PARTORDING NI ACARA PARMINGGUON PARNINGOTAN 

                         ARI HAHEHEON NI TUHAN JESUS (PASKAH I).

& Ev:  Rom 11: 33–36+12: 1–8  & Ep: Jesaya 52: 13–15+53: 1–12

THEMA:    Pasahat Pelean Na Hinalomon Ni Debata

Jumat, tanggal 03 April 2015

DI

HKBP RESSORT AJIBATA – DISTRIK IV TOBA

  



                                  



                                                           (P: Paragenda,  H: Huria, S: Sude)

01.  P A N G A R A D E O N

1.      Parhobas Mangarade jala Martangiang di Bilut Parhobasan.

2.   Andorang So Masuk Acara Parmingguon: Martangiang Na Hohom (huhut mangkuling organ BE. 449: 1).

02.  JOUJOU TU PARSAORAN

 P:  Hamu angka dongan sahaporseaon, nuaeng  masuk ma hita tu acara Parningotan Hamamate ni Tuhan Jesus Kristus na mamorsan sude angka dosanta di dolok Golgata. Tabongoti ma bahalNa marhitehite hamauliateon dohot pujipujian. Tapuji ma goarNa na badia i.

 H: Tompa ma roha na ias di bagasan ahu, ale Debata jala paimbaru ma tondi na marsihohot dibagasan ahu.

P:  Tapahohom jala tapaunduk ma rohanta tu toru ni silang ni Tuhanta i, marende ma hita!

03.  MARENDE BE. 86: 1 - 3          SILANG NA BADIA                    BL. 67

 Silang na badia i, Ho do lombulombungki

 Maralohon dosa i, dohot pandelean i

 Di sude sitaonon i, Ho ma lombulombungki

 Nasa na huula i, ndang tau hasonanganki

  Nang ringkot pe rohangki, pola ro nang ilungki

  Holan asi ni rohaM, pangurupi o, Tuhan

                           -  o r g a n/ ay. 3 jongjong  -

      Ro do au nuaeng tu ho, sai palambas ma rohaM.

      Nunga pola mate Ho, ala asi ni rohaM

  Jangkon au na dangol on, sai ulosi tondingkon.      

04.  VOTUM – INTORITUS - TANGIANG

      P:   Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Porbadia, na tumompa langit dohot tano on. Amen. Sintua ni malim sisongoni do tama di hita, na badia, na so jahat, na so marlindang.

      H: Na so marbolat sian angka pardosa, naung gabe tumimbo sian angka banua ginjang.

      P:   Na so pola ganup ari songon angka sintua ni malim i mamboan jumolo pelean taringot tu angka dosana sandiri, dungi taringot tu dosa ni natorop i, ai sahali do i diulahon, di na mamelehon diriNa Ibana. Haleluya.

  16. SUNGGULSUNGGUL

  17. TANGIANG PANGONDIANON

  18. KOOR    :

  19. MARENDE BE. 81: 1..    JESUS MUAL NI NGOLUNGKU      BL. 185

(Sian Las Ni Rohanta Tapasahat Peleanta)

Jesus mual ni ngolungku, Sipangolu tondingki

Ai dibunu Ho musungku, ima hamatean i.

Ho manaoni hamagoan, patupahon hangoluan

Alani hupuji Ho, tung marribu hali do.

Haleaon, insakhinsak, reherehe, tijur pe

Tali dohot pastappastap, tung ditaonhon Ho sude

Paluahon au na pogos, sian tangan ni sibolis 

Alani hupuji Ho, tung marribu hali do.

                             - o r g a n –

Bugang sada tanggurungmu, di na hona linsing  i

Hamamalum ni bugangku Na di rohangki do i

Ho do gabe binuraan au dapotan hangoluan

Ala ni hupuji Ho Tung  marribu hali do

Sungsang duri ditumpalhon panginsahi i tu Ho

Jala tolong dilibashon, tu uluM, pasiak Ho.

