PARMINGGUON HKBP RESORT BONGBONGAN DIST. V SUM. TIMUR
ARI PARNINGOTAN HAHEHEON NI TUHAN JESUS (Di Bagasna Be)
PASKAH (I), 12 APRIL 2020.
TOPIK : “HUASO NI HAHEHEON NI TUHAN JESUS”
I. (Partangiangan Keluarga Buhabuha Ijuk, pukul 05.00 WIB; Marende BE. 96: 1, 3; Manjaha sian Johannes 20: 24 - 31; Martangiang Sian Natoras).
II. PANGARADEON
· Diparade ma Bibel. Na manguluhon ima Ama/Ina. Masuk pukul 10.00 WIB.
· Dipasahat ma Pelean tu huria marhite sintua lingkunganna be.
III. PARMINGGUON
1. Marende Huria BE No. 93: 1, 3 “Pesta Paska Hatuaon”
1. Pesta Paska hatuaon, Pesta Paska haluaon, sian hamatean i, sian hamatean i.
Tuhan Jesus do pasuang hangoluan, hasonangan tu saluhut jolma i.
3. Tuhan Jesus do na monang, Tuhan Jesus do pasuang las ni roha dame pe, las ni roha dame pe. Dongan golom ma hataNa na porsea di Ibana ndang tarbahen mago be.
2. Votum : (U = Uluan; R = Ruas; S=Sude)
U: Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. AMEN. Haleluya! Di Tuhan Debatanta I do hatuaon dohot hasangapon dohot hamuliaon dohot hagogoon. Na pahehehon Tuhan Jesus, I do na pahehehon dohot hita sogot ala ni Tuhan Jesus. Haleluya.
S: (Mangendehon) Haleluya, haleluya, haleluya.
U: Martangiang ma hita : Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateM I, ala disondangi Ho tanomannami, asa marpanghirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong parogogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu.
S: Amen.
3. Marende BE No. 89: 1 “Ate Di Dia Soropmi”
1. Ate di dia soropmi nuaeng, o hamatean? Di dia hamonanganmi nuaeng banua toru ?
Na talu do hamu sude na talu do sibolis pe, ai ditaluhon Jesus.
4. Patik ni Debata
U: Patik ni Debata di Minggunta sadarion ima sian Rom 1: 16 - 17 songon ma tarsurat di si: Ai ndang na huhailahon barita na uli i, ai hagogoon ni Debata do i paluahon nasa na porsea, halak Jahudi jumolo, dung i dohot do halak Junani. Ai dipapatar do disi hatigoran ni Debata, na sian haporseaon tu haporseaon, hombar tu na tarsurat hian: "Na mangolu do partigor i hinorhon ni haporseaonna!" Ido sahatna. Antong rap mangido gogo ma hita sian Tuhan Debata laho mangulahon patikNa i.
S: Ale Tuhan Debata, sai pargogoi ma hami mangulahon na hombar tu patikMi. Amen.
5. Marende BE. No. 633: 1 “Nunga Hehe Kristus I”
1. Nunga hehe Kristus i,Haleluya….; Sian hamatean i, Haleluya….
Parlangitan jouhon ma Haleluya…, tano on alusi ma, Haleluya….
6. Manopoti Dosa – Dohot Bagabaga Hasesaan Ni Dosa
U: Tatopoti ma dosanta tu adopan ni Debata, martangiang ma hita: Ale Tuhan Debata, Pargogo na so hatudosan jala Amanami! Hujou hami do GoarMu na badia i, ala na targogot hami marningot dosanami. Sai marasi ni roha ma Ho mida hami on. O Tuhan Jesus Kristus, Anak ni Debata na gabe jolma ala ni hami, na mate jala na hehe sian na mate, na manaek tu banua ginjang do Ho mangondihon hami! Asi rohaM di hami, sai patongtong ma di hami roha hamauliateon tu Ho. O Tondi Parbadia, Pangapul di na marsak roha, pamalum ma saluhut na bernit, binahen ni dosanami!
