17. Nasib Manogotnogot.

Di sada huta adong ma sada keluarga ni ina na mabalu na pogos jong. Hapogoson nasida i, ndada ala ni hamalason, alai ala na hurang sehat do inanta i gabe hurang hinsa mangula angka ulaon. Anakna siangkangan marumur 10 taon. Nangpe holan marumur 10 taon dope anakna siangkangan i, boi dohonon hira ampe tu anakna siangkangan i do gumodang mangulahon tanggung jawab ni ruma tangga i dibagasan paniroion ni inanta i.

Di sada tingki madabu tu bagasan parsahiton na renge ma inanta i. Pola do sampe satonga taon lelengna diae inanta i posi ni sahit i. Di bagasan partingkian na satonga taon i marubat do nian inanta i manang na pigapiga hali tu Puskemas na adong di huta i, na binoan ni anakna i songoni nang angka dongan sahuta nasida. Alai parsahiton na ni ae ni inanta i ndang marujung dibagasan hamalumon dope.

Di sada tingki lao ma anakna siangkangan i tu sada toko obat manang apotik. Dipatorang ibana ma tu parapotik parsahiton ni natorasna i. Jala dipatuduhon parapotik i ma obat na ringkot tu parsahiton ni natoras ni dakdanak i. Tangkas do dipabotohon dakdanak i situasi ni parsahiton ni natorasna jala keadaan parhepengonnasida pe tangkas do dipabotohon dakdanak i tu partoko obat i. Diuji dakdanak i ma naeng mamboan obat i, alai hepengna parpudi pe. Dung pe adong hepengnasida asa digarar obat i, bayar panen. Ima sangkap ni dakdanak i, alai ndang dipaloas partoko obat i.

Ndang olo putus asa dakdanak i. Tongtong do dipingkiri ibana dalan, boha do carana asa mulak ibana tu jabu mamboan obat ni omakna i. Mansai diharingkothon dakdanak i do hamamalum ni parsahiton ni omakna i. Didok ibana ma tu partoko obat i: “Dia ma jolo hubereng goar ni obat i ito”, ninna dakdanak i tu partoko obat i. Dibagasan bulus dohot tulus ni roha dilehon partoko obat i ma obat tu tangan ni dakdanak i, holan naeng patuduhon goar ni ubat i. Hape tompu ma diluahon dakdanak i ubat i.

Marlojong ma dakdanak i maninggalhon toko i naeng mulak tu jabuna. Dungi dilele partoko obat i ma dakdanak i sian pudi ala so digarar dope obat na binoan ni dakdanak i. Pola do antar leleng dilele dakdanak i asa dapot. Pas di jolo ni toko roti dapot ni partoko obat i ma dakdanak i. Hape diida sahalak ompungompung na kaluar sian toko roti i. Gabe diantoi partoko roti i ma taringot tu na masa tu dakdanak i dohot partoko obat i. Amanta partoko roti i nunga agak matua, tarbarita do sahalak na burju jala parasiroha. Jala lam matua lam parholong ni roha do ibana. Dung tangkas disungkun amanta partoko roti i aha do sasintongna na masa. Gabe digarar ma obat na binuat ni dakdanak i tu partoko obat i (pola do ratusan ribu), dungi disuru ma dakdanak i mulak jala partoko obat i pe mulak ma ibana laho manjaga apotikna.

Mulak ma dakdanak i marlojongi di bagasan gok las ni roha. Jala dung sahat ibana di jabu dilehon ibana ma obat i tu natorasna asa dipangan. Goarna pe naung leleng marsahit, ndang pola disungkun inanta na marsahit i be sian dia dapot ni anakna i obat i. Na mansai ringkot di halak na marsahit, adong obat sipanganonna manang sipanganonna na gabe hamamalum ni pamatang sian parsahitonna.

Dilaonlaon ni ari, dung adong hirahira dua pulu (20) taon lelengna. Masa ma parsahiton tu amanta partoko roti i, ala tinggang ibana tingki manjaga tokona i, tompu mirdong dihilala tingki marjualan, singgalak tu pudi. Dihalaputi kelurgana do laho mamboan amanta i marubat tu Ruma Sakit. Dung dipareso angka dokter na di ruma sakit i parsahiton ni amanta i, adong gangguan urat saraf di simajujung ni amanta i ala ni na tinggang tu pudi i. Ala ni parah ni parsahiton ni amanta i, gabe dirawat manang menginap di ruang ICU nama amanta i, hampir dua bulan lelengna. Ganup ro angka perawat manang dokter laho paresohon kondisi ni amanta na marsahit i, sai disungkun keluarga do: Manang na lam tu hipasna do amanta i. Ternyata... Semakin Lama, Semakin Leleng. Lam tu lelenngna, lam ummiran do dihilala amanta i sian parsahitonna.

Dung naeng mandok mulak nama amanta i sian ruma sakit, ala naeng malum nama parsahiton ni amanta i, nang pe ingkon mangallang obat dope di jabu dung mulak sian ruma sakit i. Na so pamotoan ni amanta na marsahit i disungkun anakna ma tu resepsionis kwitansi parubatan ni amanta i saleleng di ruma sakit i. Dung dijalo anak ni na marsahit i kwitansi pembayaran i sian resepsionis i, ndang pintor dibayar ibana ala balgana sibayaron pola ratusan juta. Didok ibana ma tu resepsionis i: “Mungkin... di bagasan dua (2), manang tolu (3) ari on pe hugarar hami. Jolo manghatai pe hami dohot keluarga” ninna anak ni na marsahit i tu resepsionis i.

Di sada borngin, masuk ma sahalak dokter tu “kamar paisen”, ima amanta na marsahit i. Diida ibana na marsahit i, renges modom, songoni nang angka keluarga. Dungi dipeakkon dokter i ma kwitansi pembayaran di meja na adong di si. Kwitansi i, ima biaya pembayaran spangubation ni amanta i. Tarsurat di kwitansi i: Telah dibayar lunas. Di manogot ni ari, dungo ma anak ni na marsahit jala diida ibana kwitansi i, tarsonggot jala mansai las situtu ma rohana mangida kwitansi i. Hemmm... Nasib manogotnogot... Gratis ninna rohana. Dungi ditangkasi anak ni na marsahit i ma tu resepsionis ni ruma sakit i, ise do sasintongna dokter na rade manggarar biaya pangubation ni natorasna i. Pajumpa ma nasida dohot dokter i laos masuk ma nasida tu bilut ni amanta na marsahit i, laos dipataru dokter i ma nasida (na marsahit dohot keluargana) mulak tu bagasna.

Hape dokter i, ima sahalak dakdanak na hea diurupi amanta partoko roti i, na dilele partoko obat ala ndang margarar obatna, ala so adong hepengna. Nunga gabe dokter ibana di sada ruma sakit, jala ibana do nampunasa ruma sakit i. Syalom dan selamat beraktivitas... Tuhan Memberkati.