I ditaonhon Ho, Tuhanku, ala ni hajungkatonku.

Ala ni hupuji Ho Tung marribu hali do.

  20. JAMITA:  ROM 11: 33 – 36 + 12: 1 – 8.

  21. MARENDE BE. 449: 1...    SAI SOLHOT TU SILANGMI.       BL. 300.

(Sian Las Ni Rohanta Tapasahat Peleanta)

       Sai solhot tu silangMi, Jesus Ingananku.

       Mual na mabaor disi, ima inumonku

SilangMi, Tuhanki ima pujionku,

Paima sogot sahat au, i endehononku.

Lao ma au  tu  silangMi, i haporusanku.

Sai asi ma rohaMi, unang tulak ahu. SilangMi...

                               -  o r g a n  -

Domu ma tu silangMi, i ma tioponku.

Asa unang lilu au, Ho ihuthononku. SilangMi...

Laos maniop silangMi, sai paimaonku

GokkonMi tu surgo i, tu siteanonku. SilangMi...                     (Jongjong)

  pamotongan, jala songon anak ni birubiru na hohom maradophon  jolma sigusting ibana, tung na so dibungka do pamanganna.

P:  Dung malua ibana sian pardangolan dohot sian uhum, tung ise ma na tuk manjujur sundutna i? Ai sirang pe ibana sian tano ni halak na mangolu, binahen ni pangalaosion ni bangsongku do mangonai pinsangpinsang i tu ibana.

H:  Rap dohot halak parjahat hian tanomanna dilehon, hape rap dohot halak na mora ibana dung mate, ala na so adong na so uhum diula jala ndang adong sipaotooto di bagasan pamanganna.

P:   Alai dihalomohon Jahowa do parsipalna mangae sahit! Ia dung dilehon hosana bahen pelean pardengganan, idaonna ma boni jala paganjangonna ariarina, jala manjadi ma lomo ni roha ni Jahowa marhitehite tanganna.

H:  Dung malua rohana sian halojaon, idaonna ma na pasabam rohana; torop ma halak pintoran ni naposongku na tigor i marhitehite parbinotoanna, jala porsanonna ma hajahatonnasida i.

P:  Dibahen i torop halak lehononku bahen jambarna, jala marbagi tabantaban ibana rap dohot halak na marhuaso, ala naung sineahonna i hosana tu hamatean, jala tarrajum ibana tu halak parjahat; ala naung ibana mangusung dosa ni torop halak, jala diondihon halak parjahat.

      I do sahatna. Martua do angka na tumangihon Hata ni Debata jala na umpeopsa.

    Sude:  Amen.

  13. KOOR    :

  14. MARENDE BE. 88: 1–2                      DI SURGO DO...              BL. 106

Jesusku naung manobus ahu, sai naeng haholonganku Ho

Tu dolok Golgata Ho laho, nionjar ni holongMu do

Hupuji nasa asiMi, alai gumodang holongMi                           (ay . 2 jongjong)

Tarsolsolbagi do rohangku, paidaida dangolMi

Marningot sasude dosangku, ai i do na tinaonMi 

Hupuji nasa asiMi, alai gumodang holongMi                   

  15. MANGHATINDANGKON HAPORSEAON                      

 P:  Tahatindangkon ma haporseaonta i, songon na     hinatindangkon ni donganta sahaporseaon di sandok portibi on. Rap ma hita manghatindanghon:

      H:  (mangendehon)  Haleluya, Haleluya , Haleluya.

      P:    Martangiang ma hita!

            Ale Amanami jala Debatanami! Parasiroha na sumurung do Ho di sude jolma manisia. Nunga dilehon Ho AnakMu, Tuhan Jesus Kristus Tuhannami, manaon haleaon dohot siak ni bagi, pola mate tarsilang, asa malua hami sian gomgoman ni sibolis. Sai parrohai ma hami mamingkiri panaonon ni AnakMi, asa maruli hami marhite sian i di hasesaan ni dosa dohot di haluaon sian hamatean paduahalihon, asa dapot hami hangoluan salelenglelengna marhitehite Tuhan Jesus Kristus Tuhannami, Anak haholongan ni rohaM. Amen.                                                        (Hundul).

