.

     H: (Mangendehon) BE. 683: 3       Di adopanMu Jesus

Di adopanMu Jesus, tarsolsol bagi rohangkon,

Muba ma au tu jolo on, di adopanMu Jesus.

     P: Tabege ma bagabaga ni Debata taringot tu hasesaan ni dosa. Songon on do Hata ni Tuhan Jahowa: ”Nunga pola hupasisi angka pangalaosiM songon ombun, jala songon ombun  manorop angka dosam, sai mulak ma ho tu Ahu, ai Ahu do sipalua ho”. Hasangapon ma di Debata na di ginjang.

  Sude:  Amen                                                                                                 (hundul).

9.  KOOR       :

10.  MARENDE BE NO. 91: 2, 3      “HATUAON DO”             BL.  55              Hatua on do las ni roha do Hangongot ni Tuhanta i.

:,:Monang do Jesus, talu sibolis, las be, las be ma rohanta i!:,:

Hatuaon do las ni roha do Hangongot ni Tuhanta i.

:,:Mungkap do dalan tu hangoluan, Las be, las be ma rohanta i!:,:

    

11.  EPISTEL:

P:  Epistel di hita di Pesta Paska I sadari on tarsurat di Psalmen 114: 1 – 8, songon ma hata ni Debata di si: Uju na ruar i Israel sian Misir, pinompar ni si Jakkob sian bangso parhata bobang:

H: Jadi Juda gabe habadiaonna, Israel gomgomanna.

A: Diida laut i ma i, gabe tolak, jala sumurut tu pudi ia Jordan.

 I: Marhajingjang ma angka dolok songon birubiru tunggal, angka robean songon anak ni birubiru.

N:  Aha di ho, ale laut, umbahen maporus ho? Ale Jordan umbahen sumurut tu pudi ho?

P: Hamu ale angka dolok, umbahen marhajingjang hamu songon birubiru   tunggal, hamu ale robean, songon anak ni birubiru?

Phl: Maradophon bohi ni Tuhan i humuturhutur ma ho, ale tano on, maradophon Debata ni si Jakkob.

H:  Na paubahon dolok batu gabe ambar aek, batu ping gabe mual.

    

 P:  I do sahatna. Martua do na tumangihon Hata ni Debata jala na umpeopsa.

Sude: Amen.

H: Nunga talu be hamatean, muba ma arsak gabe las ni roha, ai Debata do patupahon i.

     Phl: Puji ma Ibana, hatindanghon ma goarNa asa martua ho rodi salelenglelengna.

     P:    Borhat ma hamu, baritahon hamu ma pambahenanNa halongangan i, dohot do ahu paboahon i, nang tu donganku na so porsea dope. Laos taendehon ma ende No. 96: 3 

Sude: (Mangendehon BE No. 96: 3)     NUNGA TALU HAMATEAN     BL. 101

    Marlas roha be ma hita ala hehe Jesus i

Ai malua sude hita sian hamagoan i

Haleluya, haleluya, nunga hehe Jesus i

            Haleluya, haleluya, nunga hehe Jesus i

22.  Tangiang Pelean

23.  Tangiang Simpul Jamita (Haheheon)

24.  Tangiang Ale Amanami

25.  Pasupasu.

-   SELAMAT PASKAH  -

     

Doc. Acara:  Pdt. A. Tambun, STh