9. Unang Didadang Ari, Ditinggang Udan

Na so pamotoan ni sahalak ina, hea do dipodai amantana ianakkonasida. Holan dua do anaknasida, baoa duansa jala nunga karejo duansa. Siangkangan karejo di usaha sandiri (Koperasi) jala sianggian karejo di pasar (pajak) marjualan.

Di hamu anakku na dua, holan dua do hamu songon pat ni manuk. Ala ni i, unang ma adong tubu di hamu parbolatbolatan na manghorhon hancit ni roha, marsianjuanjuan ma hamu jala marsiurupan sahat tu na marruma tangga haduan ro di tu angka pinomparmuna.

Molo ahu nunga dipasupasu Tuhan i, marhite ulaonku dohot ngoluku siganup ari suang songoni nang marhite keluarga ala nunga dipalumehon Tuhan Debata anak tu ahu, ima hamu na dua.

Asa gabe jolma na hasea hamu boi denggan ngolumuna dohot parngoluanmuna, ingkon tangihononmuna jala radotanmuna do podangkon.

Ala ni i, on ma na mansai ringkot sidohonku tu hamu anakku:

Na parjolo: “Unang hamu martunggu tu manang ise pe”.

Paduahon: “Unang hamu olo didadang ari jala ditinggang udan”. I ma poda ni sahalak ama na pinodahonna tu anakna.

Tolu (3) taon, dung dijalo angka ianakkon ni amanta i poda i, aha ma na masa?

Tangkas ma tapaihutihut adegan selanjutna.

Kondisi ni anakna siangkangan gabe puhe alias tumpur. Tarbortik ma tu omakna, naung songoni keadaan ni anakna siangkangan i. Marsak situtu do roha ni inanta i, alai ndang tardokna be manang aha.

Dungi disungkun omakna i ma: “E... anaha... buha bajuku... anak panggoaranku... boasa songoni parngoluanmu, boasa hancur bisnismu naung sanga denggan hian. Aha do ulaning na masa tu ho?”.

Dialusi anakna siangkangan i ma: “Na huihuthon do poda ni bapa, oma. Diorai do ahu martunggu tu halak. Molo ro halak maminjam... ba.. hulean, hape ndang pola olo ahu martunggu marningot poda ni
Alani i, lam leleng lam habis ma modalhu. Gabe hancur jala tumpur ma ahu nuaeng”.

bapa i.

“Dungi, diorai bapa do ahu ditinggang udan jala didadang las ni ari. Hape holan karetaku (Sepeda motor) do na adong, ala ni i naik Taxi ma ahu tu kantor dohot mulak sian kantor tu jabu ganup ari”. I ma jolo tu si.

Dungi didapothon inanta i ma sianggian, na mansai marasing keadaanna. Dipangkulingi inanta i ma anakna Siampudan i di bagasan las ni roha:

“E.... ho anakku Siampudan. Godang hian do huroa nasibmu dohot labam na mangolu on ate. Songon dia do poang dibahen ho carana jala aha do rahasiana?”.

Dungi dialusi anakna siampudan i ma, omakna i: “Omakkon nian...”, ninna huhut dihaol omakna i.

“Ai na huihuthon do poda ni bapa. Parjolo, diorai bapa do ahu martunggu manang tu ise pe. Ala ni i, ndang hea ahu papinjamhon manang tu ise pe, alai molo adong halak maminjam tu ahu ndang hulehon i sebagai pinjaman, alai hulehon ma pangurupionku tu ibana songon tanda ni asi rohaku tu ibana.
Ala ni i do ra umbahen na gabe tarpasupasu ahu marhite angka ulaonku siganup ari.

Paduahon, diorai bapa do ahu, asa unang ditinggang udan jala didadang las ni ari. Hape holan kareta do na adong di ahu. Ala ni i, tibu ma ahu manogotna i borhat sian jabu tu pasar (Pajak) ingananku marjualan. Jala dung pe botari, asa hututup ingananku marjualan i. Jadi, saluhut do angka langgananku di pasar on umbotosa, ahu do parjolo marbuka jala ahu do parpudi martutup”.

Ha!!! Parrohahon...
Anak siangkangan dohot anak siampudan rap tumangihon jala rap manjalo poda sian natuatuana, alai ndang sarupa pangantusionnasida taringot tu poda na nilehon ni natuatuanasida i.

Ndang sarupa cara marpikir manang mindset nasida na dua na tumangihon jala manjalo poda i. Ala ni i ingkon manat jala marbisuk do hita laho manjalo dohot mangalapati angka poda na tajalo sian angka natuatuanta tarlumobi sian hata ni Tuhanta i. Asa unang sala mangantusi hita.

Halak na marpikir positif parohon las ni roha songon anak siampudan i. Jala halak na marpikir negatif parohon hamaolon songon anak siangkangan i. Selamat Pagi.