  05. MARENDE BE. 622: 1            MANSAI NALNAL DI ANGKA...

           Mansai nalnal di angka partingkian, sinondang ni silangMu Tuhanki

Sian hatiuron na marsinondang, holongNa na so halampoan i

Sude na bangso do marpanghirimon, tu sondang ni asi ni roha i,

Songon parluga na manghalungunhon, parbinsar ni mata ni ari i

  06. PATIK

      P: Tatangihon ma Patik ni Debata, i ma na tarsurat di Jeremia 9: 22 – 23, songon on ma hata ni Debata di si: Songon on do hata ni Jahowa: Sai unang ma ditengahon na bisuk habisukonna, sai unang ma ditengahon na gogo hagogoonna, sai unang ma ditengahon na mora hamoraonna.

      H: Manang ise na naeng mamuji dirina, on ma dipujihon: Na marroha i ibana, jala na tinandana i Ahu, ai Ahu do Jahowa, parasi roha na mangkajongjongkon uhum dohot hatigoran di tano on, ai angka i do lomo ni rohangku, ninna Jahowa. I do sahatna. Antaong, rap mangido gogo ma hita tu adopan ni Debata!

      P:   Ale Tuhan Debata sai pargogoi ma hami mangulahon na hombar tu patikMi. Amen.

  07. KOOR    :

  08. MARENDE BE. No. 78: 1, 3     O’ ULU NA SAP MUDAR                        BL. 158

    O ulu na sap mudar,  binaen ni bugangMi 

    Na sian jangarjangar, sisungsang duri i

    O ulu hatongamon, hian do tumpalMi. 

    Ditaon Ho haleaon, Ho naeng sombaonki?                             (ay. 3 jongjong)

Au on tama o Tuhan, manaon na tinaonMi.

Dosangku do diporsan, Ho na tarsilang i

Sai tatap ale Tuhan, au na dijoloMon.

Huhut sai patuduhon, basaM tu rohangkon.

  09. MANOPOTI  DOSA

       P:    Tatopoti ma dosanta tu adopan ni Debata. Martangiang ma hita! Ale Amanami jala Debatanami, na di banuaginjang, Pargogo na so hatudosan! Pardengganbasa do Ho, jala ro di saleleng ni lelengna do asi ni rohaM.

       H:  Sai marpamuati ma rohaM di hajahatonnami, jala sai unang be ingot angka dosanami; ai jotjot do hami mardosa dompak Ho.

Sude: (Marende setengah suara) B.E. No. 171: 2         Tandai Ma Au   BL.49

                 Asi ma rohaM, taringot tu pangalahongku.

                 Olo tutu, jotjot do na lilu dalanku.

                 Sesa dosangku, sude Debata.

P:    Jala jotjot do husungguli hami rimasMu marhite sian pangalaosionnami di hataM, ale Tuhan Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu, Tuhan Jesus Kristus, Tuhannami. Amen.

Sude: (Marende setengah suara) B.E. No. 171: 3         Tandai Ma Au   BL.49

Sai tatap ma au, tambai ma haporseaonku

Togu ma au! Tu surgo papintor langkangku

Ala AnakMu ma i Debata.

P:  Bagabaga ni Debata taringot tu hasesaan ni dosanta. Ala ni pangalaosionta do umbahen na tartullang Kristus, jala binahen ni hajahatonta do Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa malaum  itahilala. Hasangapon ma di Debata na di ginjang!

H:  Amen                                                                                          (Hundul).

10. KOOR      :

11. MARENDE B.E No. 76: 2 - 3    SADA NAMA SANGKAP   BL. 199

Ingkon sai Ibana ingotonku, uju na tarpajal i.

