PARMINGGUON HKBP RESORT BONGBONGAN DIST. V SUM. TIMUR
ARI PARNINGOTAN HAMAMATE NI TUHAN JESUS (Di Bagasna Be)
JUMAT AGUNG, 10 APRIL 2020.
TOPIK : “PANGHOPHOPON NI JESUS NA PALUAHON”
I. PANGARADEON
· Na manguluhon ima Ama/Ina, masuk Pukul 10.00 WIB.
· Diparade ma Bibel dohot inganan ni Pelean.
· Dipasahat ma Pelean tu Huria marhite Sintua Lingkunganna be.
II. PARMINGGUON
1. Marende Huria BE No. 77: 1 + 3 “Hamu Saluhut Halak”
1. Hamu saluhut halak, ro ma hamu manatap, hangoluanmu on.
Na gantung di parsilang tumahan hamatean, naeng ingotonmu i tongtong
3. Aha do manginona tu Ho silehon tua Di hajolmaon i ?
So dung hea mardosa, Ho doshon hami jolma. Ndang dung dibaen Ho dosa i.
2. Votum : (U = Uluan; R = Ruas; S = Sude)
U: Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen. Na gabe pangoloi do Kristus i paima mate, pola tung mate tarsilang. Di dia angka soropmi, ale hamatean? Di dia pangagoonmu, ale banua toru? Haleluya.
H: (Mangendehon) Haleluya, haleluya, haleluya
U: Martangiang ma hita : Ale Tuhan Jesus, Birubiru ni Debata, na mamorsan dosanami! Na jongjong do hami di joloM, marningot Ho, na targantung I. Tangkas do huantusi hami habebernit ni na tinaonMu di dolok Golgotha. Tungki do hami marningot dosanami na manghorhon hamamateMi. Asi ma rohaM, urupi ma hami, asa gabe upa ni halojaonMu hami. Amen.
3. Marende BE No. 82: 1 “O Jesusku, Tu BugangMu”
1. O Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.
4. Patik ni Debata
U: Patik ni Debata di parmingguonta sadari on ima sian Konfessi HKBP, Bindu 1, B.2; taringot Debata Anak; Debata Anak i ma Jesus Kristus, hapataran ni Debata Ama na mangarumari diriNa gabe jolma, na tinubuhon ni si Maria, na gabebagean sian Tondi Parbadia andorang so habubuan. Ibana do Tuhan na humophop dohot paluahon jolma manisia. Diantoi Ibana do parsorion ni hajolmaon dohot nasa bangso di sude tingki, jala haposan situtu do Ibana sahat ro di saleleng ni lelengna. Dipalua do jolma manisia sian gomgoman ni sibolis, sian parhatobanon ni dosa, sian uhum ala dosa, dohot sian hamagoan nang hamatean na tumaon na bernit pola mate di hau pinarsilang. Ibana do hagogok ni pelean pardengganan tu Debata siala dosa ni hajolmaon. Na tuat do Ibana tu banua toru dung di tanom, na mulak mangolu di ari patoluhon, na manaek tu surgo, laho hundul tu siamun ni Debata Jahowa, Amana i.
R: Marhite i do dipatimbo Debata Ibana jala dibasabasahon goar na sumurung asa nasa goar. Asa somba tu goar ni Jesus nasa ulu ni tot na di banua ginjang i dohot na di tano nang na di toru ni tano.
U: Sian i do Ibana mangondihon nasa na porsea huhut mangomgomi saluhut, paima mulak sogot tu tano on manguhumi na mangolu dohot na mate. Asa nasa soara marhatopothon: “Jesus Kristus do Tuhan, bahen hasangapon ni Debata Ama”. I do sahatna. Antong rap mangido gogo ma hita sian Tuhan Debata.
S: Ale Tuhan Debata, sai pargogoi ma hami mangulahon na hombar tu patikMi, Amen.
5. Marende BE. No. 81: 2 “Jesus Mual Ni Ngoluku”
2. Haleaon, insakhinsak, reherehe, tijur pe. Tali dohot pastappastap,
Tung ditaonhon Ho sude, paluahon au na pogos, sian tangan ni sibolis
Ala ni hupuji Ho, tung marribu hali do.
6. Manopoti Dosa – Dohot Bagabaga Hasesaan Ni Dosa.
U: Tatopoti ma dosanta tu adopan ni Debata, martangiang ma hita: Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho; ndada mangasahon hatigorannami, na mangasahon asi ni rohaM na godang I do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami. Amen.
S: (Mangendehon) BE. No. 449: 1... Sai Solhot Tu Silangmi.
Sai solhot tu silangMi, Jesus Inganank, mual na mabaor disi, ima inumonku
SilangMi, Tuhanki ima pujionku, paima sogot sahat au, i endehononku.
U: Bagabaga ni Debata taringot tu hasesaan ni dosanta: Ala ni pangalaosionta do umbahen na tartullang Kristus, jala binahen ni hajahatonta do Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa malum itahilala. Hasangapon ma di Debata na di ginjang.
S: Amen.
7. Marende BE. No. 85: 1 “Sai Ingoton Ni Rohangku”
1. Sai ingoton ni rohangku, hansit naung di taon Tuhanku, uju i di Golgata.
8. Turpuk Epistel: Heber 10: 19 - 29.
U: Hata ni Debata na gabe turpuk epistel di parmingguonta sadari on, ima na tarsurat di Heber 10: 19 – 29, tajaha ma marsingkatsorin. (Udut tusi didok namanguluhon ma: Martua do angka na tumangihon hata ni Debata jala na umpeopsa).
S: Amen.
9. Marende BE. No. 622: 1 “Mansai Nalnal Di Angka Partingkian”
1. Mansai nalnal di angka partingkian, sinondang ni silangMu Tuhanki
Sian hatiuron na marsinondang. HolongNa na so halampoan i,
Sude na bangso do marpanghirimon tu sondang ni asi ni roha i,
Songon parluga na manghalungunhon parbinsar ni mata ni ari i.
10. Manghatindangkon Haporseaon
U: Tahatindangkon ma Haporseaonta i, songon na hinatindangkon ni donganta sahaporseaon di sandok portibion. Rap ma hita mandok:
S: Ahu Porsea … du….. Amen.
11. Sungulsunggul:
1. Parpunguanta sadari on ima Ari Parningotan Hamamate ni Tuhanta Jesus (Jumat Agung).
2. Tapatupa ma Partangiangan Keluarga Buhabuha Ijuk, pukul 05.00 WIB; Marende BE. 96: 1 + 3 Manjaha sian Johannes 20: 24 - 31; Martangiang Sian Natoras.
3. Tapasahat ma Bakti Paskah melalui sintua lingkunganta be.
12. Tangiang Pangondianon.
13. Marende BE.No. 88: 1 “Di Surgo Do Alealenta”
1. Jesusku naung manobus ahu sai naeng haholonganku Ho.
Tu dolok Golgata Ho laho nionjar ni holongMu do,
Hupuji nasa asiMi Alai gumodang holongMi.
14. Jamita: Mateus 27: 45 – 56
15. Marende BE.No. 86:1 “Silang Na Badia I”.
1. Silang na badia i Ho do lombulombungki,
Maralohon dosa i dohot pandelean i
Di sude sitaonon i Ho ma lombulombungki.
16. Rap Mandok : Tangiang Ale Amanami + Mangendehon: Amen, Amen, Amen.
Pelean Parmingguon di bagasnami tu Huria :
Sian Keluarga :…………………………………………………………….
Godangna : Rp..………………………………………………………..
.jpg)
Komentar
Posting Komentar