R: Ro ma Ho mangingani hami, asa marlas ni roha hami mangulahon lomo ni rohaM. Ho do parhitean ni nasa asi ni roha, sai unang tulak hami. Sai tangihon ma hami, Ho Debata, Ama, Anak dohot Tondi Parbadia! Amen.
S: (Mangendehon) BE. No. 633: 2 “Nunga hehe Kristus I”
2. Singkop panghophopNa i, Haleluya… Gok hamonanganNa i, Haleluya…
Sondang haluaon i, Haleluya…. Patiur dalanta i, Haleluya...
U: Bagabaga ni Debata taringot tu hasesaan ni dosanta: Molo tung adong manang ise na mardosa, adong do pangondianta di Ama i, i ma Tuhan Jesus Kristus na tigor roha i. Jala Ibana do pardenganan taringot tu dosanta, alai ndada holan taringot tu dosanta, dohot do taringot tu dosa ni portibi on. Hasangapon ma di Debata na di ginjang.
S: Amen.
7. Marende BE. No. 179: 1 “Adong Do Sada Mual I”
1. Adong do sada mual i, di na mardosa i. Mansai denggan do mual i, pasonang rohangki
8. Turpuk Epistel
U: Turpuk Epistel di Minggunta sadarion tarsurat di Johannes 11: 25 – 27. Dung i ninna Jesus ma mandok ibana: Ahu do haheheon dohot hangoluan; na mangolu do na porsea di Ahu, nang pe mate ibana!
R: Jala ganup na mangolu jala na porsea di Ahu, na so tupa mate ibana salelenglelengna! Porsea do ho disi?
U: Dung i didok ma tu Ibana: Olo, Tuhan, na porsea do ahu: Ho do Kristus, Anak ni Debata, na naeng ro tu portibi on. I do sahatna, Martua do na tumangihon Hata ni Debata jala naumpeopsa.
S: Amen.
9. Marende BE. No. 92: 1 “Puji Ma Na Manaluhon”
1. Puji ma na manaluhon, dosa hamatean i. Puji ma na pangoluhon, saluhut pardosa i
Jesus na dung mate I, las roham, o huriaNa. Ala na mamillit ho, Jesus i mangolu do.
10. Manghatindangkon Haporseaon
U: Tahatindangkon ma Haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:
S: Ahu Porsea … du….. Amen.
11. Tingting Huria:
1. Minggu sadarion, ima Ari Parningotan Haheheon ni Tuhanta Jesus (Paskah I).
2. Minggu Paskah II ndang pola tapatupa ala ni situasi.
3. Tapasahat ma Bakti Paskah marhite sintua lingkunganta be.
12. Tangiang Pangondianon
13. Marende BE.No. 96:1 “Nunga Talu Hamatean”
1. Nunga talu hamatean, dibaen Tuhan Jesus i, ai na hehe do Ibana, songon na nidokNa i
Haleluya, haleluya, nunga hehe Jesus i. Haleluya, haleluya Nunga hehe Jesus i.
14. Jamita Paskah (I):
15. Marende BE.No. 91: 1, 3 “Hatuaon Do” (P. Pelean)
1. Hatuaon do, las ni roha do, Hangongot ni Tuhanta i.
:;: Mago do hita ngot ma Tuhanta, Las be, las be ma rohanta :;:
3. Hatuaon do las ni roha do, Hangongot ni Tuhanta i.
:;: Mungkap do dalan, tu hangoluan, las be, las be ma rohanta i:;:
16. Rap Martangiang: Tangiang Ale Amanami + Mangendehon: Amen, Amen, Amen.
.
Pelean Parmingguon di bagas ni:
Sian Keluarga :……………………………………………………………..
Godangna : Rp..………………………………………………………..
.jpg)
Komentar
Posting Komentar