Tu hau pinarsilang ginantungkon, sai mabaor mudarNa i.

Ai humophop au ditaon uasNa, asa dohot au muse upaNa.

Ai ditatap do au on, di pandokNa: “Nunga sun!”

O Jesusku sai paingot ahu, di dosangku di basaM

Ai andorang di na holom ahu,  dipalambas Ho rohaM

 Nunga leleng dilului Ho do,  au na lilu asa unang mago

Ditaon Ho na bernit i, lao manobus tondingki

  12. MANJAHA EPISTEL : 

P:   Epistel di hita sadari on tarsurat di Jesaya 52: 13–15+53: 1–12: Ida ma, pistar do pambahen ni naposongku; tarhinsat do ibana jala dipatimbo, gabe timbul situtu sogot.

H:  Ia songon i songgot ni roha ni torop halak mida ibana dibahen hinaroa ni rupana dibahen tandina sian jolma hian, rupana pe maradophon jolma.

P:   Songon i do urasonna torop angka bangso parbegu sogot, hohom be do angka raja maradophon ibana, ai halak na so dung panahatan ni barita i, nasida do marnida, jala halak na so dung umbegesa, i do mangantusi sogot.

H:  Tung ise ma nuaeng porsea di jamitanami? Jala tangan ni  Jahowa, tung ise ma naung tumandasa?

P:   Ai simbur do ibana tubu songon tumbur di adopan ni bohina, jala songon tunas sian tano na mahiang. Ndang adong hinauli ni rupana manang hamuliaonna; ia huida hami ibana, ndang adong rupana umbahen sihalomohononhon ibana.

H: Dileai jala dipasiding jolma do ibana, baoa na somal mangae pardangolan dohot sahit ibana, pola ditabunihon halak bohina maradophon ibana, dibahen leana, jadi ndang pola hurajumi hami ibana.

P:  Tongon do angka sahitta diusung ibana, jala angka pardangolanta diporsan; alai anggo rohanta mandok: Debata do maminsang, mamungkul dohot pasipal ibana.

H:  Hape ala ni pangalaosinta Ibana tartullang, binahen ni hajahatonta ibana mabugang. Ampe tu ibana pinsangpinsang parhitean ni hasonanganta, jala binahen ni bugangna malum itahilala.

P:   Luhut do hita lilu songon birubiru, ganup masitondong dalanna be, alai hajahaton ni hita sudena dihonahon Jahowa tu Ibana.

H:  Dipasipal pe Ibana, sai manaonnaon do anggo Ibana, ndang manang mangkuling pamanganna, songon birubiru do Ibana na tinogu tu 22. PARSURUAN TU NGOLU SIGANUP ARI :                                         

 Uluan: Porsea ma hita di hata ni Tuhan Debata dohot dipambahenanNa marhite Tuhan Jesus dohot dipangulaon ni Tondi Parbadia.  Unang be ganggu rohanta paboa na tutu do Jesus i mate. Marhite hamamate ni Jesus  Kristus taparangehon ma ulaon angka na denggan, ai humophop hita do mate Ibana bahen pardenggananta tu Debata. Asa tabahen ma Tuhan Jesus Kristus gabe tiruan di pangoloionNa tu Debata. Ala ni i auhon ma panghophopon ni Tuhan Jesus naung mate laho paluahon hajolmaon.

        Sude: (Mangendehon)  BE. 392 : 1  "Sai Pasiat... "              BL. 261

Sai pasiat Tuhan Jesus tu bagasan rohami.

Sai maimaima Jesus, bege panuktukNa i.

Sai pasiat Tuhan Jesus, jangkon i tu rohami.

Nunga tingki parasian, so tung jolo salpu i

 

23.  Tangiang Pelean   

24.  Tangiang Simpul Jamita

 25. Tangiang Ale Amanami + Pasupasu

AMEN... AMEN... AMEN...

Doc. Acara:  Pdt. A. Tambun, STh